485.25
-0.08
569.44
-2.72
8.18
-0.02
-2
Եղանակը Երևանում
Հայ
Հայաստանի պետական երիտասարդական նվագախումբը համերգներ կունենա Հայոց ցեղասպանության 100–րդ տարելիցի կապակցությամբ. Սմբատյան
16:57
07 Ապրիլի 2015

ԵՐԵՎԱՆ, 7 ապրիլի. /Նովոստի–Արմենիա/. Հայաստանի պետական երիտասարդական նվագախումբը հանդես կգա համերգաշարով, որը նվիրված կլինի Հայոց ցեղասպանության 100–րդ տարելիցին։ Համերգներ կլինեն ինչպես Հայաստանում, այնպես էլ` արտասահմանում, ասաց նվագախմբի գեղարվեստական ղեկավար Սերգեյ Սմբատյանը։

«Բոլորս շատ լավ գիտենք, որ 2015 թվականը մեր ժողովրդի համար բավականին ծանր է, սակայն մենք ունենք շատ լավ նախագծեր, որոնք կիրականացնենք այս տարվա ընթացքում ինչպես Հայաստանում, այնպես էլ` արտասահմանում», – նշեց Սմբատյանը։ Միաժամանակ նա նախատեսված ելույթների վերաբերյալ մանրամասներ չհայտնեց։

Ավելի վաղ ՀՀ մշակույթի փոխնախարար Արթուր Պողոսյանը տեղեկացրել էր, որ Հայոց ցեղասպանության 100–րդ տարելիցին նվիրված միջոցառումների շրջանակում Պետական երիտասարդական նվագախումբը 2015թ.–ին համերգներ կունենա Լեհաստանում, Իսպանիայում և Ֆրանսիայում։

Սմբատյանը նաև տեղեկացրեց, որ վերջերս երաժշտական համույթը VivaCell-MTS  ընկերության և Հայոց ցեղասպանության 100–րդ տարելիցին նվիրված միջոցառումները համակարգող պետական հանձնաժողովի աջակցությամբ երկրորդ անգամ մասնակցել է Լիբանանում անցկացված «Ալ Բուստան» միջազգային փառատոնին (փետրվարի 17–ից մարտի 22–ը)` որպես պաշտոնական նվագախումբ։ Ելույթի ընթացքում նույնպես անդրադարձ է կատարվել Ցեղասպանության թեմային։

«Կարելի է ասել, որ երաժշտական համատեքստում այս տարին դեռ նոր է սկսվել, սակայն նվագախումբն արդեն մեծ հաջողությունների է հասել լիբանանյան փառատոնի ժամանակ, որին մենք մասնակցեցինք երկրորդ անգամ մեր մշտական գործընկեր VivaCell-MTS–ի աջակցությամբ։ Նվագախումբը նաև 2016 թվականին մասնակցելու հրավեր է ստացել», – նշեց Սմբատյանը։

«VivaCell-MTS ընկերությունն առաջին տարին չէ, որ համագործակցում է Երիտասարդական նվագախմբի հետ։ Մենք միասին բավականին երկար ճանապարհ ենք անցել` ավելի լավ ծանոթանալով միմյանց հետ և համապատասխան փորձ ձեռք բերելով», – իր հերթին ասաց VivaCell-MTS–ի գլխավոր տնօրեն Ռալֆ Յիրիկյանը։

Նա նաև նշեց, որ նվագախումբը տարեց տարի կատարելագործվում է ստեղծագործական տեսակետից, և այս մասին վկայում է ոչ միայն հայ, այլ նաև օտարերկրացի հանդիսատեսը։ «Հենց այս պատճառով մենք կշարունակենք աջակցել նվագախմբին, քանի որ առաջընթաց ենք տեսնում», – ավելացրեց Յիրիկյանը։

Հայաստանի երիտասարդական նվագախումբը ստեղծվել է 2005թ.–ի նոյեմբերին, 2008թ.–ին ստացել է պետական նվագախմբի կարգավիճակ։ Նվագախմբի կազմում ելույթ են ունենում միջազգային մրցույթների դափնեկիրներ և Վլադիմիր Սպիվակովի միջազգային բարեգործական հիմնադրամի կրթաթոշակառուներ։ «Նովոստի–Արմենիա» գործակալությունը նվագախմբի տեղեկատվական հովանավորն է։

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-

Loading...
Թեմատիկ նյութեր
Բաժնի այլ նյութեր
20:42
07 Դեկտեմբերի 2017
Տիգրան Համասյանն արխիվային բացառիկ տեսագրություն է հրապարակել (ՎԻԴԵՈ)
Աշխարհահռչակ հայ դաշնակահար, ջազմեն և կոմպոզիտոր Տիգրան Համասյանը ներկայացրել է An Ancient Observer վերջին ալբոմի «Leninagone» կոմպոզիցիայի նոր տեսահոլովակը։
00:41
05 Դեկտեմբերի 2017
Կոնսերվատորիայի Գյումրու մասնաճյուղը տոնեց 20-ամյա հոբելյանը (ՖՈՏՈ)
Դեկտեմբերի 2-ին լրացավ Երևանի Կոմիտասի անվան պետական կոնսերվատորիայի Գյումրու մասնաճյուղի հիմնադրման 20 տարին:
14:19
04 Դեկտեմբերի 2017
Հայ փոքրիկները հիացրել են «Կապույտ թռչուն» ռուսական մրցույթի ժյուրիի անդամներին ու հանդիսատեսին (ՎԻԴԵՈ)
Հայ փոքրիկները պարզապես հիացրել են «Կապույտ թռչուն»  համառուսական մրցույթի ժյուրիի անդամներին ու հանդիսատեսին։
14:43
03 Դեկտեմբերի 2017
Էմոցիաներ պարահրապարակում. Հայ պատանի զույգն անցել է «Ты супер! Танцы» շոուի կիսաեզրափակիչ (ՎԻԴԵՈ)
17-ամյա Դավիթ Այվազյանը և 15-ամյա Աստղիկ Մխիթարյանը հաջողությամբ ելույթ ունեցան «Ты супер! Танцы» շոուի քառորդ եզրափակչում:
19:08
29 Նոյեմբերի 2017
«Խոստումը» ֆիլմի սաունդթրեքը հավակնում է Grammy-2018–ին
«Խոստումը» (The Promise) ֆիլմի սաունդթրեքը հավակնում է Grammy-2018–ին:
17:42
29 Նոյեմբերի 2017
Աբրահամ Ռուսսոն խոսել է արցախյան բարբառով (ՎԻԴԵՈ)
Instagram սոցցանցի օգտատերը իր էջում տեսանյութ է հրապարակել, որում երգիչը փորձում է նրա հետևից բառեր արտահայտություններ ասել ղարաբաղյան բարբառով։
16:03
29 Նոյեմբերի 2017
Տիգրան Մանսուրյանի «Ռեքվիեմ»–ն առաջադրվել է «Grammy 2018»–ի միանգամից երկու անվանակարգերում
Grammy–ի է առաջադրված նաև Տիգրան Մանսուրյանի պրոդյուսեր Մանֆրեդ Այխերը՝ որպես «Տարվա պրոդյուսեր դասական ոճում»:
20:04
28 Նոյեմբերի 2017
Կոնստանտին Օրբելյանն ու Դմիտրի Խվորոստովսկին` «Grammy 2018»–ի հավակնորդներ
Կոնստանտին Օրբելյանն ու Դմիտրի Խվորոստովսկին առաջադրվել են Grammy–ի։
14:15
28 Նոյեմբերի 2017
Մալթայի ֆիլհարմոնիկ նվագախումբը հանդես կգա Սերգեյ Սմբատյանի ղեկավարությամբ
Համերգը կկայանա Մալթայի մայրաքաղաք Վալետայի Սուրբ Գևորգի հրապարակում։
21:59
26 Նոյեմբերի 2017
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում, հաղթեց Ռուսաստանը (ՎԻԴԵՈ)
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում։
12:59
25 Նոյեմբերի 2017
Միշել Մստոյանը հուզել է հանդիսատեսին էթնիկ երգի կատարմամբ (ՎԻԴԵՈ)
Միշել Մստոյանը «Ձայնը» շոուի «Նոկաուտներ» փուլում կատարել է «Լաց մի եղիր» եզդիական ժողովրդական երգերի երաժշտական միքս:
10:00
25 Նոյեմբերի 2017
Չարլի Չապլինի դուստրն ու թոռնուհին կայցելեն Հայաստան. «ՆՈՎՈՍՏԻ–ԱՐՄԵՆԻԱՅԻ» ԷՔՍԿԼՅՈՒԶԻՎ
Չարլի Չապլինի դուստրը` Վիկտորիա Թիերե–Չապլինն ու թոռնուհին` Աուրելիա Թիերեն, կայցելեն Հայաստան: