487.29
-0.01
568.08
+2.76
8.23
+0.01
+12
Եղանակը Երևանում
Հայ
Ուկրաինացի ռեժիսոր Սլաբոշպիցկու «Ցեղը» ֆիլմը ճանաչվել է Երևանի «Ոսկե ծիրան» XI կինոփառատոնի հաղթողը
11:01
21 Հուլիսի 2014

ԵՐԵՎԱՆ, 21 հուլիսի. /Նովոստի-Արմենիա/. Ուկրաինացի ռեժիսոր Սլաբոշպիցկու «Ցեղը» ֆիլմը ճանաչվել է Երևանի «Ոսկե ծիրան» XI միջազգային կինոփառատոնի հաղթողը՝ «Խաղարկային կինո» անվանակարգում:

Երևանի «Ոսկե ծիրան» XI միջազգային կինոփառատոնը մեկնարկել է Երևանում հուլիսի 13-ին և եզրափակվել է նախօրեին:

Նույն անվանակարգում «Արծաթե ծիրան» մրցանակի է արժանացել վրացի ռեժիսոր Լևան Կոգուաշվիլու «Կույր ժամադրություններ» ֆիլմը: Ժյուրիի հատուկ մրցանակին է արժանացել իտալացի ռեժիսոր Ռոբերտո Պազոլինիի «Նատյուրմորտ» ֆիլմը:

Վավերագրական ֆիլմերից առաջին տեղին է արժանացել իտալացի ռեժիսոր Ջիովանի Դոնֆրանչեսկոյի «Քարե գետը» ֆիլմը, իսկ երկրորդ մրցանակի է արժանացել լեհ ռեժիսորներ Էլվիրա Նևերայի և Պյոտոր Ռոսոլովսկու «Դոմինոյի էֆեկտը» ֆիլմը:

«Կորիզ» կարճամետրաժ ֆիլմերի մրցույթում «Ոսկե ծիրան» մրցանակին է արժանացել պաղեստիցնի ռեժիսոր Օմար Ռոբերտ Համիլթոնի «Թեև գիտեմ, որ գետը չորացել է» ֆիլմը: «Կորիզ» մրցույթում հատուկ մրցանակի է արժանացել հույն ռեժիսոր Ասմինա Պրոյեդրուի «Կարմիր Հալքը» ֆիլմը:

«Հայկական համայնապատկեր» մրցութային ծրագրում «Ոսկե ծիրան» մրցանակի են արժանացել հայ ռեժիսոր Ջիվան Ավետիսյանի «Թևանիկ» ֆիլմը և Վահրամ Մխիթարյանի «Կաթնեղբայր» ֆիլմը: «Արծաթե ծիրան» մրցանակի է արժանացել հայ ռեժիսորներ Շողիկ Թադևոսյանի և Արեգ Ազատյանի «Ռոմանտիկները» լիամետրաժ-խաղարկային ֆիլմը:

Ամերիկացի ռեժիսոր Հայկ Քոչարյանի «Նորմալ եղիր, խնդրում եմ» ֆիլմն արժանացել է պատվոգրի:

Լավագույն սցենարի համար Հրանտ Մաթևոսյանի անվան հատուկ մրցանակի է արժանացել Վահրամ Մխիթարյանի «Կաթնեղբայր» ֆիլմը:

ՖԻՊՐԵՍԻ մրցույթում այս տարի հաղթել է մրցութային ծրագրի առաջատարը՝ «Ցեղը» ֆիլմը:

Էկումենիկ մրցույթում գլխավոր մրցանակին է արժանացել հայ ռեժիսոր Լուսինե Սարգսյանի «Շքամուտքը» ֆիլմը, իսկ խրախուսական մրցանակի է արժանացել «Կույր ժամադրություններ» ֆիլմը:
Կինեմատոգրաֆիստների միության «Թագուհի Նուարդ» մրցանակի են արժանացել ամերիկացի ռեժիսոր Հայկ Քոչարյանի «Նորմալ եղիր, խնդրում եմ» և չինացի ռեժիսոր Ռուբեն Գինեյի «Անդին. Հայոց ճանապարհորդության տարեգրություն» ֆիլմերը:

Արմեն Մազմանյանի անվան հատուկ մրցանակին է արժանացել հայ ռեժիսոր Ալեն Մանուկյանի «Հարություն» դեբյուտային ֆիլմը:

Կինոփառատոնի «Փարաջանովյան թալեր» հատուկ մրցանակին են արժանացել աշխարհահռչակ չինացի ռեժիսոր Ցզյա Չժանկեն և հայտնի կինոգետ Մարկո Մյուլլերը, իսկ Փարաջանովի հատուկ մեդալ է հանձնվել ՀՀ մշակույթի նախարար Հասմիկ Պողոսյանին:

Երևանի քաղաքապետ Տարոն Մարգարյանը պարգևատրվեց «Մանթաշյանց ասպետ» ոսկե շքանշանով:

«Չնայած մենք անհամբերությամբ սպասում էինք, թե երբ կանցնեն փառատոնի պատասխանատու յոթ օրերը, սակայն այսօր մենք բոլորս տխուր ենք, քանի որ շատ դժվար է հրաժեշտ տալ: Մենք փակում ենք հաջողված փառատոնը, որը հիանալի հյուրեր ունեցավ», - ասել է «Ոսկե ծիրան» կինոփառատոնի տնօրեն Հարություն Խաչատրյանը:

Փառատոնի փակման արարողությունն ուղեկցվում էր երաժշտական համարներով, ելույթ ունեցավ նաև հայտնի ջազ երգչուհի Տաթևիկ Հովհաննիսյանը:

Ոսկե ծիրան» միջազգային կինոփառատոնը Երևանում անցկացվում է 2004թ.-ից և համարվում է տարածաշրջանի ամենաճանաչվածներից մեկը: Այդ տարիների ընթացքում Հայաստան են ժամանել հայտնի դերասաններ և ռեժիսորներ, որոնց թվում նաև` գրող և սցենարիստ Տոնինո Գուերան, հայտնի դերասանուհիներ Կլաուդիա Կարդինալեն և Ֆանի Արդանը։ 2010 թվականին Երևանի կինոփառատոնն արժանացավ Ficts Plate D'honneur կինոյի, հեռուստատեսության և սպորտի միջազգային միության գլխավոր մրցանակին:

«Նովոստի-Արմենիա» գործակալությունը փառատոնի ինֆորմացիոն հովանավորն է:-0-

Loading...
Թեմատիկ նյութեր
Բաժնի այլ նյութեր
19:57
08 Նոյեմբերի 2017
Կոմիտաս և ջազ, «Հովեր» կամ Հայաստանի մշակութային օրեր Ռուսաստանում
Սանկտ Պետերբուրգում կկայանան հայ երաժշտական կոլեկտիվների համերգներ:
15:16
08 Նոյեմբերի 2017
Լույս է տեսել Նարինե Աբգարյանի «Մանյունյա» գրքի հայերեն թարգմանությունը
«Մանյույան» հասցեագրված է չափահաս մանուկներին և պատմում է այն հերոսական մարդկանց մասին, որոնք ինչ-որ կերպ հաջողացրել են մեծանալ առանց Wi-Fi–ի ու համակարգչային խաղերի։
13:37
03 Նոյեմբերի 2017
Արամ MP3-ը և Սևակ Խանաղյանը` մեկ բեմում
Երևանում տեղի կունենա Արամ MP3-ի  և Սևակ Խանաղյանի համերգը։
17:10
27 Հոկտեմբերի 2017
Դերասան Ալեքսանդր Խաչատրյանը ճանաչվել է լավագույնը Scandinavian International Film Festival–ում (ՖՈՏՈ)
Ալեքսանդր Խաչատրյանը, ով նկարահանվել է Ջիվան Ավետիսյանի «Վերջին բնակիչը» ֆիլմում, ճանաչվել է լավագույն դերասանը:
13:56
27 Հոկտեմբերի 2017
«Դեպի Եվրատեսիլ»-ի նոր եթերաշրջանը՝ Հանրայինի եթերում. հայտերի ընդունման մեկնարկը տրված է
Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը:
12:58
27 Հոկտեմբերի 2017
Հայոց ցեղասպանության մասին Ջո Բերլինգերի ֆիլմը հաղթել է Լոս Անջելեսի կինոփառատոնում (ՎԻԴԵՈ)
«Ոչնչացնելու մտադրություն» ֆիլմը պատմում է Օսմանյան կայսրությունում 102 տարի առաջ տեղի ունեցած դեպքերի մասին։
18:48
26 Հոկտեմբերի 2017
Գրեմմիի կրկնակի մրցանակակիրը հետաձգել է համերգային շրջագայությունը Yerevan Jazz Fest 2017–ի համար
Միլերը հետաձգել է իր համերգային շրջագայությունը, որպեսզի մասնակցի Yerevan Jazz Fest 2017 փառատոնին։
11:00
22 Հոկտեմբերի 2017
Դիանա Շալժիյանը ռուսական «Գոլոս» նախագծում գերել է Ագուտնին և անցել հաջորդ փուլ (ՎԻԴԵՈ)
Ռուսաստանի Առաջին ալիքով հեռարձակվող «Գոլոս» շոուի  6-րդ եթերաշրջանի «Մենամարտեր» փուլում Դիանա Շալժիյանը գերել է Լեոնիդ Ագուտինին, ով որոշել է թողնել Դիանային նախագծում։
15:49
20 Հոկտեմբերի 2017
Սերժ Թանկյանը ցնցված է հայ երաժիշտների կողմից նրա հեղինակած «Օրկա» սիմֆոնիայի կատարմամբ (ՖՈՏՈ, ՎԻԴԵՈ)
Չորս մասից բաղկացած մեծակտավ երաժշտական այս գործում Թանկյանը մտորում է մարդասիրության մասին։
10:37
20 Հոկտեմբերի 2017
Հայտնի ջազմեն Գարի Քյոսայանը հանդես կգա յուրօրինակ համերգով
Տեղի կունենա կոմպոզիտոր, ջազային դաշնակահար և երգեհոնահար Գարի Քյոսայանի հոբելյանական համերգը
21:00
17 Հոկտեմբերի 2017
Հայ արտիստները մրցանակների են արժանացել «Звезда Крыма» միջազգային մրցույթ-փառատոնում
Ղրիմում անցկացվել է «Звезда Крыма» միջազգային մրցույթ-փառատոնը, որին մեծ հաջողությամբ մասնակցել են նաև հայ արտիստները:
15:31
16 Հոկտեմբերի 2017
Հայկական ֆիլմը հավակնում է «Օսկարի»
Ֆիլմը ներառվել է «Լավագույն օտարալեզու ֆիլմ» անվանակարգում։