478.51
-0.06
560.91
-1.27
8.03
+0.05
+19
Եղանակը Երևանում
Հայ
Հայտնի իտալացի ջութակահարուհի Ֆրանչեսկա Դեգոն համերգ կունենա Երևանում
16:53
10 Ապրիլի 2015

ԵՐԵՎԱՆ, 10 ապրիլի. /Նովոստի–Արմենիա/. Հայտնի իտալացի ջութակահարուհի Ֆրանչեսկա Դեգոն ապրիլի 11-ին համերգ կունենա Սպենդիարյանի անվան օպերայի և բալետի ազգային ակադեմիական թատրոնում, ուրբաթ լրագրողներին ասաց օպերային թատրոնի գլխավոր դիրիժոր, Հայաստանի վաստակավոր արտիստ Կարեն Դուրգարյանը։ 

Նա ընդգծեց, որ առաջին անգամ հայ հանդիսատեսը կարող է ունկնդրել իտալացի կոմպոզիտոր Վոլֆ Ֆերարիի «Ջութակի և նվագախմբի կոնցերտը», որը գրվել է 20-րդ դարի 40-ականներին։ «Աշխարհում տվյալ ստեղծագործության շատ քիչ կատարողներ կան, սակայն Դեգոն նրանցից մեկն է։ Կարծում եմ, որ այս երիտասարդ տաղանդավոր ջութակահարուհին շատ լուրջ երաժշտական ապագա ունի, և լավ է, որ այս փուլում մեզ հաջողվեց նրան Հայաստան հրավիրել», - նշեց Դուրգարյանը։

Հայտնի ջութակահարուհու համերգը կազմակերպվել է Օպերային թատրոնի կողմից Հայոց ցեղասպանության 100-րդ տարելիցին նվիրված միջոցառումների շրջանակում։

«Ֆրանչեսկա Դեգոն առաջին անգամ է Հայաստանում։ Մոտ 20 օր առաջ մենք համերգ ունեցանք Իտալիայում, և այդ ժամանակ այս հրաշալի ջութակահարուհուն Հայաստան հրավիրելու գաղափարը ծնվեց։ Կարծում եմ, որ հայ հանդիսատեսն արժանի է լսելու և տեսնելու նման մակարդակի արտիստի», - նշեց Դուրգարյանը։ 

Դուրգարյանն ավելացրեց, որ Հայաստանում համերգից հետո ջութակահարուհին կմեկնի Ռուսաստան, որտեղ կշարունակի իր համերային գործունեությունը։

Իտալացի ջութակահարուհին իր հերթին նշեց, որ շատ երջանիկ է Հայաստանում գտնվելու համար և տպավորված է հայ ժողովրդի հյուրընկալությունից։ «Ինձ համար պատիվ է ցեղասպանության 100-րդ տարելիցին նվիրված միջոցառումներին մասնակցելը։ Քանի որ իմ մայրը հրեական արմատներ ունի, և իմ ընտանիքի որոշ անդամներ զոհվել են Երկրորդ համաշխարհային պատերազմի տարիներին, ես շատ մոտիկից եմ ծանոթ ցեղասպանության հասկացությանը»,- ավելացրեց Դեգոն։

Նա նաև բարձր գնահատեց Հայաստանի սիմֆոնիկ նվագախմբի պրոֆեսիոնալ մակարդակը` նշելով, որ իրեն միշտ հետաքրքիր է ուսումնասիրել տարբեր երկրների երաժշտական դպրոցները։ «Յուրաքանչյուր նվագախմբի հետ աշխատանքն ազդում է ջութակի նվագի իմ մեկնաբանության վրա, և ամեն անգամ այն նորովի է հնչում»,- ընդգծեց ջութակահարուհին։

Ֆրանչեսկա Դեգոն Իտալիայի մի շարք ազգային և միջազգային մրցույթների դափնեկիր է։ Ակադեմիական երաժշտության ձայնագրման «Sony Classical» և «Deutsche Grammophon» լեյբլների մենակատարն է։ Նա Ֆրանչեսկո Ռուջերիի (1697, Կրեմոնա) և Ջուզեպե Գվարների (1734, Կրեմոնա) դպրոցի ջութակների սեփականատեր է։--0--

