478.62
+0.08
550.51
-1.2
8.1
+0.01
+28
Եղանակը Երևանում
Հայ
Ռախմանինովին և Շալյապինին նվիրված ցուցահանդես է բացվել Երևանում
19:03
21 Նոյեմբերի 2014

ԵՐԵՎԱՆ, 21 նոյեմբերի. /Նովոստի–Արմենիա/. «Երկու հսկա՝ Ս. Ռախմանինով և Ֆ. Շալյապին. հայացք 21-րդ դարից» խորագրով ցուցահանդեսն է բացվել ուրբաթ Արամ Խաչատրյանի տուն թանգարանում «Ռուսաստանի և Հայաստանի թանգարանները: Մշակույթների երկխոսություն» խորագրով հայ-ռուսական թանգարանային համաժողովի շրջանակում։

Ցուցադրված են Գլինկայի անվան երաժշտական մշակույթի թանգարանների համառուսաստանյան միավորման՝ Ս. Ռախմանինովի և Ֆ. Շալյապինի ֆոնդերից նախկինում չցուցադրված կամ հազվադեպ ցուցադրված 221 արժեքավոր ցուցանմուշներ, որոնցից 174-ը բնօրինակներ են և պատմում են կոմպոզիտոր, դաշնակահար, դիրիժոր Սերգեյ Վասիլևիչ Ռախմանինովի և երգիչ, դերասան, նկարիչ Ֆեոդոր Իվանովիչ Շալյապինի կյանքի ու գործունեության մասին:

Ինչպես լրագրողներին ասաց ՀՀ մշակույթի նախարար Հասմիկ Պողոսյանը, երկու հանճարներին նվիրված ցուցահանդեսը մեծ կոմպոզիտոր Ա. Խաչատրյանի տուն-թանգարանում է անցկացվում ոչ պատահաբար։

«Ըստ էության` երկու մեծություններ` Շալյապինը և Ռախմանինովը «հյուրընկալվել» են երրորդի` Խաչատրյանի տանը։ Այդ մարդիկ, ամեն մեկն իր ոլորտում, իրենց ժամանակի հանճարներն էին»,- ասաց Պողոսյանը։

Խոսելով ուրբաթ մեկնարկած առաջին հայ-ռուսական թանգարանային համաժողովի մասին` նախարարը նշեց, որ այն նպաստում է թանգարանային ոլորտում համագործակցության հարթակի ստեղծմանը։

«Այսօր Էջմիածնում կլոր սեղան անցկացվեց, և մենք արդեն պայմանավորվածություններ ունենք։ Կարծում եմ, որ դա մեծ ձեռքբերում է»,- ասաց Պողոսյանը։

Նա հայտնեց, որ եռօրյա համաժողովի ընթացքում նախատեսված է ստորագրել մի շարք փաստաթղթեր, ինչպես նաև երկու երկրների միջև ամփոփիչ հուշագիր, ինչը հաջող մեկնարկ կլինի հաջորդ տարիների ծրագրերի համար։

Նա հայտնեց նաև, որ հաջորդ տարի Ռուսաստանում հայկական կողմին նվիրված մի շարք խոշոր ցուցահանդեսներ կանցկացվեն։

Елена МиловзороваՌԴ մշակույթի փոխնախարար Ելենա Միլովզորովան իր հերթին նշեց, որ համաժողովի նպատակը միջթանգարանային գործակցությունն ավելի բարձր, որակյալ և առաջնահերթ մակարդակի հասցնելն է։

«Սա իմ առաջին այցն է այստեղ։ Կարևորը` ես չունեմ այնպիսի զգացողություն, որ ես օտար երկրում եմ։ Գործընկերների հետ զրուցելու շատ բան կա։ Արդեն հետաքրքիր առաջարկներ են ստացվել, որոնք մենք քննարկեցինք Հայաստանի նախագահի հետ հանդիպման ժամանակ»- ասաց փոխնախարարը։

Նրա խոսքերով` քննարկումների վերջնական արդյունքները կամփոփվեն հուշագրում։ Ուրբաթ ցուցահանդես այցելեց Հայաստանի նախագահ Սերժ Սարգսյանը։

Առաջին հայ-ռուսական «Ռուսաստանի և Հայաստանի թանգարանները: Մշակույթների երկխոսություն» խորագրով հայ-ռուսական թանգարանային համաժողովը մեկնարկեց ուրբաթ Հայաստանում։
Համաժողովի առաջին միջոցառումը Մայր Աթոռ Սբ Էջմիածնի «Վաչե և Թամար Մանուկյան» Մատենադարանում ուրբաթ անցկացված «Մշակութային ժառանգության պահպանության արդի հիմնահարցերը» թեմայով կլոր սեղանն էր: Զեկուցումներով հանդես եկան Հայաստանի և Ռուսաստանի մշակույթի նախարարների տեղակալները, խոշոր թանգարանների տնօրենները, անվանի գիտնականներ և մշակութային գործիչներ:

Կկազմակերպվեն այցելություններ Մայր Աթոռ Սբ Էջմիածնի վանքի թանգարանային համալիր, Մատենադարան. Մեսրոպ Մաշտոցի անվան հին ձեռագրերի գիտահետազոտական ինստիտուտ, Սերգեյ Փարաջանովի թանգարան, Հայաստանի պատմության թանգարան։--0--

Loading...
Թեմատիկ նյութեր
Բաժնի այլ նյութեր
12:59
19 Հուլիսի 2017
Ռեժիսոր Անդրեյ Կոնչալովսկին «Օսկարը» համեմատել է McDonald's–ի հետ
Ռեժիսոր Անդրեյ Կոնչալովսկին «Օսկարը» համեմատել  է McDonald's–ի հետ և առաջարկել է դրա դեմ պատժամիջոցներ ներդնել ՌԴ–ի կողմից։
19:33
18 Հուլիսի 2017
«Մանկական Եվրատեսիլ-2017»-ին Հայաստանը կներկայացնի Միշան. (ՎԻԴԵՈ)
Միշան «Արցախի ձայներ» խմբի սան է, ով իր «Փոքրիկ Ղարաբաղցի» երգով հասցրել է գրավել մարդկանց սրտերը:
16:46
18 Հուլիսի 2017
15–րդ դարի Հրաշափառ Ավետարանը համալրել է Մատենադարանի հավաքածուն (ՖՈՏՈ)
Ձեռագրի հրաշագործ հատկությունների մասին գիտեին շրջանի բոլոր բնակիչները, այդ թվում` հարևան գյուղում ապրած իր նախնիները։
11:00
16 Հուլիսի 2017
Հայտնի են «Ոսկե ծիրան 2017» կինոփառատոնի հաղթողները (ՖՈՏՈ)
«Ոսկե» և «արծաթե» ծիրանների, ինչպես նաև «Ոսկե ծիրան» XIV միջազգային կինոփառատոնի այլ պատվավոր մրցանակների հանձնման հանդիսավոր արարողությունը տեղի է ունեցել շաբաթ օրը Երևանում։
11:25
15 Հուլիսի 2017
Հայաստանը ներկայացնող Էրիկը` միջազգային երաժշտական մրցույթի մրցանակակիր (ՎԻԴԵՈ)
Հայաստանցի 12-ամյա Էրիկ Մկրտչյանը մասնակցել է «Վիտեբսկ 2017» միջազգային մանկական երաժշտական մրցույթին:
11:19
14 Հուլիսի 2017
«Ոսկե ծիրանը»` բարձր ճաշակի և մարդասիրության գաղափարների կրող
Նախօրեին Հայաստանի նախագահը հանդիպել է «Ոսկե ծիրան» 14–րդ միջազգային կինոփառատոնի պատվավոր հյուրերի հետ։  
16:26
13 Հուլիսի 2017
Երևանի և նրա հանճարեղ երաժիշտների մասին բացառիկ ֆիլմի պրեմիերա` մայրաքաղաքում
Տատյանա Դանիլյանցի վավերագրական-երաժշտական ֆիլմի հայաստանյան պրեմիերան տեղի կունենա հուլիսի 14-ին:
18:58
11 Հուլիսի 2017
Հայաստանը միջազգային մակարդակի ռոք–փառատոն է կազմակերպում
Epic Air Rock Fest 2017–ը կդառնա ռոք–երաժշտության ամենամյա փառատոն, որին կմասնակցեն տարբեր երկրների հայտնի երաժիշտներ։
13:23
10 Հուլիսի 2017
Կինեմատոգրաֆի տոն. Երևանում մեկնարկեց «Ոսկե ծիրան» կինոփառատոնը (ՖՈՏՈ)
Երևանում կիրակի տեղի ունեցավ «Ոսկե ծիրան»  Երևանի 14-րդ միջազգային կինոփառատոնի բացման արարողությունը։
10:15
10 Հուլիսի 2017
Երևանում նոր աստղեր «վառվեցին» «Ոսկե ծիրանի» մեկնարկի շրջանակում
Հայկական կինոյի երեք հռչակավոր գործիչների աստղերը «վառվեցին» կիրակի Երևանում «Ոսկե ծիրան» միջազգային 14–րդ կինոփառատոնի բացման շրջանակում։
14:10
09 Հուլիսի 2017
Նոր «Նինո»-ն` Իվետա Մուկուչյանից ու Արամ MP3-ից (ՎԻԴԵՈ)
Ներկայացվել է «Dashterov» նախագծի ևս մի երգ:
10:45
07 Հուլիսի 2017
Երաժշտական «փոթորիկ» է գալիս Դիլիջան
Dilijan Music Fest խորագրով երաժշտական բացառիկ տոն կանցկացվի առաջին անգամ Դիլիջանում: