+14
Եղանակը Երևանում
Հայ

Հայաստանի բանկերի միությունը կզբաղվի բնակչության ֆինանսական գրագիտության բարձրացմամբ

17:22
19 Մարտի 2019

ԵՐԵՎԱՆ, 19 մարտի./Նովոստի–Արմենիա/. Հայաստանի բանկերի միությունը կակտիվացնի իր գործունեությունը` հայկական բանկերի մասին հասարակության շրջանում առկա թյուր կարծիքը փոխելու համար։ Այս մասին երեքշաբթի լրագրողներին ասաց Հայաստանի բանկերի միության (ՀԲՄ) նախագահ, Ամերիաբանկի տնօրինության նախագահ–գլխավոր տնօրեն Արտակ Հանեսյանը։ 

Նրա խոսքով, մարդիկ կարծում են, թե բանկային համակարգը բարձր եկամտաբերություն ունեցող ոլորտ է։ Նա պարզաբանեց, որ վերջին երկու տարվա ընթացքում թյուր կարծիք է ձևավորվել հասարակության մոտ, թե բանկերն ավելի շատ խաբում են իրենց թանկ վարկերով, ավելի վատ վիճակի մեջ են գցում հասարակությանը, գույք են ձեռքերից վերցնում։

Այս կապակցությամբ Հանեսյանն ընդգծեց, որ երբ համեմատում ենք հարևան երկրների հետ, պարզ է դառնում, որ Հայաստանի բանկային համակարգը շատ համեստ եկամուտ է ստանում` մոտ 8%, իսկ նախորդ տարիներին այն կազմել է անգամ 5%։  

Загружается новость ... "Лево"

ՀԲՄ ղեկավարը նշեց, որ բանկերի աշխատանքի մասին թյուր կարծիքը պայմանավորված է նաև նրանով, որ որոշ քաղաքացիներ վարկի անհրաժեշտության դեպքում դիմում են միջնորդների, իսկ վերջիններն էլ գանձում են շատ մեծ միջնորդավճարներ։

«Միջնորդները, ոչինչ չանելով, ստանում են 40%–անոց միջնորդավճար, հաճախորդի փոխարեն պարզապես լրացնում են թղթերը, որոնք հաճախորդն էլ կարող է լրացնել։ Դրա պատճառով վատանում է բանկի հեղինակությունը, կարծիք է ձևավորվում, թե իբր դա բանկի տոկոսներն են։ Նրանք նույնիսկ չեն հասկանում, որ այդ կազմակերպությունները որևէ կապ չունեն բանկի հետ», – ասաց նա։

Հանեսյանը կարծում է, որ այս ամենը վկայում է բնակչության ֆինանսական անգրագիտության մասին։ Այս կապակցությամբ նա հայտարարեց, որ ՀԲՄ–ն ընթացիկ տարում նախատեսել է մի շարք միջոցառումներ, որոնք կապված են ֆինանսական գրագիտության բարձրացման հետ։

Այս համատեքստում Հանեսյանը կարևորեց ԶԼՄ–ների հետ հանդիպումները, ինչը հնարավորություն է տալիս պարզ լեզվով ներկայացնել բանկային համակարգը, պատմել ոլորտի զարգացման, տնտեսության մեջ դրա նշանակության և հասարակության բարեկեցությանն աջակցելու մասին։

ՀԲՄ ղեկավարը նաև ավելացրեց, որ կազմակերպվելու են ոչ միայն հաճախակի հանդիպումներ ԶԼՄ–ների հետ և մամուլի ասուլիսներ, այլև մի շարք միջոցառումներ դպրոցներում, ինչպես նաև միջոցառումներ` նախատեսված բնակչության լայն շերտերի համար։–0–

Նյութը պատրաստվել է ԱՄԻ «Նովոստի–Արմենիա»–ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում:


Թեմատիկ նյութեր
Բաժնի այլ նյութեր
14:15
16 Սեպտեմբերի 2019
Ֆինանսական վնասաբեր ծրագրեր. ինչպես չհայտնվել չարագործների ծուղակում
Այսօր չարագործներն օգտագործում են անձնական ֆինանսական տվյալները որոնելու և ստանալու տարբեր մեխանիզմներ, այդ թվում` ինտերնետի միջոցով։
11:32
13 Սեպտեմբերի 2019
5 քայլ դեպի հաջող հիփոթեք. ինչպես ճիշտ ստանալ հիփոթեքային վարկ
Դուք ցանկանում եք հիփոթեքով բնակարան ձեռք բերել, սակայն կասկածում եք, և ճիշտ եք անում։
16:02
10 Սեպտեմբերի 2019
Վերաֆինանսավորման տոկոսադրույք. ի՞նչ է դա և ինչի՞ վրա է ազդում
Պատմում ենք, թե ինչ է վերաֆինանսավորման տոկոսադրույքը, և ինչպես են դրա փոփոխություններն ազդում մեզ վրա։
17:10
06 Սեպտեմբերի 2019
Սեփական խնայողությունները պահելու և բազմապատկելու չորս ձև
Առաջարկում ենք գումարը պահելու և բազմապատկելու առավել օպտիմալ ձևեր։
14:53
04 Սեպտեմբերի 2019
Կարևոր օրենքների հնգյակ, որոնք կարող էիք բաց թողնել այս ամառ
Ներկայացնում ենք կարևոր օրենքների հնգյակ, որոնք կարող էիք բաց թողնել այս ամառ։
12:26
29 Օգոստոսի 2019
Ֆինանսապես գրագետ աշուն. Հայաստանում կանցկացվեն խաղեր, մրցումներ, վարպետության դասեր
Համաշխարհային պրակտիկան ցույց է տալիս, որ հաճախ հաճախորդի դժգոհությունը ֆինանսական համակարգից պայմանավորված է նրան ֆինանսական գրագիտության ցածր մակարդակով:
11:00
22 Օգոստոսի 2019
Անձնական ֆինանսները կառավարելու անվճար մոբայլ հավելվածների թոփ 8
«Նովոստի-Արմենիա» գործակաությունը ծանոթացնում է իր ընթերցողին բջջային որոշ հավելվածների հետ, որոնք կօգնեն ընտանեկան բյուջեի հարցում:
15:09
19 Օգոստոսի 2019
ԹԵՍՏ. որքա՞ն արդյունավետ եք կառավարում անձնական ֆինանսները
Ուզու՞մ եք իմանալ, թե որքան արդյունավետ եք կառավարում անձնական ֆինանսները։ «Նովոստի–Արմենիա» գործակալության թեստը կօգնի Ձեզ այդ հարցում։
10:51
07 Օգոստոսի 2019
Ֆինանսական բարեկեցության 10 հիմնական սկզբունքները
Ներկայացնում ենք մի շարք սկզբունքներ, որոնց հետևելով` կարելի է կյանքն ավելի լավը դարձնել։
11:24
01 Օգոստոսի 2019
Հինգ ֆինանսական բջջային հավելվածներ ճամփորդների համար
Պատրաստվելով արձակուրդի` թեթևացրեք տարատեսակ ֆրինանսական հարցերի լուծումը ճամփորդության ժամանակ։ Այդ հարցում ձեզ կօգնեն մի քանի օգտակար ֆինանսական անվճար հավելվածներ։
11:06
25 Հուլիսի 2019
Հիփոթեք երիտասարդների և չամուսնացածների համար. ինչպե՞ս ստանալ
Երիտասարդ, աշխատող և չամուսնացած մարդկանց համար հիփոթեքը դեռևս մնում է անհասանելի։ Կարո՞ղ են նրանք հիփոթեք վերցնել և ի՞նչ պայմաններով. այս թեմայի շուրջ զրուցել ենք «Ազգային հիփոթեքային ընկերություն» ՎԿ–ի (ԱՀԸ) գործադիր տնօրեն Էդմոնդ Վարդումյանի հետ։
12:21
18 Հուլիսի 2019
Կրիպտոարժույթ. գայթակղիչ եկամու՞տ, թե՞ ֆինանսական սնանկության սպառնալիք
ՀՀ ԿԲ սպառողների իրավունքների պաշտպանության և ֆինանսական կրթության կենտրոնը ներկայացրել է հանրապետության բնակչության հետաքրքրությունների փոփոխությունը ֆինանսական կրթման տեսանկյունից։