482.25
+0.32
566.07
-3.09
8.39
+0.02
+18
Եղանակը Երևանում
Հայ
Հունվարի 11–ին հայտնի կդառնան 2015թ.–ի «Ոսկե գլոբուսի» մրցանակակիրների անունները
12:18
11 Դեկտեմբերի 2014

ԵՐԵՎԱՆ, 11 դեկտեմբերի. /Նովոստի–Արմենիա/. Հոլիվուդում արտասահմանյան մամուլի ասոցիացիան (HFPA) հինգշաբթի կհրապարակի 2015թ.–ի «Ոսկե գլոբուս» հեղինակավոր մրցանակի հավակնորդների անունները։ Մրցանակաբաշխությունը տեղի կունենա հունվարի 11–ին Լոս Անջելեսում, հաղորդում է ՌԻԱ Նովոստին։

Հավակնորդների անունները կհրապարակվեն NBC հեռուստաալիքի ուղիղ եթերում։ Լարվածությունը կպահպանվի մինչև  վերջին րոպեն, սակայն բազմաթիվ կայքեր և թերթեր ներկայացնում են իրենց կանխատեսումները։ Այսպես` «Լավագույն օտարալեզու ֆիլմ» անվանակարգում հավանական հավակնորդների թվում գրեթե բոլորը նշում են Անդրեյ Զվյագինցևի «Լևիաթան» ֆիլմը։ «Ոսկե գլոբուսի» համար պայքարում, ամենայն հավանականությամբ, այդ ֆիլմը կմրցի լեհ ռեժիսոր Պավել Պավլիկովսկու «Իդա» ֆիլմի հետ։

Պակաս լավատեսական են «Սառցե թագուհի 2» ռուսական լիամետրաժ մուլտֆիլմի համար արված կանխատեսումները։ Ավելի վաղ հաղորդվում էր, որ ռեժիսոր Ալեքսեյ Ցիցիլինի աշխատանքը իտալացի և ճապոնացի մուլտիպլիկատորների ֆիլմերի հետ ներառվել է «Ոսկե գլոբուսի» 17 հավակնորդների երկար ցանկում։ Սակայն այս տարվա մրցանակի առավել հավանական թեկնածուների շարքում փորձագետները նշում են «Լեգո.ֆիլմ»–ը (The Lego Movie), «Հրեշների ընտանիքը» (The Boxtrolls), DreamWorks Animation ստուդիայի «Ինչպես ընտելացնել վիշապին 2» (How To Train Your Dragon 2) և Walt Disney Animation Studios –ի «Հերոսների քաղաք» (Big Hero 6) մուլտֆիլմերը։

Ըստ կանխատեսումների` «Լավագույն ֆիլմ» անվանակարգում, ամենայն հավանականությամբ, կներկայացվեն «Նմանակման խաղ» (The Imitation Game) ֆիլմը, «Պատանեկություն» (Boyhood) դրաման, «Սելմա» (Selma) պատմական դրաման և «Սթիվն Հոգսի տիեզերքը» (Theory of Everything)։

Լավագույն ռեժիսուրայի համար, ամենայն հավանականությամբ, այս տարի կպայքարեն «Բերդմեն» (Birdman) հոգեբանական տրագիկոմեդիայի ռեժիսոր Ալեխանդրո Գոնսալես Ինյարիտուն (Alejandro Gonzalez Inarritu), Ռիչարդ Լինկլեյթերը (Richard Linklater) «Պատանեկություն» (Boyhood) ֆիլմի համար, Ավա ԴյուՎերնեյը (Ava DuVernay) «Սելմա» (Selma) պատմական դրամայի համար։ Շատերը կանխատեսում են, որ հավակնորդների ցանկում կհայտնվի նաև Անջելինա Ջոլին (Angelina Jolie) «Անկոտրումը» (Unbroken) ֆիլմի համար։

«Ոսկե գլոբուս» մրցանակը հանձնվում է 1942թ.–ից կինոֆիլմերի և հեռուստատեսային նախագծերի համար, մրցանակը շնորհվում է յուրաքանչյուր տարվա հունվարին և որոշվում է Հոլիվուդում բնակվող մոտավորապես 90 միջազգային լրագրողների քվեարկության արդյունքում։Ասոցիացիայում ներառված է ավելի քան 90 թղթակից աշխարհի 55 երկրից։ Մրցանակը հանձնվում է 25 անվանակարգում, որոնցից 14–ը հանձնվում է կինոյի ոլորտում, 11–ը` հեռուստատեսային նախագծերի ոլորտում։ Յուրաքանչյուր կատեգորիայում սովորաբար առաջադրվում է հինգ հավակնորդ։ HFPA–ի համաձայն` ամեն տարի մինչև հաղթողների անունները հրապարակելը ասոցիացիայի անդամները դիտում են ավելի քան 300 կինոֆիլմ։ Հաղթողի համար կազմակերպված քվեարկությունը կավարտվի հունվարի 7–ին։–0

Loading...
Թեմատիկ նյութեր
Բաժնի այլ նյութեր
11:00
22 Հոկտեմբերի 2017
Դիանա Շալժիյանը ռուսական «Գոլոս» նախագծում գերել է Ագուտնին և անցել հաջորդ փուլ (ՎԻԴԵՈ)
Ռուսաստանի Առաջին ալիքով հեռարձակվող «Գոլոս» շոուի  6-րդ եթերաշրջանի «Մենամարտեր» փուլում Դիանա Շալժիյանը գերել է Լեոնիդ Ագուտինին, ով որոշել է թողնել Դիանային նախագծում։
15:49
20 Հոկտեմբերի 2017
Սերժ Թանկյանը ցնցված է հայ երաժիշտների կողմից նրա հեղինակած «Օրկա» սիմֆոնիայի կատարմամբ (ՖՈՏՈ, ՎԻԴԵՈ)
Չորս մասից բաղկացած մեծակտավ երաժշտական այս գործում Թանկյանը մտորում է մարդասիրության մասին։
10:37
20 Հոկտեմբերի 2017
Հայտնի ջազմեն Գարի Քյոսայանը հանդես կգա յուրօրինակ համերգով
Տեղի կունենա կոմպոզիտոր, ջազային դաշնակահար և երգեհոնահար Գարի Քյոսայանի հոբելյանական համերգը
21:00
17 Հոկտեմբերի 2017
Հայ արտիստները մրցանակների են արժանացել «Звезда Крыма» միջազգային մրցույթ-փառատոնում
Ղրիմում անցկացվել է «Звезда Крыма» միջազգային մրցույթ-փառատոնը, որին մեծ հաջողությամբ մասնակցել են նաև հայ արտիստները:
15:31
16 Հոկտեմբերի 2017
Հայկական ֆիլմը հավակնում է «Օսկարի»
Ֆիլմը ներառվել է «Լավագույն օտարալեզու ֆիլմ» անվանակարգում։
13:38
15 Հոկտեմբերի 2017
Տաղանդավոր Միշել Մստոյանը «Ձայն»-ի թիմերից մեկը (ՎԻԴԵՈ)
Հայազգի Միշել Մստոյանը ելույթ է ունեցել ռուսական առաջին ալիքով հեռարձակվող «Ձայն» վոկալի շոուի 6-րդ եթերաշրջանի կույր լսումներում:
10:30
14 Հոկտեմբերի 2017
Արամ MP3–ը պարային հիթ է ներկայացրել (ՎԻԴԵՈ)
Արամ MP3–ը ներկայացրել է «Սկսում ենք» պարային հիթը։
21:05
13 Հոկտեմբերի 2017
Հայ երգչի հիանալի ձայնը ստիպել է Գրադսկուն անմիջապես շրջվել «Ձայնը» շոուի ժամանակ (ՎՒԴԵՈ)
Հայ երգիչ Զաալի Սարգսյանի հիանալի ձայնը ստիպել է «Ձայնը» շոուի ժյուրիի անդամ Ալեքսանդր Գրադսկուն անմիջապես շրջվել «կույր» լսումների ժամանակ։
20:43
13 Հոկտեմբերի 2017
Հայկական ալիքը հասավ Իսրայել. հայտնվել է Super Saqo–ի և Սպիտակցի Հայկոյի երգի cover տարբերակը (ՎԻԴԵՈ)
Super Saqo–ի և Հայկ Ղևոնդյանի (Սպիտակցի Հայկո) «Մի գնա» երգն ընդլայնում է աշխարհագրությունը։  
11:37
13 Հոկտեմբերի 2017
Սիրուշոն ներկայացրել է «Huh-Hah» երգի գունեղ տեսահոլովակը (ՎԻԴԵՈ)
Հայտնի երգչուհի Սիրուշոն Facebook –ի իր էջում հրապարակել է «Huh-Hah» երգի տեսահոլովակը։
18:34
12 Հոկտեմբերի 2017
Հայաստանի 103 արժեքավոր գտածո կցուցադրվի Իրանում
Թեհրանի ազգային թանգարանում կբացվի Հայաստանի արժեքավոր գտածոների ցուցահանդես:
15:15
12 Հոկտեմբերի 2017
Անսպասելի և հաճելի. Ջոն Մալկովիչը Երևանում Նարեկացի է ընթերցել (ՖՈՏՈ)
Հոլիվուդի լեգենդ Ջոն Մալկովիչը նախօրեին անակնկալ էր պատրաստել երևանյան հանդիսատեսի համար։