Loading...
Թեմատիկ նյութեր
Բաժնի այլ նյութեր
19:55
13 Օգոստոսի 2017
Ռոքերները «պայթեցրել» են Ծաղկաձորը (ՖՈՏՈ)
Ծաղկաձորում օգոստոսի 12-13-ին անցկացվում է EPIC Rock Fest 2017 բացօթյա առաջին մեծածավալ հայկական ռոք-փառատոնը:
14:37
07 Օգոստոսի 2017
Ջիվան Ավետիսյանի «Վերջին բնակիչը» կցուցադրվի նաև Վենետիկի կինոփառատոնում (ՎԻԴԵՈ)
Վենետիկի կինոփառատոնի շրջանակներում ֆիլմի ներկայացումն ու ցուցադրությունները նախատեսվում են սեպտեմբերին։
13:32
06 Օգոստոսի 2017
Դասականից մինչև ժամանակակից. հրապարակի երգող շատրվանները նոր երգացանկ ունեն
Հանրապետության հրապարակում տեղի է ունեցել երգող շատրվանների նոր երաժշտացանկի շնորհանդեսը:
20:26
03 Օգոստոսի 2017
Անդրեն ներկայացրել է «Ես կդառնամ» երգը (ԱՈՒԴԻՈ)
Հայաստանի վաստակավոր արտիստ Անդրեն հինգշաբթի ներկայացրել է «Ես կդառնամ» երգը։
19:45
03 Օգոստոսի 2017
Կոնստանտին Օրբելյանը` Օպերայի ակադեմիական թատրոնի տնօրեն
Կոնստանտին Օրբելյանը նշանակվել է Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրեն։
20:03
31 Հուլիսի 2017
«Ֆրեսկո» փառատոն. բացօթյա կինոդիտումներ, համերգներ, կինոճամբարներ Երևանում և մարզերում
«Ֆրեսկո» արդի արվեստի և հոգևոր ֆիլմերի չորրորդ միջազգային փառատոնը կմեկնարկի Հայաստանում օգոստոսի 25–ից։
15:37
31 Հուլիսի 2017
Սուրբ Աստվածածին եկեղեցու եզակի որմնանկարներն անհետացման վտանգի տակ են. փորձագետ
Որմնանկարները թվագրվում են 17 -րդ դարի վերջին և 18-րդ  դարի սկզբին, իսկ Աստվածածին եկեղեցին կառուցվել է 17-րդ դարի վերջին:
20:00
28 Հուլիսի 2017
Ռոբեր Գեդիկյանի ֆիլմը ներառվել է Վենետիկի 74-րդ կինոփառատոնի մրցութային ծրագրում
Ֆրանսահայ ռեժիսոր Ռոբեր Գեդիկյանի «Վիլլա» ֆիլմը ներառվել է Վենետիկի 74-րդ կինոփառատոնի մրցութային ծրագրում:
11:31
27 Հուլիսի 2017
Բոլիվուդի կինեմատոգրաֆիստներն առաջին անգամ ֆիլմ են նկարահանում Հայաստանում
Հնդկաստանից ժամանած մի խումբ կինեմատոգրաֆիստներ Հայաստանում նկարահանում են լիամետրաժ ֆիլմ:
13:35
26 Հուլիսի 2017
Հայտնի է «Եվրատեսիլ 2018»–ի անցկացման վայրը
Հայտնի է, թե որ քաղաքում կանցկացվի «Եվրատեսիլ 2018» մրցույթը։
12:50
23 Հուլիսի 2017
‹‹Ծիրանի ծառ›› երգը՝ Արամ MP3-ի նորովի մեկնաբանությամբ (ՎԻԴԵՈ)
Համացանցում է հայտնվել Արամ MP3-ի նորովի մեկնաբանությամբ ‹‹Ծիրանի ծառ›› ժողովրդական երգը:
12:59
19 Հուլիսի 2017
Ռեժիսոր Անդրեյ Կոնչալովսկին «Օսկարը» համեմատել է McDonald's–ի հետ
Ռեժիսոր Անդրեյ Կոնչալովսկին «Օսկարը» համեմատել  է McDonald's–ի հետ և առաջարկել է դրա դեմ պատժամիջոցներ ներդնել ՌԴ–ի կողմից։