485.33
+0.37
572.16
-1.31
8.2
-0.02
+4
Եղանակը Երևանում
Հայ
ԿԱՅԾԱԿ «ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
Հայաստանի ժամանակակից արվեստը պատշաճ կերպով է ներկայացվել Լեհաստանի փառատոնում
17:24
16 Հուլիսի 2014

ԵՐԵՎԱՆ, 16 հուլիսի. /Նովոստի–Արմենիա/. Հայաստանի ժամանակակից արվեստը պատշաճ կերպով է ներկայացվել է Լեհաստանի փառատոնին և արժանացել արվեստասերների մեծ ուշադրությանը, հայտնեց «Մշակույթների երկխոսություն» հիմնադրամի նախագահ Սոնա Հարությունյանը։

«Մշակույթի արևելքում. արվեստի և երաժշտության տարբեր հնչյունները» («East of Culture - Different Sounds Art`n Music Festival») փառատոնն անցկացվել է հուլիսի 8-ից 13-ը Լեհաստանի Լյուբլին քաղաքում։  Փառատոնին հրավիրվել են 11 երկրի մասնակիցներ։ Հայաստանը ներկայացրել է «Մշակույթների երկխոսություն» հիմնադրամը «Նոր ձայներ հայկական կինոյում» («New ՚Voices in Armenian Cinema») հայ ժամանակակից ֆիլմերի  ծրագրով և Նարեկ Ավետիսյանի «Սիմուլակրում» նախագծով։ Հայկական ծրագրի ցուցադրությանը ներկա էր Լեհաստանի մշակույթի նախարար Մալգոժատա Օմիլանովսկան (Małgorzata Omilanowska)։

«Փառատոնի մասնակցությունը կարևոր է Հայաստանի և Լեհաստանի միջև միջմշակութային կապերի ամրապնդման առումով ի դեմս «Մշակույթների երկխոսություն» հիմնադրամի։ Այդ կապերի սկիզբը դրվել է 2012 թվականին, երբ առաջին անգամ Լեհաստանի պատմության մեջ Վարշավայի թագավորական պալատում ներկայացվել էր Հայաստանի ժամանակակից արվեստը, այն է` նկարիչ Նարեկ Ավետիսյանի «Սիմուլակրում» ցուցադրությունը»,– չորեքշաբթի «Նովոստի» միջազգային մամուլի կենտրոնում ասաց Հարությունյանը։

Նա նշեց, որ «Նոր ձայներ հայ կինոինդուստրիայում» ֆիլմերի ծրագրի շրջանակում ցուցադրվել են ինչպես խաղարկային, այնպես էլ անիմացիոն և վավերագրական ֆիլմեր։ Լեհ հեռուստադիտողին ընձեռվել է հայկական կինոինդուստրիայի մասին ավելի ամբողջական տպավորություն կազմելու հնարավորություն։

«Ռազմավարական կարևոր նշանակություն ուներ ռեժիսոր Վարդան Հովհաննիսյանի` 1915 թվականի Հայոց ցեղասպանության մասին «Մարդկանց պատմությունը պատերազմի և խաղաղության ժամանակ» և Արցախյան պատերազմի մասին պատմող ռեժիսոր Վարդան Դանիելյանի «Կարճ հաղորդագրություններ» վավերագրական ֆիլմերի ցուցադրությունը, քանի որ փառատոնին մասնակցում էին նաև Ադրբեջանի, Իսրայելի և ԱՄՆ–ի ներկայացուցիչներ»,– կարծում է Հարությունյանը։

Նկարիչ, «Սիմուլակրում» նախագծի հեղինակ Նարեկ Ավետիսյանն իր հերթին ասաց, որ իր աշխատանքների ցուցահանդեսն արդեն երրորդ անգամ ներկայացվել է Լեհաստանում, ինչը վկայում է դրա նկատմամբ լեհերի մեծ ուշադրության մասին։ Նկարիչը պատմեց նաև Լյուբլինում լեհ նկարիչ Վալդեմար Տատարչուկի հետ համատեղ կատարած պերֆորմանսը։

«Այդօրինակ պերֆորմանսները հետաքրքիր են, քանի որ յուրաքանչյուր արվեստագետ ներկայացնում է սեփական աշխարհընկալումն ու արվեստի սեփական ընկալումը։ Այսպես, Տատարչուկի պերֆորմանսն էքզիստենցիալ, աշխարհից առանձնանալու, սեփական անձի վրա սևեռման բնույթ էր կրում»,– ասաց Ավետիսյանը։

Իսկ հայ նկարիչն իրեն համարում է լավատես։ Գեղանկարչական հատուկ տեխնիկայի օգնությամբ, երբ կտավի վրա ներկոտ ձեռքերով հարվածներ են արվում, նա փորձել է փոխանցել լուսային և գունային զգացողությունները։

Նարեկ Ավետիսյանի (հայ ականավոր նկարիչ Մինաս Ավետիսյանի որդին) «Սիմուլակրումն» իրենից ներկայացնում է 17–րդ դարի հոլանդացի գեղանկարիչ Յան Վերմեերի «Մարգարտե ականջօղով աղջիկը» կտավի 33 տարբերակներ` արված գեղանկարչության տարբեր դարաշրջանների և ուղղությունների (բարոկկո, Վերածնունդ, մոդեռնիզմ, պոստմոդեռնիզմ) համաշխարհային և հայ հայտնի նկարիչների աշխատանքների ոճով։ Նախագիծը համաշխարհային ոճի և հայկական գեղանկարչության միաձուլում է։ Վերմեերի հայտնի կտավի «33 տարբերակ...»–ում նկարիչը ստեղծել է «կրկնակի սիմուլյակր»` փորձելով անիմացիայի միջոցով ներկայացնել արվեստի փոխակերպումը։ -0-

Loading...
Թեմատիկ նյութեր
Բաժնի այլ նյութեր
20:42
07 Դեկտեմբերի 2017
Տիգրան Համասյանն արխիվային բացառիկ տեսագրություն է հրապարակել (ՎԻԴԵՈ)
Աշխարհահռչակ հայ դաշնակահար, ջազմեն և կոմպոզիտոր Տիգրան Համասյանը ներկայացրել է An Ancient Observer վերջին ալբոմի «Leninagone» կոմպոզիցիայի նոր տեսահոլովակը։
00:41
05 Դեկտեմբերի 2017
Կոնսերվատորիայի Գյումրու մասնաճյուղը տոնեց 20-ամյա հոբելյանը (ՖՈՏՈ)
Դեկտեմբերի 2-ին լրացավ Երևանի Կոմիտասի անվան պետական կոնսերվատորիայի Գյումրու մասնաճյուղի հիմնադրման 20 տարին:
14:19
04 Դեկտեմբերի 2017
Հայ փոքրիկները հիացրել են «Կապույտ թռչուն» ռուսական մրցույթի ժյուրիի անդամներին ու հանդիսատեսին (ՎԻԴԵՈ)
Հայ փոքրիկները պարզապես հիացրել են «Կապույտ թռչուն»  համառուսական մրցույթի ժյուրիի անդամներին ու հանդիսատեսին։
14:43
03 Դեկտեմբերի 2017
Էմոցիաներ պարահրապարակում. Հայ պատանի զույգն անցել է «Ты супер! Танцы» շոուի կիսաեզրափակիչ (ՎԻԴԵՈ)
17-ամյա Դավիթ Այվազյանը և 15-ամյա Աստղիկ Մխիթարյանը հաջողությամբ ելույթ ունեցան «Ты супер! Танцы» շոուի քառորդ եզրափակչում:
19:08
29 Նոյեմբերի 2017
«Խոստումը» ֆիլմի սաունդթրեքը հավակնում է Grammy-2018–ին
«Խոստումը» (The Promise) ֆիլմի սաունդթրեքը հավակնում է Grammy-2018–ին:
17:42
29 Նոյեմբերի 2017
Աբրահամ Ռուսսոն խոսել է արցախյան բարբառով (ՎԻԴԵՈ)
Instagram սոցցանցի օգտատերը իր էջում տեսանյութ է հրապարակել, որում երգիչը փորձում է նրա հետևից բառեր արտահայտություններ ասել ղարաբաղյան բարբառով։
16:03
29 Նոյեմբերի 2017
Տիգրան Մանսուրյանի «Ռեքվիեմ»–ն առաջադրվել է «Grammy 2018»–ի միանգամից երկու անվանակարգերում
Grammy–ի է առաջադրված նաև Տիգրան Մանսուրյանի պրոդյուսեր Մանֆրեդ Այխերը՝ որպես «Տարվա պրոդյուսեր դասական ոճում»:
20:04
28 Նոյեմբերի 2017
Կոնստանտին Օրբելյանն ու Դմիտրի Խվորոստովսկին` «Grammy 2018»–ի հավակնորդներ
Կոնստանտին Օրբելյանն ու Դմիտրի Խվորոստովսկին առաջադրվել են Grammy–ի։
14:15
28 Նոյեմբերի 2017
Մալթայի ֆիլհարմոնիկ նվագախումբը հանդես կգա Սերգեյ Սմբատյանի ղեկավարությամբ
Համերգը կկայանա Մալթայի մայրաքաղաք Վալետայի Սուրբ Գևորգի հրապարակում։
21:59
26 Նոյեմբերի 2017
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում, հաղթեց Ռուսաստանը (ՎԻԴԵՈ)
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում։
12:59
25 Նոյեմբերի 2017
Միշել Մստոյանը հուզել է հանդիսատեսին էթնիկ երգի կատարմամբ (ՎԻԴԵՈ)
Միշել Մստոյանը «Ձայնը» շոուի «Նոկաուտներ» փուլում կատարել է «Լաց մի եղիր» եզդիական ժողովրդական երգերի երաժշտական միքս:
10:00
25 Նոյեմբերի 2017
Չարլի Չապլինի դուստրն ու թոռնուհին կայցելեն Հայաստան. «ՆՈՎՈՍՏԻ–ԱՐՄԵՆԻԱՅԻ» ԷՔՍԿԼՅՈՒԶԻՎ
Չարլի Չապլինի դուստրը` Վիկտորիա Թիերե–Չապլինն ու թոռնուհին` Աուրելիա Թիերեն, կայցելեն Հայաստան: