484.04
+0.53
521.46
-0.05
8.41
+0.05
+3
Եղանակը Երևանում
Հայ
Ջենիֆեր Լոպեսը նշում է իր 45-ամյակը
11:15
24 Հուլիսի 2014

ԵՐԵՎԱՆ, 24 հուլիսի. /Նովոստի-Արմենիա/. Ամերիկացի դերասանուհի և երգչուհի Ջենիֆեր Լոպեսը հինգշաբթի նշում է իր 45-ամյակը: ՌԻԱ Նովոստին ներկայացնում է երգչուհու կենսագրական տվյալները:

Ամերիկացի դերասանուհի և երգչուհի Ջենիֆեր Լոպեսը (Jennifer Lynn Lopez) ծնվել է 1969թ.-ի հուլիսի 24-ին Նյու Յորքի Բրոնքս թաղամասում, պուերտորիկացիների ընտանիքում:

1987թ.-ին Ջենիֆեր Լոպեսը խաղացել է իր առաջին դերը կինոյում, որը փոքր դրվագ է եղել «Իմ փոքրիկ աղջիկը» ֆիլմում: Այնուհետև նա սկսել է ելույթ ունենալ տարբեր պարային համույթներում և որպես պարուհի հանդես է եկել տարբեր տեսահոլովակներում, ինչպես նաև` փոփ-խմբերի ելույթների ժամանակ: 

1990թ.-ին Ջենիֆեր Լոպեսը որպես պարուհի հանդես է եկել «In Living Colors» կատակերգական հեռուստածրագրում: Ավելի ուշ նա պարել է Ջանեթ Ջեքսոնի (Janet Jackson) խմբում և նկարահանվել է երգչուհու «That’s the Way Love Goes» տեսահոլովակում:

Մեծ էկրանին Ջենիֆերի դեբյուտը եղել է 1995 թ.-ին լույս տեսած «Փողի գնացք» ֆիլմը, որտեղ նա նկարահանվել է Ուեսլի Սնայփսի և Վուդի Հարելսոնի հետ: Նույն տարում Լոպեսը նկարահանվել է Գրեգորի Նավայի «Իմ ընտանիքը» ֆիլմում, որի մասին քննադատները դրական կարծիք էին հայտնել:

Կինոյի աշխատանքին զուգահեռ Ջենիֆեր Լոպեսը զբաղվել է երաժշտությամբ: Երգչուհին ընդհանուր առմամբ վաճառել է ավելի քան 75 մլն ալբոմ ողջ աշխարհում:

Կինոյից և երաժշտությունից բացի, Ջենիֆեր Լոպեսը հաջողակ գործարար է: Նրան է պատկանում «JLo by Jennifer Lopez» հագուստի շարքը, որը նախատեսված է երիտասարդ կանանց համար: 2005 թ.-ին գործարկվել է «Sweetface» հագուստի նոր ապրանքանիշը:

Լոպեսը մեծ հաջողության է հասել նաև օծանելիքի բիզնեսում՝ թողարկելով մի քանի բուրմունք և մարմնի խնամքի համար նախատեսված պարագաներ:

2002թ.-ի ապրիլին Լոպեսը ԱՄՆ-ի Կալիֆոռնիա նահանգի Փասադենա քաղաքում բացել է Madre’s կուբական ռեստորանը:

Իր կարիերայի ընթացքում Ջենիֆեր Լոպեսն արժանացել է բազմաթիվ մրցանակների: Նա, մասնավորապես, արժանացել է ALMA Awards (1998-2002), American Music Awards (2003, 2007, 2011) և երկու անվանակարգերում Grammy Awards (2000, 2001) մրցանակներին:

2013թ.-ի հունիսի 20-ին Հոլիվուդի «Փառքի ծառուղում» բացվել է Ջենիֆեր Լոպեսի աստղը:

2012թ.-ին նա գլխավորել է Forbes-ի ամենաազդեցիկ աստղերի վարկանիշային աղյուսակը:

2011թ.-ին գլխավորել է People ամերիկյան ամսագրի երկրագնդի ամենագեղեցիկ կանանց վարկանիշային աղյուսակը:

Ջենիֆեր Լոպեսը երեք անգամ ամուսնացած է եղել: Երգչուհու և դերասանուհի առաջին ամուսինը Մայամիում բնակվող կուբացի մատուցող Օջանի Նոան է (Ojani Noa): Նրանք ամուսնացել են 1997թ.-ի փետրվարին, իսկ 1998թ.-ի հունվարին ամուսնալուծվել են: 2001թ.-ին Լոպեսը կրկին ամուսնացել է: Այս անգամ նրա ընտրյալը պարող Քրիս Ջադն էր (Cris Judd)։ Զույգը բաժանվել է 2003թ.-ին: 2004թ.-ին Ջենիֆեր Լոպեսն ամուսնացել է հայտնի պուերտորիկացի երգիչ Մարկ Էնթոնիի հետ (Marc Anthony): 2005թ.-ին նրանք զույգ երեխաներ ունեցան՝ Էմմա Մերիբելն ու Մաքսիմիլիան Դևիդը: 2011թ.-ի հունիսին զույգը հայտարարեց, որ խզում է  հարաբերությունները: Վերջնական ամուսնալուծությունը ձևակերպվեց 2014թ.-ի հունիսի 16-ին:-0-

Loading...
Թեմատիկ նյութեր

Բաժնի այլ նյութեր
20:40
22 Մարտի 2017
«Եվրատեսիլում» Գերմանիայի ներկայացուցիչն ընդունել է Արծվիկի մարտահրավերն ու հայերեն է երգել (ՏԵՍԱՆՅՈՒԹ)
«Եվրատեսիլում» Գերմանիան ներկայացնող երգչուհի Լևինա Մյուզիքը ընդունել է Արծվիկի մարտահրավերը։
19:26
22 Մարտի 2017
Արծվիկը մարտահրավեր է նետել «Եվրատեսիլի» մյուս մասնակիցներին (ՏԵՍԱՆՅՈւԹ)
Հայաստանը «Եվրատեսիլում» ներկայացնող Արծվիկը կոչով դիմել է մրցույթի մյուս մասնակիցներին։
18:17
22 Մարտի 2017
Ուկրաինան արգելել է «Եվրատեսիլում» Ռուսաստանը ներկայացնող Յուլիա Սամոյլովային մուտք գործել երկիր
Ուկրաինայի անվտանգության ծառայությունը երեք տարով արգելել է «Եվրատեսիլում» Ռուսաստանը ներկայացնող Յուլիա Սամոյլովային մուտք գործել երկիր։
11:00
19 Մարտի 2017
Արծվիկ. թռիչքիս մեկնարկը տրված է
Արծվիկը Facebook–յան իր էջում ներկայացրել է իր տպավորություններն ու հույզերը եվրատեսիլյան երգի և տեսահոլովակի պրեմիերայից հետո։
22:20
18 Մարտի 2017
Տեղի ունեցավ «Եվրատեսիլում» Հայաստանը ներկայացնող Արծվիկի երգի և տեսահոլովակի պրեմիերան (ՏԵՍԱՆՅՈՒԹ)
Հայաստանի հանրային հեռուստաընկերության եթերում տեղի ունեցավ «Եվրատեսիլ 2017»–ում Հայաստանը ներկայացնող երգչուհի Արծվիկի երգի և տեսահոլովակի պրեմիերան։
14:30
18 Մարտի 2017
Հոլիվուդյան դերասանուհի Անժելա Սարաֆյանը պատմել է Հայոց ցեղասպանության ժամանակ տուժած իր հարազատների մասին (ՏԵՍԱՆՅՈՒԹ)
Ամերիկահայ դերասանուհի Անժելա Սարաֆյանը պատմել է 1915 թ.-ին Օսմանյան կայսրությունում Հայոց ցեղասպանության ժամանակ տուժած իր հարազատների պատմությունը:
15:33
17 Մարտի 2017
Բացառիկ հնարավորություն. «Խոստումը» ֆիլմի երկրպագուները կկարողանան հոլիվուդյան աստղերի հետ անցնել «կարմիր գորգով»
Սերժ Թանգյանը հոլիվուդյան «Խոստումը» ֆիլմի ստեղծողների հետ կազմակերպել է բարեգործական ակցիա` նվիրված ֆիլմի պրեմիերային, որը տեղի կունենա ապրիլի 21-ին:  

14:04
17 Մարտի 2017
Արծվիկը ներկայացրել է «Եվրատեսիլի» իր երգի մի հատվածը (ՏԵՍԱՆՅՈՒԹ)
Արծվիկը ներկայացրել է իր «Fly with me» երգի տեսահոլովակի մի հատվածը:
17:18
16 Մարտի 2017
Աշխարհահռչակ դաշնակահար Եվգենի Կիսինը ամուսնացել է հայուհու հետ (ԼՈԻՍԱՆԿԱՐ)
Եվգենի Կիսինը ամուսնացել է իր մանկության ընկերուհու` Կարինե Արզումանովայի հետ:
19:08
13 Մարտի 2017
Սևակ Խանագյանը ներկայացրել է Արցախին նվիրված երգի տեսահոլովակը
Երգը կոչվում է «Այայի երկիր Արցախ»։
16:46
13 Մարտի 2017
Եվրոպական և հայկական բուքմեյքերները տարակարծիք են «Եվրատեսիլին» Հայաստանի հաջողության կանխատեսումներում
Եվրոպական և հայկական բուքմեյքերները տարբեր կերպ են գնահատում «Եվրատեսիլ» մրցույթում Հայաստանի հաջողության շանսերը:
18:40
12 Մարտի 2017
«Ավատար 2»-ը մեծ էկրաններ կբարձրանա 2018 թ.-ից հետո
Աշխարհի բոլոր բնակիչները ստիպված են սպասել՝ աշխարհահռչակ «Ավատար» (2009 թ.) ֆանտաստիկ ֆիլմի շարունակությունը տեսնելու համար: