483.58
+0.74
513.85
-7.76
7.67
+0.05
-2
Եղանակը Երևանում
Հայ
Գոդարի «Ցտեսություն, լեզու» ֆիլմով կեզրափակվի «Ոսկե ծիրան» XI կինոփառատոնը
18:10
20 Հունիսի 2014

ԵՐԵՎԱՆ, 20 հունիսի. /Նովոստի-Արմենիա/. «Ոսկե ծիրան» XI երևանյան միջազգային կինոփառատոնը, որը տեղի կունենա Երևանում հուլիսի 13-20-ը, կեզրափակվի աշխարհահռչակ ֆրանսիացի ռեժիսոր Ժան-Լյուկ Գոդարի «Ցտեսություն, լեզու» (Goodbye to Language) ֆիլմի ցուցադրությամբ, տեղեկացրեց փառատոնի ծրագրերի տնօրեն Միքայել Ստամբոլցյանը:

Նրա խոսքերով՝ ֆիլմն այս տարի արժանացել է Կաննի կինոփառատոնի «Ժյուրիի մրցանակի», որը հեղինակությամբ երրորդ մրցանակն է:

«Իհարկե, մենք այն կարծիքին ենք, որ փառատոնը պետք է համեստ անցնի, եթե այն հոբելյանական չէ, սակայն երբ գործը հասնում է արտամրցութային ծրագրին, ապա այդ ձևաչափն անհնար է պահպանել: Մենք ավանդաբար փորձել ենք, որ «Ոսկե ծիրանի» շրջանակներում ցուցադրվեն լավագույն ֆիլմերը, որի ցուցադրության իրավունքի համար պայքարում են աշխարհի բազմաթիվ փառատոններ», - ասաց Ստամբոլցյանը:

Նա տեղեկացրեց, որ փառատոնի արտամրցութային ֆիլմերի շրջանում այս տարի կցուցադրվի մոտ 100 կինոնկար տարբեր ծրագրերում, մասնավորապես՝ «Երևանյան պրեմիերաներ», «Հետահայաց ցուցադրություն», «Կինո առանց սահմանների», «Գերմանական նոր կինո» և «Ուկրաինական պոետիկ կինո», ինչպես նաև «Սոցիալական փոփոխությունների կինո», որի շրջանակներում կցուցադրվեն լեհական ֆիլմեր:

«Քանի որ փառատոնն այս տարի նվիրված է կուլտային ռեժիսոր Սերգեյ Փարաջանովի 90-ամյակին, «Ոսկե ծիրանը» առաջին անգամ կներառի «Ուկրաինական պոետիկ կինո» ծրագիրը, քանի որ նախորդ դարի 60-ականներին հենց Փարաջանովն է վերականգնել այդ ժանրը: Ծրագրի շրջանակներում կցուցադրվի տարբեր տարիների 10 ֆիլմ», - պարզաբանեց Ստամբոլցյանը:

Փառատոնի ծրագրի տնօրենը նշեց, որ «Սոցիալական փոփոխությունների կինո» նոր ծրագիրը կներկայացնի մի շարք ֆիլմեր և սեմինարներ: Ծրագրի կբացվի հայտնի ռեժիսոր Վալդեմար Քշիստեկի «80 միլիոն» լեհական ֆիլմով, որը 2013 թ.-ին «Օսկարի» էր ներկայացվել: Ֆիլմի ցուցադրությունից հետո քննարկումներ կանցկացվեն:

Խոսելով մնացած արտամրցութային ծրագրերի մասին՝ նա նշեց, որ «Կինո առանց սահմանների» ծրագրի շրջանակներում կցուցադրվի «Արևելյան գործընկերության» երկրների մոտ 16 ֆիլ, որոնց մասին մանրամասները կներկայացվեն ավելի ուշ:

 ««Հայեր. հայացք ներսից և դրսից» ծրագրի շրջանակներում կցուցադրվի 18 ֆիլմ, իսկ «Գերմանական նոր կինո» ծրագրում կցուցադրվեն վերջին տարիների երեք լավագույն ֆիլմերը», - նշեց Ստամբոլցյանը:

«Ոսկե ծիրան» XI կինոփառատոնը կնվիրվի Սերգեյ Փարաջանովի հիշատակին, ով այս տարի կդառնար 90 տարեկան։ «Ոսկե ծիրան» XI փառատոնի բացման պաշտոնական արարողությունը տեղի կունենա հուլիսի 13–ին Օպերայի և բալետի ազգային ակադեմիական թատրոնում։

«Ոսկե ծիրանի» շրջանակում ցուցադրվող բոլոր ֆիլմերի ամբողջական ցանկը տեղադրված է փառատոնի պաշտոնական կայքում:

 «Նովոստի–Արմենիա» գործակալությունը փառատոնի տեղեկատվական հովանավորն է։

«Ոսկե ծիրան» փառատոնն անցկացվում է Երևանում 2004 թ.–ից և համարվում է տարածաշրջանի ամենահեղինակավոր փառատոներից մեկը։ Այն կազմակերպվում է ՀՀ մշակույթի նախարարության և Վիվասել–ՄՏՍ ընկերության աջակցությամբ։ Փառատոնի անցկացման տարբեր տարիներին Երևան են այցելել աշխարհահռչակ դերասաններ և ռեժիսորներ, որոնց թվում են գրող և սցենարիստ Տոնինո Գուերան, հայտնի դերասանուհիներ Կլաուդիա Կարդինալեն և Ֆանի Արդանը։ 2010 թ.–ին կինոփառատոնն արժանացավ Ficts Plate D'honneur կինոյի, հեռուստատեսության և սպորտի միջազգային միության գլխավոր մրցանակին։–0–

Loading...
Թեմատիկ նյութեր
Բաժնի այլ նյութեր
13:22
08 Դեկտեմբերի 2016
Հայկական երեք ֆիլմեր առաջադրվել են ամերիկյան «Ոսկե գլոբուս» մրցանակին
Հայկական երեք ֆիլմեր առաջադրվել են ամերիկյան հեղինակավոր «Ոսկե գլոբուս» կինոմրցանակին` «Լավագույն արտասահմանյան ֆիլմ» անվանակարգում, նշվում է կինոմրցանակի կայքում:
20:06
06 Դեկտեմբերի 2016
Հրապարակվել են Grammy 2017 մրցանակի հավակնորդները
Հրապարակվել են Grammy 2017 մրցանակի հավակնորդները։ Մրցանակն ամեն տարի շնորհվում է ԱՄՆ–ի ձայնագրման արվեստի և տեխնիկայի ազգային ակադեմիայի կողմից։
16:08
06 Դեկտեմբերի 2016
Հայաստանը UNESCO-ում տապալել է Ադրբեջանի և Թուրքիայի` հայկական լավաշին «բռնատիրելու» փորձերը
Կոմիտեի XI նիստը` կապված UNESCO-ի ոչ նյութական մշակութային ժառանգության պահպանման հետ, տեղի է ունեցել նոյեմբերի 28-ից դեկտեմբերի 2-ը Եթովպիայում:
15:29
05 Դեկտեմբերի 2016
Աննա Մելիքյանը կարճամետրաժ ֆիլմ է նկարահանել դժբախտ սիրուց դեղահաբերի մասին (ՏԵՍԱՆՅՈՒԹ)
Ռուսաստանաբնակ հայտնի ռեժիսոր Աննա Մելիքյանը կարճամետրաժ ֆիլմ է նկարահանել դժբախտ սիրուց դեղահաբերի մասին:
13:44
05 Դեկտեմբերի 2016
Սարիկ Անդրեասյանի «Երկրաշարժ» ֆիլմը ներառվել է «Ոսկե գլոբուս» մրցանակի թեկնածուների ցուցակում
Սարիկ Անդրեասյանի «Երկրաշարժ» ֆիլմը ներառվել է «Ոսկե գլոբուս» միջազգային կինոմրցանակի` «Լավագույն արտասահմանյան ֆիլմ» անվանակարգի հիմնական թեկնածուների ցուցակում:
13:14
05 Դեկտեմբերի 2016
Universal Pictures–ը հրապարակել է «Մումիա» կինոպատման հերթական մասի առաջին թրեյլերը
Universal Pictures կինոստուդիան հրապարակել է «Մումիա» կինոպատման հերթական մասին առաջին թրեյլերը։
12:29
30 Նոյեմբերի 2016
Իոսիֆ Կոբզոնը Երևանում կներկայացնի «Հայ մեծ կոմպոզիտորների սիրված երգերը»
ԽՍՀՄ ժողովրդական արտիստ Իոսիֆ Կոբզոնը ելույթ կունենա Երևանում «Հայ մեծ կոմպոզիտորների սիրված երգեր» բարեգործական մենահամերգով:
12:00
29 Նոյեմբերի 2016
Սիրիահայ ռեժիսորի ֆիլմը լավագույնն է ճանաչվել Թուրինի կինոփառատոնում
Սիրիահայ ռեժիսորի ֆիլմն Իտալիայի Թուրինի 34-րդ կինոփառատոնի «Լավագույն միջազգային փաստագրական ֆիլմ» անվանակարգում ճանաչվել է երկու լավագույններից մեկը։
14:34
28 Նոյեմբերի 2016
Լեգենդար գեղասահորդ Եվգենի Պլյուշչենկոն «երկրաշարժ» է առաջացրել Երևանում (ԼՈՒՍԱՆԿԱՐ)
Ռուս լեգենդար գեղասահորդ, օլիմպիական կրկնակի չեմպիոն Եվգենի Պլյուշչենկոն «Սառույցի թագավորները» Երևանի հանդիսատեսին զգայական համար է ներկայացրել:
12:24
28 Նոյեմբերի 2016
Երևանում տեղի կունենա «Maria de Buenos Aires» հայտնի օպերա տանգոյի պրեմիերան
Սպենդիարյանի անվան օպերայի և բալետի ազգային ակադեմիական թատրոնում կբեմադրվի Աստոր Պիացոլային «Maria de Buenos Aires» օպերա տանգոն:
19:10
25 Նոյեմբերի 2016
Ադելը հեռանում է բեմից
Մեր օրերի ամենաբարձր վարձատրվող երգչուհիներից մեկը` Ադելը, որոշել է ժամանակավոր հեռանալ բեմից։
19:24
24 Նոյեմբերի 2016
Հայտնի երգչուհի Մարիամ Մերաբովան հնչյունավորել է Disney կինոստուդիայի նոր մուլտֆիլմի հերոսուհիներից մեկին
Հայտնի ջազ երգչուհի Մարիամ Մերաբովան հնչյունավորել է Disney կինոստուդիայի «Մոանա» նոր անիմացիոն ֆիլմի հերոսուհիներից մեկին։