485.25
-0.08
569.44
-2.72
8.18
-0.02
-2
Եղանակը Երևանում
Հայ
Աննա Մելիքյան. «Աստղ» ֆիլմն ինձ սովորեցրեց գնահատել կյանքի յուրաքանչյուր ակնթարթը
15:56
16 Հուլիսի 2014

ԵՐԵՎԱՆ, 16 հուլիսի. /Նովոստի–Արմենիա/. Ռուս ականավոր ռեժիսոր Աննա Մելիքյանը չորեքշաբթի ներկայացրեց իր վերջին «Աստղ» ֆիլմի առանձնահատկությունները, որի համար Կինոտավր-2014–ի մրցանակ է ստացել։

Ժապավենի երևանյան պրեմիերան կայացել է նախօրեին Երևանի «Ոսկե ծիրան» 11–րդ միջազգային կինոփառատոնի շրջանակում, որը մեկնարկել է կիրակի և կտևի մինչև հուլիսի 19–ը։

«Այդ կինոն ինձ շատ փոխեց, ինձ այնքան պարզ ճշմարտություններ ցույց տվեց... Մենք գիտենք, և միշտ մեջբերումներ ենք կարդում, թե կյանքը հիասքանչ է, կյանքն ակնթարթ է, պետք է գնահատել ներկան։ Բայց մենք դա կարդում ենք և անցնում առաջ, իսկ ահա կինոն ինձ օգնեց դա ներքուստ զգալ»,– չորեքշաբթի մամուլի ասուլիսում ասաց Մելիքյանը։

Նա ընդգծեց, որ «Աստղ» ֆիլմը իրեն սովորեցրել է ապրել ոչ թե ապագայի երազանքներով, այլ այս օրով, իսկ ժապավենի գլխավոր գաղափարն այն է, որ այն ոչ թե մահվան, այլ կյանքի մասին է։ «Եվ կարծում եմ, որ թեկուզ հանուն դրա արժեր այն նկարահանել»,– նշեց նա։

Մելիքյանն ավելացրեց նաև, որ հպարտանում է «Աստղի» դերասանական կազմով, և նշեց, որ դերասանների ընտրությունն ավելի քան մեկ տարի է տևել։

«Գլխավոր դերակատարների շարքում պրոֆեսիոնալ դերասանուհի է միայն Սևերիա Յանուշաուսկայտեն, նրանք մենք կարողացանք գտնել Լիտվայի գործակալությունում։ Եվ եթե անգամ նա որևէ պարգև չստանար (Յանուշկաուսայտեն մրցանակ ստացավ կնոջ լավագույն դերի համար Կինոտավր-2014–ում` «Նովոստի–Արմենիա»), ես գիտեմ, որ նա լավագույնն է»,– ասաց նա։ Ռեժիսորն ավելացրեց նաև, որ ֆիլմից հետո իր «բացահայտած դերասանները» մեծ թվով  առաջարկություններ էին ստանում, ինչը նույնպես հպարտանալու առիթ է դարձել։

Ինքը Սևերիա Յանուշաուսկայտեն էլ նշեց, որ Աննա Մելիքյանի հետ աշխատանքը ֆիլմում հսկայական փորձ էր իր համար։ «Դա իմ առաջին ֆիլմն է Ռուսաստանում, և միանգամից այսպիսի մեծ դեր, և այսպիսի ռեժիսոր։ Ես ապրում էի այդ դերով, և երբեմն, երբ վերադառնում էի Լիտվա ներկայացումների, հասկանում էի, որ չեմ կարողանում դուրս գալ դերից և ընտանիքիս հետ խոսում եմ Ռիտայի պես (ֆիլմի հերոսուհու անունը), և դա զիլ է, որովհետև դու ապրում ես ուրիշ մարդու կյանքով»,– նշեց դերասանուհին։

Նա խոստովանեց, որ նույնիսկ մի փոքր սկսել է վախենալ մահից, որովհետև ֆիլմում ամեն ինչ նրան մահվան է տանում։ «Այնպիսի պահ եղավ, որ ես հասկացա, որ մահանում եմ` քայլում էի Մոսկվայով, և դա ինձ վախեցնում էր։ Ես տագնապած էի։ Այնուհետև, իհարկե, բաց թողեցի այդ դերը, բայց դա վախենալու էր»,– ասաց նա։

Ներկայացնելով իր հետագա ծրագրերը` Մելիքյանը նշեց, որ օգոստոսին մտադիր է նկարահանել կարճամետրաժ ֆիլմերի ալմանախ, որոնք նախատեսված են ավելի լայն հեռուստադիտողի համար, և հույս հայտնեց, որ իր ֆիլմերը կարդարացնեն նաև կոմերցիոն առումով։

«Աստղ» ֆիլմը պատմում է երեք մարդկանց` շրջապատող մարդկանց անտարբերությունից տառապող տասնհինգամյա դեռահասի (Պավել Տաբակով), նրա բարձրաշխարհիկ և գոռոզ երիտասարդ խորթ մոր (Սևերիա Անուշաուսկայտե), ով իրական զգացմունք ու կապվածություն է զգում միայն մահվան շեմին, և ոչ այդքան տաղանդավոր, բայց կյանքի նկատմամբ մեծ սեր ունեցող սկսնակ դերասանուհու (Թինաթին Դալաքիշվիլի) մասին է։

Ֆիլմում խաղում են նաև Անդրեյ Սմոլյակովը, Յուոզաս Բուդրայտիսը, Ալեքսանդր Շեյնը, Գոշա Կուցենկոն։

