544.32
7.6
477.81
+32
Եղանակը Երևանում
Հայ

Ինչպես խուսափել տարածված ֆինանսական սխալներից

10:27
13 Հունիսի 2019

ԵՐԵՎԱՆ, 13 հունիսի./Նովոստի–Արմենիա/. Եկել է ամառային արձակուրդների ժամանակաշրջանը, և բնական է, որ զգեստապահարանը թարմացնելու, բազմաթիվ գնումներ կատարելու ցանկություն է առաջանում։ Այսպես էլ կատարվում են ֆինանսական սխալները, որոնց համար հետո ստիպված ես լինում վճարել։ «Նովոստի–Արմենիա» գործակալությունն, ուսումնասիրելով իրավիճակը, ներկայացնում է առավել տարածված ֆինանսական սխալները, որոնք կատարում են մարդիկ իրենց առօրյայում, ինչպես նաև փորձել է ներկայացնել այդ սխալները չկատարելու միջոցները։

Ֆինանսական բոլոր սխալները կարելի է պայմանականորեն բաժանել առօրյա և երկարաժամկետ ծրագրերի ու ծախսերի հետ կապված սխալների։

Առօրյա սխալների շարքին կարելի է դասել.

1. Ֆինանսական հաշիվների բացակայություն

Кошелек финансовая подушка

Դուք չեք ֆիքսում ձեր ծախսերն ու խանութ գնալիս չեք կազմում անհրաժեշտ գնումների ցուցակ։ Այդ պատճառով չգիտեք, թե ինչի վրա կծախսեք գումար և ինչ գնով կգնենք, հատկապես եթե գնումները կատարվել են մի քանի խանութներում։ Երբեմն կատարում եք անպետք գնումներ` գայթակղվելով գեղեցիկ փաթեթավորմամբ և անգամ չնայելով գնապիտակին։ Ի դեպ, վառ գույնի փաթեթավորման իմաստը հենց դա է, և դուք վճարում եք մոտ 20% ավել գումար։ Հաշվարկեք ամենօրյա ծախսերն ու ամսվա վերջում կզարմանաք, թե որքան է ձեզ հաջողվում տնտեսել ընտանեկան բյուջեում։

2. Անհաջող գնումներ

покупки

Շտապ գնելով որևէ ապրանք դուք չեք նկատել խոտանը։ Դա կարող է լինել տեխնիկա, հագուստ, կոշկեղեն, ժամկետանց մթերք։ Մի զլացեք և մի ամաչեք վերադառնալ խանութ ու ձևակերպել ապրանքի հետ վերադարձը, դուք ունեք դրա օրինական իրավունքը։ Պարզապես պահպանեք չեկը, այդ կերպ դուք կկարողանաք վերադարձնել գումարը։

3. Անտեսում եք զեղչերը, ակցիաները, քեշբեքով բանկային քարտերը

Кошелек, промокод, скидки

Այս ամենից չարժե հրաժարվել, քանի որ զեղչերի և ակցիաների առկայությունը թույլ կտա ձեզ իսկապես գումար տնտեսել։ Հետևեք սեզոնային զեղչերին, որոնց ժամանակ գները նվազում են 50-70%–ով։ Ուշադիր եղեք և հնարավորություն կունենաք ձեռք բերել նորմալ որակի ապրանքներ կրկնակի էժան գնով։ Բացի այդ, մի անտեսեք եկամուտ ստանալու հնարավորությունը` չկրճատելով ծախսերը։ Դա վերաբերում է բանկային դեբետային քարտի օգտագործմանը` քեշբեքի հնարավորությամբ։ Համեմատեք բանկային առաջարկներն ու ընտրեք ձեզ համար ամենաշահավետը։

4. Թեթև եք դրամ ծախսում

кошелек деньги

Խանութներում ապրանքների առատությունը հանգեցրել է, որ շատերը կորցրել են պատկերացումն այն մասին, թե ինչն է իսկապես անհրաժեշտ, իսկ առանց ինչի կարելի է հանգիստ ապրել: Իմպուլսիվ, ինքնաբուխ գնումները բավականին մեծ ֆինանսներ են կլանում: Եթե դուք ինչ-որ իր եք հավանել, մի գնեք այն միանգամից, այլ գոնե մեկ օրով հետաձգեք գնումը: Եթե մյուս օրն այդ իրը ձեզ համար նույնքան գրավիչ մնա, ապա կարող եք հանգիստ խղճով գնել այն:

5. Գայթակղվում եք ձանձրալի գովազդով
Ամենուրեք մեզ հետապնդող գովազդն արդեն ենթագիտակցական մակարդակում մեր վզին է փաթաթում բրենդային ապրանքներ, որոնք տարբերվում են իրենց անալոգներից բարձր գնով և արտադրողի ագրեսիվ գովազդով: Այդ իսկ պատճառով թույլ մի տվեք ձեզ գայթակղեցնել և գնմանն ավելի ուշադիր մոտեցեք: Ընտրելով ապրանքը` առաջնորդվեք «գին-որակ» հարաբերակցությամբ, այլ ոչ թե դրա` գովազդված լինելով:

Երկարաժամկետ ծրագրերի և ծախսերի հետ կապված սխալներ

6. Անվտանգության ֆինանսական բարձիկի բացակայությունն անկանխատեսելի և ֆորսմաժորային հանգամանքների դեպքում: 

Кошелек финансовая подушка

Անվտանգության բարձիկ ձևավորելու համար բավարար է մի կողմ դնել յուրաքանչյուր ֆինանսական մուտքի 10 տոկոսը: Անվտանգության բարձիկը պետք է թույլ տա ապրել 3-ից 6 ամիս մշտական եկամտի դադարեցման դեպքում: Խնայողություններն ավելի լավ է անել բանկային դեպոզիտում, քանի որ այստեղ դրանք աստիճանաբար կավելանան տոկոսների հաշվին: Եթե պահեք ձեր խնայողությունները տանը, դա էլ կարող է ֆինանսական սխալ լինել, քանի որ դրանք կարող է ուտել գնաճը կամ հափշտակեն կողոպտիչները: Անվտանգության բարձիկը չի կարելի ձեռք տալ մինչև այն պահը, հանուն ինչի այն ստեղծվել է:

7. Ֆինանսական սխալներ վարկեր ստանալիս

кошелек кредит заемщик

Հատկապես խոշոր և երկարաժամկետ վարկ վերցնելուց առաջ մանրամասն գնահատեք ձեր ֆինանսական հնարավորությունները։ Եթե վարկը մարելու համար պետք է ծախսեք անձնական կամ ընտանեկան բյուջեի ավելի քան 30%–ը, ապա մի վերցրեք նման վարկ, քանի որ այն ձեզ համար կդառնա չափազանց ծանր բեռ։ Ավելի լավ է սկզբից մտածեք եկամուտներն ավելացնելու մասին։

8. Եկամոտի միակ աղբյուրը հսկայական ռիսկ է։ Օրինակ, եթե դուք կորցնեք աշխատանքը, ապա ձեր անձնական բյուջեն կդադարի համալրվել։ Պետք է ունենալ մի քանի եկամտի աղբյուր, օրինակ հիմնական աշխատանքից բացի պետք է ավել գումար վաստակել ազատ ժամանակ (համացանցում, հոբբիի դրամայնացում, վերանորոգման աշխատանքներ և այլն), որը կօգնի վաստակել առօրյա կարիքների համար նախատեսված գումարը։ Եկամտի աղբյուրները պետք է դիվերսիֆիկացված լինեն, ընդ որում` ոչ միայն ակտիվ, այլև պասիվ։

9.   Միայն ակտիվ եկամտի առկայություն. այսօր ակտիվ եկամուտն արդեն թույլ չի տալիս ունենալ բարեկեցիկ կյանք։ Աշխատանքը (եկամտի ակտիվ աղբյուրը) պետք է օգտագործել որպես կապիտալի աղբյուր` ներդրումների միջոցով պասիկ եկամտի անցնելու համար։

10. Չմտածված ներդրումներ

0 кошелек инвестиции

Հարկավոր է մեծ զգուշությամբ մոտենալ գումար ներդնելուն և պասիվ եկամտի աղբյուրներ ստեղծելուն` ֆինանսական բուրգի և տարատեսակ կասկածելի նախագծերի չբախվելու համար։ Սկսեք քչից, ամեն ինչ մանրամասն մշակեք և գնահատեք ռիսկերը։ Ներդրում կատարելիս ամենակարևորը սկզբում ներդրված կապիտալը չկորցնելն է, իսկ հետո արդեն գումար վաստակելը։

11. Ֆինանսական նպատակների և անձնական ֆինանսական պլանի բացակայություն. եթե դուք չունենաք ֆինանսական նպատակ, պարզապես չեք ունենա ձգտումներ։ Իսկ դրված նպատակներին կօգնի հասնել անձնական ֆինանսական պլանը։ Ֆինանսական կայուն վիճակի հասնելու համար դրեք իսկապես հասանելի ֆինանսական նպատակներ և պլանավորեք անձնական ֆինանսները ոչ միայն կարճաժամկետ, այլև երկարաժամկետ հեռանկարում։

Նյութը պատրաստվել է ԱՄԻ «Նովոստի–Արմենիա»–ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում: -0-

Թեմատիկ նյութեր
Բաժնի այլ նյութեր
10:15
20 Հունիսի 2019
Ի՞նչ անել եթե ձեր բանկային քարտն արգելափակվել է
«Նովոստի–Արմենիա» գործակալությունն ուսումնասիրել է իրավիճակը`ներկայացնելով խորհուրդներ քարտն աշխատանքային ռեժիմի վերադարձնելու համար։
11:42
10 Հունիսի 2019
Արմենուհի Մկրտչյանը պատմել է, թե ում և ինչու է հարկավոր ֆինանսական կրթությունը (ՎԻԴԵՈ)
ՀՀ ԿԲ Սպառողների իրավունքների պաշտպանության և ֆինանսական կրթման կենտրոնի ղեկավար Արմենուհի Մկրտչյանը խոսել է ֆինանսական կրթության անհրաժեշտության, դպրոցներում նման կրթության ներդրման օգտի և ստացված գիտելիքների գործնական կիրառման մասին։
11:14
04 Հունիսի 2019
Անվտանգության ֆինանսական բարձիկի ստեղծման 10 միջոց
Մարդկանց համար շատ կարևոր է զգալ, որ իրենք ֆինանսապես պաշտպանված են տարատեսակ չարդարացված հանգամանքների առաջացման դեպքում։
19:40
30 Մայիսի 2019
Ֆինանսներ հայերերն ձևով. ի՞նչ է հետաքրքրում հայերին ֆինանսական ոլորտում
Հայաստանի բնակիչների հետաքրքրությունները ֆինանսական կրթության տեսանկյունից փոխվել են:
11:53
29 Մայիսի 2019
Ինչպե՞ս դառնալ ունևոր. ֆինանսական հաջողության չգրված կանոնները
«Նովոստի–Արմենիա» գործակալությունն ուսումնասիրել է մի քանի կանոն, որոնց հետևում են ֆինանսապես հաջող մարդիկ և որոշել է ներկայացնել դրանք։
10:47
22 Մայիսի 2019
Սեփական եկամուտները գրագետ տնօրինելու 5 խորհուրդ և 4 ձև
Ներկայացնում ենք զանազան խորամանկություններ և հնարքներ, որոնք օգտագործելիս կարելի է ճիշտ տնօրինել սեփական դրամական միջոցները։
11:00
15 Մայիսի 2019
ԽԱՂ. Սարոյա՞ն, թե՞ Սևակ. որքա՞ն լավ եք ծանոթ հայկական նոր թղթադրամներին
Որքա՞ն լավ եք ծանոթ հայկական նոր թղթադրամներին, կկարողանա՞ք հատվածներով և անվանական արժեքով որոշել, թե հայ մեծերից ով է պատկերված թղթադրամի վրա։
10:48
08 Մայիսի 2019
Փողերի 8 օրենք, որոնք կապահովեն բարեկեցիկ կյանք
«Նովոստի–Արմենիա» գործակալությունը ներկայացնում է փողերի օրենքների ընտրանի, որոնք կարող են օգնել «ընտելացնել» սեփական ֆինանսները։
11:45
02 Մայիսի 2019
Ինչպես են կանայք և տղամարդիկ վերաբերվում փողին
Տղամարդիկ և կանայք տարբեր են իրենց բնույթով, և բնական է, որ տարբերվում են նաև ֆինանսների հարցում:
12:22
25 Ապրիլի 2019
Ինչպես թեթևացնել հայ վարկառուների վարկային բեռը
Հաճախ է հանդիպում մի իրավիճակ, երբ մարդիկ հայտնվում են վարկային կախվածության մեջ` ի վիճակի չլինելով մարել սեփական պարտքերը։ Նման իրավիճակը շտկելու համար վարկային կազմակերպությունները երբեմն ստիպված են լինում ներել իրենց պարտապանների պարտքերը։
10:32
18 Ապրիլի 2019
Ուսանողական վարկերը Հայաստանում ավելի հասանելի են դարձել
Հայաստանի կառավարությունը կանոնավոր կերպով թարմացնում է վարկավորման պայմանները։
10:26
09 Ապրիլի 2019
10 ֆինանսական «մակաբույծներ», որոնք «խժռում են» ընտանեկան բյուջեն
Ֆինանսական «մակաբույծները» բավականին տարածված երևույթ են, որոնց մենք հաճախ չենք նկատում։