478.76
-0.07
556.89
-1.04
7.99
+0.01
+28
Եղանակը Երևանում
Հայ
Երևանում կայացել են «Լույս առանց աչքերի» և «Հոգեվարք» ֆիլմերի պրեմիերաները
20:21
10 Դեկտեմբերի 2014

ԵՐԵՎԱՆ, 10 դեկտեմբերի. /Նովոստի–Արմենիա/. «Օրդֆիլմ» կինոընկերության նկարահանած «Լույս առանց աչքերի» և «Հոգեվարք» ֆիլմերի պրեմիերաներ կայացել են Երևանում դեկտեմբերի 10–ին։

«Մենք երկու ֆիլմ ենք ներկայացնում` «Լույս առանց աչքերի» վավերագրական ֆիլմը և «Հոգեվարք» կարճամետրաժ ֆիլմը, որը մեր ստուդիայի` խաղարկային կինոյի շուկա մտնելու առաջին փորձն է»,– լրագրողներին չորեքշաբթի ասաց «Օրդֆիլմ» կինոընկերության հիմնադիր տնօրեն Հայկ Օրդյանը պրեմիերայից առաջ։

Նա միաժամանակ ընդգծեց, որ այդ երկու ժապավենները որոշակի հաշվետվություն է կինոստուդիայի հինգ տարիների գործունեության վերաբերյալ։

Ըստ նրա, «Լույս առանց աչքերի» ֆիլմը նկարահանվել է Ազգային կինոկենտրոնի հետ համատեղ։ Սցենարի հեղինակը Նաիրա Փայտյանն է։

Դա պատմություն է կույր կնոջ և նրա երեխայի մասին։ Ֆիլմը շատ դրական է, թեև ֆիլմում լուրջ խնդիր է քննարկվում։

Օրդյանի խոսքով` «Հոգեվարք» ֆիլմը նվիրված է Հայաստանի համար ամենացավոտ` արտագաղթի խնդրին։ «Սա երկու տարեց ամուսինների պատմություն է։ Ամուսինը հոգեվարքի մեջ է և սպասում է Հայաստանի սահմաններից դուրս աշխատող երեխաներին»,– ֆիլմը հակիրճ ներկայացրեց Օրդյանը։

Օգտվելով առիթից` կինոգործիչը խոսեց Հայաստանում ֆիլմերի արտադրության հետ կապված խնդիրների մասին։

«Հայաստանում կինո նկարելը բարդ է ստեղծագործական առումով, բայց պրոդյուսերական աշխատանքը կրկնակի բարդ է»,– ասաց նա։

Ըստ նրա` Հայաստանում մինչ օրս գոյություն չունի կինովարկ հասկացություն։ «Մենք ստեղծագործական կինո ենք նկարահանում առևտրային նկարահանումներից վաստակած միջոցների հաշվին։ Դա շատ է բարդացնում մեր աշխատանքը»,– ասաց կինոընկերության տնօրենը։

Նա միաժամանակ հույս հայտնեց, որ երկու ֆիլմերի պրեմիերաներն ու կինոընկերության հնգամյակը կնպաստի Հայաստանի կինոարտադրության զարգացմանը։

«Օրդֆիլմ» կինոընկերությունը ստեղծվել է 2009 թվականին։ Այն արդեն 25 վավերագրական ֆիլմեր և 40 հոլովակներ է նկարել, մասնակցել է համատեղ նախագծերի։ Կինոընկերության ֆիլմերն արժանացել են միջազգային մրցույթների հեղինակավոր պարգևների։ Կինոընկերությունների նկարահանած ֆիլմերի շարքում չի կարելի չնշել «Կյանքը ժապավենի վրա։ Ֆրունզիկ Մկրտչյան», «Կինոբանաստեղծ։ Արտավազդ Փելեշյան» և 2012 թվականին «ТЭФИ» մրցանակի արժանացած «Էդուարդ Ղազարյան։ Հրաշագործ» ֆիլմերը։ -0-

Loading...
Թեմատիկ նյութեր
Բաժնի այլ նյութեր
13:35
26 Հուլիսի 2017
Հայտնի է «Եվրատեսիլ 2018»–ի անցկացման վայրը
Հայտնի է, թե որ քաղաքում կանցկացվի «Եվրատեսիլ 2018» մրցույթը։
12:50
23 Հուլիսի 2017
‹‹Ծիրանի ծառ›› երգը՝ Արամ MP3-ի նորովի մեկնաբանությամբ (ՎԻԴԵՈ)
Համացանցում է հայտնվել Արամ MP3-ի նորովի մեկնաբանությամբ ‹‹Ծիրանի ծառ›› ժողովրդական երգը:
12:59
19 Հուլիսի 2017
Ռեժիսոր Անդրեյ Կոնչալովսկին «Օսկարը» համեմատել է McDonald's–ի հետ
Ռեժիսոր Անդրեյ Կոնչալովսկին «Օսկարը» համեմատել  է McDonald's–ի հետ և առաջարկել է դրա դեմ պատժամիջոցներ ներդնել ՌԴ–ի կողմից։
19:33
18 Հուլիսի 2017
«Մանկական Եվրատեսիլ-2017»-ին Հայաստանը կներկայացնի Միշան. (ՎԻԴԵՈ)
Միշան «Արցախի ձայներ» խմբի սան է, ով իր «Փոքրիկ Ղարաբաղցի» երգով հասցրել է գրավել մարդկանց սրտերը:
16:46
18 Հուլիսի 2017
15–րդ դարի Հրաշափառ Ավետարանը համալրել է Մատենադարանի հավաքածուն (ՖՈՏՈ)
Ձեռագրի հրաշագործ հատկությունների մասին գիտեին շրջանի բոլոր բնակիչները, այդ թվում` հարևան գյուղում ապրած իր նախնիները։
11:00
16 Հուլիսի 2017
Հայտնի են «Ոսկե ծիրան 2017» կինոփառատոնի հաղթողները (ՖՈՏՈ)
«Ոսկե» և «արծաթե» ծիրանների, ինչպես նաև «Ոսկե ծիրան» XIV միջազգային կինոփառատոնի այլ պատվավոր մրցանակների հանձնման հանդիսավոր արարողությունը տեղի է ունեցել շաբաթ օրը Երևանում։
11:25
15 Հուլիսի 2017
Հայաստանը ներկայացնող Էրիկը` միջազգային երաժշտական մրցույթի մրցանակակիր (ՎԻԴԵՈ)
Հայաստանցի 12-ամյա Էրիկ Մկրտչյանը մասնակցել է «Վիտեբսկ 2017» միջազգային մանկական երաժշտական մրցույթին:
11:19
14 Հուլիսի 2017
«Ոսկե ծիրանը»` բարձր ճաշակի և մարդասիրության գաղափարների կրող
Նախօրեին Հայաստանի նախագահը հանդիպել է «Ոսկե ծիրան» 14–րդ միջազգային կինոփառատոնի պատվավոր հյուրերի հետ։  
16:26
13 Հուլիսի 2017
Երևանի և նրա հանճարեղ երաժիշտների մասին բացառիկ ֆիլմի պրեմիերա` մայրաքաղաքում
Տատյանա Դանիլյանցի վավերագրական-երաժշտական ֆիլմի հայաստանյան պրեմիերան տեղի կունենա հուլիսի 14-ին:
18:58
11 Հուլիսի 2017
Հայաստանը միջազգային մակարդակի ռոք–փառատոն է կազմակերպում
Epic Air Rock Fest 2017–ը կդառնա ռոք–երաժշտության ամենամյա փառատոն, որին կմասնակցեն տարբեր երկրների հայտնի երաժիշտներ։
13:23
10 Հուլիսի 2017
Կինեմատոգրաֆի տոն. Երևանում մեկնարկեց «Ոսկե ծիրան» կինոփառատոնը (ՖՈՏՈ)
Երևանում կիրակի տեղի ունեցավ «Ոսկե ծիրան»  Երևանի 14-րդ միջազգային կինոփառատոնի բացման արարողությունը։
10:15
10 Հուլիսի 2017
Երևանում նոր աստղեր «վառվեցին» «Ոսկե ծիրանի» մեկնարկի շրջանակում
Հայկական կինոյի երեք հռչակավոր գործիչների աստղերը «վառվեցին» կիրակի Երևանում «Ոսկե ծիրան» միջազգային 14–րդ կինոփառատոնի բացման շրջանակում։