483.58
+0.74
513.85
-7.76
7.67
+0.05
-2
Եղանակը Երևանում
Հայ
Ալեքսանդր Մորոզով. նվիրվում է Մեծ պատերազմի մեծ վետերաններին
18:49
08 Մայիսի 2015

ԵՐԵՎԱՆ, 8 մայիսի. /Նովոստի–Արմենիա/. Խորհրդային և ռուս կոմպոզիտոր, էստրադային երգիչ, Մոլդովայի, Ռուսաստանի և Ուկրաինայի ժողովրդական արտիստ Ալեքսանդր Մորոզովն ուրբաթ համերգ է ունեցել Երևանի «Մոսկվայի տանը»` նվիրված Հայրենական պատերազմում տարած հաղթանակի 70–ամյակին։

Ստեղծագործական գործունեության 40 տարվա ընթացքում Մորոզովը գրել է ավելի քան 1000 երգ, որոնց թվում են «Ալ արշալույսը», «Իմ սենյակում լուսավոր է», «Հոգիս ցավում է», «Կապտաթև աղավնի» և շատ այլ սիրված երգեր։ Իր ստեղծագործությունները նա գրել է` համագործակցելով տաղանդավոր բանաստեղծների հետ, որոնց թվում են Անատոլի Պոպերեչնին, Լեոնիդ Դերբենյովը և ուրիշներ։

Ալեքսանդր Մորոզովի երգերը երգում են խորհրդային և ռուսական էստրադայի աստղերի չորս սերունդներ` Իոսիֆ Կոբզոնը, Ալլա Պուգաչյովան, Միխայիլ Շուֆուտինսկին, Սոֆյա Ռոտարուն, Վալերի Լեոնտևը, Ֆիլիպ Կիրկորովը, Էդիտա Պիեխան, Լև Լեշչենկոն, Նադեժդա Բաբկինան, Նիկոլայ Բասկովը, Տաիսիա Պովալին, Լոլիտան, Վիտասը, Պելագեան և ուրիշներ։

Մաեստրոյի երևանյան համերգն ընդմիշտ կհիշվի հանդիսատեսի կողմից պրեմիերաների առատությամբ և ջերմությամբ։ Մասնավորապես, «Կարևոր օր» երգի պրեմիերան տեղի ունեցավ հենց Երևանում։ Իսկ վաղը երգը կհնչի Մոսկվայում նախատեսված Հաղթանակի շքերթին։

Համերգին, բացի մաեստրոյից, մասնակցեցին նրա կինն ու պրոդյուսերը` Մարինա Պարուսնիկովան և ռուս դերասան Պավել Գրեբեննիկովը։

Համերգից հետո Մորոզովը պատասխանեց «Նովոստի–Արմենիա» գործակալության հարցերին։

– Ստեղծագործական գործունեության ընթացքում Դուք աշխատել եք բավականին հետաքրքիր մարդկանց հետո։ Ո՞ր պահերն են ամենաշատը հիշվել և ինչու՞

– Ամենաուրախն այն պահերն էին, երբ իմ երգերն արժանանում էին բարձր մրցանակների։ Ես «Տարվա երգ» փառատոնի բազմակի մասնակից եմ։ Շատ ուրախ եմ, որ աստղերից շատերը այդ փառատոնի եզրափակչում կատարել են հենց իմ երգերը։ Շնորհակալ եմ ճակատագրին, որ նա ինձ կապեց հռչակավոր կատարողների հետ։ Վաղուց գոյություն չունի Խորհրդային Միությունը, սակայն առաջին անգամ գալով Երևան` շատ հաճելի է իմանալ, որ իմ երգերը չեն մոռացվել, դահլիճը հիշում էր դրանք։

– Ի՞նչ է նշանակում Հաղթանակի օրը Ձեզ համար, մի մարդու, ով ծնվել է պատերազմից հետո։ Ո՞րն է Մեծ հաղթանակի 70–ամյակին նվիրված Ձեր «Մեծ օր»  սկավառակի հիմնական ուղերձը։

– Իմ սկավառակը ես նվիրել եմ իմ վետերան հայրիկին, ով Փառքի երկու շքանշանների ասպետ է, վերջերս նշել է իր 90–ամյակը։ Դա մեծ երջանկություն է կոմպոզիտոր որդու համար Հաղթանակի 70–ամյակին հորը նվիրել սեփական ստեղծագործությունը։ Շատ ուրախ եմ, որ երգերից շատերն այսօր առաջին անգամ հնչեցին այս հիանալի դահլիճում, և որ դրանք այդքան ջերմ ընդունվեցին հանդիսատեսի կողմից։ Ես անպայման տպավորություններս կպատմեմ հորս։

– Ձեր երգերի թեման շատ բազմազան է։ Ի՞նչն է կոմպոզիտոր Մորոզովին հոգեհարազատ։

– Ինձ, իհարկե, առաջին հերթին հոգեհարազատ են լիրիկական երգերը, սրտից բխող երգերը, որոնք իրենց տեղն են գտնում մարդկանց հոգիներում և սրտերում, որոնք ուզում ես ոչ միայն լսել, այլ նաև երգել։ Դա ամենամեծ մրցանակն է, երբ ինձ հաջողվում է գրել նման երգեր, երբ ժողովուրդը դրանք երգում է։ Այդ պատճառով, իմ կարծիքով, իմ երգերի լավագույն կատարողը հանդիսատեսն ու ժողովուրդն է, ով սեղանի շուրջ երգում է Մորոզովի երգերը։

– Ձեր անձնական կյանքը նույնքան բուռն է և հագեցած անսպասելի շրջադարձերով, որքան Ձեր ստեղծագործությունը (կոմպոզիտորը երեք անգամ ամուսնացած է եղել)։ Ինչո՞վ եք ոգեշնչվում։

– Ոգեշնչումը ներդաշնակության մեջ է։ Ես գուցե միանգամից չեմ հանդիպել իմ երկրորդ կեսին, քանի որ չափազանց շատ էի տարված ստեղծագործական գործունեությամբ և ավելի քիչ ուշադրություն էի դարձնում անձնական կյանքիս։ Սակայն միշտ զգացել եմ, որ իսկական ընկերոջ կարիք ունեմ, ով ինձ հետ կկիսեր իմ բոլոր մտքերն ու մտահղացումները։ Եվ ահա ճակատագիրը ինձ նվիրեց նման հանդիպում։ Մենք Մարինա Պարուսնիկովայի հետ արդեն ավելի քան 10 տարի միասին ենք։ Նա ոչ միայն դարձավ իմ պրոդյուսերը, այլ նաև երգում է ինձ հետ։ Մենք ընտանեկան դուետ ենք ստեղծել` «Մաեստրոն և Մարինան»։ Սակայն երբ նրան հարցնում են, թե ինչու սկսեց երգել, նա պատասխանում է, – «Ես երգչուհի չեմ, պարզապես ամուսնուս եմ օգնում»։ 

– Վլադիմիր Շայինսկուն են պատկանում հետևյալ տողերը. «Կարող եմ գրավել ցանկացած կնոջ, պարզապես նրան պետք է մոտեցնել դաշնամուրին»։ Ո՞րն է արտիստի մոգությունը։

– Արտիստի մոգությունը գուցե անկեղծությունն է, որպեսզի մարդիկ, որոնց համար  ելույթ ես ունենում, կասկածի նշույլ անգամ չունենան, որ դա անում ես ի սրտե` ցանկություն ունենալով նրանց դարձնել փոքր–ինչ ավելի լավ, բարի... Սակայն քանի որ հիմա իմ կողքին կանգնած է Մարինան, ես կցանկանայի, որպեսզի մեր հաճելի և անսպասելի հարցազրույցի վերջում նա մի քանի խոսք ասեր։

Մարինա Պարուսնիկովան իր հերթին շնորհավորեց բոլորին Մեծ տոնի` մայիսի 9–ի կապակցությամբ և մաղթեց խաղաղություն և սեր։ –0–

Loading...
Թեմատիկ նյութեր
Բաժնի այլ նյութեր
13:22
08 Դեկտեմբերի 2016
Հայկական երեք ֆիլմեր առաջադրվել են ամերիկյան «Ոսկե գլոբուս» մրցանակին
Հայկական երեք ֆիլմեր առաջադրվել են ամերիկյան հեղինակավոր «Ոսկե գլոբուս» կինոմրցանակին` «Լավագույն արտասահմանյան ֆիլմ» անվանակարգում, նշվում է կինոմրցանակի կայքում:
20:06
06 Դեկտեմբերի 2016
Հրապարակվել են Grammy 2017 մրցանակի հավակնորդները
Հրապարակվել են Grammy 2017 մրցանակի հավակնորդները։ Մրցանակն ամեն տարի շնորհվում է ԱՄՆ–ի ձայնագրման արվեստի և տեխնիկայի ազգային ակադեմիայի կողմից։
16:08
06 Դեկտեմբերի 2016
Հայաստանը UNESCO-ում տապալել է Ադրբեջանի և Թուրքիայի` հայկական լավաշին «բռնատիրելու» փորձերը
Կոմիտեի XI նիստը` կապված UNESCO-ի ոչ նյութական մշակութային ժառանգության պահպանման հետ, տեղի է ունեցել նոյեմբերի 28-ից դեկտեմբերի 2-ը Եթովպիայում:
15:29
05 Դեկտեմբերի 2016
Աննա Մելիքյանը կարճամետրաժ ֆիլմ է նկարահանել դժբախտ սիրուց դեղահաբերի մասին (ՏԵՍԱՆՅՈՒԹ)
Ռուսաստանաբնակ հայտնի ռեժիսոր Աննա Մելիքյանը կարճամետրաժ ֆիլմ է նկարահանել դժբախտ սիրուց դեղահաբերի մասին:
13:44
05 Դեկտեմբերի 2016
Սարիկ Անդրեասյանի «Երկրաշարժ» ֆիլմը ներառվել է «Ոսկե գլոբուս» մրցանակի թեկնածուների ցուցակում
Սարիկ Անդրեասյանի «Երկրաշարժ» ֆիլմը ներառվել է «Ոսկե գլոբուս» միջազգային կինոմրցանակի` «Լավագույն արտասահմանյան ֆիլմ» անվանակարգի հիմնական թեկնածուների ցուցակում:
13:14
05 Դեկտեմբերի 2016
Universal Pictures–ը հրապարակել է «Մումիա» կինոպատման հերթական մասի առաջին թրեյլերը
Universal Pictures կինոստուդիան հրապարակել է «Մումիա» կինոպատման հերթական մասին առաջին թրեյլերը։
12:29
30 Նոյեմբերի 2016
Իոսիֆ Կոբզոնը Երևանում կներկայացնի «Հայ մեծ կոմպոզիտորների սիրված երգերը»
ԽՍՀՄ ժողովրդական արտիստ Իոսիֆ Կոբզոնը ելույթ կունենա Երևանում «Հայ մեծ կոմպոզիտորների սիրված երգեր» բարեգործական մենահամերգով:
12:00
29 Նոյեմբերի 2016
Սիրիահայ ռեժիսորի ֆիլմը լավագույնն է ճանաչվել Թուրինի կինոփառատոնում
Սիրիահայ ռեժիսորի ֆիլմն Իտալիայի Թուրինի 34-րդ կինոփառատոնի «Լավագույն միջազգային փաստագրական ֆիլմ» անվանակարգում ճանաչվել է երկու լավագույններից մեկը։
14:34
28 Նոյեմբերի 2016
Լեգենդար գեղասահորդ Եվգենի Պլյուշչենկոն «երկրաշարժ» է առաջացրել Երևանում (ԼՈՒՍԱՆԿԱՐ)
Ռուս լեգենդար գեղասահորդ, օլիմպիական կրկնակի չեմպիոն Եվգենի Պլյուշչենկոն «Սառույցի թագավորները» Երևանի հանդիսատեսին զգայական համար է ներկայացրել:
12:24
28 Նոյեմբերի 2016
Երևանում տեղի կունենա «Maria de Buenos Aires» հայտնի օպերա տանգոյի պրեմիերան
Սպենդիարյանի անվան օպերայի և բալետի ազգային ակադեմիական թատրոնում կբեմադրվի Աստոր Պիացոլային «Maria de Buenos Aires» օպերա տանգոն:
19:10
25 Նոյեմբերի 2016
Ադելը հեռանում է բեմից
Մեր օրերի ամենաբարձր վարձատրվող երգչուհիներից մեկը` Ադելը, որոշել է ժամանակավոր հեռանալ բեմից։
19:24
24 Նոյեմբերի 2016
Հայտնի երգչուհի Մարիամ Մերաբովան հնչյունավորել է Disney կինոստուդիայի նոր մուլտֆիլմի հերոսուհիներից մեկին
Հայտնի ջազ երգչուհի Մարիամ Մերաբովան հնչյունավորել է Disney կինոստուդիայի «Մոանա» նոր անիմացիոն ֆիլմի հերոսուհիներից մեկին։