484.96
+0.3
573.47
-1.05
8.22
-0.04
+3
Եղանակը Երևանում
Հայ
«Ազգային պատկերասրահ» երաժշտական փառատոնի կազմակերպիչները հետաքրքիր ծրագիր են խոստանում
18:02
17 Հունիսի 2015

ԵՐԵՎԱՆ, 17 հունիսի. /Նովոստի–Արմենիա/. Երևանում հունիսի 18–ից հուլիսի 4–ն անցկացվելիք «Ազգային պատկերասրահ» միջազգային 11–րդ երաժշտական փառատոնի կազմակերպիչները հետաքրքիր ծրագիր են խոստանում, չորեքշաբթի լրագրողներին ասաց Հայաստանի մշակույթի նախարարության ժամանակակից արվեստների վարչության պետի տեղակալ Արմինե Ղազարյանը։

Նրա խոսքով, փառատոնն ունի հարուստ ավանդույթներ, և հայ հանդիսատեսը, ինչպես նաև մայրաքաղաքի հյուրերն դրան անհամբեր սպասում են։

«Փառատոնը մյուս նմանատիպ միջոցառումներից տարբերվում է իր ծրագրի, գաղափարախոսության առանձնահատկություններով, կոմպոզիտորական և կատարողական արվեստի որակով»,– ասաց Ղազարյանը։

Դիրիժոր Հարություն Արզումանյանը, ում գլխավորությամբ հունիսի 18–ին կանցկացվի փառատոնի բացումը, իր հերթին նշեց, որ դա իր համար առանձնահատուկ փառատոն է, այն յուրահատուկ ոգի ունի։

«Երբ ելույթ ես ունենում այդ պատերի ներքո այդ նկարների ֆոնին, առանձնահատուկ մթնոլորտ է ստեղծվում, այդ իսկ պատճառով այս տարի մենք որոշել ենք կատարել Պերգոլեզեի «Սթաբատ մատերը», որը տեղավորվում է 2015 թվականի համատեքստում և հատուկ հնչողություն կունենա այս դահլիճում։ Համերգի երկրորդ կեսին մենք հայտնի դաշնակահար Սվետլանա Նավասարդյանի հետ կկատարենք Բախի «Ռե մինոր կոնցերտը դաշնամուրի համար»»,– ասաց նա։

«Արվեստների պատկերասրահ» մշակութային հիմնադրամի նախագահ Մարիամ Շահինյանն ընդգծեց, որ փառատոնի բացման համերգը նվիրված է Հայոց ցեղասպանության 100–րդ տարելիցին։ Դրան կմասնակցեն` Հայաստանի պետական կամերային նվագախումբը դիրիժոր Հարություն Արզումանյանի գլխավորությամբ, ինչպես նաև Օպերայի և բալետի ազգային ակադեմիական թատրոնի մենակատարներ Արծվիկ Դեմուրճյանը (սոպրանո)  և Քրիստինե Սահակյանը (մեցո սոպրանո)։

«Ազգային պատկերասրահ» փառատոնն ունկնդրին կներկայացնի ընդհանուր առմամբ հինգ կոնցերտներ, որոնք շատ տարբեր են և մասնակիցների կազմով, և ծրագրով։ Մենք ունենք կատարողներ, ովքեր առաջին անգամ կմասնակցեն փառատոնին։ Կան հյուրեր ԱՄՆ–ից, Շվեյցարիայից և Ռուսաստանից։ Ամերիկան կներկայացնի մեր երիտասարդ, բայց շատ տաղանդավոր դաշնակահար Նառա Ավետիսյանը։ Մեր մյուս հյուրը Ռուսաստանից Իոսիֆ Պուրիցն է, ով կներկայացնի փառատոնի համար նոր գործիք` բայան»,– ասաց Շահինյանը։

Փառատոնի շրջանակում հունիսի 21–ին կկայանա Երաժշտության համաշխարհային օրվան նվիրված երաժշտական երեկո։ Դրան կմասնակցեն Գայանե Գեղամյանը (սոպրանո) և Սեդրակ Երկանյանը (դաշնամուր), ովքեր կկատարեն ֆրանսիացի և իսպանացի կոմպոզիտորների վոկալային ստեղծագործությունները։

Կամերային երաժշտության երեկոն կանցկացվի հունիսի 24–ին։ Միջազգային մրցույթների դափնեկիր Հասմիկ Վարդանյանը (թավջութակ) և Նառա Ավեստիսյանը (դաշնամուր, ԱՄՆ) կկատարեն Շոպենի, Բրամսի, Շոստակովիչի և Սոլիմի ստեղծագործությունները։

Հունիսի 27–ին կկազմակերպվի գործիքային երաժշտության երեկո, դրան կմասնակցի միջազգային բազմաթիվ մրցույթների դափնեկիր, բայանահար Իոսիֆ Պուրիցը։ Համերգի ծրագիրը բավականին ծավալուն է, կհնչեն այնպիսի կոմպոզիտորների ստեղծագործություններ, ինչպիսիք են` Մուսորգսկին, Վիվալդին, Սկարլատին, Պրոկոֆիևը, Պիացոլան, Բարտոկը, Շչեդրինը։

«Ազգային պատկերասրահ» փառատոնը կավարտվի հուլիսի 4–ի գալա–համերգով։ «Օպերային արվեստի գոհարներ» վոկալի երեկոյին կմասնակցեն տաղանդավոր երաժիշտներ Վարդուհի Խաչատրյանը (մեցո սոպրանո, Շվեյցարիա), Լիպարիտ Ավետիսյանը (տենոր), Դավիթ Բաբայանցը (բարիտոն), Արմեն Աղաջանյանը (դաշնակահար)։ Համերգի ծրագրում ընդգրկված են հայ, ռուս և արևմտաեվրոպացի կոմպոզիտորների ստեղծագործությունները։

