484.11
-0.64
570.43
-1.33
8.23
+0.04
-2
Եղանակը Երևանում
Հայ
Երևանի 8–րդ միջազգային երաժշտական փառատոնի բացմանը ելույթ կունենա դաշնակահար Կիրիլ Գերշտեյնը
19:24
11 Սեպտեմբերի 2014

ԵՐԵՎԱՆ, 11 սեպտեմբերի. /Նովոստի–Արմենիա/. Երևանի 8–րդ միջազգային երաժշտական փառատոնի բացմանը ելույթ կունենա հայտնի դաշնակահար Կիրիլ Գերշտեյնը, հինգշաբթի լրագրողներին հայտնեց Հայաստանի պետական ֆիլհարմոնիկ նվագախմբի գեղարվեստական ղեկավար և գլխավոր տնօրեն Էդուարդ Թոփչյանը։

Փառատոնի բացում–համերգը նախատեսված է սեպտեմբերի 12–ին Արամ Խաչատրյանի անվան համերգասրահում։ Ծրագրում ընդգրկված են Մուսորգսկու «Գիշերը լերկ լեռան վրա» ստեղծագործության օրիգինալ տարբերակի պրեմիերան, ինչպես նաև Ռախմանինովի №2 համերգը և Ռիմսկի–Կորսակովի «Շահրազադե» բալետի սյուիտը։

«Երևանի միջազգային երաժշտական փառատոնի առաջին համերգը կազդարարի Իտալիայի հյուրախաղերից օրեր առաջ վերադարձած Հայաստանի պետական ֆիլհարմոնիկ նվագախմբի նոր համերգաշրջանի մեկնարկը»,– ասաց Թոփչյանը։

Նա նշեց նաև, որ եթե նախորդ տարի փառատոնի կազմակերպիչներին դժվարությամբ հաջողվեց համոզել Գերշտեյնին Հայաստան ժամանել, ապա այս տարի նա ինքը ժամանակ գտավ իր ժամանակացույցում և ցանկացավ կրկին այցելել Երևան։

Դաշնակահարը նշեց, որ ուրախությամբ է եկել Հայաստան, և ավելացրեց, որ Հայաստանը  հարազատ է դարձել դեռ առաջին այցի ժամանակ։

Խոսելով իր երաժշտական նախընտրությունների մասին` դաշնակահարը նշեց, որ մինչև տասնվեց տարեկանը զբաղվել է ջազային և դասական երաժշտությամբ, բայց ավելի ուշ ընտրել է երկրորդը։

«Ինչ վերաբերում է սիրած կոմպոզիտորներին, ապա պետք է ասեմ, որ նրանք այն կոմպոզիտորներն են, որոնց երաժշտությունը ես նվագում եմ այս պահին։ Դա արագ անցում կատարել, նոր կոմպոզիտորների «սիրահարվելու» կարողությունն է, որը շատ պետք է երաժիշտին»,– ասաց Գերշտեյնը։

Դաշնակահար Կիրիլ Գերշտեյնը ծնվել է Ռուսաստանում։ 14 տարեկանում տեղափոխվել է ԱՄՆ։ Կրթություն է ստացել Բոստոնի Berklee College of Music–ում և Նյու Յորքի Մանհեթենի երաժշտական դպրոցում։ Գերշտեյնը մենահամերգներով է ելույթ ունեցել Փարիզում, Բոստոնում, Նյու Յորքում, Համբուրգում և այլ քաղաքներում աշխարհի ամենահայտնի նվագախմբերով։

Երևանի միջազգային երաժշտական ութերորդ փառատոնը կանցնի հայկական մայրաքաղաքում սեպտեմբերի 12–ից հոկտեմբերի 24–ը Հայաստանի առաջին տիկին Ռիտա Սարգսյանի բարձր հովանու ներքո և Մշակույթի նախարարության օժանդակությամբ։ Փառատոնի գեղարվեստական ղեկավարներն են Էդուարդ Թոփչյանը և Ալեքսանդր Չաուշյանը։

Ծրագրի համաձայն, փառատոնին կմասնակցեն դաշնակահարներ Կիրիլ Գերշտեյնը (ԱՄՆ/Ռուսաստան), Էշլի Վոսը (Մեծ Բրիտանիա), Ֆրանսուա Ֆրեդերիկ Գին (Ֆրանսիա), Ալեքսանդր Մելնիկովը (Գերմանիա/Ռուսաստան), Վահան Մարտիրոսյանը (Ֆրանսիա), Սիմոն Տրպչեսկին (Մակեդոնիա), ջութակահարներ Բորիս Բրովցինը (Մեծ Բրիտանիա), Սերգեյ Կռիլովը (Ռուսաստան), Պավել Վեռնիկովը (Իսրայել), ալտահար Դիմուտ Պապենը (Գերմանիա), ինչպես նաև թավջութակահար Ալեքսանդր Չաուշյանը (Մեծ Բրիտանիա), ֆլեյտահար Մասիմո Մերչելին (Իտալիա) և կիթառահար ֆաբիո Զանոնը (Բրազիլիա)։

Փառատոնի շրջանակում կհնչեն Մուսորգսկու, Ռախմանինովի, Ռիմսկի–Կորսակովի, Ստրավինսկու, Չայկովսկու, Շոստակովիչի, Շնիտկեի, Վիվալդիի, Մենդելսոնի, Բեթհովենի, Գերշվինի, Բրամսի, Շուբերտի, Կորիլիանոյի, Բարբերի, Ռոդրիգոյի ստեղծագործությունները։ Հոկտեմբերի 24–ի եզրափակիչ համերգում կկատարվի Պենդերեցկու Ֆլեյտայի համար կոնցերտի երևանյան պրեմիերան։

Հայաստանի պետական ֆիլհարմոնիկ նվագախումբը, որը 86 տարի առաջ հիմնել են հայ երաժիշտներ Արշակ Ադամյանը և Ալեքսանդր Սպենդիարյանը, տարիներ շարունակ եղել է նախկին ԽՍՀՄ–ի երաժշտական առաջատար կոլեկտիվներից մեկը։ Այսօր այն համարվում է պրոֆեսիոնալ նվագախմբային արվեստի ազգային կենտրոն։

Տարբեր ժամանակներում Հայաստանի պետական ֆիլհարմոնիկ նվագախումբը գլխավորել են Արշակ Ադամյանը, Ալեքսանդր Սպենդիարյանը, Սուրեն Չարեքյանը, Կոնստանտին Սարաջևը, Օհան Դուրյանը, Վալերի Գերգիևը, Լորիս Ճգնավորյանը։ 2000 թվականից նվագախմբի գեղարվեստական ղեկավարն ու գլխավոր դիրիժորն Էդուարդ Թոփչյանն է։

«Նովոստի–Արմենիա» գործակալությունը նվագախմբի տեղեկատվական հովանավորն է։ -0-

Loading...
Թեմատիկ նյութեր
Բաժնի այլ նյութեր
20:07
11 Դեկտեմբերի 2017
Spice Girls-ի նախկին մենակատարը երգել և խոսել է հայերեն (ՎԻԴԵՈ)
Spice Girls-ի նախկին մենակատար Մել Բի–ն երգել և խոսել է հայերեն։
20:42
07 Դեկտեմբերի 2017
Տիգրան Համասյանն արխիվային բացառիկ տեսագրություն է հրապարակել (ՎԻԴԵՈ)
Աշխարհահռչակ հայ դաշնակահար, ջազմեն և կոմպոզիտոր Տիգրան Համասյանը ներկայացրել է An Ancient Observer վերջին ալբոմի «Leninagone» կոմպոզիցիայի նոր տեսահոլովակը։
00:41
05 Դեկտեմբերի 2017
Կոնսերվատորիայի Գյումրու մասնաճյուղը տոնեց 20-ամյա հոբելյանը (ՖՈՏՈ)
Դեկտեմբերի 2-ին լրացավ Երևանի Կոմիտասի անվան պետական կոնսերվատորիայի Գյումրու մասնաճյուղի հիմնադրման 20 տարին:
14:19
04 Դեկտեմբերի 2017
Հայ փոքրիկները հիացրել են «Կապույտ թռչուն» ռուսական մրցույթի ժյուրիի անդամներին ու հանդիսատեսին (ՎԻԴԵՈ)
Հայ փոքրիկները պարզապես հիացրել են «Կապույտ թռչուն»  համառուսական մրցույթի ժյուրիի անդամներին ու հանդիսատեսին։
14:43
03 Դեկտեմբերի 2017
Էմոցիաներ պարահրապարակում. Հայ պատանի զույգն անցել է «Ты супер! Танцы» շոուի կիսաեզրափակիչ (ՎԻԴԵՈ)
17-ամյա Դավիթ Այվազյանը և 15-ամյա Աստղիկ Մխիթարյանը հաջողությամբ ելույթ ունեցան «Ты супер! Танцы» շոուի քառորդ եզրափակչում:
19:08
29 Նոյեմբերի 2017
«Խոստումը» ֆիլմի սաունդթրեքը հավակնում է Grammy-2018–ին
«Խոստումը» (The Promise) ֆիլմի սաունդթրեքը հավակնում է Grammy-2018–ին:
17:42
29 Նոյեմբերի 2017
Աբրահամ Ռուսսոն խոսել է արցախյան բարբառով (ՎԻԴԵՈ)
Instagram սոցցանցի օգտատերը իր էջում տեսանյութ է հրապարակել, որում երգիչը փորձում է նրա հետևից բառեր արտահայտություններ ասել ղարաբաղյան բարբառով։
16:03
29 Նոյեմբերի 2017
Տիգրան Մանսուրյանի «Ռեքվիեմ»–ն առաջադրվել է «Grammy 2018»–ի միանգամից երկու անվանակարգերում
Grammy–ի է առաջադրված նաև Տիգրան Մանսուրյանի պրոդյուսեր Մանֆրեդ Այխերը՝ որպես «Տարվա պրոդյուսեր դասական ոճում»:
20:04
28 Նոյեմբերի 2017
Կոնստանտին Օրբելյանն ու Դմիտրի Խվորոստովսկին` «Grammy 2018»–ի հավակնորդներ
Կոնստանտին Օրբելյանն ու Դմիտրի Խվորոստովսկին առաջադրվել են Grammy–ի։
14:15
28 Նոյեմբերի 2017
Մալթայի ֆիլհարմոնիկ նվագախումբը հանդես կգա Սերգեյ Սմբատյանի ղեկավարությամբ
Համերգը կկայանա Մալթայի մայրաքաղաք Վալետայի Սուրբ Գևորգի հրապարակում։
21:59
26 Նոյեմբերի 2017
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում, հաղթեց Ռուսաստանը (ՎԻԴԵՈ)
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում։
12:59
25 Նոյեմբերի 2017
Միշել Մստոյանը հուզել է հանդիսատեսին էթնիկ երգի կատարմամբ (ՎԻԴԵՈ)
Միշել Մստոյանը «Ձայնը» շոուի «Նոկաուտներ» փուլում կատարել է «Լաց մի եղիր» եզդիական ժողովրդական երգերի երաժշտական միքս: