485.25
-0.08
569.44
-2.72
8.18
-0.02
-2
Եղանակը Երևանում
Հայ
Ալեգրովայի երևանյան համերգի կազմակերպիչները հայտնում են, որ բոլոր ցանկացողներին տոմսերի գումարները կվերադարձնեն մայիսի 25-ից հետո
17:16
15 Մայիսի 2015

ԵՐԵՎԱՆ, 15 մայիսի. /Նովոստի–Արմենիա/. Իրինա Ալեգրովայի երևանյան համերգի կազմակերպիչները հաստատեցին, որ երգչուհու համերգը կկայանա մայիսի 23-ին, սակայն եթե կլինեն մարդիկ, ովքեր չեն ցանկանա ներկա լինել համերգին, մայիսի 25-ից հետո կարող են հետ ստանալ տոմսերի գումարները, ուրբաթ լրագրողներին ասաց Forpostart Production ընկերության պրոդյուսեր և տնօրեն Զառա Մխեյանը։

«Մայիսի 25-ին մեր ընկերության կայքի համապատասխան բաժնում կնշենք տոմսերի գումարը վերադարձնելու հստակ օրը կամ օրերը»,– նշեց Մխեյանը։

Նա ավելացրեց, որ համերգից հետո համապատասխան վերլուծություն կանցկացնի կազմակերպության հետ համագործակցող ապահովագրական ընկերությունը, այնուհետև կազմակերպության որոշած օրը ցանկացողները կարող են Մարզահամերգային համալիրի տոմսարկղից հետ ստանալ իրենց գումարները։

«Շատերն արդեն ստացել են իրենց գումարները։ Ուզում եմ նշել, որ որևէ տոմսարկղ գումար վերադարձնելու պատասխանատվություն չի կրում, ողջ պատասխանատվությունը կրում է մեր կազմակերպությունը»,– նշեց Մխեյանը։

Նրա խոսքով` ավելի վաղ վաճառված տոմսերն ուժի մեջ են մնում, և նրանք, ովքեր տոմս ունեն, կարող են հաջորդ շաբաթ ներկա լինել Ալեգրովայի համերգին։ Երգչուհին Հայաստան կժամանի մայիսի 23-ին։

Մխեյանը նշեց նաև, որ մեկ ամիս առաջ, երբ փոխվել էր համերգի օրը, մարդիկ ընկերության էլեկտրոնային փոստին բազմաթիվ նամակներ էին ուղարկում, որոնցում ներկայացնում էին իրենց բողոքն ու անգամ վիրավորական արտահայտություններ գրում։ Ընկերության ներկայացուցիչներն ամեն օր պատասխանում էին այդ նամակներին, սակայն ավելի ուշ հատուկ տեքստ մշակվեց, որն ավտոմատ կերպով ուղարկվում էր բոլոր նմանատիպ նամակներին։ Տեքստում նշվում էր, որ համերգի օրվա վերաբերյալ հավելյալ տեղեկություն կներկայացվի։

Իրինա Ալեգրովան մայիսի 23-ին 16։00-ին ելույթ կունենա Կարեն Դեմիրճյանի անվան մարզահամերգային համալիրում։ Համերգը կոչվում է «На бис»։

Ռուսաստանի ժողովրդական արտիստը ռուսական էստրադայի ամենավառ, հզոր և ցանկալի երգչուհիներից մեկն է։ Տարբեր տարիներին կատարած նրա հիթերից են «Հարսանեկան ծաղիկները», «Ծննդյան օրը», «Կայսրուհին», «Կրտսեր լեյտենանտը», «Չեմ հավատում», «Ողջույն, Անդրեյ», «Անավարտ սիրավեպ», «Օտարական» երգերը։ -0-


 

Loading...
Թեմատիկ նյութեր
Բաժնի այլ նյութեր
20:42
07 Դեկտեմբերի 2017
Տիգրան Համասյանն արխիվային բացառիկ տեսագրություն է հրապարակել (ՎԻԴԵՈ)
Աշխարհահռչակ հայ դաշնակահար, ջազմեն և կոմպոզիտոր Տիգրան Համասյանը ներկայացրել է An Ancient Observer վերջին ալբոմի «Leninagone» կոմպոզիցիայի նոր տեսահոլովակը։
00:41
05 Դեկտեմբերի 2017
Կոնսերվատորիայի Գյումրու մասնաճյուղը տոնեց 20-ամյա հոբելյանը (ՖՈՏՈ)
Դեկտեմբերի 2-ին լրացավ Երևանի Կոմիտասի անվան պետական կոնսերվատորիայի Գյումրու մասնաճյուղի հիմնադրման 20 տարին:
14:19
04 Դեկտեմբերի 2017
Հայ փոքրիկները հիացրել են «Կապույտ թռչուն» ռուսական մրցույթի ժյուրիի անդամներին ու հանդիսատեսին (ՎԻԴԵՈ)
Հայ փոքրիկները պարզապես հիացրել են «Կապույտ թռչուն»  համառուսական մրցույթի ժյուրիի անդամներին ու հանդիսատեսին։
14:43
03 Դեկտեմբերի 2017
Էմոցիաներ պարահրապարակում. Հայ պատանի զույգն անցել է «Ты супер! Танцы» շոուի կիսաեզրափակիչ (ՎԻԴԵՈ)
17-ամյա Դավիթ Այվազյանը և 15-ամյա Աստղիկ Մխիթարյանը հաջողությամբ ելույթ ունեցան «Ты супер! Танцы» շոուի քառորդ եզրափակչում:
19:08
29 Նոյեմբերի 2017
«Խոստումը» ֆիլմի սաունդթրեքը հավակնում է Grammy-2018–ին
«Խոստումը» (The Promise) ֆիլմի սաունդթրեքը հավակնում է Grammy-2018–ին:
17:42
29 Նոյեմբերի 2017
Աբրահամ Ռուսսոն խոսել է արցախյան բարբառով (ՎԻԴԵՈ)
Instagram սոցցանցի օգտատերը իր էջում տեսանյութ է հրապարակել, որում երգիչը փորձում է նրա հետևից բառեր արտահայտություններ ասել ղարաբաղյան բարբառով։
16:03
29 Նոյեմբերի 2017
Տիգրան Մանսուրյանի «Ռեքվիեմ»–ն առաջադրվել է «Grammy 2018»–ի միանգամից երկու անվանակարգերում
Grammy–ի է առաջադրված նաև Տիգրան Մանսուրյանի պրոդյուսեր Մանֆրեդ Այխերը՝ որպես «Տարվա պրոդյուսեր դասական ոճում»:
20:04
28 Նոյեմբերի 2017
Կոնստանտին Օրբելյանն ու Դմիտրի Խվորոստովսկին` «Grammy 2018»–ի հավակնորդներ
Կոնստանտին Օրբելյանն ու Դմիտրի Խվորոստովսկին առաջադրվել են Grammy–ի։
14:15
28 Նոյեմբերի 2017
Մալթայի ֆիլհարմոնիկ նվագախումբը հանդես կգա Սերգեյ Սմբատյանի ղեկավարությամբ
Համերգը կկայանա Մալթայի մայրաքաղաք Վալետայի Սուրբ Գևորգի հրապարակում։
21:59
26 Նոյեմբերի 2017
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում, հաղթեց Ռուսաստանը (ՎԻԴԵՈ)
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում։
12:59
25 Նոյեմբերի 2017
Միշել Մստոյանը հուզել է հանդիսատեսին էթնիկ երգի կատարմամբ (ՎԻԴԵՈ)
Միշել Մստոյանը «Ձայնը» շոուի «Նոկաուտներ» փուլում կատարել է «Լաց մի եղիր» եզդիական ժողովրդական երգերի երաժշտական միքս:
10:00
25 Նոյեմբերի 2017
Չարլի Չապլինի դուստրն ու թոռնուհին կայցելեն Հայաստան. «ՆՈՎՈՍՏԻ–ԱՐՄԵՆԻԱՅԻ» ԷՔՍԿԼՅՈՒԶԻՎ
Չարլի Չապլինի դուստրը` Վիկտորիա Թիերե–Չապլինն ու թոռնուհին` Աուրելիա Թիերեն, կայցելեն Հայաստան: