484.68
+0.06
530.14
+2.1
8.5
-0.03
+9
Եղանակը Երևանում
Հայ
Մարիամ Մերաբովան և Miraif project խումբը ելույթ կունենան Երևանում և Ստեփանակերտում
18:30
21 Փետրվարի 2015

ԵՐԵՎԱՆ, 21 փետրվարի. /Նովոստի-Արմենիա/. Ծագումով հայ, Մոսկվայում ապրող և ստեղծագործող ջազային հայտնի երգչուհի Մարիամ Մերաբովան և Miraif project խումբը մենահամերգներ կունենան Երևանում և Ստեփանակերտում, հաղորդում է համերգի կազմակերպիչ «Իվենթ գրուփ» ընկերությունը:

Երևանյան համերգը տեղի կունենա ապրիլի 5-ին Ալ. Սպենդիարյանի անվան օպերայի և բալետի ազգային ակադեմիական թատրոնում: Մինչ այդ նախատեսված է Մերաբովայի բարեգործական համերգը Ստեփանակերտում, որը տեղի կունենա ապրիլի 1-ին Շառլ Ազնավուրի անվան մշակույթի կենտրոնում:

«Սիրված երգչուհին արդեն հնարավորություն ունեցել է իր անկրկնելի կատարումներով գերել հայ հանդիսատեսին, սակայն այս համերգը յուրահատուկ է նրանով, որ Մարիամ Մերաբովան իր հայրենի քաղաքում առաջին անգամ է մեծ բեմից հանդես գալու մենահամերգով», - նշվում է հաղորդագրության մեջ:

Երգչուհին նշում է, որ անբացատրելի հուզմունքով է սպասում Երևանում նախատեսված իր յուրաքանչյուր համերգին: «Երևանյան իմ յուրաքանչյուր համերգին ես սպասում եմ անբացատրելի հուզմունքով: Կանգնել լեգենդար դահլիճի բեմի վրա, իսկապես մեծ երջանկություն է, երգել հանդիսատեսի համար, ով առանձնահատուկ սեր ունի և միանգամայն այլ կերպ է ընկալում ջազը և որակյալ երաժշտությունը, միշտ հուզիչ է», - նշում է նա:

Երգչուհին և կազմակերպիչները, որոնց թվում է «Էմիլ Կարատ» ստուդիան, խոստանում են, որ համերգը բոլոր ներկաներին և ջազային արվեստի սիրահարներին հրաշալի հնարավորություն կտա առնչվել բարձր արվեստին և հիանալի գործիքավորման ուղեկցությամբ վայելել երգչուհու անզուգական և կենդանի ձայնով կատարումները:

Մերաբովան հանդես է գալու «Miraif project»-ի նվագակցությամբ: Մարիամն այդ խմբի մեներգչուհին է, իսկ խումբը ստեղծվել է նրա ամուսնու` երաժշտական պրոդյուսեր, երգերի մեծամասնության հեղինակ Արմեն Մերաբովի կողմից:

Մարիամը իր հայ երկրպագուների համար գեղեցիկ անակնկալ է պատրաստել և առաջին անգամ կատարելու է հայերեն երգեր, որոնք հատուկ մշակվել են երևանյան մենահամերգի համար: Համերգին կհնչեն ինչպես արդեն շատ սիրված և հայտնի երգեր, այնպես էլ նոր երգեր:

«Մենք անհամբերությամբ սպասում ենք Հայաստանի, Երևանի և Ստեփանակերտի հետ հանդիպմանը, որպեսզի հանդիսատեսին նվիրենք մեր երաժշտությունը, մեզ, մեր ձայնը և մեր սրտերը», - նշում է Մերաբովան:

Մարիամի հայրենի քաղաքը Երևանն է, որտեղից էլ սկսվել է նրա երաժշտական կարիերան: Ավարտելով երևանյան երաժշտական դպրոցներից մեկը` նա ընտանիքով տեղափոխվում է Մոսկվա, որտեղ ստանում է երաժշտական բարձրագույն կրթություն: Առաջին անգամ մեծ բեմ Մարիամ Մերաբովան բարձրացել է Ռուսաստանի ժողովրդական արտիստ Իգոր Բրիլի հետ միասին:

Մարիամ Մերաբովան և «Miraif project»-ը իրենց համատեղ գործունեության ընթացքում թողարկել են 3 ալբոմ: Իր կարիերայի ընթացքում Մարիամը աշխատել է աշխարհում հայտնի այնպիսի անունների հետ, ինչպիսիք են Վյաչեսլավ Գորսկին, Ֆիլլ Պերին, Էրիկ Մորիենտալը, Գրիգորի Ֆայնը:

Մարիամ Մերաբովա անունը լայն հանրությանը առավել հայտնի դարձավ այն բանից հետո, երբ նա մասնակցեց ռուսական Առաջին ալիքով հեռարձակվող «Գոլոս» միջազգային մրցույթին և դարձավ 3-րդ եթերաշրջանի ֆինալիստներից մեկը: Մերաբովան բազմիցս հանդես է եկել որպես բեք-վոկալ «Եվրատեսիլ» երաժշտական մրցույթի ժամանակ:-0-