Աննա Մելիքյանը մոտ 15 ֆիլմի ռեժիսոր և պրոդյուսեր է, սակայն նրան մեծ հաջողություն է բերել «Ջրահարս» ֆիլմը (2007թ.), որն արժանացել է մի շարք միջազգային կինոփառատոների, այդ թվում` Բեռլինի ՄԿՓ մրցանակի (2008 թվական, ФИПРЕССИ մրցանակ)։

«Ոսկե ծիրան» միջազգային կինոփառատոնը Երևանում անցկացվում է 2004թ.-ից և համարվում է տարածաշրջանի ամենաճանաչվածներից մեկը: Այդ տարիների ընթացքում Հայաստան են ժամանել հայտնի դերասաններ և ռեժիսորներ, որոնց թվում նաև` գրող և սցենարիստ Տոնինո Գուերան, հայտնի դերասանուհիներ Կլաուդիա Կարդինալեն և Ֆանի Արդանը։ 2010 թվականին Երևանի կինոփառատոնն արժանացավ Ficts Plate D'honneur կինոյի, հեռուստատեսության և սպորտի միջազգային միության գլխավոր մրցանակին:

«Նովոստի-Արմենիա» գործակալությունը փառատոնի ինֆորմացիոն հովանավորն է: -0-


 

Loading...
Թեմատիկ նյութեր
Բաժնի այլ նյութեր
20:42
07 Դեկտեմբերի 2017
Տիգրան Համասյանն արխիվային բացառիկ տեսագրություն է հրապարակել (ՎԻԴԵՈ)
Աշխարհահռչակ հայ դաշնակահար, ջազմեն և կոմպոզիտոր Տիգրան Համասյանը ներկայացրել է An Ancient Observer վերջին ալբոմի «Leninagone» կոմպոզիցիայի նոր տեսահոլովակը։
00:41
05 Դեկտեմբերի 2017
Կոնսերվատորիայի Գյումրու մասնաճյուղը տոնեց 20-ամյա հոբելյանը (ՖՈՏՈ)
Դեկտեմբերի 2-ին լրացավ Երևանի Կոմիտասի անվան պետական կոնսերվատորիայի Գյումրու մասնաճյուղի հիմնադրման 20 տարին:
14:19
04 Դեկտեմբերի 2017
Հայ փոքրիկները հիացրել են «Կապույտ թռչուն» ռուսական մրցույթի ժյուրիի անդամներին ու հանդիսատեսին (ՎԻԴԵՈ)
Հայ փոքրիկները պարզապես հիացրել են «Կապույտ թռչուն»  համառուսական մրցույթի ժյուրիի անդամներին ու հանդիսատեսին։
14:43
03 Դեկտեմբերի 2017
Էմոցիաներ պարահրապարակում. Հայ պատանի զույգն անցել է «Ты супер! Танцы» շոուի կիսաեզրափակիչ (ՎԻԴԵՈ)
17-ամյա Դավիթ Այվազյանը և 15-ամյա Աստղիկ Մխիթարյանը հաջողությամբ ելույթ ունեցան «Ты супер! Танцы» շոուի քառորդ եզրափակչում:
19:08
29 Նոյեմբերի 2017
«Խոստումը» ֆիլմի սաունդթրեքը հավակնում է Grammy-2018–ին
«Խոստումը» (The Promise) ֆիլմի սաունդթրեքը հավակնում է Grammy-2018–ին:
17:42
29 Նոյեմբերի 2017
Աբրահամ Ռուսսոն խոսել է արցախյան բարբառով (ՎԻԴԵՈ)
Instagram սոցցանցի օգտատերը իր էջում տեսանյութ է հրապարակել, որում երգիչը փորձում է նրա հետևից բառեր արտահայտություններ ասել ղարաբաղյան բարբառով։
16:03
29 Նոյեմբերի 2017
Տիգրան Մանսուրյանի «Ռեքվիեմ»–ն առաջադրվել է «Grammy 2018»–ի միանգամից երկու անվանակարգերում
Grammy–ի է առաջադրված նաև Տիգրան Մանսուրյանի պրոդյուսեր Մանֆրեդ Այխերը՝ որպես «Տարվա պրոդյուսեր դասական ոճում»:
20:04
28 Նոյեմբերի 2017
Կոնստանտին Օրբելյանն ու Դմիտրի Խվորոստովսկին` «Grammy 2018»–ի հավակնորդներ
Կոնստանտին Օրբելյանն ու Դմիտրի Խվորոստովսկին առաջադրվել են Grammy–ի։
14:15
28 Նոյեմբերի 2017
Մալթայի ֆիլհարմոնիկ նվագախումբը հանդես կգա Սերգեյ Սմբատյանի ղեկավարությամբ
Համերգը կկայանա Մալթայի մայրաքաղաք Վալետայի Սուրբ Գևորգի հրապարակում։
21:59
26 Նոյեմբերի 2017
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում, հաղթեց Ռուսաստանը (ՎԻԴԵՈ)
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում։
12:59
25 Նոյեմբերի 2017
Միշել Մստոյանը հուզել է հանդիսատեսին էթնիկ երգի կատարմամբ (ՎԻԴԵՈ)
Միշել Մստոյանը «Ձայնը» շոուի «Նոկաուտներ» փուլում կատարել է «Լաց մի եղիր» եզդիական ժողովրդական երգերի երաժշտական միքս:
10:00
25 Նոյեմբերի 2017
Չարլի Չապլինի դուստրն ու թոռնուհին կայցելեն Հայաստան. «ՆՈՎՈՍՏԻ–ԱՐՄԵՆԻԱՅԻ» ԷՔՍԿԼՅՈՒԶԻՎ
Չարլի Չապլինի դուստրը` Վիկտորիա Թիերե–Չապլինն ու թոռնուհին` Աուրելիա Թիերեն, կայցելեն Հայաստան: