480.74
+0.03
511.65
+0.46
7.48
-0.03
+5
Եղանակը Երևանում
Հայ
Երևանում բացվել է Ցեղասպանության 100–րդ տարելիցին նվիրված նկարչուհի Աննա Հարությունյանի ցուցահանդեսը
13:22
19 Փետրվարի 2015

ԵՐԵՎԱՆ, 19 փետրվարի. /Նովոստի–Արմենիա/. «And life started…» (Ու կյանքը սկսվեց...) խորագրով հայտնի նկարչուհի Աննա Հարությունյանի ցուցահանդեսը բացվել է Երևանի ժամանակակից արվեստի թանգարանում։ Ցուցահանդեսը նվիրված է Հայոց ցեղասպանության 100–րդ տարելիցին։

«Ցուցահանդեսը նվիրել եմ Հայոց ցեղասպանության 100–րդ տարելիցին։ Ոչ մի ազգ չի կարող վերանալ երկրագնդի երեսից ցեղասպանության կամ հոլոքոստի պատճառով, կյանքը միշտ շարունակվում է։ Հենց դա է ընկած ցուցահանդեսի խորագրի հիմքում», – նշեց նկարչուհին։

Նրա խոսքերով` նկարները մարմնավորում են աշխարհի ստեղծման տեսությունը, նկարներում արտահայտված է նաև հին հայկական գրապատկերների գաղափարը։

«Ես հատուկ ոչ մի աշխատանքին անվանում չեմ տվել, որպեսզի յուրաքանչյուրն իր ձևով կարողանա հասկանալ նկարների իմաստը։ Ինձ թվում է, որ կարողացել եմ հասնել իմ նպատակին», – ավելացրեց Հարությունյանը։

Նրա խոսքերով` հայ նկարիչների աշխատանքները միշտ տարբերվել են նրանց օտարերկրյա գործընկերների աշխատանքներից, քանի որ հայերն ունեն առանձնահատուկ մտածելակերպ ու մշակույթ։

«Չեմ ուզում, որ դա մեծամիտ հնչի, սակայն հայերը աշխարհի հնագույն ժողովուրդներից մեկն են, և հենց այդ պատճառով մենք ունենք հարուստ, խորը մշակույթ։ Մենք մյուս ժողովուրդներին սովորեցնելու բան ունենք», – նշեց Հարությունյանը։

Նրա խոսքերով` եթե ուշադիր ուսումնասիրել նկարները, ապա կարելի է տեսնել, որ նկարներում պատկերված են հին հայկական ժայռանշանները, որոնք կտավներին հատուկ նշանակություն են հաղորդում, մարմնավորում են աշխարհի ստեղծումը, երկինքը, հողը, ջուրը, հավիտենականությունը։

«Չեմ սիրում հետևել կոնկրետ ստեղծագործական ուղղությունների, իմ աշխատանքները միշտ կրում են համամարդկային բնույթ, ես փորձում եմ անել ամեն ինչ, որպեսզի նրանք մատչելի լինեն յուրաքանչյուրի համար։ Յուրաքանչյուր մարդ ընկալում է իր աշխատանքներն իրեն հասանելի լեզվով», – ավելացրեց Հարությունյանը։

Նրա խոսքերով` նկարների ստեղծման գործում օգտագործվող տեխնիկան բավականին բարդ է և խառը։ Սա նոր տեխնոլոգիա է, որը հաճախ չի օգտագործվում։ «Ստեղծագործական պրոցեսը բավականին երկար էր, յուրաքանչյուր նկար ստեղծվել է իմ գործունեության տարբեր փուլերում», – նշեց նկարչուհին։

Աննան գեղարվեստական կրթություն է ստացել Հայաստանում և Գերմանիայում, չնայած համեմատաբար երիտասարդ տարիքին, հասցրել է մասնակցել  աշխարհում կազմակերպված մի շարք խմբակային ցուցահանդեսների։ Հայ նկարչուհու ստեղծագործությունները փորձագետների և մասնագետների բարձր գնահատականին են արժանացել։ 1997թ.–ին Փուլհայմ քաղաքում կազմակերպված «Առաջատար երիտասարդ նկարիչների» ցուցահանդեսի ժամանակ նա տարվա լավագույն նկարչուհի է ճանաչվել։

Աննան Հայաստանի և Գերմանիայի նկարիչների միությունների անդամ է, առաջին մրցանակների է արժանացել ոչ միայն Հայաստանում, այլև` արտասահմանում։

1995թ.–ից ի վեր Աննա Հարությունյանի աշխատանքների մոտ տասը անհատական ցուցահանդես է կազմակերպվել։ Նկարչուհու աշխատանքները ցուցադրված են Գերմանիայի, Վենետիկի թանգարաններում, ինչպես նաև` մասնավոր հավաքածուներում Ռուսաստանում, Գերմանիայում, ԱՄՆ–ում, Ֆրանսիայում, Իսպանիայում, Լիբանանում, Հունաստանում, Հավայան կղզիներում, Հոլանդիայում, Շվեյցարիայում և այլ երկրներում։

Ստեղծագործական գործունեությանը զուգահեռ Հարությունյանն ակտիվորեն զբաղվել է նաև հասարակական աշխատանքով։ Նա եղել է Հայաստանի երիտասարդ նկարիչների ասոցիացիայի նախագահը, Հայաստանի նկարիչների միության երիտասարդական թևի նախագահը, UNESCO–ի անդամ, ՀՀ ԱԺ կրթության, գիտության և մշակույթի հանձնաժողովին կիս երիտասարդական խորհրդի պատգամավոր։

2013թ.–ին Աննա Հարությունյանն արժանացել է Հայաստանի վաստակավոր նկարչի, ինչպես նաև` «Տարվա նկարիչ» կոչումներին։ -0–

Loading...
Թեմատիկ նյութեր
Բաժնի այլ նյութեր
12:29
30 Նոյեմբերի 2016
Իոսիֆ Կոբզոնը Երևանում կներկայացնի «Հայ մեծ կոմպոզիտորների սիրված երգերը»
ԽՍՀՄ ժողովրդական արտիստ Իոսիֆ Կոբզոնը ելույթ կունենա Երևանում «Հայ մեծ կոմպոզիտորների սիրված երգեր» բարեգործական մենահամերգով:
12:00
29 Նոյեմբերի 2016
Սիրիահայ ռեժիսորի ֆիլմը լավագույնն է ճանաչվել Թուրինի կինոփառատոնում
Սիրիահայ ռեժիսորի ֆիլմն Իտալիայի Թուրինի 34-րդ կինոփառատոնի «Լավագույն միջազգային փաստագրական ֆիլմ» անվանակարգում ճանաչվել է երկու լավագույններից մեկը։
14:34
28 Նոյեմբերի 2016
Լեգենդար գեղասահորդ Եվգենի Պլյուշչենկոն «երկրաշարժ» է առաջացրել Երևանում (ԼՈՒՍԱՆԿԱՐ)
Ռուս լեգենդար գեղասահորդ, օլիմպիական կրկնակի չեմպիոն Եվգենի Պլյուշչենկոն «Սառույցի թագավորները» Երևանի հանդիսատեսին զգայական համար է ներկայացրել:
12:24
28 Նոյեմբերի 2016
Երևանում տեղի կունենա «Maria de Buenos Aires» հայտնի օպերա տանգոյի պրեմիերան
Սպենդիարյանի անվան օպերայի և բալետի ազգային ակադեմիական թատրոնում կբեմադրվի Աստոր Պիացոլային «Maria de Buenos Aires» օպերա տանգոն:
19:10
25 Նոյեմբերի 2016
Ադելը հեռանում է բեմից
Մեր օրերի ամենաբարձր վարձատրվող երգչուհիներից մեկը` Ադելը, որոշել է ժամանակավոր հեռանալ բեմից։
19:24
24 Նոյեմբերի 2016
Հայտնի երգչուհի Մարիամ Մերաբովան հնչյունավորել է Disney կինոստուդիայի նոր մուլտֆիլմի հերոսուհիներից մեկին
Հայտնի ջազ երգչուհի Մարիամ Մերաբովան հնչյունավորել է Disney կինոստուդիայի «Մոանա» նոր անիմացիոն ֆիլմի հերոսուհիներից մեկին։
13:24
23 Նոյեմբերի 2016
«Վերջին բնակիչը» հայկական ֆիլմը կարող է առաջադրվել «Ոսկե գլոբուսի»
Ռեժիսոր Ջիվան Ավետիսյանի «Վերջին բնակիչը» ֆիլմը կարող է պայքարել «Ոսկե Գլոբուսի» համար:
20:43
21 Նոյեմբերի 2016
Սելենա Գոմեսի երգի` հայ ռեժիսորի տեսահոլովակն ավելի քան 180 մլն դիտում է հավաքել (ՏԵՍԱՆՅՈՒԹ)
Ամերիկահայ հայտնի ռեժիսոր Ալեք Քեշիշյանի` Սելենա Գոմեսի երգի տեսահոլովակն ավելի քան 180 մլն դիտում է հավաքել Համացանցում։
22:21
20 Նոյեմբերի 2016
Հայկական դուետը «Մանկական Եվրատեսիլում» զբաղեցրեց երկրորդ տեղը՝ մի քանի միավորով զիջելով Վրաստանի ներկայացուցչին
Մերի Վարդանյանը և Անահիտ Ադամյանը Մալթայում տեղի ունեցած «Մանկական Եվրատեսիլ 2016»-ի արդյունքներով զբաղեցրեցին երկրորդ հորիզոնականը:
20:27
20 Նոյեմբերի 2016
«Մանկական Եվրատեսիլ 2016» մրցույթում հայկական դուետի ելույթի տեսանյութը
Համացանում հայտնվել է «Մանկական Եվրատեսիլ 2016» երգի միջազգային մրցույթում հայկական դուետի ելույթի տեսանյութը:
19:34
20 Նոյեմբերի 2016
Հայկական դուետը հիանալի ելույթ ունեցավ «Մանկական Եվրատեսիլ 2016»-ին Մալթայում
Հայ պատանի երգչուհիներ Մերի Վարդանյանը և Անահիտ Ադամյանը ելույթ ունեցան «Մանկական Եվրատեսիլ 2016»-ի մրցութային ծրագրի առաջին մասում:
17:51
20 Նոյեմբերի 2016
Լեպսի՝ համերգի ժամանակ վայր ընկնելու տեսագրությունը հայտնվել է Համացանցում
YouTube-ում հայտնվել է ռուսական էստրադային էրգիչ Գրիգորի Լեպսի համերգի տեսագրությունը: