+7
Եղանակը Երևանում
Հայ
Ծաղկաձորում մեկնարկել է մնջախաղի չորրորդ միջազգային փառատոնը
17:11
11 Օգոստոսի 2014

ԵՐԵՎԱՆ, 11 օգոստոսի. /Նովոստի–Արմենիա/. Լեոնիդ Ենգիբարյանի անվան մնջախաղի չորրորդ միջազգային փառատոնը մեկնարկել է նախօրեին Ծաղկաձոր առողջարանային քաղաքում։ 

Քաղաքի գլխավոր հրապարակը երեկոյան վերածվել է իսկական տոնախմբության, որը մեկ տեղում հավաքել էր քաղաքի բոլոր հյուրերին ու բնակիչներին։

«Մենք շատ ուրախ ենք, որ մեր փառատոնն արդեն որոշակի պատմություն ունի, և այն բարի ավանդույթ է դարձել Ծաղկաձորում։ Այսօրվա երեկոն կդառնա մնջախաղի առաջիկա փառատոնի յուրօրինակ ծանուցում»,– արարողությունում հայտնեց փառատոնի գործադիր տնօրեն, Երևանի մնջախաղի պետական թատրոնի գեղարվեստական ղեկավար Ժիրայր Դադասյանը։

Շոուն սկսվում է

Միջոցառումը սկսվեց մնջախաղի փառատոնի պատմության մասին կարճ ֆիլմով, այնուհետև բաց երկնքի տակ բեմում հայտնվեց հայ աճպարար Հայկ Միքայելը և ներկայացրեց իր «Էքստրավագանզա» շոուն։

Այնուհետև հանդիսատեսի առջև ելույթ ունեցան ինչպես հայ, այնպես էլ փառատոնի օտարերկրացի մասնակիցներ, մասնավորապես MMR թատրոնի ծաղրածուների գերմանական դուետը։ Բացի այդ, բացմանն իր արվեստը ցույց տվեց Իրանի «Փարադատա» թատրոնի դուետը, որն արդեն իր ամբողջական ծրագրի շրջանակում ելույթ կունենա պատերազմի և խաղաղության թեմայով փիլիսոփայական բեմադրությամբ։ Իսկ բացմանն արտիստները ներկայացրին կլոունադայի տարրերով կարճ ներկայացում։

Ուրախ և սիրո մասին շատ պարզ համարով ելույթ ունեցավ թաիլանդական «Մյութ» դուետը, որին հետևեց ճապոնացի հայտնի դերասան Մակոտո Ինոուեի ելույթը։ Ինոուեն Ենգիբարյանի անվան փառատոնին մասնակցում է արդեն երկրորդ անգամ։

Հոբելյաններ փառատոնում

Արտիստների ելույթից հետո Ժիրայր Դադասյանը հիշատակեց այս տարվա երկու նշանակալի իրադարձությունները` Հայաստանի արվեստի վաստակավոր գործիչ, դերասան Երվանդ Մանարյանի և համաշխարհային կինեմատոգրաֆի դասական Սերգեյ Փարաջանովի 90–ամյակը, որոնց պատվին փառատոնի շրջանակում ցուցադրվեցին դրվագներ «Նռան գույնը» ֆիլմից, ինչպես նաև «Մոռացված նախնիների ստվերները» ֆիլմը, որում նկարահանվել է ինքը Ենգիբարյանը։

Վարպետը` բացման ավարտին

Արարողության թատերական մասը եզրափակեց Երևանի մնջախաղի պետական թատրոնի ռեժիսոր, վարպետ Յուրի Կոստանյանը և հանդիսատեսի հիացմունքին արժանացած վառ և հիշվող համար ներկայացրեց Շեքսպիրի ստեղծագործությունների մոտիվներով։

Միջոցառման հիշարժան պահերից մեկն էլ ավազով գեղանկարչությունն էր, որը ներկայացնում էր Լեոնիդ Ենգիբարյանի «Հովանոց» ստեղծագործությունը։ Բացման արարողությունն ավարտվեց դիսկոտեկով։

Հրավառություն և շնորհավորանքներ

Բացման արարողության փակումն ազդարարած հիանալի հրավառությունից հետո միջոցառման կազմակերպիչներն ընդունում էին շնորհավորանքներն ու շնորհակալության խոսքերը։ «Այս տարի հանդիսատեսների թիվն աննախադեպ էր։ Ինձ հայտնեցին, որ Ծաղկաձորի հյուրանոցներում ազատ տեղեր չկան, և որ շատերը ժամանել են այստեղ հենց փառատոնի համար։ Կարծում եմ` ամեն ինչ անցավ ծրագրածի համաձայն»,– միջոցառման ավարտից հետո «Նովոստի–Արմենիա» գործակալությանն ասաց Դադասյանը։

Բացի այդ, մնջախաղի փառատոնի բացման արարողությանը ներկա էին նաև Մշակույթի նախարարության ներկայացուցիչները` նախարար Հասմիկ Պողոսյանի և փոխնախարար Արև Սամուելյանի գլխավորությամբ։

«Բարձր եմ գնահատում այս փառատոնի դերը, և շատ կարևոր է, որ այն անցկացվում է երկրի համար այս անհանգիստ ժամանակահատվածում... Ինձ շատ է դուր գալիս ինչպես ծրագիրը, այնպես էլ այս փառատոնի գաղափարը, և կարծում եմ` այն պետք է անցկացվի մշտապես»,– «Նովոստի–Արմենիա» գործակալությանը հայտնեց մշակույթի նախարար Հասմիկ Պողոսյանը։

Փառատոնը կտևի մինչև օգոստոսի 14–ը ներառյալ։ Այս տարի ելույթ կունենան արտիստներ Հայաստանից, Իրանից, Գերմանիայից, Ֆրանսիայից, Ճապոնիայից և Թաիլանդից։

Առաջին անգամ Մնջախաղի միջազգային փառատոնն անցկացվել է 2008 թվականին, իսկ 2010 թվականից կրում է Լեոնիդ Ենգիբարյանի անունը։

Փառատոնի անցկացմանն օժանդակում է Հայաստանի մշակույթի նախարարությունը։

«Նովոստի–Արմենիա» գործակալությունը փառատոնի տեղեկատվական հովանավորն է։ -0-

Loading...
Թեմատիկ նյութեր
Բաժնի այլ նյութեր
17:16
20 Նոյեմբերի 2017
Հայ ռեժիսորի ֆիլմը լավագույնն է ճանաչվել Տորոնտոյի կինոփառատոնում (ՎԻԴԵՈ)
Ֆիլմն արդեն ներկայացվել է աշխարհի տարբեր փառատոներում։
11:42
16 Նոյեմբերի 2017
Մարկ Բուշկով. բելգիացի ջութակահարը Խաչատրյանի միջազգային 5-րդ փառատոնի բեմում
Հերթական համերգային երեկոյի ընթացքում՝ նոյեմբերի 16-ին նախատեսված է բելգիացի ջութակահար Մարկ Բուշկովի ելույթը:
14:46
13 Նոյեմբերի 2017
«Մանկական Եվրատեսիլ-2017»-ին Հայաստանը կկարողանա քվեարկել Միշայի օգտին
«Մանկական Եվրատեսիլ-2017» երգի միջազգային մրցույթի քվեարկության կարգում կարևոր փոփոխություններ են իրականացվել:
11:00
12 Նոյեմբերի 2017
«Մանկական Եվրատեսիլում» Հայաստանը ներկայացնող Միշան «Բումերանգ» բաց կթողնի Երևանում «Ռիո» առևտրի կենտրոնի բացման ժամանակ (ՎԻԴԵՈ)
Միշան կներկայացնի իր եվրատեսիլյան «Բումերանգ» երգը «Ռիո» առևտրի կենտրոնի բացման արարողության ժամանակ, որը տեղի կունենա նոյեմբերի 13–ին:
19:57
08 Նոյեմբերի 2017
Կոմիտաս և ջազ, «Հովեր» կամ Հայաստանի մշակութային օրեր Ռուսաստանում
Սանկտ Պետերբուրգում կկայանան հայ երաժշտական կոլեկտիվների համերգներ:
15:16
08 Նոյեմբերի 2017
Լույս է տեսել Նարինե Աբգարյանի «Մանյունյա» գրքի հայերեն թարգմանությունը
«Մանյույան» հասցեագրված է չափահաս մանուկներին և պատմում է այն հերոսական մարդկանց մասին, որոնք ինչ-որ կերպ հաջողացրել են մեծանալ առանց Wi-Fi–ի ու համակարգչային խաղերի։
13:37
03 Նոյեմբերի 2017
Արամ MP3-ը և Սևակ Խանաղյանը` մեկ բեմում
Երևանում տեղի կունենա Արամ MP3-ի  և Սևակ Խանաղյանի համերգը։
17:10
27 Հոկտեմբերի 2017
Դերասան Ալեքսանդր Խաչատրյանը ճանաչվել է լավագույնը Scandinavian International Film Festival–ում (ՖՈՏՈ)
Ալեքսանդր Խաչատրյանը, ով նկարահանվել է Ջիվան Ավետիսյանի «Վերջին բնակիչը» ֆիլմում, ճանաչվել է լավագույն դերասանը:
13:56
27 Հոկտեմբերի 2017
«Դեպի Եվրատեսիլ»-ի նոր եթերաշրջանը՝ Հանրայինի եթերում. հայտերի ընդունման մեկնարկը տրված է
Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը:
12:58
27 Հոկտեմբերի 2017
Հայոց ցեղասպանության մասին Ջո Բերլինգերի ֆիլմը հաղթել է Լոս Անջելեսի կինոփառատոնում (ՎԻԴԵՈ)
«Ոչնչացնելու մտադրություն» ֆիլմը պատմում է Օսմանյան կայսրությունում 102 տարի առաջ տեղի ունեցած դեպքերի մասին։
18:48
26 Հոկտեմբերի 2017
Գրեմմիի կրկնակի մրցանակակիրը հետաձգել է համերգային շրջագայությունը Yerevan Jazz Fest 2017–ի համար
Միլերը հետաձգել է իր համերգային շրջագայությունը, որպեսզի մասնակցի Yerevan Jazz Fest 2017 փառատոնին։
11:00
22 Հոկտեմբերի 2017
Դիանա Շալժիյանը ռուսական «Գոլոս» նախագծում գերել է Ագուտնին և անցել հաջորդ փուլ (ՎԻԴԵՈ)
Ռուսաստանի Առաջին ալիքով հեռարձակվող «Գոլոս» շոուի  6-րդ եթերաշրջանի «Մենամարտեր» փուլում Դիանա Շալժիյանը գերել է Լեոնիդ Ագուտինին, ով որոշել է թողնել Դիանային նախագծում։