ԵՐԵՎԱՆ, 20 նոյեմբերի. /Նովոստի-Արմենիա/. Համացանում հայտնվել է «Մանկական Եվրատեսիլ 2016» երգի միջազգային մրցույթում հայկական դուետի՝ 13-ամյա Մերի Վարդանյանի և Անահիտ Ադամյանի ելույթի տեսանյութը:
Նրանք «Մանկական Եվրատեսիլ 2016»-ին ներկայացրին իրենց երգը երկրորդ համարի ներքո:
Հայկական դուետը ներկայացրեց Նիկ Եգիբյանի և Ավետ Բարսեղյանի «Տարբեր» կոմպոզիցիան։ Երգի սյուժեն կառուցված է 13–ամյա երկու երգչուհիների ոճի տարբերության և նրանց յուրօրինակ «պայքարի» վրա։
Երգի տեսահոլովակի պրեմիերան կայացել է հոկտեմբերի 28–ին։
Այս տարի «Մանկական Եվրատեսիլը» անցկացվում է 14–րդ անգամ Մալթայում։ Մասնակիցների թվում են` 9–14 տարեկան երգիչներ և կոլեկտիվներ 17 երկրներից` Ալբանիայից, Ավստրալիայից, Բելառուսից, Բուլղարիայից, Կիպրոսից, Վրաստանից, Իսրայելից, Իտալիայից, Մալթայից, Մակեդոնիայից, Նիդեռլանդներից, Լեհաստանից, Ռուսաստանից, Սերբիայից և Ուկրաինայից։
Հայաստանը «Մանկական Եվրատեսիլին» մասնակցում է 2007 թվականից։ 2010 թվականին մրցույթի հաղթող է դարձել Հայաստանի ներկայացուցիչ, արցախցի Վլադիմիր Արզումանյանը, ինչը թույլ տվեց 2011 թվականին անցկացնել մրցույթը Հայաստանում։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
