482.36
-0.38
568.99
-1.66
8.19
-0.05
+6
Եղանակը Երևանում
Հայ
Կիմ Կի-Դուկը Երևանում կորեական ժողովրդական երգ երգեց և խոստացավ ևս մեկ անգամ այցելել Հայաստան
15:03
14 Հուլիսի 2014

ԵՐԵՎԱՆ, 14 հուլիսի. /Նովոստի-Արմենիա/. Աշխարհահռչակ հարավկորեացի ռեժիսոր Կիմ Կի-Դուկը, ով Երևանում է գտնվում որպես Երևանի «Ոսկե ծիրան» XI միջազգային կինոփառատոնի պատվավոր հյուր, հայ երկրպագուների և լրագրողների հետ հանդիպման ժամանակ կատարեց կորեական ժողովրդական «Արիրան» երգը, որը հնչում է նաև 2011 թ.-ին նկարահանած նրա համանուն վավերագրական ֆիլմում:

«Մինչև Հայաստան գալը ես ոչինչ չգիտեի այս երկրի մասին: Գալուց առաջ ես ինտերնետում կարդացի Հայաստանի, ձեր պատմության, մարդկանց մասին: Երեկ և այսօր ես զբոսնում էի Երևանում, և եթե երեկ այցելեցի քաղաքի կենտրոնում գտնվող Կասկադ, ապա այսօր զբոսնում էի շուկայի մոտակայքում, որտեղ հանդիպեցի բնակչության աղքատ շերտերին: Գիտե՞ք, ընդհանուր կյանքի պատկերները շատ նման են Հայաստանում և Կորեայում: Այսօրվանից ես ավելի շատ կսկսեմ կարդալ Հայաստանի մասին», - երկուշաբթի մամուլի ասուլիսի ժամանակ ասաց ռեժիսորը:
Կիմ Կի-Դուկը նշեց, որ կյանքում առաջին անգամ ֆիլմ է դիտել 32 տարեկանում:

«Կորեայում բնակչությունը բաժանվում է երկու մասի՝ նրանք, ովքեր հնարավորություն են ունեցել դպրոց հաճախել և ովքեր նման հնարավորություն չեն ունեցել: Ես նման հնարավորություն չեմ ունեցել: Ես փոքր տարիքից աշխատել եմ մեքենաշինական գործարանում: Սակայն 1990 թ.-ին պատահաբար երկու ֆիլմ դիտեցի, որոնցից մեկը «Գառնուկների լռությունն» էր: Ես այնքան տպավորվեցի, որ որոշեցի զբաղվել կինոյով: Թողեցի ամեն ինչ և գնացի Փարիզ` ռեժիսորական արվեստ սովորելու: Այնտեղ ես հասկացա, որ յուրաքանչյուր ոք կարող է կինո նկարահանել, քանի որ այն ազատություն է տալիս», - պատմեց նա:

Սակայն ռեժիսորը չի ափսոսում բաց թողած ժամանակի համար: «Մեքենաշինական գործարանում ծանր աշխատանքի ժամանակ ես բաներ սովորեցի, որոնք դպրոցը չէր կարող սովորեցնել: Իմ ֆիլմերում ես նկարահանում եմ այն, ինչին ինձ կյանքն է սովորեցրել: Այնպես որ կարելի է նաև չհաճախել դպրոց», - կարծում է նա:

Կիմ Կի-Դուկն ընդգծեց, որ իր ֆիլմերում չկան դրական և բացասական հերոսներ: «Ամեն մարդ ունի լավ և վատ կողմեր: Ես ներկայացնում եմ մարդուն ամբողջական՝ չշեշտելով դրական կամ բացասական որակները», - պարզաբանեց նա:

Միաժամանակ նա կարծում է, որ կինոյում երկխոսությունը խանգարում է կերպարի բացահայտմանը: «Խոսելով՝ մարդը կարող է ստել, այդ պատճառով քիչ են երկխոսությունները, իսկ որոշ ֆիլմերում դրանք ընդհանրապես բացակայում են: Առանց խոսքի մարդը կարող է շատ ավելին արտահայտել, քան խոսքերի օգնությամբ», - ասաց նա:

Աշխարհահռչակ ռեժիսորն ուսուցիչներ չի ընդունում: «Ուսուցիչ կարող է լինել միայն հասարակ մարդը, ում ես հանդիպել եմ իմ կյանքում»:

Նա խորհուրդ տվեց ավելի շատ դիտել փոքր երկրների ֆիլմերը, որոնք դեռ չունեն վերջնական ձևավորված կինեմատոգրաֆ: «Հավատացեք, նման ֆիլմերը ձեզ վրա ավելի մեծ տպավորություն կգործեն, քան զարգացած երկրների ֆիլմերը», - համոզված է նա:

Ռեժիսորը տեղեկացրեց, որ այժմ աշխատում է 2-3 սցենարի վրա, և նոր ֆիլմ նկարահանելուց հետո անպայման կվերադառնա Հայաստան և կներկայացնի այն այստեղ:

«Իմ ֆիլմերի մարդկային հոգու մասին են, այն մասին, որ երբ դուռը փակ է, մարդը կարող է բացել այն, սակայն երբ դուռը թակում են և նա, ամեն դեպքում, որոշում է բացել այն, ապա վախից դողում է: Ֆիլմը մեկնաբանության կարիք չունի, ֆիլմն այն մասին է, թե ինչ  ես դու այնտեղ տեսնում, ինչ ես զգում», - եզրափակեց նա:

Երևանի «Ոսկե ծիրան» XI միջազգային կինոփառատոնի բացման հանդիսավոր արարողությունը տեղի ունեցավ կիրակի Երևանում: «Հետահայաց ցուցադրություններ» ծրագրի շրջանակում կցուցադրվեն Կիմ Կի-Դուկի 6 ֆիլմերը:

Այս տարի «Ոսկե ծիրանի» կենտրոնական թեման համաշխարհային կինեմատոգրաֆի դասական Սերգեյ Փարաջանովն է, ում նվիրված են մի շարք միջոցառումներ:

«Նովոստի-Արմենիա» գործակալությունը փառատոնի ինֆորմացիոն հովանավորն է:

«Ոսկե ծիրան» միջազգային կինոփառատոնը Երևանում անցկացվում է 2004թ.-ից և համարվում է տարածաշրջանի ամենաճանաչվածներից մեկը: Այդ տարիների ընթացքում Հայաստան են ժամանել հայտնի դերասաններ և ռեժիսորներ, որոնց թվում նաև` գրող և սցենարիստ Տոնինո Գուերան, հայտնի դերասանուհիներ Կլաուդիա Կարդինալեն և Ֆանի Արդանը։ 2010 թվականին Երևանի կինոփառատոնն արժանացավ Ficts Plate D'honneur կինոյի, հեռուստատեսության և սպորտի միջազգային միության գլխավոր մրցանակին: -0-

Loading...
Թեմատիկ նյութեր
Բաժնի այլ նյութեր
20:41
16 Դեկտեմբերի 2017
Հայտնի են բոլոր ժամանակների ամենաձանձրալի ֆիլմերը
Մեծ Բրիտանիայում հարցում է անցկացվել, որի մասնակիցները նշել են բոլոր ժամանակների ամենաձանձրալի ֆիլմերը:
14:58
15 Դեկտեմբերի 2017
«ՌՈՍՏԵԼԵԿՈՄ»-ի աջակցությամբ ԵՊՀ–ի ուսանողներն իրագործեցին իրենց մշակութային նախագիծը
«Ռոստելեկոմ»-ի աջակցությամբ մի խումբ ուսանողուհիներ կյանքի կոչեցին իրենց նախագիծը:
17:08
14 Դեկտեմբերի 2017
Շառլ Ազնավուր. «հուսամ` կերգեմ մինչև 100 տարեկան»
Ֆրանսահայ շանսոնիե Շառլ Ազնավուրը Le Figaro ֆրանսիական պարբերականին տված հարցազրույցում ասել է, որ հույս ունի երգել մինչև 100 տարեկան։
20:07
11 Դեկտեմբերի 2017
Spice Girls-ի նախկին մենակատարը երգել և խոսել է հայերեն (ՎԻԴԵՈ)
Spice Girls-ի նախկին մենակատար Մել Բի–ն երգել և խոսել է հայերեն։
20:42
07 Դեկտեմբերի 2017
Տիգրան Համասյանն արխիվային բացառիկ տեսագրություն է հրապարակել (ՎԻԴԵՈ)
Աշխարհահռչակ հայ դաշնակահար, ջազմեն և կոմպոզիտոր Տիգրան Համասյանը ներկայացրել է An Ancient Observer վերջին ալբոմի «Leninagone» կոմպոզիցիայի նոր տեսահոլովակը։
00:41
05 Դեկտեմբերի 2017
Կոնսերվատորիայի Գյումրու մասնաճյուղը տոնեց 20-ամյա հոբելյանը (ՖՈՏՈ)
Դեկտեմբերի 2-ին լրացավ Երևանի Կոմիտասի անվան պետական կոնսերվատորիայի Գյումրու մասնաճյուղի հիմնադրման 20 տարին:
14:19
04 Դեկտեմբերի 2017
Հայ փոքրիկները հիացրել են «Կապույտ թռչուն» ռուսական մրցույթի ժյուրիի անդամներին ու հանդիսատեսին (ՎԻԴԵՈ)
Հայ փոքրիկները պարզապես հիացրել են «Կապույտ թռչուն»  համառուսական մրցույթի ժյուրիի անդամներին ու հանդիսատեսին։
14:43
03 Դեկտեմբերի 2017
Էմոցիաներ պարահրապարակում. Հայ պատանի զույգն անցել է «Ты супер! Танцы» շոուի կիսաեզրափակիչ (ՎԻԴԵՈ)
17-ամյա Դավիթ Այվազյանը և 15-ամյա Աստղիկ Մխիթարյանը հաջողությամբ ելույթ ունեցան «Ты супер! Танцы» շոուի քառորդ եզրափակչում:
19:08
29 Նոյեմբերի 2017
«Խոստումը» ֆիլմի սաունդթրեքը հավակնում է Grammy-2018–ին
«Խոստումը» (The Promise) ֆիլմի սաունդթրեքը հավակնում է Grammy-2018–ին:
17:42
29 Նոյեմբերի 2017
Աբրահամ Ռուսսոն խոսել է արցախյան բարբառով (ՎԻԴԵՈ)
Instagram սոցցանցի օգտատերը իր էջում տեսանյութ է հրապարակել, որում երգիչը փորձում է նրա հետևից բառեր արտահայտություններ ասել ղարաբաղյան բարբառով։
16:03
29 Նոյեմբերի 2017
Տիգրան Մանսուրյանի «Ռեքվիեմ»–ն առաջադրվել է «Grammy 2018»–ի միանգամից երկու անվանակարգերում
Grammy–ի է առաջադրված նաև Տիգրան Մանսուրյանի պրոդյուսեր Մանֆրեդ Այխերը՝ որպես «Տարվա պրոդյուսեր դասական ոճում»:
20:04
28 Նոյեմբերի 2017
Կոնստանտին Օրբելյանն ու Դմիտրի Խվորոստովսկին` «Grammy 2018»–ի հավակնորդներ
Կոնստանտին Օրբելյանն ու Դմիտրի Խվորոստովսկին առաջադրվել են Grammy–ի։