Փառատոնն անցկացվում է «Արվեստների պատկերասրահ» մշակութային հիմնադրամի կողմից հանրապետության մշակույթի նախարարության աջակցությամբ։

Բոլոր համերգները կանցկացվեն Հայաստանի ազգային պատկերասրահի որմնանկերիների դահլիճում։

2005 թվականին հիմնված «Ազգային պատկերասրահ» փառատոնը 2008 թվականից ընդգրկված է Մշակույթի նախարարության պետական օժանդակության ծրագրերի ցուցակում։

Փառատոնի գլխավոր գործընկերը VivaCell-MTS հեռահաղորդակցային օպերատորն է։ «Նովոստի–Արմենիա» գործակալությունը փառատոնի տեղեկատվական հովանավորն է։ -0-

Loading...
Թեմատիկ նյութեր
Բաժնի այլ նյութեր
00:41
05 Դեկտեմբերի 2017
Կոնսերվատորիայի Գյումրու մասնաճյուղը տոնեց 20-ամյա հոբելյանը (ՖՈՏՈ)
Դեկտեմբերի 2-ին լրացավ Երևանի Կոմիտասի անվան պետական կոնսերվատորիայի Գյումրու մասնաճյուղի հիմնադրման 20 տարին:
14:19
04 Դեկտեմբերի 2017
Հայ փոքրիկները հիացրել են «Կապույտ թռչուն» ռուսական մրցույթի ժյուրիի անդամներին ու հանդիսատեսին (ՎԻԴԵՈ)
Հայ փոքրիկները պարզապես հիացրել են «Կապույտ թռչուն»  համառուսական մրցույթի ժյուրիի անդամներին ու հանդիսատեսին։
14:43
03 Դեկտեմբերի 2017
Էմոցիաներ պարահրապարակում. Հայ պատանի զույգն անցել է «Ты супер! Танцы» շոուի կիսաեզրափակիչ (ՎԻԴԵՈ)
17-ամյա Դավիթ Այվազյանը և 15-ամյա Աստղիկ Մխիթարյանը հաջողությամբ ելույթ ունեցան «Ты супер! Танцы» շոուի քառորդ եզրափակչում:
19:08
29 Նոյեմբերի 2017
«Խոստումը» ֆիլմի սաունդթրեքը հավակնում է Grammy-2018–ին
«Խոստումը» (The Promise) ֆիլմի սաունդթրեքը հավակնում է Grammy-2018–ին:
17:42
29 Նոյեմբերի 2017
Աբրահամ Ռուսսոն խոսել է արցախյան բարբառով (ՎԻԴԵՈ)
Instagram սոցցանցի օգտատերը իր էջում տեսանյութ է հրապարակել, որում երգիչը փորձում է նրա հետևից բառեր արտահայտություններ ասել ղարաբաղյան բարբառով։
16:03
29 Նոյեմբերի 2017
Տիգրան Մանսուրյանի «Ռեքվիեմ»–ն առաջադրվել է «Grammy 2018»–ի միանգամից երկու անվանակարգերում
Grammy–ի է առաջադրված նաև Տիգրան Մանսուրյանի պրոդյուսեր Մանֆրեդ Այխերը՝ որպես «Տարվա պրոդյուսեր դասական ոճում»:
20:04
28 Նոյեմբերի 2017
Կոնստանտին Օրբելյանն ու Դմիտրի Խվորոստովսկին` «Grammy 2018»–ի հավակնորդներ
Կոնստանտին Օրբելյանն ու Դմիտրի Խվորոստովսկին առաջադրվել են Grammy–ի։
14:15
28 Նոյեմբերի 2017
Մալթայի ֆիլհարմոնիկ նվագախումբը հանդես կգա Սերգեյ Սմբատյանի ղեկավարությամբ
Համերգը կկայանա Մալթայի մայրաքաղաք Վալետայի Սուրբ Գևորգի հրապարակում։
21:59
26 Նոյեմբերի 2017
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում, հաղթեց Ռուսաստանը (ՎԻԴԵՈ)
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում։
12:59
25 Նոյեմբերի 2017
Միշել Մստոյանը հուզել է հանդիսատեսին էթնիկ երգի կատարմամբ (ՎԻԴԵՈ)
Միշել Մստոյանը «Ձայնը» շոուի «Նոկաուտներ» փուլում կատարել է «Լաց մի եղիր» եզդիական ժողովրդական երգերի երաժշտական միքս:
10:00
25 Նոյեմբերի 2017
Չարլի Չապլինի դուստրն ու թոռնուհին կայցելեն Հայաստան. «ՆՈՎՈՍՏԻ–ԱՐՄԵՆԻԱՅԻ» ԷՔՍԿԼՅՈՒԶԻՎ
Չարլի Չապլինի դուստրը` Վիկտորիա Թիերե–Չապլինն ու թոռնուհին` Աուրելիա Թիերեն, կայցելեն Հայաստան:
13:24
23 Նոյեմբերի 2017
Հայտնի հայազգի դերասանը կխաղա Շարլիզ Թերոնի հետ նույն ֆիլմում
Հայտնի հայազգի դերասան Էնդի Սերքիսը կնկարահանվի Flursky կատակերգությունում։