483.99
+0.93
563.46
+1.42
8.32
+0.02
+3
Եղանակը Երևանում
Հայ
«Սպի». Հայոց ցեղասպանությունը` թուրք ռեժիսորի աչքերով
04:25
31 Հունվարի 2015

ԵՐԵՎԱՆ, 30 հունվարի. /Նովոստի–Արմենիա/. Ազգությամբ թուրք գերմանաբնակ ռեժիսոր Ֆաթիհ Աքինի «Սպի» ֆիլմը Հայոց ցեղասպանության մասին է, և այն Երևանի մեծ էկրաններին հնարավոր կլինի տեսնել փետրվարի 19–ին։ Ֆիլմը մի հայի ճակատագրի մասին է, ով հրաշքով փրկվել է 1915թ.–ի Հայոց ցեղասպանությունից հետո և փնտրում է իր ընտանիքին։ Սա Ֆաթիհ Աքիմի «Սեր, մահ և սատանա» եռապատման վերջին մասն է։ Ֆիլմի բյուջեն 15,5 մլն եվրո է կազմել, իսկ նկարահանումները սկսվել են 2013թ.–ի մարտին և իրականացվել Հորդանանում, Գերմանիայում, Կուբայում և Մալթայում։

Ֆիլմն, անխոս, կարևորություն ունի մի քանի առումով։ Նախ այն, որ աշխարհի տարբեր քաղաքներում ֆիլմի պրեմիերան կկայանա այս տարի, երբ ողջ աշխարհը հարգանքի տուրք է մատուցում 1915թ.–ի Հայոց ցեղասպանության մեկուկես միլիոն անմեղ զոհերի հիշատակին։ Երկրորդն այն փաստն է, որ ֆիլմի ռեժիսորը, սցենարիստներից մեկն ու համապրոդյուսերը էթնիկ թուրք է։ Չէ՞ որ մինչև վերջերս «Ցեղասպանություն» բառը արգելված էր Թուրքիայում, և քաղաքացիական արիություն է պահանջվել Թուրքիայում ծնված ռեժիսորին այս թեմային անդրադառնալու համար։

Ըստ էության, «Սպի» ֆիլմը Արևմտյան Հայաստանում բնակվող հայի անցած ուղին է, ով, 1915թ.–ին բաժանվելով ընտանիքից, միայն ութ տարի անց է կարողանում գտնել այդ սարսափելի իրադարձություններն ու արտագաղթի դժվարությունները հաղթահարած իր միակ հարազատին` դստերը` Լուսինեին։ Ռեժիսորը փորձել է հավաքական կերպարի միջոցով ներկայացնել ոչ միայն այն, ինչ վերապրել է հայ ժողովուրդը Ցեղասպանության տարիներին, այլ նաև ներկայացնել այն, թե որքան դժվար է եղել հայ ժողովրդի` ողջ մնացած որդիներին և դուստրերին այդ սարսափելի ողբերգությունից հետո սովորել կրկին ապրել։

Ֆիլմի գլխավոր հերոսի պատմությունը, որը սկսվում է 1915թ.–ին Մարդինում (Արևմտյան Հայաստան), սրընթաց կերպով ընդլայնում է աշխարհագրությունը` Սիրիա, Լիբանան, Կուբա, ԱՄՆ։ Թուրք ասկյարների կողմից իրականացվող բռնության և սպանությունների տեսարանները փոխարինվում են որբանոցների և փախստականների ճամբարների ոչ պակաս հուզիչ տեսարաններով, իսկ հրաշքով փրկված գլխավոր հերոսը ութ տարի շարունակ հարազատներին փնտրելու ընթացքում անցնում է դժոխքի յոթ աշխարհների միջով։

Ֆիլմում շատ են փոխաբերությունները։ Հատկապես խորհրդանշական է դրանցից գլխավորը, որն առնչվում է ֆիլմի անվան հետ։ Դահիճի դողացող ձեռքը չի կարողանում սպանել ֆիլմի գլխավոր հերոսին, սակայն կոկորդի վերքի պատճառով Նազարեթ Մանուկյանը համր է դառնում։ Հնարավոր է, որ այդ համրությունը խորհրդանշում է Թուրքիայում Հայոց ցեղասպանության թեման լռության մատնելու փաստը, իսկ գուցե ֆիլմի ստեղծողները ենթագիտակցաբար ցանկացել են ցույց տալ, թե որքան ցածր է հայ ժողովրդի ձայնը, որը մեկ դար շարունակող չկարողացավ հասնել աշխարհի ուժեղներին։

Այդ պատճառով դրամայի վերջին տեսարանում հնչող խռպոտ հառաչը կարծես հնչում է, որպեսզի դիպչի ողջ աշխարհի հանդիսատեսի հոգիներին և ևս մեկ անգամ ընդգծի ֆիլմի ստեղծողների հիմնական ուղերձը` այլևս երբեք ցեղասպանության կրկնություն թույլ չտալ։

«Սպի» ֆիլմը խոշոր միջազգային նախագիծ է, որի իրականացման գործում մասնակցել են Գերմանիան, Ֆրանսիան, Իտալիան, Կանադան, Լեհաստանը, Թուրքիան և Ռուսաստանը (Ռուսաստանից` Ռուբեն Դիշդիշյանն ու Արամ Մովսիսյանը) ներկայացնող կինեմատոգրաֆիստները։ Ֆիլմում գլխավոր հերոսի կերպարը մարմնավորել է ֆրանսիացի դերասան Թահար Ռահիմը` հայտնի «Մարգարե» ֆիլմով։ Ֆիլմի ստեղծման գործում աջակցել է Հայոց ցեղասպանության 100–րդ տարելիցին նվիրված միջոցառումները համակարգող պետական հանձնաժողովը։ Ֆիլմի սցենարիստներն են ռեժիսոր Ֆաթիհ Աքինն ու Մարտիկ Մարդին, ով նաև Մարտին Սկորսեզեի ֆիլմերի սցենարների հեղինակն է։–0–

Loading...
Թեմատիկ նյութեր
Բաժնի այլ նյութեր
01:10
28 Հոկտեմբերի 2017
Դերասան Ալեքսանդր Խաչատրյանը ճանաչվել է լավագույնը Scandinavian International Film Festival–ում (ՖՈՏՈ)
Ալեքսանդր Խաչատրյանը, ով նկարահանվել է Ջիվան Ավետիսյանի «Վերջին բնակիչը» ֆիլմում, ճանաչվել է լավագույն դերասանը:
21:56
27 Հոկտեմբերի 2017
«Դեպի Եվրատեսիլ»-ի նոր եթերաշրջանը՝ Հանրայինի եթերում. հայտերի ընդունման մեկնարկը տրված է
Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը:
20:58
27 Հոկտեմբերի 2017
Հայոց ցեղասպանության մասին Ջո Բերլինգերի ֆիլմը հաղթել է Լոս Անջելեսի կինոփառատոնում (ՎԻԴԵՈ)
«Ոչնչացնելու մտադրություն» ֆիլմը պատմում է Օսմանյան կայսրությունում 102 տարի առաջ տեղի ունեցած դեպքերի մասին։
02:48
27 Հոկտեմբերի 2017
Գրեմմիի կրկնակի մրցանակակիրը հետաձգել է համերգային շրջագայությունը Yerevan Jazz Fest 2017–ի համար
Միլերը հետաձգել է իր համերգային շրջագայությունը, որպեսզի մասնակցի Yerevan Jazz Fest 2017 փառատոնին։
19:00
22 Հոկտեմբերի 2017
Դիանա Շալժիյանը ռուսական «Գոլոս» նախագծում գերել է Ագուտնին և անցել հաջորդ փուլ (ՎԻԴԵՈ)
Ռուսաստանի Առաջին ալիքով հեռարձակվող «Գոլոս» շոուի  6-րդ եթերաշրջանի «Մենամարտեր» փուլում Դիանա Շալժիյանը գերել է Լեոնիդ Ագուտինին, ով որոշել է թողնել Դիանային նախագծում։
23:49
20 Հոկտեմբերի 2017
Սերժ Թանկյանը ցնցված է հայ երաժիշտների կողմից նրա հեղինակած «Օրկա» սիմֆոնիայի կատարմամբ (ՖՈՏՈ, ՎԻԴԵՈ)
Չորս մասից բաղկացած մեծակտավ երաժշտական այս գործում Թանկյանը մտորում է մարդասիրության մասին։
18:37
20 Հոկտեմբերի 2017
Հայտնի ջազմեն Գարի Քյոսայանը հանդես կգա յուրօրինակ համերգով
Տեղի կունենա կոմպոզիտոր, ջազային դաշնակահար և երգեհոնահար Գարի Քյոսայանի հոբելյանական համերգը
05:00
18 Հոկտեմբերի 2017
Հայ արտիստները մրցանակների են արժանացել «Звезда Крыма» միջազգային մրցույթ-փառատոնում
Ղրիմում անցկացվել է «Звезда Крыма» միջազգային մրցույթ-փառատոնը, որին մեծ հաջողությամբ մասնակցել են նաև հայ արտիստները:
23:31
16 Հոկտեմբերի 2017
Հայկական ֆիլմը հավակնում է «Օսկարի»
Ֆիլմը ներառվել է «Լավագույն օտարալեզու ֆիլմ» անվանակարգում։
21:38
15 Հոկտեմբերի 2017
Տաղանդավոր Միշել Մստոյանը «Ձայն»-ի թիմերից մեկը (ՎԻԴԵՈ)
Հայազգի Միշել Մստոյանը ելույթ է ունեցել ռուսական առաջին ալիքով հեռարձակվող «Ձայն» վոկալի շոուի 6-րդ եթերաշրջանի կույր լսումներում:
18:30
14 Հոկտեմբերի 2017
Արամ MP3–ը պարային հիթ է ներկայացրել (ՎԻԴԵՈ)
Արամ MP3–ը ներկայացրել է «Սկսում ենք» պարային հիթը։
05:05
14 Հոկտեմբերի 2017
Հայ երգչի հիանալի ձայնը ստիպել է Գրադսկուն անմիջապես շրջվել «Ձայնը» շոուի ժամանակ (ՎՒԴԵՈ)
Հայ երգիչ Զաալի Սարգսյանի հիանալի ձայնը ստիպել է «Ձայնը» շոուի ժյուրիի անդամ Ալեքսանդր Գրադսկուն անմիջապես շրջվել «կույր» լսումների ժամանակ։