483.86
+0.11
572.89
+4.24
8.29
+0.08
-2
Եղանակը Երևանում
Հայ
«Այլևս երբեք...» կինոծրագրի շրջանակում Հայոց ցեղասպանության մասին ֆիլմեր են ցուցադրվել աշխարհի յոթ երկրներում
16:48
12 Մայիսի 2015

ԵՐԵՎԱՆ, 12 մայիսի. /Նովոստի–Արմենիա/. «Ոսկե ծիրան» կինեմատոգրաֆի զարգացման հայկական հասարակական կազմակերպությունը երեքշաբթի ամփոփել է  թեմատիկ ֆիլմերի «Այլևս երբեք...» խորագրով ցուցադրությունների նախնական արդյունքները, որոնք նվիրված են Օսմանյան Թուրքիայում տեղի ունեցած Հայոց ցեղասպանության 100–րդ տարելիցին։

Раффи МовсисянԻնչպես նշեց ծրագրի համակարգող Րաֆֆի Մովսիսյանը, ֆիլմերը ցուցադրվել են Գերմանիայի, Ֆրանսիայի, Բուլղարիայի, Լիտվայի, Բելառուսի, Շվեյցարիայի և Թուրքիայի 12 քաղաքներում։

«Ներկայացվել են հայ և օտարերկրացի, այդ թվում թուրք ռեժիսորների ավելի քան 20 ֆիլմեր։ Կազմակերպելով ցուցադրությունն այս կամ այն երկրում` մենք հաշվի էինք առնում տվյալ երկրի քաղաքական, մշակութային և էսթետիկ առանձնահատկությունները», – նշեց նա։

Մովսիսյանը տեղեկացրեց, որ ծրագիրը մեկնարկել է փետրվարի 24–ին Բելառուսի մայրաքաղաք Մինսկում։ «Անիվ» հայագիտական ուսումնասիրություններով զբաղվող կազմակերպության աջակցությամբ Բելառուսի պետական համալսարանի պատմական ֆակուլտետի ուսանողների համար նույն օրը կազմակերպվել էր Կառլա Կարապետյանի «Ճչացողները» ֆիլմի հատուկ ցուցադրությունը։

Նրա խոսքերով` «Այլևս երբեք...» ծրագրում ներառված են Սյուզան Խարդալյանի «Տատիկիս դաջվածքները», Ատոմ Էգոյանի «Արարատ», Անրի Վերնոյի «Մայրիկ», Արա Երնջակյանի «Խավարում» ֆիլմերը և ուրիշներ։

Մովսիսյանը նաև տեղեկացրեց, որ ծրագրի իրականացման առաջին կիսամյակը կավարտվի հունիսի 19–ին Մոսկվայի 37–րդ միջազգային կինոփառատոնի շրջանակում։

Арутюн ХачатрянԻնչպես նշեց «Ոսկե ծիրան» երևանյան միջազգային կինոփառատոնի տնօրեն Հարություն Խաչատրյանը, տեղական ԶԼՄ–ները բավականին ակտիվ և դրական էին լուսաբանում այդ ցուցադրությունները։ Գրեթե բոլոր հեղինակավոր հրատարակությունները հոդվածներ էին թողարկում այդ միջոցառումների մասին։

««Այլևս երբեք...» ծրագրով մենք ուզում էինք հայտարարել աշխարհին, որ կանք, շարունակում ենք ապրել և կերտել, և այս ամենի ցուցադրելու լավագույն միջոցը կինոարվեստն է», – ավելացրեց նա։

«Ոսկե ծիրան» երևանյան միջազգային կինոփառատոնի ղեկավար Սուսաննա Հարությունյանն իր հերթին ընդգծեց, որ ցուցադրությունների ընթացքում կազմակերպիչները ոչ մի տեղ չեն բախվել որևէ խոչընդոտի կամ սադրանքի հետ, անգամ Թուրքիայում բոլոր քննարկումները հրապարակային էին։

Сусанна Арутюнян«Այսպիսով, մենք կարողացանք փոխանցել մեր խոսքը, հանդիսատեսին պատմել մեր ցավի մասին, իհարկե, սահմանափակ քանակությամբ հանդիսատեսին, հիմնականում` կինոգործիչներին, ովքեր պատրաստ էին մեզ հետ երկխոսության մեջ մտնել», – ընդգծեց նա։

«Այլևս երբեք...» ծրագիրն անցկացվում է Հայոց ցեղասպանության 100–րդ տարելիցին նվիրված միջոցառումները համակարգող պետական հանձնաժողովի և ՀՀ մշակույթի նախարարության հետ համատեղ։

«Ոսկե ծիրան» երևանյան միջազգային կինոփառատոնի մեկնարկից առաջ կինոցուցադրություններ կկազմակերպվեն նաև Ռուսաստանում, Լեհաստանում և Իրանում։

«Ոսկե ծիրան» միջազգային կինոփառատոնը Երևանում անցկացվում է 2004թ.-ից և համարվում է տարածաշրջանի ամենաճանաչվածներից մեկը:

2010թ.-ին փառատոնը արժանացել է Կինոյի միջազգային միության, « Ficts Plate D’honneur 2010» հեռուստատեսության և սպորտի գլխավոր մրցանակին:

Այս տարիներին Երևան են այցելել աշխարհահռչակ դերասաններ և ռեժիսորներ, որոնց թվում` գրող և սցենարիստ Տոնինո Գուերան, հանրաճանաչ դերասանուհիներ Կլաուդիա Կարդինալեն և Ֆանի Արդանը։

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի այն քննադատություններին, որոնք վերաբերում են Հայոց ցեղասպանության հարցին։

Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Հոլանդիան, ԱՄՆ նահանգների մեծամասնությունը, ինչպես նաև Ավստրիայի, Չիլիի, Հունաստանի, Կիպրոսի, Արգենտինայի, Բելգիայի, Ուելսի, լյուքսեմբուրգի  խորհրդարանները, Շվեյցարիայի Ազգային խորհուրդը, Կանադայի խորհրդարանի համայնքների պալատը և Լեհաստանի սեյմը։ –0–


 

Loading...
Թեմատիկ նյութեր
Բաժնի այլ նյութեր
13:24
23 Նոյեմբերի 2017
Հայտնի հայազգի դերասանը կխաղա Շարլիզ Թերոնի հետ նույն ֆիլմում
Հայտնի հայազգի դերասան Էնդի Սերքիսը կնկարահանվի Flursky կատակերգությունում։
17:16
20 Նոյեմբերի 2017
Հայ ռեժիսորի ֆիլմը լավագույնն է ճանաչվել Տորոնտոյի կինոփառատոնում (ՎԻԴԵՈ)
Ֆիլմն արդեն ներկայացվել է աշխարհի տարբեր փառատոներում։
11:42
16 Նոյեմբերի 2017
Մարկ Բուշկով. բելգիացի ջութակահարը Խաչատրյանի միջազգային 5-րդ փառատոնի բեմում
Հերթական համերգային երեկոյի ընթացքում՝ նոյեմբերի 16-ին նախատեսված է բելգիացի ջութակահար Մարկ Բուշկովի ելույթը:
14:46
13 Նոյեմբերի 2017
«Մանկական Եվրատեսիլ-2017»-ին Հայաստանը կկարողանա քվեարկել Միշայի օգտին
«Մանկական Եվրատեսիլ-2017» երգի միջազգային մրցույթի քվեարկության կարգում կարևոր փոփոխություններ են իրականացվել:
11:00
12 Նոյեմբերի 2017
«Մանկական Եվրատեսիլում» Հայաստանը ներկայացնող Միշան «Բումերանգ» բաց կթողնի Երևանում «Ռիո» առևտրի կենտրոնի բացման ժամանակ (ՎԻԴԵՈ)
Միշան կներկայացնի իր եվրատեսիլյան «Բումերանգ» երգը «Ռիո» առևտրի կենտրոնի բացման արարողության ժամանակ, որը տեղի կունենա նոյեմբերի 13–ին:
19:57
08 Նոյեմբերի 2017
Կոմիտաս և ջազ, «Հովեր» կամ Հայաստանի մշակութային օրեր Ռուսաստանում
Սանկտ Պետերբուրգում կկայանան հայ երաժշտական կոլեկտիվների համերգներ:
15:16
08 Նոյեմբերի 2017
Լույս է տեսել Նարինե Աբգարյանի «Մանյունյա» գրքի հայերեն թարգմանությունը
«Մանյույան» հասցեագրված է չափահաս մանուկներին և պատմում է այն հերոսական մարդկանց մասին, որոնք ինչ-որ կերպ հաջողացրել են մեծանալ առանց Wi-Fi–ի ու համակարգչային խաղերի։
13:37
03 Նոյեմբերի 2017
Արամ MP3-ը և Սևակ Խանաղյանը` մեկ բեմում
Երևանում տեղի կունենա Արամ MP3-ի  և Սևակ Խանաղյանի համերգը։
17:10
27 Հոկտեմբերի 2017
Դերասան Ալեքսանդր Խաչատրյանը ճանաչվել է լավագույնը Scandinavian International Film Festival–ում (ՖՈՏՈ)
Ալեքսանդր Խաչատրյանը, ով նկարահանվել է Ջիվան Ավետիսյանի «Վերջին բնակիչը» ֆիլմում, ճանաչվել է լավագույն դերասանը:
13:56
27 Հոկտեմբերի 2017
«Դեպի Եվրատեսիլ»-ի նոր եթերաշրջանը՝ Հանրայինի եթերում. հայտերի ընդունման մեկնարկը տրված է
Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը:
12:58
27 Հոկտեմբերի 2017
Հայոց ցեղասպանության մասին Ջո Բերլինգերի ֆիլմը հաղթել է Լոս Անջելեսի կինոփառատոնում (ՎԻԴԵՈ)
«Ոչնչացնելու մտադրություն» ֆիլմը պատմում է Օսմանյան կայսրությունում 102 տարի առաջ տեղի ունեցած դեպքերի մասին։
18:48
26 Հոկտեմբերի 2017
Գրեմմիի կրկնակի մրցանակակիրը հետաձգել է համերգային շրջագայությունը Yerevan Jazz Fest 2017–ի համար
Միլերը հետաձգել է իր համերգային շրջագայությունը, որպեսզի մասնակցի Yerevan Jazz Fest 2017 փառատոնին։