482.25
+0.32
566.07
-3.09
8.39
+0.02
+19
Եղանակը Երևանում
Հայ
Հայաստանում Կոմիտասի թանգարան-ինստիտուտ կբացվի
14:06
24 Հուլիսի 2014

ԵՐԵՎԱՆ, 24 հուլիսի. /Նովոստի-Արմենիա/. ՀՀ կառավարությունը հինգշաբթի նիստի ժամանակ հավանություն է տվել որոշման փաթեթին, որի համաձայն՝ Հայաստանում մեծանուն հայ կոմպոզիտոր Կոմիտասի թանգարան-ինստիտուտ կբացվի:

Ինչպես օրինագիծը ներկայացնելիս նշեց ՀՀ մշակույթի նախարար Հասմիկ Պողոսյանը, թեև հայկական երաժշտության գործում Կոմիտասի կատարած ներդրումն անգնահատելի է, նրա ժառանգությունը՝ նոտաները և երգերի ձայնագրությունները, անձնական իրերը, պահվում են տարբեր արխիվներում և պահոցներում:

«Այսպես, կոմպոզիտորի դաշնամուրն ու մեծ քանակությամբ նյութեր հիմա գտնվում են Եղիշե Չարենցի անվան գրականության և արվեստի թանգարանում: Կոմիտասին նվիրված մեծ արխիվ կա ԳԱԱ-ի Արվեստագիտության ինստիտուտի արխիվում: Բազմաթիվ հրապարակումներ, վավերագրական և գեղարվեստական ֆիլմեր և ձայնային նյութեր տարբեր արխիվներում են գտնվում», - ընդգծեց նա:

Որոշման օրինագծի համաձայն՝ թանգարանը հավաքելու է, ուսումնասիրելու և քարոզելու է մեծանուն հայ կոմպոզիտորի ստեղծագործական ժառանգությունը:

Թանգարանը նաև բարենպաստ պայմաններ կստեղծի երիտասարդ կոմպոզիտորների ստեղծագործական գործունեության համար:

Թանգարան-ինստիտուտի ստեղծման գաղափարի մասին 2013թ.-ի մայիսին խոսել էր ՀՀ նախագահ Սերժ Սարգսյանը «Հայաստան» համահայկական հիմնադրամի հոգաբարձուների խորհրդի նիստի ժամանակ:

Թանգարան-ինստիտուտը կառուցվում է Երևանում, Մշակույթի պալատի նախկին շենքի տեղում: Շինարարության ծախսերը հոգացել է սիրիահայ Գաբրիել Ջեմրբեջյանը: Նախագծի ճարտարապետը Արթուր Մեշչյանն է: Շինարարությունը նախատեսվում է ավարտել 2014թ.-ի սեպտեմբերին:

Մեծանուն հայ կոմպոզիտոր Կոմիտասի (Սողոմոն Սողոմոնյան, 1869-1935) ստեղծագործությունները հայտնի են ողջ աշխարհում: Նա երաժշտություն է դասավանդել Էջմիածնի հոգևոր ճեմարանում, դրան զուգահեռ ստեղծել է երգչախումբ, ժողգործիքների նվագախումբ, զբաղվել է ժողովրդական երգերի վերամշակմամբ, ուսումնասիրել է հայկական եկեղեցական երաժշտությունը: Աշխարհի տարբեր երկրներում Կոմիտասը հանդես է եկել որպես հայկական երաժշտության կատարող և քարոզող: 

Դառնալով 1915թ.-ին Օսմանյան կայսրությունում հայ ազգի դաժան ոչնչացման ականատեսը՝ Կոմիտասը կորցրել է մտավոր հավասարակշռությունը: Նրան հրաշքով փրկել են և տեղափոխել Եվրոպա:

20 տարի Կոմիտասն անցկացրել է Փարիզի հոգեբուժարանում, որտեղ և մահացել է 1935թ.-ին՝ այդպես էլ չվերականգնվելով հոգեկան ցնցումից, դա է պատճառը, որ Կոմիտասի կերպարն անբաժան է հայ ժողովրդի ազգային ցավից:-0-

Loading...
Թեմատիկ նյութեր
Բաժնի այլ նյութեր
11:00
22 Հոկտեմբերի 2017
Դիանա Շալժիյանը ռուսական «Գոլոս» նախագծում գերել է Ագուտնին և անցել հաջորդ փուլ (ՎԻԴԵՈ)
Ռուսաստանի Առաջին ալիքով հեռարձակվող «Գոլոս» շոուի  6-րդ եթերաշրջանի «Մենամարտեր» փուլում Դիանա Շալժիյանը գերել է Լեոնիդ Ագուտինին, ով որոշել է թողնել Դիանային նախագծում։
15:49
20 Հոկտեմբերի 2017
Սերժ Թանկյանը ցնցված է հայ երաժիշտների կողմից նրա հեղինակած «Օրկա» սիմֆոնիայի կատարմամբ (ՖՈՏՈ, ՎԻԴԵՈ)
Չորս մասից բաղկացած մեծակտավ երաժշտական այս գործում Թանկյանը մտորում է մարդասիրության մասին։
10:37
20 Հոկտեմբերի 2017
Հայտնի ջազմեն Գարի Քյոսայանը հանդես կգա յուրօրինակ համերգով
Տեղի կունենա կոմպոզիտոր, ջազային դաշնակահար և երգեհոնահար Գարի Քյոսայանի հոբելյանական համերգը
21:00
17 Հոկտեմբերի 2017
Հայ արտիստները մրցանակների են արժանացել «Звезда Крыма» միջազգային մրցույթ-փառատոնում
Ղրիմում անցկացվել է «Звезда Крыма» միջազգային մրցույթ-փառատոնը, որին մեծ հաջողությամբ մասնակցել են նաև հայ արտիստները:
15:31
16 Հոկտեմբերի 2017
Հայկական ֆիլմը հավակնում է «Օսկարի»
Ֆիլմը ներառվել է «Լավագույն օտարալեզու ֆիլմ» անվանակարգում։
13:38
15 Հոկտեմբերի 2017
Տաղանդավոր Միշել Մստոյանը «Ձայն»-ի թիմերից մեկը (ՎԻԴԵՈ)
Հայազգի Միշել Մստոյանը ելույթ է ունեցել ռուսական առաջին ալիքով հեռարձակվող «Ձայն» վոկալի շոուի 6-րդ եթերաշրջանի կույր լսումներում:
10:30
14 Հոկտեմբերի 2017
Արամ MP3–ը պարային հիթ է ներկայացրել (ՎԻԴԵՈ)
Արամ MP3–ը ներկայացրել է «Սկսում ենք» պարային հիթը։
21:05
13 Հոկտեմբերի 2017
Հայ երգչի հիանալի ձայնը ստիպել է Գրադսկուն անմիջապես շրջվել «Ձայնը» շոուի ժամանակ (ՎՒԴԵՈ)
Հայ երգիչ Զաալի Սարգսյանի հիանալի ձայնը ստիպել է «Ձայնը» շոուի ժյուրիի անդամ Ալեքսանդր Գրադսկուն անմիջապես շրջվել «կույր» լսումների ժամանակ։
20:43
13 Հոկտեմբերի 2017
Հայկական ալիքը հասավ Իսրայել. հայտնվել է Super Saqo–ի և Սպիտակցի Հայկոյի երգի cover տարբերակը (ՎԻԴԵՈ)
Super Saqo–ի և Հայկ Ղևոնդյանի (Սպիտակցի Հայկո) «Մի գնա» երգն ընդլայնում է աշխարհագրությունը։  
11:37
13 Հոկտեմբերի 2017
Սիրուշոն ներկայացրել է «Huh-Hah» երգի գունեղ տեսահոլովակը (ՎԻԴԵՈ)
Հայտնի երգչուհի Սիրուշոն Facebook –ի իր էջում հրապարակել է «Huh-Hah» երգի տեսահոլովակը։
18:34
12 Հոկտեմբերի 2017
Հայաստանի 103 արժեքավոր գտածո կցուցադրվի Իրանում
Թեհրանի ազգային թանգարանում կբացվի Հայաստանի արժեքավոր գտածոների ցուցահանդես:
15:15
12 Հոկտեմբերի 2017
Անսպասելի և հաճելի. Ջոն Մալկովիչը Երևանում Նարեկացի է ընթերցել (ՖՈՏՈ)
Հոլիվուդի լեգենդ Ջոն Մալկովիչը նախօրեին անակնկալ էր պատրաստել երևանյան հանդիսատեսի համար։