478.2
-0.31
559.83
-1.08
8.05
+0.02
+28
Եղանակը Երևանում
Հայ
Սեպտեմբերի 11-14-ը Հայաստանում Միջազգային ֆոլկլորային փառատոն կանցկացվի
15:42
01 Սեպտեմբերի 2014

ԵՐԵՎԱՆ, 1 սեպտեմբերի. /Նովոստի-Արմենիա/. ՀՀ Արագածոտնի մարզում և Երևանում սեպտեմբերի 11-14-ը կանցկացվի «Հայաստանը խաղաղության խաչմերուկում» երրորդ միջազգային ֆոլկլորային փառատոնը, «Նովոստի-Արմենիա» գործակալությանը տեղեկացրել են միջոցառման կազմակերպիչները:

Փառատոնին, մասնավորապես, մասնակցում են Լեհաստանը ներկայացնող «Վիելկոպոլանիե» և «Սզամոտուլի» ֆոլկլորային համույթները, «Տոնացույց», «Սասուն», «Տարոնցիներ», «Մասունք», «Կարոտ» հայկական համույթները, Ուջան, Ներքին Բազմաբերդ, Աշնակ, Բյուրական գյուղերի խմբերը:

Միջոցառումը կմեկնարկի սեպտեմբերի 11-ին Բյուրական գյուղում` մասնակիցների գունագեղ շքերթով: Ֆոլկլորային համույթներն ազգային տարազներով զուռնա դհոլի և պարկապզուկի և լեհական ժողովրդական գործիքների ուղեկցությամբ գնալու են գյուղամեջի աղբյուրից մինչև մշակույթի տուն, որտեղ իսկական ազգագրական ներկայացում կբեմադրվի: Մշակույթի տան աթոռները հավաքված են լինելու, ու ներսում կազմակերպվելու է պարատուն: Լեհերի խմբի կեսը ելույթ է ունենալու բեմի վրա, իսկ մյուս կեսը ներքևում պարելու է ժողովրդի հետ: Հետո հայկական խմբերն են անելու նույն բանը՝ սովորեցնելով լեհերի հայկական պարեր: Շքերթի մասնակիցների ճանապարհին գյուղացիները տոնական կերակուրներով սեղան կբացեն:

Սեպտեմբերի 12-13-ին էստաֆետը կընդունի Աշտարակ քաղաքը, որտեղ բերքի տոն կկազմակերպվի, ինչպես նաև՝ Ուջան գյուղը, որտեղ Սասնա պարեր կներկայացվեն: Սեպտեմբերի 14-ին ֆոլկլորի տոնը կավարտվի Երևանում` գալա-համերգով:

Միջոցառման կազմակերպիչներն են ՀՀ մշակույթի նախարարությունը, «Ավանդական տոների վերածնունդ» ՀԿ-ն և Բյուրականի և Ուջանի գյուղապետարանները:

«Հայաստանը խաղաղության խաչմերուկում» միջազգային ֆոլկլորային փառատոնն անցկացվում է «Ֆոլկլորի համար չկա սահման, գոյություն չունի լեզվական դժվարություն... պարը, երգը, երաժշտությունը աշխարհի լավագույն լեզուներն են» խորագրի ներքո:

Ծրագիրն ուղղված է տարածաշրջանի ճանաչմանը, մշակութային  կյանքի  ակտիվացմանն  ու զարգացմանը, ինչպես նաև խաղաղության պահպանմանը:

2012 և 2013 թթ.-ին անցկացված առաջին և երկրորդ փառատոններին մասնակցել են Իտալիայից «Վալե դի Կոմինո»  և Սարդինիայի «Սամուգեո» ֆոլկլորային խմբերը, Լիտվայից Վիլնյուսի «Ռատիլիո» ազգագրական խումբը և Չեխիայից հանրաճանաչ «Վալասկե Վոյովոդու» ֆոլկլորային համույթը:

«Ավանդական տոների վերածնունդ» ՀԿ-ն 2010թ-ից ակտիվորեն աշխատում է ծրագրի իրականացման ուղղությամբ: Այսպես` 2010թ. Իտալիայում կայացած  «Natale Insieme»  Սուրբ Ծննդյան փառատոնի ընթացքում, որին մասնակցում էր «Տոնացույց»  ժողովրդական թատրոնը, քննարկվեց Հայաստանի ներգրավումը «Ֆոլկլորը խաղաղության համար»  նախագծում: 2011թ. Չիոչիարիայում կայացած միջազգային ֆոլկլորային փառատոնի ընթացքում ներկայացվեց հայաստանյան փառատոնի նախագիծը, որը հավանության արժանացավ, իսկ երկու ամիս հետո Հայաստան ժամանեց իտալական փորձագետների պատվիրակությունը:

«Հայաստանը խաղաղության խաչմերուկում» առաջին փառատոնն անցկացվել է 2012 թ.-ի սեպտեմբերին Աշտարակում, Ուջանում, Կարբիում և Երևանում, իսկ երկրորդը՝ 2013 թ.-ին Գավառում, Գյումրիում և Երևանում:-0-

Loading...
Թեմատիկ նյութեր
Բաժնի այլ նյութեր
19:55
13 Օգոստոսի 2017
Ռոքերները «պայթեցրել» են Ծաղկաձորը (ՖՈՏՈ)
Ծաղկաձորում օգոստոսի 12-13-ին անցկացվում է EPIC Rock Fest 2017 բացօթյա առաջին մեծածավալ հայկական ռոք-փառատոնը:
14:37
07 Օգոստոսի 2017
Ջիվան Ավետիսյանի «Վերջին բնակիչը» կցուցադրվի նաև Վենետիկի կինոփառատոնում (ՎԻԴԵՈ)
Վենետիկի կինոփառատոնի շրջանակներում ֆիլմի ներկայացումն ու ցուցադրությունները նախատեսվում են սեպտեմբերին։
13:32
06 Օգոստոսի 2017
Դասականից մինչև ժամանակակից. հրապարակի երգող շատրվանները նոր երգացանկ ունեն
Հանրապետության հրապարակում տեղի է ունեցել երգող շատրվանների նոր երաժշտացանկի շնորհանդեսը:
20:26
03 Օգոստոսի 2017
Անդրեն ներկայացրել է «Ես կդառնամ» երգը (ԱՈՒԴԻՈ)
Հայաստանի վաստակավոր արտիստ Անդրեն հինգշաբթի ներկայացրել է «Ես կդառնամ» երգը։
19:45
03 Օգոստոսի 2017
Կոնստանտին Օրբելյանը` Օպերայի ակադեմիական թատրոնի տնօրեն
Կոնստանտին Օրբելյանը նշանակվել է Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրեն։
20:03
31 Հուլիսի 2017
«Ֆրեսկո» փառատոն. բացօթյա կինոդիտումներ, համերգներ, կինոճամբարներ Երևանում և մարզերում
«Ֆրեսկո» արդի արվեստի և հոգևոր ֆիլմերի չորրորդ միջազգային փառատոնը կմեկնարկի Հայաստանում օգոստոսի 25–ից։
15:37
31 Հուլիսի 2017
Սուրբ Աստվածածին եկեղեցու եզակի որմնանկարներն անհետացման վտանգի տակ են. փորձագետ
Որմնանկարները թվագրվում են 17 -րդ դարի վերջին և 18-րդ  դարի սկզբին, իսկ Աստվածածին եկեղեցին կառուցվել է 17-րդ դարի վերջին:
20:00
28 Հուլիսի 2017
Ռոբեր Գեդիկյանի ֆիլմը ներառվել է Վենետիկի 74-րդ կինոփառատոնի մրցութային ծրագրում
Ֆրանսահայ ռեժիսոր Ռոբեր Գեդիկյանի «Վիլլա» ֆիլմը ներառվել է Վենետիկի 74-րդ կինոփառատոնի մրցութային ծրագրում:
11:31
27 Հուլիսի 2017
Բոլիվուդի կինեմատոգրաֆիստներն առաջին անգամ ֆիլմ են նկարահանում Հայաստանում
Հնդկաստանից ժամանած մի խումբ կինեմատոգրաֆիստներ Հայաստանում նկարահանում են լիամետրաժ ֆիլմ:
13:35
26 Հուլիսի 2017
Հայտնի է «Եվրատեսիլ 2018»–ի անցկացման վայրը
Հայտնի է, թե որ քաղաքում կանցկացվի «Եվրատեսիլ 2018» մրցույթը։
12:50
23 Հուլիսի 2017
‹‹Ծիրանի ծառ›› երգը՝ Արամ MP3-ի նորովի մեկնաբանությամբ (ՎԻԴԵՈ)
Համացանցում է հայտնվել Արամ MP3-ի նորովի մեկնաբանությամբ ‹‹Ծիրանի ծառ›› ժողովրդական երգը:
12:59
19 Հուլիսի 2017
Ռեժիսոր Անդրեյ Կոնչալովսկին «Օսկարը» համեմատել է McDonald's–ի հետ
Ռեժիսոր Անդրեյ Կոնչալովսկին «Օսկարը» համեմատել  է McDonald's–ի հետ և առաջարկել է դրա դեմ պատժամիջոցներ ներդնել ՌԴ–ի կողմից։