ԵՐԵՎԱՆ, 5 հունիսի./Նովոստի-Արմենիա/. 14-րդ անգամ կանցկացվի կինոյի բնագավառում ամառային վառ միջոցառումներից մեկը` «Ոսկե ծիրան» երևանյան միջազգային կինոփառատոնը, որը Հայաստանի բնակիչներին և հյուրերին կուրախացնի համաշխարհային կինոարտադրության նորույթներով: Այս տարի փառատոնը կանցկացվի «Մշակույթի և քաղաքակրթության խաչմերուկ» կարգախոսի ներքո` հունիսի 9-16-ը:
Մշակույթի և տրամադրության տոն
ՀՀ մշակույթի նախարար Արմեն Ամիրյանը «Ոսկե ծիրան» կինոփառատոնն անվանել է ոչ միայն կինոյի, այլև արվեստի, մշակույթի և տրամադրության տոն:
«Փառատոնը կարևոր տեղ կզբաղեցնի կինոյի զարգացման ռազմավարության գործում, որն այսօր մշակվում է, քանի որ այն միայն փառատոն չէ, այլև հարթակ, որտեղ կինոարտադրության ներկայացուցիչները կարող են հաղորդակցվել, մտքեր և գործարար ծրագրերով փոխանակվել: Այն կարող է մեծ դեր ունենալ Հայաստանում կինոյի զարգացման գործում», - ասել է Ամիրյանը երկուշաբթի կայացած ասուլիսի ընթացքում:
Նա նաև նշել է, որ չնայած ֆինանսական լուրջ դժվարությունների, փառատոնը չի զիջի նախորդներին, այլ հակառակը, կտարբերվի իր աշխարհագրությամբ, բարձր որակով, քանի որ դրան մասնակցելու են լուրջ պրոդյուսերական կենտրոններ:
Նրա խոսքով, փառատոնը կանցկացվի բջջային կապի օպերատոր VivaCell-MTS-ի աջակցության շնորհիվ, քանի որ միայն պետական աջակցությամբ փառատոնն անհնարին կլիներ անցկացնել:
Կաննի և Բեռլինի կինոփառատոների ներկայացուցիչները Հայաստանում
Ինչպես նշեց «Ոսկե ծիրան» կինոփառատոնի հիմնադիր և անփոխարինելի նախագահ, Հայաստանի ժողովրդական արտիստ, ռեժիսոր Հարություն Խաչատրյանը, փառատոնի ընթացքում կներկայացվի 100 ֆիլմ, որոնցից շատերն այս տարվա համաշխարհային լավագույն պրեմիերաներն են:
«Այս տարի կինոփառատոնի ֆիլմերի ընտրությանը մասնակցել է նաև հայ հանդիսատեսը` քվեարկելու միջոցով։ Հայաստանյան հանդիսատեսին կներկայացվի 8 ֆիլմ Կաննի կինոփառատոնից, ինչպես նաև Բեռլինի, Ռոտորդամի, Վենետիկի կինոփառատոննիերի հաղթողները»,- ասել է Խաչատրյանը:
Համր կինոյից մինչև Ցեղասպանություն
Ավանդաբար փառատոնը բացվում է հայկական կինոյի դասական ժապավենով: Այս տարի կինոփառատոնը կմեկնարկի Համո Բեկ-Նազարյանի նկարահանած «Խաս-փուշ» հայկական գեղարվեստական համր ֆիլմով, որն հիմնված է Րաֆֆու «Մետաքս կրողները» և Վրթանես Փափազյանի «Պարսկաստանը Քաջարախի օրոք» պատմվածքների հիման վրա:
Ընդ որում` ֆիլմը կներկայացվի երաժշտական նոր ուղեկցությամբ, որը հատուկ փառատոնի համար գրել է երաժիշտ Վահագն Հարապետյանը:
Загружается новость ...
"Право"
Կինոփառատոնը կփակի Ջո Բեռլինգերի` Հայոց Ցեղասպանույան մասին պատմող «Ոչնչացման մտադրությամբ» (Intent to Destroy) ֆիլմը: Ֆիլմի պրեմիերան կայացել է ապրիլին Նյու –Յորքի Tribeca փառատոնի շրջանակում:
Թերի Ջորջի «Խոստումը» պատմական ֆիլմի հիման վրա ստեղծված ժապավենի հեղինակ Ջո Բեռլինգերը Հայոց Ցեղասպանությանը հայացք է նետում հարյուրամյա մերժումից հետո Թուրքիայի և նրա ռազմավարական գործընկերների տեսանկյունից: Նրանում ներկայացված են Ցեղասպանությունը վերապրածների մասին նյութեր, Ցեղասպանության,, ինչպես նաև այդ ժամանակների իրադարձությունների մասին վավերագրական կադրեր: Բեռլինգերն անձաբ է գալու Հայաստան` իր ֆիլմի ցուցադրությանը, նա նաև վարպետության դաս կանցկացնի: -0-