Loading...
Թեմատիկ նյութեր

Բաժնի այլ նյութեր
19:43
28 Ապրիլի 2017
«Դեպի Եվրատեսիլի» երաժշտական մաղթանքը Արծվիկին՝ դեպի Եվրատեսիլ ճանապարհին (ՏԵՍԱՆՅՈՒԹ)
Առաջին ալիքի «Դեպի Եվրատեսիլ» նախագծի մասնակիցներն իրենց աջակցությունն ու սատարումն են հայտնել «Եվրատեսիլ-2017»-ի հայաստանյան պատվիրակ ու «Դեպի Եվրատեսիլի» հաղթող Արծվիկին:
15:08
28 Ապրիլի 2017
Աշխարհահռչակ ջազմեն կմասնակցի Ջազի միջազգային օրվա համերգին Երևանում
Ջազի միջազգային օրվան նվիրված համերգ կանցկացվի Երևանում ապրիլի 30–ին:
20:49
27 Ապրիլի 2017
Արծվիկը «Եվրատեսիլ»–ում ներկայացվող իր շոուով խոստացել է զարմացնել հանդիսատեսին (ՏԵՍԱՆՅՈՒԹ)
«Եվրատեսիլ 2017»–ում Հայաստանը ներկայացնող Արծվիկը հույս հայտնեց, որ իր ելույթը կվերածի գեղեցի, վառ և պրոֆեսիոնալ շոուի։
17:49
27 Ապրիլի 2017
Ջուլիան Ասանժը` Հայոց ցեղասպանության մասին պատմող վավերագրական նոր ֆիլմում (ՏԵՍԱՆՅՈՒԹ)
Հայոց ցեղասպանության մասին պատմող վավերագրական նոր ֆիլմ կցուցադրվի ԱՄՆ–ում։
16:57
27 Ապրիլի 2017
Արծվիկն աջակցել է Յուլիա Սամոյլովային, ում արգելել են մասնակցել «Եվրատեսիլին» (ՏԵՍԱՆՅՈՒԹ)
«Եվրատեսիլ 2017»–ում Հայաստանը ներկայացնող Արծվիկն աջակցել է ռուսաստանցի Յուլիա Սամոյլովային, ում արգելել են մասնակցել մրցույթին։
13:03
21 Ապրիլի 2017
Հայաստանը նոր բարձունքից. «Եվրատեսիլի» հայաստանյան տեսաբացիկը (ԼՈՒՍԱՆԿԱՐ)
Նկարահանվել է «Եվրատեսիլ-2017» երգի միջազգային մրցույթի Հայաստանը ներկայացնող տեսաբացիկը:
21:30
19 Ապրիլի 2017
«Վերածնունդ» փառատոնի մեկնարկը տրվեց Գյումրիում
«Վերածնունդ» 9-րդ միջազգային մրցույթ-փառատոնի բացման հանդիսավոր արարողությունը կայացավ չորեքշաբթի Գյումրիում:
18:09
19 Ապրիլի 2017
«Խոստումը» ֆիլմը հասանելի կլինի հայերեն կրկնօրինակմամբ (ՏԵՍԱՆՅՈՒԹ)
Հայաստանի հանրային հեռուստաընկերությունն իրականացրել է Հայոց ցեղասպանության մասին պատմող «Խոստումը» ֆիլմի հայերեն կրկնօրինակումը:
19:08
18 Ապրիլի 2017
Սոսո Պավլիաշվիլին սոլո է կատարում հայ երաժիշտների հետ (ՏԵՍԱՆՅՈՒԹ)
Հայտնի ռուս շոումեն Գարիկ Մարտիրոսյանը շնորհավորել է բոլորին Սուրբ Հարության տոնի կապակցությամբ և Instagram–ի իր էջում հրապարակել է տեսանյութ` Սոսո Պավլիաշվիլիի մասնակցությամբ։
18:45
18 Ապրիլի 2017
Ամերիկացի ռեփերը Հայոց ցեղասպանությանը նվիրված երգ ու տեսահոլովակ է ներկայացրել (ՏԵՍԱՆՅՈՒԹ)
Ամերիկացի ռեփերը ներկայացրել է «1915» տեսահոլովակը` ի հիշատակ Հայոց ցեղասպանության զոհերին։
19:19
17 Ապրիլի 2017
Համացանցում հայտնվել է «Խոստում» ֆիլմի հայերեն թրեյլերը (ՏԵՍԱՆՅՈՒԹ)
Համացանցում հայտնվել է «Խոստում» («The Promise») ֆիլմի թրեյլերը հայերեն լեզվով:
14:36
16 Ապրիլի 2017
Եվրատեսիլում Գերմանիայի ներկայացուցիչը հայկական ազգային պար է պարել (ՏԵՍԱՆՅՈՒԹ)
«Եվրատեսիլ 2017»-ում Գերմանիան ներկայացնող Լևինա Մյուզիքը Երևան կատարած այցի ժամանակ հայկական ազգային պար է ներկայացրել: