478.51
-0.06
560.91
-1.27
8.03
+0.05
+19
Եղանակը Երևանում
Հայ
«Անդին` հայոց ճանապարհորդության տարեգրություն» ֆիլմի համաշխարհային պրեմիերան կկայանա «Ոսկե ծիրան» փառատոնի շրջանակում
20:07
16 Հուլիսի 2014

ԵՐԵՎԱՆ, 16 հուլիսի. /Նովոստի–Արմենիա/.  «Անդին` հայոց ճանապարհորդության տարեգրություն» ֆիլմի համաշխարհային պրեմիերան կկայանա հինգշաբթի Երևանի «Ոսկե ծիրան» 11–րդ միջազգային կինոփառատոնի «Հայկական համայնապատկեր» ծրագրի շրջանակում, լրագրողներին չորեքշաբթի հայտնեց ժապավենի ռեժիսոր Ռուբեն Գինեյը։
 
«Ֆիլմի մտահղացումը ծագեց Չինաստանում, որտեղ ապրում էի երկար ժամանակ և թանգարանում պատահաբար մի շարք հայկական և պարթևական դրամներ տեսա։ Դա այն հետաքրքիր ակնթարթներից է, երբ տեսնում ես, թե ինչի մասին կուզենայիր պատմել, և հասկանում ես, որ Հայաստանից հազարավոր կիլոմետրեր այն կողմ միայն եզակի մարդկանց կհաջողվի տեսնել դրամներ, որոնք մենք սովոր ենք տեսնել պատմության դասագրքերում»,– ասաց Գինեյը։

Ըստ նրա, գործի անցնելու պահից ի վեր երեք տարում հսկայական աշխատանք է կատարվել` հայտնաբերվել է հայ–չինական սերտ հարաբերությունների մասին վկայող արտեֆակտների մեծ հավաքածու, գտնվել են կորած համարվող փաստաթղթեր (Չինաստանի 19–րդ դարի հայկական համայնքի կանոնադրություն), նկահարանումներ են իրականացվել ոչ միայն Չինաստանում, այլ նաև Միջին Արևելքում և Հնդկաստանում։ «Այդ երեք տարիներին մենք մեր նկարահանման խմբով անցանք 80 հազար կիլոմետր։ Նկարահանած նյութի ընդհանուր խրոնոմետրաժը մոտ 60 ժամ է»,– ասել է Գինեյը։

Նա հայտնեց նաև, որ նկարահանման խմբի անդամներից մեկը հիվանդության պատճառով մահացել է Բենգալիայում։

«Որպես ռեժիսոր, նախևառաջ, ինքս իմ առջև խնդիր դրեցի` բռնել հեռուստադիտողի ձեռքից և նրան անցկացնել այն ուղիներով, որոնք մենք անցանք։ Մենք իսկապես այնպիսի վայրեր էինք գնում, ուր հայերը վերջին անգամ մի քանի հարյուրամյակներ առաջ են եղել, և ես այնտեղ էի գնում միացրած խցիկով, որ աչքերս միանան հեռուստադիտողի աչքերին։ Ուզում եմ ասել` որ մի քանի մեր գտածոները հսկայական գիտական հետաքրքրություն են ոչ միայն Հայաստանի, այլ նաև Միջին Արևելքի և Չինաստանի պատմության համար»,– ասաց Գինեյը։

Խոսելով նկարահանման ընթացքի ամենաբարդ և հետաքրքիր ակնթարթների մասին` Գինեյը նշեց, որ ամենից բարդը տարբեր երկրներում և ժամային տարբեր գոտիներում բնակվող վեց ռեժիսորների աշխատանքը համատեղելն էր։ «Բայց հետաքրքիր էր հետևել, թե ինչպես է աստիճանաբար աճում այդ մարդկանց հետաքրքրությունը Հայաստանի նկատմամբ»,– ասաց նա։

«Խորհրդանշական է, որ ֆիլմի պրեմիերան կկայանա Հայաստանում, և շատ հաճելի է, որ հայերն առաջինը կտեսնեն այն։ Հետո մենք այն կցուցադրենք արտասահմանում»,– ասաց Գինեյը։

Մամուլի ասուլիսին ներկա էր նաև կոմպոզիտոր, ֆիլմի երաժշտության հեղինակ, 2012 թվականի Կաննի կինոփառատոնի մրցանակակիր Լուիս Արգուէյեսը։ Նա ասաց, որ որոշել է որոշ ժամանակ մնալ Հայաստանում և դուդուկ նվագել սովորել, որի տարածումով Մեքսիկայում նա զբաղվում է վերջին ժամանակներում։

«Անդին` հայոց ճանապարհորդության տարեգրություն» ֆիլմի համաշխարհային պրեմիերան կկայանա հուլիսի 18–ին «Մոսկվա» կինոթատրոնում։

«Ոսկե ծիրան» միջազգային կինոփառատոնը Երևանում անցկացվում է 2004թ.-ից և համարվում է տարածաշրջանի ամենաճանաչվածներից մեկը: Այդ տարիների ընթացքում Հայաստան են ժամանել հայտնի դերասաններ և ռեժիսորներ, որոնց թվում նաև` գրող և սցենարիստ Տոնինո Գուերան, հայտնի դերասանուհիներ Կլաուդիա Կարդինալեն և Ֆանի Արդանը։ 2010 թվականին Երևանի կինոփառատոնն արժանացավ Ficts Plate D'honneur կինոյի, հեռուստատեսության և սպորտի միջազգային միության գլխավոր մրցանակին:


«Նովոստի-Արմենիա» գործակալությունը փառատոնի տեղեկատվական հովանավորն է: -0-

 

Loading...
Թեմատիկ նյութեր
Բաժնի այլ նյութեր
19:55
13 Օգոստոսի 2017
Ռոքերները «պայթեցրել» են Ծաղկաձորը (ՖՈՏՈ)
Ծաղկաձորում օգոստոսի 12-13-ին անցկացվում է EPIC Rock Fest 2017 բացօթյա առաջին մեծածավալ հայկական ռոք-փառատոնը:
14:37
07 Օգոստոսի 2017
Ջիվան Ավետիսյանի «Վերջին բնակիչը» կցուցադրվի նաև Վենետիկի կինոփառատոնում (ՎԻԴԵՈ)
Վենետիկի կինոփառատոնի շրջանակներում ֆիլմի ներկայացումն ու ցուցադրությունները նախատեսվում են սեպտեմբերին։
13:32
06 Օգոստոսի 2017
Դասականից մինչև ժամանակակից. հրապարակի երգող շատրվանները նոր երգացանկ ունեն
Հանրապետության հրապարակում տեղի է ունեցել երգող շատրվանների նոր երաժշտացանկի շնորհանդեսը:
20:26
03 Օգոստոսի 2017
Անդրեն ներկայացրել է «Ես կդառնամ» երգը (ԱՈՒԴԻՈ)
Հայաստանի վաստակավոր արտիստ Անդրեն հինգշաբթի ներկայացրել է «Ես կդառնամ» երգը։
19:45
03 Օգոստոսի 2017
Կոնստանտին Օրբելյանը` Օպերայի ակադեմիական թատրոնի տնօրեն
Կոնստանտին Օրբելյանը նշանակվել է Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրեն։
20:03
31 Հուլիսի 2017
«Ֆրեսկո» փառատոն. բացօթյա կինոդիտումներ, համերգներ, կինոճամբարներ Երևանում և մարզերում
«Ֆրեսկո» արդի արվեստի և հոգևոր ֆիլմերի չորրորդ միջազգային փառատոնը կմեկնարկի Հայաստանում օգոստոսի 25–ից։
15:37
31 Հուլիսի 2017
Սուրբ Աստվածածին եկեղեցու եզակի որմնանկարներն անհետացման վտանգի տակ են. փորձագետ
Որմնանկարները թվագրվում են 17 -րդ դարի վերջին և 18-րդ  դարի սկզբին, իսկ Աստվածածին եկեղեցին կառուցվել է 17-րդ դարի վերջին:
20:00
28 Հուլիսի 2017
Ռոբեր Գեդիկյանի ֆիլմը ներառվել է Վենետիկի 74-րդ կինոփառատոնի մրցութային ծրագրում
Ֆրանսահայ ռեժիսոր Ռոբեր Գեդիկյանի «Վիլլա» ֆիլմը ներառվել է Վենետիկի 74-րդ կինոփառատոնի մրցութային ծրագրում:
11:31
27 Հուլիսի 2017
Բոլիվուդի կինեմատոգրաֆիստներն առաջին անգամ ֆիլմ են նկարահանում Հայաստանում
Հնդկաստանից ժամանած մի խումբ կինեմատոգրաֆիստներ Հայաստանում նկարահանում են լիամետրաժ ֆիլմ:
13:35
26 Հուլիսի 2017
Հայտնի է «Եվրատեսիլ 2018»–ի անցկացման վայրը
Հայտնի է, թե որ քաղաքում կանցկացվի «Եվրատեսիլ 2018» մրցույթը։
12:50
23 Հուլիսի 2017
‹‹Ծիրանի ծառ›› երգը՝ Արամ MP3-ի նորովի մեկնաբանությամբ (ՎԻԴԵՈ)
Համացանցում է հայտնվել Արամ MP3-ի նորովի մեկնաբանությամբ ‹‹Ծիրանի ծառ›› ժողովրդական երգը:
12:59
19 Հուլիսի 2017
Ռեժիսոր Անդրեյ Կոնչալովսկին «Օսկարը» համեմատել է McDonald's–ի հետ
Ռեժիսոր Անդրեյ Կոնչալովսկին «Օսկարը» համեմատել  է McDonald's–ի հետ և առաջարկել է դրա դեմ պատժամիջոցներ ներդնել ՌԴ–ի կողմից։