487.29
-0.01
568.08
+2.76
8.23
+0.01
+4
Եղանակը Երևանում
Հայ
«Ոսկե ծիրան» կինոփառատոնն ավանդաբար կներկայացնի գերմանական, ֆրանսիական ու լեհական լավագույն ֆիլմերը
19:57
27 Հունիսի 2014

ԵՐԵՎԱՆ, 27 հունիսի./Նովոստի–Արմենիա/. Երևանում անցկացվող «Ոսկե ծիրան» XI կինոփառատոնի ընթացքում ավանդաբար կներկայացվեն գերմանական, ֆրանսիական ու լեհական լավագույն ֆիլմերը, ինչպես նաև փառատոնին ներկա կլինեն Գերմանիայից, Ֆրանսիայից և Լեհաստանից ժամանած մի շարք պատվավոր հյուրեր։

Փառատոնի ընթացքում կներկայացվեն նաև հայ–թուքական կինոհարթակի շրջանակում իրագործված նախագծերը, հայտնեց «Ոսկե ծիրան» կինոփառատոնի գեղարվեստական տնօրեն Սուսաննա Հարությունյանը։

«Մենք արդեն նշել ենք, որ փառատոնը կփակվի Ժան–Լյուկ Գոդարի վերջին ֆիլմով, որն այս տարի ներկայացվել էր Կաննի կինոփառատոնի մրցութային ծրագրում»,– ասաց Հարությունյանը։

Նա նշեց, որ փառատոնի ծրագրում ներառված ֆրանսիական, գերմանական և լեհական ֆիլմերի ցուցադրությունը կիրականացվի Հայաստանում այդ երկրների դեսպանությունների աջակցության շնորհիվ։

Հայաստանում Գերմանիայի դեսպան Ռայներ Մորելը, ներկայացնելով այս տարվա փառատոնի գերմանական ծրագիրը, նշեց, որ մեծ հուզմունքով է սպասում «Ոսկե ծիրան» կինոփառատոնին։ «Այս փառատոնը հիասքանչ իրադարձություն է, անչափ կարևոր Երևանի ու Հայաստանի համար, իսկ փառատոնի ճանաչումն արդեն դուրս է եկել Հայաստանի և տարածաշրջանի սահմաններից»,– ասաց Մորելը։

Նա հիշեցրեց, որ Գերմանիայի դեսպանությունը փառատոնի հետ համագործակցում է գրեթե սկզբնավորման պահից, և այս ընթացքում Հայաստան են ժամանել հայտնի կինոգործիչներ Վիմ Վենդերսը, Ֆատիհ Ակինը, Մարգարետ ֆոն Տրոտտան, ով նախորդ տարի արժանացել էր «Փարաջանովյան թալեր» հատուկ մրցանակին։

Դեսպանի խոսքով` այս տարի փառատոնը Գերմանիայի դեսպանության հետ համատեղ պատրաստել է New German cinema (Գերմանական նոր կինո) ծրագիրը, և դրա շրջանակում Երևանում կներկայացվի գերմանական երեք ֆիլմ, որոնք ընտրվել են անցած տարի նկարահանված լավագույն ֆիլմերի ցանկից։ Կցուցադրվի Բեռլինի կինոփառատոնի հիմնական մրցութային ծրագրին մասնակցած «Ջեկ» ֆիլմը, որի ռեժիսորը Էդվարդ Բերգերն է, ազգությամբ թուրք, բայց Գերմանիայում բնակվող և աշխատող Ֆեո Ալադագի «Աշխարհների միջև» ֆիլմը և Դիտրիխ Բրուգմանի «Խաչի ճանապարհ» ֆիլմը, ընդ որում «Խաչի ճանապարհ» ֆիլմը ներկայացված կլինի միջազգային մրցութային ծրագրում: Ծրագրի շրջանակում կներկայացվի նաև Յակոբ Լասի «Սիրո բիֆշտեքսներ» ֆիլմը»:

«Նոր գերմանական ծրագրի» մեկնարկը տեղի կունենա հուլիսի 16-ին։

ՀՀ-ում Ֆրանսիայի Հանրապետության արտակարգ և լիազոր դեսպան Անրի Ռենոն նշեց, որ ֆրանսիական ծրագրի շրջանակում կներկայացվի 17 ֆիլմ` ֆրանսիական արտադրության և/կամ համատեղ արտադրության, որոնցից 7–ը` լիամետրաժ, 6-ը` կարճամետրաժ։ «2014 թվականին մենք հավատարիմ կմնանք արդեն ձևավորված ավանդույթներին»,– ասաց Ռենոն։

ՀՀ-ում Ֆրանսիայի դեսպանության աջակցությամբ Երևան կժամանեն ֆրանսիացի անվանի կինոգործիչներ, մասնավորապես Աննա Մուգլալիսը (դերասանուհի), Ժան-Քրիստոֆ Ֆերարին (կինոքննադատ) և Ռոն Դյենը (պրոդյուսեր) համապատասխանաբար կներկայանան Միջազգային խաղարկային, Հայկական համայնապատկեր և «Կորիզ» կարճամետրաժ ֆիլմերի մրցույթների ժյուրիի կազմերում:

Ֆրանսիայի դեսպանության աջակցությամբ կկազմակերպվեն հռչակավոր ռեժիսորներ Ամոս Գիտայի և Օթար Իոսելիանիի հետահայաց ցուցադրությունների ծրագրերը, կցուցադրվի նաև Երվանդ Ջանիկյանի և Անջելա Ռիչչի Լուկիի հեղինակած «Բարբարոս երկիր» վավերագրական ֆիլմը:

«Նովոստի–Արմենիա» գործակալությունը փառատոնի տեղեկատվական հովանավորն է։

«Ոսկե ծիրան» փառատոնն անցկացվում է Երևանում 2004 թ.–ից և համարվում է տարածաշրջանի ամենահեղինակավոր փառատոներից մեկը։ Այն կազմակերպվում է ՀՀ մշակույթի նախարարության և Վիվասել–ՄՏՍ ընկերության աջակցությամբ։ Փառատոնի անցկացման տարբեր տարիներին Երևան են այցելել աշխարհահռչակ դերասաններ և ռեժիսորներ, որոնց թվում են գրող և սցենարիստ Տոնինո Գուերան, հայտնի դերասանուհիներ Կլաուդիա Կարդինալեն և Ֆանի Արդանը։ 2010թ.–ին կինոփառատոնն արժանացավ Ficts Plate D'honneur կինոյի, հեռուստատեսության և սպորտի միջազգային միության գլխավոր մրցանակին։–0–


 

Loading...
Թեմատիկ նյութեր
Բաժնի այլ նյութեր
11:00
12 Նոյեմբերի 2017
«Մանկական Եվրատեսիլում» Հայաստանը ներկայացնող Միշան «Բումերանգ» բաց կթողնի Երևանում «Ռիո» առևտրի կենտրոնի բացման ժամանակ (ՎԻԴԵՈ)
Միշան կներկայացնի իր եվրատեսիլյան «Բումերանգ» երգը «Ռիո» առևտրի կենտրոնի բացման արարողության ժամանակ, որը տեղի կունենա նոյեմբերի 13–ին:
19:57
08 Նոյեմբերի 2017
Կոմիտաս և ջազ, «Հովեր» կամ Հայաստանի մշակութային օրեր Ռուսաստանում
Սանկտ Պետերբուրգում կկայանան հայ երաժշտական կոլեկտիվների համերգներ:
15:16
08 Նոյեմբերի 2017
Լույս է տեսել Նարինե Աբգարյանի «Մանյունյա» գրքի հայերեն թարգմանությունը
«Մանյույան» հասցեագրված է չափահաս մանուկներին և պատմում է այն հերոսական մարդկանց մասին, որոնք ինչ-որ կերպ հաջողացրել են մեծանալ առանց Wi-Fi–ի ու համակարգչային խաղերի։
13:37
03 Նոյեմբերի 2017
Արամ MP3-ը և Սևակ Խանաղյանը` մեկ բեմում
Երևանում տեղի կունենա Արամ MP3-ի  և Սևակ Խանաղյանի համերգը։
17:10
27 Հոկտեմբերի 2017
Դերասան Ալեքսանդր Խաչատրյանը ճանաչվել է լավագույնը Scandinavian International Film Festival–ում (ՖՈՏՈ)
Ալեքսանդր Խաչատրյանը, ով նկարահանվել է Ջիվան Ավետիսյանի «Վերջին բնակիչը» ֆիլմում, ճանաչվել է լավագույն դերասանը:
13:56
27 Հոկտեմբերի 2017
«Դեպի Եվրատեսիլ»-ի նոր եթերաշրջանը՝ Հանրայինի եթերում. հայտերի ընդունման մեկնարկը տրված է
Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը:
12:58
27 Հոկտեմբերի 2017
Հայոց ցեղասպանության մասին Ջո Բերլինգերի ֆիլմը հաղթել է Լոս Անջելեսի կինոփառատոնում (ՎԻԴԵՈ)
«Ոչնչացնելու մտադրություն» ֆիլմը պատմում է Օսմանյան կայսրությունում 102 տարի առաջ տեղի ունեցած դեպքերի մասին։
18:48
26 Հոկտեմբերի 2017
Գրեմմիի կրկնակի մրցանակակիրը հետաձգել է համերգային շրջագայությունը Yerevan Jazz Fest 2017–ի համար
Միլերը հետաձգել է իր համերգային շրջագայությունը, որպեսզի մասնակցի Yerevan Jazz Fest 2017 փառատոնին։
11:00
22 Հոկտեմբերի 2017
Դիանա Շալժիյանը ռուսական «Գոլոս» նախագծում գերել է Ագուտնին և անցել հաջորդ փուլ (ՎԻԴԵՈ)
Ռուսաստանի Առաջին ալիքով հեռարձակվող «Գոլոս» շոուի  6-րդ եթերաշրջանի «Մենամարտեր» փուլում Դիանա Շալժիյանը գերել է Լեոնիդ Ագուտինին, ով որոշել է թողնել Դիանային նախագծում։
15:49
20 Հոկտեմբերի 2017
Սերժ Թանկյանը ցնցված է հայ երաժիշտների կողմից նրա հեղինակած «Օրկա» սիմֆոնիայի կատարմամբ (ՖՈՏՈ, ՎԻԴԵՈ)
Չորս մասից բաղկացած մեծակտավ երաժշտական այս գործում Թանկյանը մտորում է մարդասիրության մասին։
10:37
20 Հոկտեմբերի 2017
Հայտնի ջազմեն Գարի Քյոսայանը հանդես կգա յուրօրինակ համերգով
Տեղի կունենա կոմպոզիտոր, ջազային դաշնակահար և երգեհոնահար Գարի Քյոսայանի հոբելյանական համերգը
21:00
17 Հոկտեմբերի 2017
Հայ արտիստները մրցանակների են արժանացել «Звезда Крыма» միջազգային մրցույթ-փառատոնում
Ղրիմում անցկացվել է «Звезда Крыма» միջազգային մրցույթ-փառատոնը, որին մեծ հաջողությամբ մասնակցել են նաև հայ արտիստները: