486.78
+0.12
515.5
+2.27
8.41
+0.01
+6
Եղանակը Երևանում
Հայ
Հայ և թուրք նկարիչների ցուցահանդեսներ կանցկացվեն Երևանում և Ստամբուլում «Նկարիչների փոխայցելություններ» նախագծի շրջանակում
17:24
01 Սեպտեմբերի 2014

ԵՐԵՎԱՆ, 1 սեպտեմբերի. /Նովոստի-Արմենիա/. Մի շարք ցուցահանդեսներ, վարպետության դասեր և արհեստանոցներ կկազմակերպվեն բաց երկնքի տակ Հայաստանում և Թուրքիայում «Նկարիչների փոխայցելություններ» նախագծի շրջանակում, երկուշաբթի մամուլի ասուլիսում հայտնեց Հանրային լրագրության ակումբի ղեկավար Սեդա Մուրադյանը։

Նախագծով նախատեսվում է թուրք նկարիչների այցելություններ Հայաստան և հայ նկարիչների այցելություններ Թուրքիա։ Դրա համար երկու երկրներում ընտրվել են չորսական ուսանող–նկարիչների խմբեր` դասախոսի գլխավորությամբ։ Առաջին փուլը կանցնի Երևանում սեպտեմբերի 1-8–ը, երկրորդը` սեպտեմբերի 29–ից հոկտեմբերի 5–ը Ստամբուլում։ Նախագիծն իրականացնում են Հանրային լրագրության ակումբը և Անադոլու Քուլթուր հասարակական կազմակերպությունները։

«Արվեստը հասարակությունների միջև երկխոսության հաստատելու ճանապարհ է։ Հենց այդ նպատակով էլ կազմակերպվել է այս նախագիծը, որը «Աջակցություն Հայաստան-Թուրքիա կարգավորման գործընթացին» ծրագրի մի մասն է»,– ընդգծեց Մուրադյանը։

Ըստ նրա` այդ ծրագրի շրջանակում Թուրքիայում անցել են դասընթացներ տարբեր բուհերի 40 ուսանողների և դասախոսների համար, ստեղծվել է կինոհարթակ «Ոսկե ծիրան» կինոփառատոնի շրջանակում, ինչպես նաև հայ–թուրքական երկխոսության հաստատման նախագծերի օժանդակության դրամաշնորհներ են հատկացվել։

««Հրանտ Դինքի հիմնադրամի» աջակցությամբ Հայաստանի և Թուրքիայի 200 մասնակիցներ փոխայցելություններ կկատարեն և կծանոթանան հարևան պետության մշակույթին։ Մոտ 87 կազմակերպություններ Հայաստանից և Թուրքիայից պատրաստ են 4-6 ամսով ընդունել նրանց փորձի փոխանակման համար»,– ասաց Մուրադյանը։

Նկարիչների հայկական խմբի ղեկավար Գագիկ Չարչյանն իր հերթին նշեց, որ սահմաններ գոյություն ունեն ոչ միայն պետությունների, այլ նաև հասարակությունների միջև։
«Արվեստն այդ սահմանները հաղթահարելու հնարավորություն է»,– ընդգծեց նա։

Թուրքիայից երիտասարդ արվեստագետների խմբի ղեկավար Սերդար Յըլմազի խոսքով` նա երկար է սպասել Հայաստան այցին այն բանից հետո, երբ ծանոթացել է հայկական մշակույթին Վանա լճի Աղթամար կղզի ուղևորության ընթացքում։

«Մեծ ոգևորություն եմ զգում` այստեղ լինելով, և շատ ուրախ եմ, որ կարող եմ ավելի մոտիկից ծանոթանալ հայկական մշակույթին»,– ասաց Յըլմազը։

«Աջակցություն Հայաստան-Թուրքիա կարգավորման գործընթացին» ծրագիրը մեկնարկել է 2014 թվականի հունվարին և անցկացվում է ութ հասարակական կազմակերպությունների կոնսորցիումի կողմից։ Ծրագիրն իրականացվում է Եվրոպական միության ֆինանսական օժանդակությամբ «Կայունության գործիքի» (ԵՄ) շրջանակում։ Ծրագիրն ուղղված է հարաբերությունների բարելավմանը և հայ–թուրքական սահմանի բացմանը։

Հայաստանի և Թուրքիայի միջև բացակայում են դիվանագիտական հարաբերությունները, իսկ հայ-թուրքական սահմանը պաշտոնական Անկարայի նախաձեռնությամբ փակ է 1993 թվից: Երկու երկրի միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։

Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։ 2009 թ.–ի հոկտեմբերի 10–ին Հայաստանի և Թուրքիայի արտգործնախարարները Ցյուրիխում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման արձանագրությունը», որոնք պետք է վավերացվեին երկու երկրների խորհրդարանների կողմից։ Սակայն 2010 թ.–ի ապրիլի 22–ին Սարգսյանը հայ–թուրքական արձանագրությունների վավերացման գործընթացը դադարեցնելու մասին հրամանագիր ստորագրեց` հայտարարելով, որ Թուրքիան պատրաստ չէ շարունակել սկսած գործընթացը։ Արձանագրությունների վավերացման գործընթացը սառեցված վիճակում է։-0-

Loading...
Թեմատիկ նյութեր
Բաժնի այլ նյութեր
15:47
24 Փետրվարի 2017
13–ամյա Արտյոմ Սեյրանյանը ռոք–հիթի հիասքանչ կատարմամբ ցնցել է «Ձայնը.երեխաներ» մրցույթի ժյուրիին (ՏԵՍԱՆՅՈւԹ)
13–ամյա Արտյոմ Սեյրանյանը ցնցել է Ռուսաստանի Առաջին ալիքով հեռարձակվող «Ձայնը.երեխաներ–4» մրցույթի ժյուրիի անդամներին` կատարելով AC/DC խմբի «Highway To Hell» հիթը։
15:24
24 Փետրվարի 2017
Դաշնամուր–սաքսոֆոն հայկական դուետը նվեր կմատուցի կանանց
Անվանի դաշնակահար Արմեն-Լևոն Մանասերյանն ու սաքսոֆոնահար Հարություն Հարությունյանը մարտի 8–ին համերգով հանդես կգան Բրյուսելում։
16:15
23 Փետրվարի 2017
Էլթոն Ջոնը կներկայացնի «Խոստում» ֆիլմն «Օսկարին» նախորդող երեկոյին
Աշխարհահռչակ երգիչ Էլթոն Ջոնը կներկայացնի Հայոց ցեղասպանության մասին պատմող «Խոստում» ֆիլմը։
15:43
22 Փետրվարի 2017
Հայ հիպերռեալիստ Տիգրան Ձիթողցյանը` Սյուզան Սարանդոնի հետ նկարահանման ընդհանուր հարթակում
Հայտնի նկարիչ-հիպերռեալիստ Տիգրան Ձիթողցյանը կնկարահանվի փորձարարական վավերագրական «Ամերիկյան հայելի» ֆիլմում:
16:39
20 Փետրվարի 2017
«Պրոժեկտորպերիսհիլթոնը» վերադառնում է (ՏԵՍԱՆՅՈՒԹ)
Հումորային սիրված քառյակը, որի ինտելեկտուալ միջուկը Գարիկ Մարտիրոսյանն է, նվեր է պատրաստել Կանանց միջազգային օրվան ընդառաջ։
10:15
20 Փետրվարի 2017
Ատոմ Էգոյանն արժանացել է Կանադայի քաղաքացիական բարձրագույն մրցանակին` Կանադայի շքանշանին (ՏԵՍԱՆՅՈւԹ)
Հռչակավոր կանադահայ կինոռեժիսոր Ատոմ Էգոյանն արժանացել է Կանադայի շքանշանին, որն այդ երկրի քաղաքացիական բարձրագույն մրցանակն է:
16:38
19 Փետրվարի 2017
Արցախի ՈՒՀԱ թիմն անցել է Մոսկվայի և Մերձմոսկվայի կենտրոնական լիգա
Արցախի «Հարսանիքը լեռներում» ՈՒՀԱ թիմը  հերթական հաջողության է հասել ՈՒՀԱ Մոսկվայի և Մերձմոսկվայի լիգաների փառատոնում:
16:25
19 Փետրվարի 2017
Կրիշտիանու Ռոնալդուն և Անջելինա Ջոլին կնկարահանվեն սիրիացի փախստականների մասին պատմող սերիալում
«Ռեալի» հարձակվող Կրիշտիանու Ռոնալդուն և ամերիկացի դերասանուհի Անջելինա Ջոլին կնկարահանվեն թուրքական սերիալում:
12:49
19 Փետրվարի 2017
Հայկական ֆոկուսներ ռուսական ալիքով. Ռոման Խալաֆյանը գուշակել է Պոզների հեռախոսի գաղտնաբառը (ՏԵՍԱՆՅՈՒԹ)
Հայ աճպարարը հաջող ելույթ է ունեցել Ռուսաստանի առաջին ալիքով հեռարձակվող «Փառքի րոպե» հաղորդման ժամանակ:
12:15
19 Փետրվարի 2017
Սիրուշոյի «Դեր Զոր» երգի տեսահոլովակը՝ Անիից, կամ երազանքներն իրականանում են (ՏԵՍԱՆՅՈՒԹ)
Հայտնի հայ երգչուհի Սիրուշոն ներկայացրել է կարճ վավերագրական ֆիլմ, որում պատմել է իր վաղեմի երազանքի մասին:
16:12
17 Փետրվարի 2017
Լեոնիդ Ագուտինը խոստովանել է, որ կարոտում է երևանյան լսարանին (ՏԵՍԱՆՅՈՒԹ)
Հայտնի ռուս երգիչ Լեոնիդ Ագուտինը դիմել է տեսաուղերձով երևանյան հանդիսատեսին:
20:23
16 Փետրվարի 2017
Շուտով` պրեմիերա. հայկական հայտնի ֆիլմի աստղը «Բրավո, Վիրտուոզ» ֆիլմում
«Բրավո, Վիրտուոզ» ֆիլմի պրեմիերան կկայանա մարտի 2–ին Երևանում: