484.96
+0.3
573.47
-1.05
8.22
-0.04
+6
Եղանակը Երևանում
Հայ
«Ոսկե ծիրան 2015» կինոփառատոնի շրջանակում ավելի քան 30 ֆիլմ կցուցադրվի
19:23
26 Հունիսի 2015

ԵՐԵՎԱՆ, 26 հունիսի. /Նովոստի–Արմենիա/. «Ոսկե ծիրան 2015» 12-րդ միջազգային կինոփառատոնի ժամանակ կներկայացվի 34 ֆիլմ` աշխարհի 25 երկրից, ուրբաթ մամուլի ասուլիսի ժամանակ տեղեկացրեց կինոփառատոնի ընտրական հանձնաժողովի անդամ, «Կորիզ» ծրագրի պատասխանատու Վարդան Հակոբյանը։

«Այս տարի փառատոնին մասնակցելու համար աննախադեպ թվով հայտեր ենք ստացել` 750 հայտ, որոնցից ընտրվել է 34–ը», – ասաց նա։

Փառատոնի շրջանակում նախատեսված է չորս մրցութային ծրագիր` «Խաղարկային ֆիլմեր», «Վավերագրական ֆիլմեր», «Հայկական համայնապատկեր» և «Կորիզ»։

Հակոբյանը նշեց, որ «Կորիզ» մրցութային ծրագիրն այս տարի անցկացվում է 5–րդ անգամ։ Այն տարեցտարի ավելի հետաքրքիր է դառնում, քանի որ ընտրված ձևաչափը բավականին պահանջված է։ Այս ծրագրում կներկայացվեն ֆիլմեր Հայաստանից (Տաթև Հակոբյանի «Օտարը»), Գերմանիայից, Իրանից, Իսպանիայից և Լեհաստանից։

«Ոսկե ծիրան» կինոփառատոնի փոխտնօրեն Արա Խանջյանի խոսքով` «Վավերագրական ֆիլմեր» մրցութային ծրագրում ներառված է 13 ֆիլմ Մեծ Բրիտանիայից, Սիրիայից, Իսպանիայից և այլ երկրներից։

«Պայքար, բողոք, փախուստ, հիասթափություն, մենություն, փիլիսոփայական մետաֆիզիկական մտորումներ, սեր, ծով, օվկիանոս, սրանք ենք այս տարվա վավերագրական ֆիլմերի հիմնական թեմաները։ Ծովի, օվկիանոսի մասին պատմող շատ ֆիլմեր կան։ Ըստ երևույթին, ակունքներին վերադառնալու միտում է նկատվում», – ասաց նա։

«Մենք ընտրել ենք լավագույն ֆիլմերը, և կարծում եմ, որ վավերագրական կինոյի սիրահարները գոհ կլինեն», – ավելացրեց նա։

Ինչպես նշեց կինոքննադատ, «Ոսկե ծիրան» միջազգային կինոփառատոնի ծրագրերի համակարգող Րաֆֆի Մովսիսյանը, մրցութային ֆիլմերը կցուցադրվեն վերջերս բացված «Հայաստան» կինոթատրոնում։

Խաղարկային ֆիլմերի ծրագիրը ներկայացրեց ընտրական հանձնաժողովի անդամ Արթուր Վարդիկյանը։

Նրա խոսքով` ներկայացված 300 ֆիլմերից 12 լիամետրաժ ֆիլմերը ներկայացնում են Գվատեմալան, Կուբան, Արգենտինան, Հարավային Կորեան։ «Այս ֆիլմերում բացահայտվում են սոցիալական համամարդկային խնդիրները», – ավելացրեց նա։

Փառատոնի արտամրցութային ծրագրերի մասին խոսեց «Ոսկե ծիրան» կինոփառատոնի միջազգային բաժնի ղեկավար Տաթևիկ Մանուկյանը։

Նրա խոսքով` փառատոնը կմեկնարկի ֆրանսահայ ռեժիսոր Ռոբեր Գեդիգյանի «Խենթ պատմություն»  (Une histoire de fou) ֆիլմի ցուցադրությամբ։

«Փառատոնի փակման արարողությունը տեղի կունենա հուլիսի 18–ին։ Կցուցադրվի Համո Բեկնազարյանի «Նամուս» ֆիլմը, քանի որ այս տարի նշվում է ֆիլմի 90–ամյակը։ Սա հարգանքի ինքնատիպ տուրք է և′ ֆիլմին, և′ ռեժիսորին», – ասաց նա։

Փառատոնի շրջանակում նախատեսված են հոբելյանական ծրագրեր, որոնք նվիրված են հայկական կինոյի վարպետներին։ Մասնավորապես, ֆիլմերի ցուցադրությամբ կնշվի Հենրիկ Մալյանի և Հենրիկ Մարգարյանի 90–ամյակը, Լևոն Աթոյանցի 85–ամյակը, ինչպես նաև` կինոփառատոնի տնօրեն Հարություն Խաչատրյանի 60–ամյակը։

«Ոսկե ծիրան» 12–րդ միջազգային փառատոնը կանցկացվի Երևանում այս տարվա հուլիսի 12–19–ը։

«Ոսկե ծիրան» միջազգային կինոփառատոնը Երևանում անցկացվում է 2004թ.-ից և համարվում է տարածաշրջանի ամենաճանաչված փառատոներից մեկը: Այդ տարիների ընթացքում Հայաստան են ժամանել հայտնի դերասաններ և ռեժիսորներ, որոնց թվում նաև` գրող և սցենարիստ Տոնինո Գուերան, հայտնի դերասանուհիներ Կլաուդիա Կարդինալեն և Ֆանի Արդանը։ 2010 թվականին Երևանի կինոփառատոնն արժանացավ Ficts Plate D'honneur կինոյի, հեռուստատեսության և սպորտի միջազգային միության գլխավոր մրցանակին:

«Նովոստի–Արմենիա» գործակալությունը փառատոնի տեղեկատվական հովանավորն է։ -0-


 

Loading...
Թեմատիկ նյութեր
Բաժնի այլ նյութեր
00:41
05 Դեկտեմբերի 2017
Կոնսերվատորիայի Գյումրու մասնաճյուղը տոնեց 20-ամյա հոբելյանը (ՖՈՏՈ)
Դեկտեմբերի 2-ին լրացավ Երևանի Կոմիտասի անվան պետական կոնսերվատորիայի Գյումրու մասնաճյուղի հիմնադրման 20 տարին:
14:19
04 Դեկտեմբերի 2017
Հայ փոքրիկները հիացրել են «Կապույտ թռչուն» ռուսական մրցույթի ժյուրիի անդամներին ու հանդիսատեսին (ՎԻԴԵՈ)
Հայ փոքրիկները պարզապես հիացրել են «Կապույտ թռչուն»  համառուսական մրցույթի ժյուրիի անդամներին ու հանդիսատեսին։
14:43
03 Դեկտեմբերի 2017
Էմոցիաներ պարահրապարակում. Հայ պատանի զույգն անցել է «Ты супер! Танцы» շոուի կիսաեզրափակիչ (ՎԻԴԵՈ)
17-ամյա Դավիթ Այվազյանը և 15-ամյա Աստղիկ Մխիթարյանը հաջողությամբ ելույթ ունեցան «Ты супер! Танцы» շոուի քառորդ եզրափակչում:
19:08
29 Նոյեմբերի 2017
«Խոստումը» ֆիլմի սաունդթրեքը հավակնում է Grammy-2018–ին
«Խոստումը» (The Promise) ֆիլմի սաունդթրեքը հավակնում է Grammy-2018–ին:
17:42
29 Նոյեմբերի 2017
Աբրահամ Ռուսսոն խոսել է արցախյան բարբառով (ՎԻԴԵՈ)
Instagram սոցցանցի օգտատերը իր էջում տեսանյութ է հրապարակել, որում երգիչը փորձում է նրա հետևից բառեր արտահայտություններ ասել ղարաբաղյան բարբառով։
16:03
29 Նոյեմբերի 2017
Տիգրան Մանսուրյանի «Ռեքվիեմ»–ն առաջադրվել է «Grammy 2018»–ի միանգամից երկու անվանակարգերում
Grammy–ի է առաջադրված նաև Տիգրան Մանսուրյանի պրոդյուսեր Մանֆրեդ Այխերը՝ որպես «Տարվա պրոդյուսեր դասական ոճում»:
20:04
28 Նոյեմբերի 2017
Կոնստանտին Օրբելյանն ու Դմիտրի Խվորոստովսկին` «Grammy 2018»–ի հավակնորդներ
Կոնստանտին Օրբելյանն ու Դմիտրի Խվորոստովսկին առաջադրվել են Grammy–ի։
14:15
28 Նոյեմբերի 2017
Մալթայի ֆիլհարմոնիկ նվագախումբը հանդես կգա Սերգեյ Սմբատյանի ղեկավարությամբ
Համերգը կկայանա Մալթայի մայրաքաղաք Վալետայի Սուրբ Գևորգի հրապարակում։
21:59
26 Նոյեմբերի 2017
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում, հաղթեց Ռուսաստանը (ՎԻԴԵՈ)
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում։
12:59
25 Նոյեմբերի 2017
Միշել Մստոյանը հուզել է հանդիսատեսին էթնիկ երգի կատարմամբ (ՎԻԴԵՈ)
Միշել Մստոյանը «Ձայնը» շոուի «Նոկաուտներ» փուլում կատարել է «Լաց մի եղիր» եզդիական ժողովրդական երգերի երաժշտական միքս:
10:00
25 Նոյեմբերի 2017
Չարլի Չապլինի դուստրն ու թոռնուհին կայցելեն Հայաստան. «ՆՈՎՈՍՏԻ–ԱՐՄԵՆԻԱՅԻ» ԷՔՍԿԼՅՈՒԶԻՎ
Չարլի Չապլինի դուստրը` Վիկտորիա Թիերե–Չապլինն ու թոռնուհին` Աուրելիա Թիերեն, կայցելեն Հայաստան:
13:24
23 Նոյեմբերի 2017
Հայտնի հայազգի դերասանը կխաղա Շարլիզ Թերոնի հետ նույն ֆիլմում
Հայտնի հայազգի դերասան Էնդի Սերքիսը կնկարահանվի Flursky կատակերգությունում։