481.77
-0.24
540.26
-0.7
8.5
-0.06
+13
Եղանակը Երևանում
Հայ
Թուրք ռեժիսորը «Ոսկե ծիրանի» շրջանակում Երևանում կներկայացնի անձի և ճակատագրի փոփոխության մասին պատմող ֆիլմ
17:43
15 Հուլիսի 2014

ԵՐԵՎԱՆ, 15 հուլիսի. /Նովոստի-Արմենիա/. «Ոսկե ծիրան» կինոփառատոնի «Միջազգային խաղարկային ֆիլմեր» գլխավոր մրցութային ծրագրի շրջանակում երեքշաբթի տեղի կունենա թուրք ռեժիսոր Թայֆուն Փիրսելիմօղլուի «Ես նա չեմ» ֆիլմի պրեմիերան:

Երևանի «Ոսկե ծիրան» XI միջազգային կինոփառատոնը մեկնարկել է կիրակի Երևանում և կտևի մինչև հուլիսի 19-ը:.

Ինչպես նշեց ռեժիսորը երեքշաբթի մամուլի ասուլիսի ժամանակ, ֆիլմի հիմքում անձի փոփոխության թեման է:

«Այս թեման միշտ հետապնդել է ինձ, իմ վեպերում, պատմվածքներում և ֆիլմերում ես բազմիցս վերադարձել եմ այս թեմային: Կարծում եմ, որ մեզանից յուրաքանչյուրն իր մտքերում այլ կերպ է տեսնում սեփական կյանքը, և երբեմն մենք անգիտակցաբար  տրվում ենք այդ նոր կյանքին», - ասաց նա:

Փիրսելիմօղլուի ֆիլմի հերոսները՝ Նիրհադը (Էրջան Քեսալ) և Այիշան (Մարյամ Զարեե) ապրում են թուրքական գավառում գորշ, միապաղաղ կյանքով:

Նիրհադը միջին տարիքի տղամարդ է, աշխատում է հիվանդանոցի ճաշարանում: Երբ երիտասարդ գործընկերուհին մի անգամ հրավիրում է Նիրհադին ընթրիքի, նա համաձայնում է, չնայած նրան, որ Այիշայի ամուսինը գտնվում է բանտում լուրջ մեղադրանքով:

Հանդիպումներն ավելի հաճախակի են դառնում: Մի կողմից այս մարդկանց միավորում է միայնությունը և թեկուզ սեքսուալ զուգընկեր ունենալու ձգտումը, մյուս կողմից՝ նրանք տարբեր սոցիալական կարգավիճակ ունեն: Նիրհադն ամուրի է և չի ձգտում ընտանեկան կյանքի, իսկ Այիշան ընդամենը չորս տարի է, ինչ չի ապրում ամուսնու հետ, ով մշտապես ծեծում էր նրան:

Մի օր ընտանեկան լուսանկարում Նիրհադը հանկարծ նկատում է, որ աղջկա ամուսինը շատ նման է իրեն:

Աստիճանաբար նրան տիրում է Այիշայի ամուսնու անձը յուրացնելու մոլի  ցանկությունը:

Մի շարք կոսմետիկ կերպարանափոխություններից հետո Նիրհադն արտաքինով  նմանվում է աղջկա ամուսնուն: Սակայն նա չգիտեր, որ Այիշայի ամուսինը փախուստի կդիմի բանտից, և նրա փոխարեն բանտ կնստեցնեն Նիրհադին...

Հոգեբանական դրամայի և թրիլլերի այս ինքնատիպ խառնուրդի հեղինակը խոստովանում է, որ իրեն ողջ կյանքի ընթացքում ոգեշնչել են Դոստոևսկու, Պոյի, Հիչքոկի, Նիցշեի և Սարտրի ստեղծագործությունները:

Ռեժիսորն ընդգծեց, որ ուրիշի անձի յուրացումը ժամանակակից աշխարհի, այդ թվում նաև Թուրքիայի հիմնական խնդիրներից է, նա չբացառեց, որ իր ապագա ֆիլմերի հերոսները կարող են նաև հայեր լինել:

Թուրքիայի, Հունաստանի, Գերմանիայի և Ֆրանսիայի համատեղ արտադրության «Ես նա չեմ» ֆիլմը (2014) Փիրսելիմօղլուի 5-րդ լիամետրաժ ֆիլմն է: Ֆիլմը կպայքարի Երևանի «Ոսկե ծիրան» XI միջազգային կինոփառատոնի գլխավոր մրցանակի համար` համաշխարհային խաղարկայի ֆիլմերի մրցույթում:

«Ես նա չեմ» ֆիլմին նախորդել են «Ոչ մի տեղ» (2002), «Ռիզա» (2007), «Աշնան ցավը» (2009), «Մշուշ» (2009), «Մազ» (2010) ֆիլմերը:

«Ոսկե ծիրան» միջազգային կինոփառատոնը Երևանում անցկացվում է 2004թ.-ից և համարվում է տարածաշրջանի ամենաճանաչվածներից մեկը: Այդ տարիների ընթացքում Հայաստան են ժամանել հայտնի դերասաններ և ռեժիսորներ, որոնց թվում նաև` գրող և սցենարիստ Տոնինո Գուերան, հայտնի դերասանուհիներ Կլաուդիա Կարդինալեն և Ֆանի Արդանը։ 2010 թվականին Երևանի կինոփառատոնն արժանացավ Ficts Plate D'honneur կինոյի, հեռուստատեսության և սպորտի միջազգային միության գլխավոր մրցանակին:

«Նովոստի-Արմենիա» գործակալությունը փառատոնի ինֆորմացիոն հովանավորն է: -0-

Loading...
Թեմատիկ նյութեր
Բաժնի այլ նյութեր
12:50
27 Մայիսի 2017
Տիմատին պահել է խոստումը և հայտնել երևանյան համերգի օրը
Ռուսաստանցի ռեփեր Տիմատին հայտնել է, թե երբ և որտեղ կկայանա նրա երևանյան համերգը:
16:09
26 Մայիսի 2017
Ազնավուրի երաժշտությամբ հայկական բալետը հանդիսատեսին կտեղափոխի Փարիզ
«La Boheme» բալետի պրեմիերան, որ նվիրված է հանճարեղ ֆրանսահայ շանսոնյե Շառլ Ազնավուրի արվեստին, կկայանա մայիսի 29-ին Երևանում:
15:16
25 Մայիսի 2017
Հայտնի է, թե երբ և ինչու է Շառլ Ազնավուրն այցելելու Հայաստան
Ազնավուրը շուրջ 1000 երգերի հեղինակ է, խաղացել է 60 ֆիլմերում և վաճառել է ավելի քան 100 մլն ձայնասկավառակ:
16:38
22 Մայիսի 2017
Ավիշայ Քոենը համերգով ելույթ կունենա Հայաստանում
Իսրայելցի կոնտրաբասահար,  կոմպոզիտոր, երգիչ և գործիքավորող Ավիշայ Քոենն իր տրիոյով առաջին անգամ համերգով ելույթ կունենա Երևանում։
14:50
22 Մայիսի 2017
Այսօր մաեստրո Շառլ Ազնավուրի ծննդյան օրն է
Այսօր աշխարհահռչակ ֆրանսահայ շանսոնյե Շառլ Ազնավուրի ծննդյան օրն է։
11:45
22 Մայիսի 2017
Շերն արժանացել է Billboard Music Awards–ի «Icon» մրցանակին և երգել է իր լեգենդար հիթը (ԼՈւՍԱՆԿԱՐ, ՏԵՍԱՆՅՈւԹ)
Ամերիկահայ երգչուհի Շերը մրցանակի է արժանացել Billboard Music Awards–ի «Icon» անվանակարգում։
13:45
20 Մայիսի 2017
Իգոր Կրուտոյի սանը կներկայացնի Հայաստանը «Մանկական Նոր ալիք–2017»–ում
Իգոր Կրուտոյի սան Անահիտ Ադամյանը կներկայացնի Հայաստանը «Մանկական Նոր ալիք–2017» մրցույթում։
20:42
19 Մայիսի 2017
Օսկարակիր ռեժիսորը Հայոց ցեղասպանության մասին ֆիլմ կնկարահանի
Ֆիլմը պատմում է 1915–1917 թթ–ի իրադարձությունների մասին, երբ թուրքերը սպանում էին հայերին։
20:40
19 Մայիսի 2017
Trio Mandili հայտնի վրացական խումբը հայերեն է սովորում երևանյան համերգից առաջ (ՏԵՍԱՆՅՈՒԹ)
Trio Mandili հայտնի վրացական ֆոլկ–խումբը հայերեն է սովորում հունիսի 11–ին կայանալիք երևանյան առաջին համերգից առաջ։
20:09
18 Մայիսի 2017
Լևոն Արոնյանի կինը հայերեն բանաստեղծություն է ընթերցել (ՏԵՍԱՆՅՈՒԹ)
Հայ գրոսմայստեր Լևոն Արոնյանի կինը` երևանյան «Ճանապարհորդ» թերթի գլխավոր խմբագիր Արիանա Կաոիլին, հայերեն լեզվով բանաստեղծություն է ընթերցել։
16:19
18 Մայիսի 2017
Հայ երիտասարդ գրողները ժամանակակից պատմությունը կներկայացնեն Պուշկինի սյուժեների հիման վրա
Հայաստանում մեկնարկեց «Մեր Պուշկինը» գրական մրցույթը, որին մասնակցում են Հայաստանի, Արցախի և Սփյուռքի երիտասարդ գրողները:
20:21
17 Մայիսի 2017
Ռուս հայտնի դերասան Կոնստանտին Խաբենսկին դասախոսություն կկարդա Երևանում
Ռուսաստանի ժողովրդական արտիստ, թատրոնի և կինոյի դերասան Կոնստանտին Խաբենսկին բաց դասախոսություն կկարդա: