+33
Եղանակը Երևանում
Հայ

Ինչպե՞ս անցկացնել ամառային արձակուրդը վարկով

12:03
03 Օգոստոսի 2018

ԵՐԵՎԱՆ, 3 օգոստոսի. /Նովոստի–Արմենիա/. Մարդիկ սովորաբար ողջ տարի սպասում են ամառային արձակուրդին, այդ իսկ պատճառով ցանկանում են առանձնահատուկ անցկացնել այն։ Սակայն ոչ միշտ է ստացվում տեսնել էկզոտիկ երկրներ, այցելել տարբեր քաղաքներ, հիանալ տեղի տեսարժան վայրերով։ Ոչ բոլորն են կարողանում ամառային հանգստի փող կուտակել։ Ու վարկն այդ դեպքում կարող է դառնալ խնդրի լուծում։ «Նովոստի–Արմենիա» գործակալությունը մի քանի խորհուրդ է առաջարկում այն մարդկանց, ովքեր հստակ որոշել են վարկ վերցնել ամառային հաճելի արձակուրդի համար։

Համոզվեք, որ վարկն իսկապես անհրաժեշտ է

Отпуск в кредит, кошелек

Տուրիստական վարկ վերցնելիս առաջին հերթին անհրաժեշտ է հաշվի առնել դրա մարման բարդությունը հոգեբանական առումով։ Ի՞նչ է դա նշանակում։ Օրինակ, եթե դուք վարկ եք վերցնում նոութբուք կամ ավտոմեքենա գնելու համար, ապա վճարման ժամանակաշրջանում և հետագայում կկարողանաք օգտվելձեռք բերված իրով։ Իսկ տուրիստական վարկի դեպքում ստիպված կլինեք սկսել վճարել ուղևորությունից վերադառնալուց հետո, այսինքն, երբ դուք արդեն օգտված կլինեք ծառայությունից։

Հոգեբանորեն շատ վարկառուների համար դա կարող է դժվար լինել. կորում է մոտիվացիան, իսկ վզից կախված պարտքը կարող է փչացնել ուղևորության մասին դրական հիշողությունները։ Այդ իսկ պատճառով անհրաժեշտ է մի լավ մտածել արձակուրդի համար վարկ վերցնելուց առաջ։

Մի շտապեք ու պլանավորեք

Отпуск в кредит, кошелек

Եթե դուք, այնուամենայնիվ, որոշել եք վարկ վերցնել հանգստի համար, ապա անպայման պլանավորեք ձեր ուղևորության ողջ երթուղին։ Դա թույլ կտա մեծ գումար խնայել։ Պարտադիր պետք է նախօրոք որոշել, թե որ երկիր եք ցանկանում ուղևորվել, կողմնորոշվել տոմսերի, հյուրանոցի ու էքսկուրսիաների գների հարցում։ Դրանից կախված կլինի վարկի գումարը։

Բացի այդ, միշտ պետք է հիշել մի շատ կարևոր գործոնի` ձեր աշխատավարձի մասին։ Ավելի լավ է ոտքը վերմակի չափով մեկնել ու վարկ վերցնել եկամտին համապատասխան, որպեսզի վարկի վճարումները չձգվեն երկար ժամանակով, իսկ արձակուրդից ստացած լավ հիշողությունները չդառնան մղձավանջ։

Վերլուծեք վարկի պայմանները

Отпуск в кредит, кошелек

Այն բանից հետո, երբ դուք ամեն ինչ պլանավորել եք ու հաշվի եք առել ձեր հանգստի բոլոր մանրուքները, մնում է միայն ընտրել վարկ ստանալու տարբերակները։ Այդ հարցում, առաջին հերթին անհրաժեշտ է համեմատել ներկայացված պայմաններն ու ընտրել ամենաօպտիմալը։ Պետք է ուշադրություն դարձնել վարկի տոկոսադրույքի և այլ միջնորդավճարների վրա, ինչպես նաև ծանոթանալ վճարման տարբերակներին ու գրավին։

Ամենակարևորը. վարկը պետք է վերցնել ձեր ստացած եկամտի արժույթով, այդպես հնարավոր կլինի խուսափել փոխարժեքի հետ կապված ռիսկերից։

Հանգստի համար նախատեսված վարկերի տարբերակներ

Отпуск в кредит, кошелек

Նման տարբերակներից է ապառիկով ուղեգիրը, որը կարելի է վերցնել հենց տուրիստական գործակալության գրասենյակում։ Սա շատ հարմար տարբերակ է, քանի որ լրացուցիչ ժամանակ չեք ծախսում բանկերում։ Ամեն ինչ կարելի է անել տեղում, մեկ օրում և անհրաժեշտ փաստաթղթերի նվազագույն փաթեթով (սովորաբար պահանջվում է միայն անձնագիր և սոցիալական քարտ)։ Այս դեպքում հարկավոր է համոզվել, թե ինչ է ներառված ապառիկով ուղեգրի գումարի մեջ` միայն հյուրանո՞ց ու գի՞դ, թե՞ ուղեգրում ներառված է նաև տոմսը, անհրաժեշտ է պարզել նաև կանխավճարի հարցը։ Նման տարբերակը շատ հարմար է «թեժ» առաջարկների կամ պարզապես չպլանավորված ճամփորդությունների դեպքում։

Երկրորդ տարբերակը բանկային նպատակային տուրիստական վարկն է։ Նման վարկատեսակ, սակայն, ոչ բոլոր հայկական բանկերն են տրամադրում։ Սակայն այս դեպքում, ի տարբերություն ապառիկով ուղեգրի, հնարավորություն կա համեմատել տարբեր բանկերի առաջարկած պայմաններն ու ընտրել ամենաօպտիմալը։ Նման վարկերը հաճախ տրամադրվում են շահավետ պայմաններով կամ, օրինակ, ամառային ակցիաների շրջանակում։ Այստեղ ևս հարկավոր է ճշտել արդյոք բանկն ունի՞ պայմանավորվածություններ որոշ տուրիստական ընկերությունների հետ կամ փոխառուն ունի՞ տուրիստական գործակալությունների մեծ ընտրություն։

Երրորդ տարածված տարբերակը սովորական սպառողական վարկն է, որը տրամադրում են բոլոր բանկերը, այդ պատճառով կարելի է ավելի ճկուն մոտեցում ցուցաբերել փոխառության պայմանների ընտրությանը։ Սակայն սպառողական վարկի դեպքում չի ստացվի վերցնել «թեժ» ուղեգիր, քանի որ նման վարկի ձևակերպումը կարող է տևել մի քանի օր։ Բացի այդ, սպառողական վարկ ձևակերպելու համար կպահանջվեն ավել շատ տեղեկանքներ, քան նպատակային վարկի և ապառիկով ուղեգրի դեպքում։ Այդ պատճառով նման տարբերակի դեպքում հարկավոր է նախօրոք պլանավորել ճամփորդությունը։ Սպառողական վարկի դրական կողմերից մեկը որոշակի գումար ստանալու հնարավորությունն է։ Դա հարմար է, եթե դուք արդեն ունեք կուտակած միջոցներ և պարզապես հարկավոր է դրանք համալրել։ Նման վարկի դրական կողմերից է նաև տուրիստական գործակալությունների մեծ ընտրությունը։ Դուք ստիպված չեք լինի օգտվել որոշակի ծրագրից և ինքներդ կկարողանաք ընտրել ձեզ դուր եկած ուղեգիրը, ինչպես նաև կկարողանաք պլանավորել ճամփորդությունն առանց տուրիստական գործակալությունների օգնության։

Կարևոր է իմանալ

Отпуск в кредит, кошелек

Մեկնելով օտար երկիր` պարտադիր ձևակերպեք բժշկական ապահովագրություն։ Դուք երևի մտածում եք` ի՞նչ կարող է ինձ հետ պատահել մեկ շաբաթում։ Սակայն, եթե դուք, օրինակ, վնասել եք ձեռքը կամ պարզապես ատամի ցավ ունեք, բժշկական օգնությունն արտերկրում ձեզ համար մի «կլորիկ» գումար կկազմի։–0–

Նյութը պատրաստվել է ԱՄԻ «Նովոստի–Արմենիա»–ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում։

Թեմատիկ նյութեր
Բաժնի այլ նյութեր
12:56
11 Հուլիսի 2019
Ինչպես գումար խնայել արձակուրդի համար. 10 հոգեբանական հնարք
«Նովոստի–Արմենիա» գործակալությունը ներկայացնում է տեղեկատվություն տարածված հոգեբանական հնարքների մասին։
11:03
04 Հուլիսի 2019
Ինչպես ճիշտ պլանավորել արձակուրդային բյուջեն
Եկել է արձակուրդների ժամանակաշրջանը, և ամենաճիշտ ժամանակն է մտածել տարվա ամենագլխավոր հանգստի պլանավորման մասին:
10:40
27 Հունիսի 2019
Ի՞նչ կարող են անել դատական կատարածուները պարտքերի համար (ՎԻԴԵՈ)
Ներկայացնում ենք այն դեպքերը, որոնց պարագայում ԴԱՀԿ–ը կարող է բռնագանձել քաղաքացիների դրամական միջոցները։
10:15
20 Հունիսի 2019
Ի՞նչ անել եթե ձեր բանկային քարտն արգելափակվել է
«Նովոստի–Արմենիա» գործակալությունն ուսումնասիրել է իրավիճակը`ներկայացնելով խորհուրդներ քարտն աշխատանքային ռեժիմի վերադարձնելու համար։
10:27
13 Հունիսի 2019
Ինչպես խուսափել տարածված ֆինանսական սխալներից
«Նովոստի–Արմենիա» գործակալությունն ներկայացնում է առավել տարածված ֆինանսական սխալները:
11:42
10 Հունիսի 2019
Արմենուհի Մկրտչյանը պատմել է, թե ում և ինչու է հարկավոր ֆինանսական կրթությունը (ՎԻԴԵՈ)
ՀՀ ԿԲ Սպառողների իրավունքների պաշտպանության և ֆինանսական կրթման կենտրոնի ղեկավար Արմենուհի Մկրտչյանը խոսել է ֆինանսական կրթության անհրաժեշտության, դպրոցներում նման կրթության ներդրման օգտի և ստացված գիտելիքների գործնական կիրառման մասին։
11:14
04 Հունիսի 2019
Անվտանգության ֆինանսական բարձիկի ստեղծման 10 միջոց
Մարդկանց համար շատ կարևոր է զգալ, որ իրենք ֆինանսապես պաշտպանված են տարատեսակ չարդարացված հանգամանքների առաջացման դեպքում։
19:40
30 Մայիսի 2019
Ֆինանսներ հայերերն ձևով. ի՞նչ է հետաքրքրում հայերին ֆինանսական ոլորտում
Հայաստանի բնակիչների հետաքրքրությունները ֆինանսական կրթության տեսանկյունից փոխվել են:
11:53
29 Մայիսի 2019
Ինչպե՞ս դառնալ ունևոր. ֆինանսական հաջողության չգրված կանոնները
«Նովոստի–Արմենիա» գործակալությունն ուսումնասիրել է մի քանի կանոն, որոնց հետևում են ֆինանսապես հաջող մարդիկ և որոշել է ներկայացնել դրանք։
10:47
22 Մայիսի 2019
Սեփական եկամուտները գրագետ տնօրինելու 5 խորհուրդ և 4 ձև
Ներկայացնում ենք զանազան խորամանկություններ և հնարքներ, որոնք օգտագործելիս կարելի է ճիշտ տնօրինել սեփական դրամական միջոցները։
11:00
15 Մայիսի 2019
ԽԱՂ. Սարոյա՞ն, թե՞ Սևակ. որքա՞ն լավ եք ծանոթ հայկական նոր թղթադրամներին
Որքա՞ն լավ եք ծանոթ հայկական նոր թղթադրամներին, կկարողանա՞ք հատվածներով և անվանական արժեքով որոշել, թե հայ մեծերից ով է պատկերված թղթադրամի վրա։
10:48
08 Մայիսի 2019
Փողերի 8 օրենք, որոնք կապահովեն բարեկեցիկ կյանք
«Նովոստի–Արմենիա» գործակալությունը ներկայացնում է փողերի օրենքների ընտրանի, որոնք կարող են օգնել «ընտելացնել» սեփական ֆինանսները։