480.39
+0.17
536.6
+0.48
8.07
+0.03
+16
Եղանակը Երևանում
Հայ
«Ջուրը՝ գդալ-գդալ» ներկայացումը պետք է հասարակության ուշադրությունը գրավի վետերանների խնդիրների նկատմամբ. ԱՄՆ դեսպան
14:09
02 Հոկտեմբերի 2014

ԵՐԵՎԱՆ, 2 հոկտեմբերի. /Նովոստի-Արմենիա/. «Ջուրը՝ գդալ-գդալ» ներկայացումը, որի պրեմիերան կկայանա HighFest XII միջազգային թատերական փառատոնի շրջանակում, պետք է գրավի հասարակայնության ուշադրությունը վետերանների խնդիրների նկատմամբ, հայտնեց Հայաստանում ԱՄՆ Արտակարգ և Լիազոր դեսպան Ջոն Հեֆերնը:

«Հայաստանում ԱՄՆ դեսպանությունը և HighFest փառատոնը կներկայացնեն դրամատուրգ Կիարա Ալեգրիա Գուդեսի «Ջուրը՝ գդալ-գդալ» պիեսը, որը 2012 թվականին արժանացել է Պուլիտցերյան մրցանակի: Պիեսը պատմում է Իրաքի պատերազմի ամերիկացի վետերանի մասին, ով պայքարում է իր նկատմամբ արհամարհանքով վերաբերվող հասարակությունում սեփական տեղը գտնելու համար»,- հինգշաբթի մամուլի ասուլիսում ասաց Հեֆերնը:

«Ջուրը՝ գդալ-գդալ» պիեսի հայկական պրեմիերան կկայանա հոկտեմբերի 2-ին և 3-ին Երևանի Հովհաննես Թումանյանի անվան պետական տիկնիկային թատրոնում:

Հեֆերնը նշեց, որ «Ջուրը՝ գդալ-գդալ» պիեսի հերոսները փորձում են հաղթահարել մենությունն ու ցավը, բարելավել հարաբերություններն ընտանիքի հետ: Ու թեև պիեսում ներկայացված է ամերիկյան իրականությունը, դրանում ներկայացված թեմաները համամարդկային են:

Ամերիկացի զինծառայող Էլիոթ Ռուիսը, ով դարձել է գլխավոր հերոսի նախատիպը, պատմեց այն մասին, որ հանդիպել է հայ վետերանների, Արցախի ազատագրական շարժման մասնակիցների հետ:

«Պիեսը համամարդկային խնդիրներին նվիրված հիանալի ստեղծագործություն է: Այն կարող է օգնել ոչ միայն վետերաններին, այլ նաև նրանց ընտանիքներին և ընկերներին: Վերջիններս հաճախ չեն պատկերացնում, թե ֆիզիկական և հոգեբանական ինչ խնդիրների հետ են բախվում մարդիկ պատերազմում»,- ասաց Ռուիսը:

Կիսելով հայ վետերանների հետ հանդիպումից ունեցած իր տպավորությունները` Ռուիսն ասաց, որ նա զարմացած է, որ նրանք ընդգրկված չեն վերականգնողական և հասարակությանն ինտեգրվելու հատուկ ծրագրերում:

«Կարծում եմ, որ Հայաստանում պետք է գործեն վետերանների համար հատուկ ուսումնական ծրագրեր, որոնք թույլ կտան նրանց մասնագիտություններ ձեռք բերել և ապահովել իրենց ու իրենց ընտանիքներին: Նրանք պետք է նաև առավելություններ ունենան բժշկական սպասարկման և հոգեբանական վերականգնման հարցերում»,- կարծում է Ռուիսը:

Հոկտեմբերի 1-8-ը Երևանում կանցկացվի HighFest XII միջազգային թատերական փառատոնը: Փառատոնը հայկական բեմում կհամախմբի թատրոնի շուրջ 200 վարպետների աշխարհի 18 երկրներից, այդ թվում` Մեծ Բրիտանիայից, Ֆրանսիայից, Ավստրիայից, Իտալիայից, Ֆինլանդիայից, Ռուսաստանից, Իրանից ու Վրաստանից:

Այդ օրերին հայկական մայրաքաղաքի թատերաբեմերում կանցնեն ավելի քան հիսուն ներկայացումներ:

Փառատոնային կարևոր իրադարձություների թվում Ղուկասյանը նշեց «Ջուրը՝ գդալ-գդալ» հայ-ամերիկյան նախագիծը, «Արտիշոկ» ղազախական թատրոնի «Պուշկին stand-up» բեմադրությունը, ինչպես նաև «Մահացած պարեր» (ՌԴ) և «Խելագարի հիշատակարանը» (Մեծ Բրիտանիա) բեմադրությունները:

Օտարերկրյա մասնակիցները փառատոնի շրջանակում կկազմակերպեն նաև վարպետության դասեր հայ արտիստների համար:

Բացի փառատոնի բացման բեմադրությունից, մնացած բոլոր բեմադրությունների մուտքն անվճար է, ինչը թույլ կտա դառնալ փառատոնային տոնի հաղորդակիցը:

HighFest միջազգային թատերական փառատոնն առաջին անգամ անցել է Հայաստանում 2003 թ.-ին: Տասը տարվա ընթացքում փառատոնին մասնակցել է ավելի քան 1500 արտիստ աշխարհի 50 երկրներից, ինչպես նաև ավելի քան 150 պատվավոր թատերագետներ, արվեստի գործիչներ և միջազգային փառատոնների նախագահներ:-0-

Loading...
Թեմատիկ նյութեր
Բաժնի այլ նյութեր
18:11
20 Հունիսի 2017
Հայտնի է Երևանում «Գայանե» բալետի տապալման մեղավորը
ՀՀ մշակույթի նախարարը հրապարակել է «Գայանե» բալետի տապալման մեջ մեղավորի անունը։

19:32
14 Հունիսի 2017
Չայկովսկու անվան սիմֆոնիկ նվագախումբը համերգ կտա Երևանում
Երևանում կկայանա Չայկովսկու անվան սիմֆոնիկ նվագախմբի համերգը` լեգենդար դիրիժոր Վլադիմիր Ֆեդոսևի ղեկավարությամբ։
21:05
09 Հունիսի 2017
Երևանում «Գայանե» բալետի տապալման մեջ մեղավոր երաժիշտները կպատժվեն. փոխտնօրեն
«Գայանե» բալետի տապալման մեջ մեղավոր երաժիշտներն անպայման կպատժվեն։
11:40
09 Հունիսի 2017
Ռեփեր Տիմատին ելույթ ունեցավ Երևանում հայկական եռագույնով (ՎԻԴԵՈ)
Ռուսաստանցի անվանի ռեփեր Տիմատիի համերգը կայացավ նախօրեին Հանրապետության հրապարակում։
16:29
06 Հունիսի 2017
Աշխարհահռչակ ռուս դաշնակահար Արկադի Վոլոդոսի երևանյան համերգը տեղափոխվել է
Արկադի Վոլոդոսի երևանյան համերգը տեղափոխվել է:
18:57
05 Հունիսի 2017
Համր կինո, կինո բաց երկնքի տակ և նոր «աստղեր». «Ոսկե ծիրան»–ին սպասելիս
14-րդ անգամ կանցկացվի կինոյի բնագավառում ամառային վառ միջոցառումներից մեկը` «Ոսկե ծիրան» երևանյան միջազգային կինոփառատոնը:
18:56
04 Հունիսի 2017
Երգչուհի Լիլիթ Հովհաննիսյանը պատմել է դժբախտ սիրո մասին (ՏԵՍԱՆՅՈՒԹ)
Երգչուհի Լիլիթ Հովհաննիսյանը նոր տեսահոլովակ է ներկայացրել:
15:13
03 Հունիսի 2017
Սերժ Թանկյանը մտադիր է երաժշտական փառատոն կազմակերպել Հայաստանում
System of a Down ամերիկյան հայտնի ռոք խմբի մենակատար Սերժ Թանկյանը ծրագրում է երաժշտական փառատոն կազմակերպել Հայաստանում:
12:28
02 Հունիսի 2017
Իրանցի ռեժիսորի ֆիլմում իրանուհիների փոխարեն հայ կանայք են նկարահանվել
Ռեժիսոր Ջալիլ Սամանի «Նաֆաս» (Շնչառություն) ֆիլմն իսկական բում է առաջացրել Իրանում։
17:35
30 Մայիսի 2017
Հայտնի ջազմեն Ավիշայ Քոենը վայելում է Հայաստանում գտնվելու յուրաքանչյուր պահն ու անակնկալ է խոստանում
Ամենահայտնի և ազդեցիկ ջազային երաժիշտներից մեկը` վիրտուոզ-կոնտրաբասահար, կոմպոզիտոր, գործիքավորող, վոկալիստ, ծագումով հրեա Ավիշայ Քոենը Երևանում է
14:34
29 Մայիսի 2017
Աշխարհահռչակ ռուս դաշնակահար Արկադի Վոլոդոսը հանդես կգա Երևանում
«Երևանյան հեռանկարներ»  8-րդ երաժշտական փառատոնի շրջանակում Երևանում համերգով հանդես կգա աշխարհահռչակ ռուս դաշնակահար Արկադի Վոլոդոսը:
14:27
29 Մայիսի 2017
Էստլունդի «Քառակուսի» ֆիլմն արժանացել է Կաննի կինոփառատոնի գլխավոր մրցանակին (ԼՈՒՍԱՆԿԱՐՆԵՐ)
Պեդրո Ալմադովարն ու նրա ժյուրին կայացրեցին իրենց դատավճիռը։