485.25
-0.08
569.44
-2.72
8.18
-0.02
-3
Եղանակը Երևանում
Հայ
«Ոսկե ծիրան» XI կինոփառատոնը կմեկնարկի Փարաջանովի «Նռան գույնը» վերականգնված ֆիլմով
18:23
13 Հունիսի 2014

ԵՐԵՎԱՆ, 13 հունիսի. /Նովոստի–Արմենիա/. «Ոսկե ծիրան» XI երևանյան միջազգային կինոփառատոնը, որը տեղի կունենա Երևանում հուլիսի 13–20–ը, կմեկնարկի հանրահայտ ռեժիսոր Սերգեյ Փարաջանովի «Նռան գույնը» վերականգնված ֆիլմի ցուցադրությամբ, տեղեկացրեց փառատոնի ծրագրերի տնօրեն Միքայել Ստամբոլցյանը։

«Ոսկե ծիրան» XI կինոփառատոնը կնվիրվի Սերգեյ Փարաջանովի հիշատակին, ով այս տարի կդառնար 90 տարեկան։ «Ոսկե ծիրան» XI փառատոնի բացման պաշտոնական արարողությունը տեղի կունենա հուլիսի 13–ին Օպերայի և բալետի ազգային ակադեմիական թատրոնում։

«Մենք որոշեցինք, որ այս տարի փառատոնը կբացի հենց «Նռան գույնը»։ «Ոսկե ծիրանի» շրջանակում ընդհանուր առմամբ կցուցադրվի մոտ 70 ֆիլմ, որոնք ընտրվել են աշխարհի 95 երկրից ներկայացված 1500 ֆիլմից», – ուրբաթ մամուլի ասուլիսի ժամանակ տեղեկացրեց Ստամբոլցյանը։

Նրա խոսքով` այս տարի ավանդական մրցութային ֆիլմերը կցուցադրվեն չորս հիմնական անվանակարգում` «Խաղարկային կինո», «Վավերագրական կինո», «Հայկական համայնապատկեր» և «Ծիրանի կորիզ»։

«Մրցութային ծրագրում ներառված ֆիլմերի թվում 10–ը օտարերկրյա խաղարկային են, 12–ը` օտարերկրյա վավերագրական։ 18 ֆիլմ ներառված է «Հայկական համայնապատկեր» մրցութային ծրագրում, իսկ 30 ֆիլմ կցուցադրվի «Ծիրանի կորիզ» մրցութային ծրագրի շրջանակում», – պարզաբանեց Ստամբոլցյանը։

Նա նաև նշեց, որ խաղարկային ֆիլմերի մրցութային ծրագրում ընդհանուր առմամբ ներառված է 12 ֆիլմ։

«Այդ անվանակարգի բազմաթիվ ֆիլմեր նկարահանել են բավականին հայտնի ռեժիսորներ։ Օրինակ` «Պատանեկություն» ֆիլմը, որը նկարահանել է ամերիկացի ռեժիսոր Ռիչարդ Լինկլեյթերը, ով երկու անգամ ներկայացվել է «Օսկար» մրցանակի։ Այդ ֆիլմը նկարահանվել է 20 տարվա ընթացքում», – ասաց փառատոնի ծրագրերի տնօրենը։

Նա ավելացրեց, որ փառատոնին մասնակցում են նաև սկսնակ ռեժիսորներ` մասնավորապես նշելով Միրոսլավ Սլաբոշպիցկուն և նրա «Ցեղը» ֆիլմը։ Համր ֆիլմը պատմում է խուլուհամրերի կյանքի մասին։

Կինոփառատոնի փոխտնօրեն Արա Խանջյանն իր հերթին ասաց, որ «Վավերագրական կինո» ծրագրով կներկայացվի 12 ֆիլմ` Շվեյցարիայից, Իսպանիայից, Իտալիայից, Իսրայելից, Գերմանիայից, Էստոնիայից, Չիլիից, Անգլիայից, Լեհաստանից և Հունգարիայից։

«Բազմաթիվ ֆիլմեր բավականին հայտնի են։ Օրինակ` «Տախտակ» շվեյցարական ֆիլմն արժանացել է տարբեր միջազգային կինոփառատոների մրցանակների», – ասաց Խանջյանը։

Կինոգետ, «Հայկական համայնապատկեր» մրցութային ծրագրի համակարգող Րաֆֆի Մովսիսյանը տեղեկացրեց, որ այս տարի այդ մրցութային ծրագրում կներկայացվի 18 ֆիլմ` ներկայացված 120 հայտից։

«Այս տարի մենք կրկին կկիսենք վավերագրական և խաղարկային ֆիլմերը մրցութային ծրագրի շրջանակում և համապատասխանաբար մրցանակներ կտանք երկու անվանակարգերից յուրաքանչյուրում։ Հատկանշական է, որ ֆիլմերի մեծ մասը հայկական արտադրության է», – ասաց Մովսիսյանը։

Նրա խոսքով` անվանակարգում կներկայացվի յոթ լիամետրաժ խաղարկային ֆիլմ, վեց կարճամետրաժ և հինգ վավերագրական ֆիլմ։

«Մրցութային ծրագրի շրջանակում մի շարք պրեմիերաներ են նախատեսված, մասնավորապես` ռեժիսոր Աննա Մելիքյանի «Աստղ» ֆիլմի, Լուսինե Սարգսյանի «Շքամուտք» ֆիլմի պրեմիերաները։ Ֆիլմերի մեծ մասը պրեմիերաներ են», – պարզաբանեց նա։

«Ոսկե ծիրանի» շրջանակում ցուցադրվող բոլոր ֆիլմերի ամբողջական ցանկը տեղադրված է փառատոնի պաշտոնական կայքում http://www.gaiff.am։

«Նովոստի–Արմենիա» գործակալությունը փառատոնի տեղեկատվական հովանավորն է։

«Ոսկե ծիրան» փառատոնն անցկացվում է Երևանում 2004 թ.–ից և համարվում է տարածաշրջանի ամենահեղինակավոր փառատոներից մեկը։ Այն կազմակերպվում է ՀՀ մշակույթի նախարարության և Վիվասել–ՄՏՍ ընկերության աջակցությամբ։ Փառատոնի անցկացման տարբեր տարիներին Երևան են այցելել աշխարհահռչակ դերասաններ և ռեժիսորներ, որոնց թվում են գրող և սցենարիստ Տոնինո Գուերան, հայտնի դերասանուհիներ Կլաուդիա Կարդինալեն և Ֆանի Արդանը։ 2010 թ.–ին կինոփառատոնն արժանացավ Ficts Plate D'honneur կինոյի, հեռուստատեսության և սպորտի միջազգային միության գլխավոր մրցանակին։–0–

Loading...
Թեմատիկ նյութեր
Բաժնի այլ նյութեր
20:42
07 Դեկտեմբերի 2017
Տիգրան Համասյանն արխիվային բացառիկ տեսագրություն է հրապարակել (ՎԻԴԵՈ)
Աշխարհահռչակ հայ դաշնակահար, ջազմեն և կոմպոզիտոր Տիգրան Համասյանը ներկայացրել է An Ancient Observer վերջին ալբոմի «Leninagone» կոմպոզիցիայի նոր տեսահոլովակը։
00:41
05 Դեկտեմբերի 2017
Կոնսերվատորիայի Գյումրու մասնաճյուղը տոնեց 20-ամյա հոբելյանը (ՖՈՏՈ)
Դեկտեմբերի 2-ին լրացավ Երևանի Կոմիտասի անվան պետական կոնսերվատորիայի Գյումրու մասնաճյուղի հիմնադրման 20 տարին:
14:19
04 Դեկտեմբերի 2017
Հայ փոքրիկները հիացրել են «Կապույտ թռչուն» ռուսական մրցույթի ժյուրիի անդամներին ու հանդիսատեսին (ՎԻԴԵՈ)
Հայ փոքրիկները պարզապես հիացրել են «Կապույտ թռչուն»  համառուսական մրցույթի ժյուրիի անդամներին ու հանդիսատեսին։
14:43
03 Դեկտեմբերի 2017
Էմոցիաներ պարահրապարակում. Հայ պատանի զույգն անցել է «Ты супер! Танцы» շոուի կիսաեզրափակիչ (ՎԻԴԵՈ)
17-ամյա Դավիթ Այվազյանը և 15-ամյա Աստղիկ Մխիթարյանը հաջողությամբ ելույթ ունեցան «Ты супер! Танцы» շոուի քառորդ եզրափակչում:
19:08
29 Նոյեմբերի 2017
«Խոստումը» ֆիլմի սաունդթրեքը հավակնում է Grammy-2018–ին
«Խոստումը» (The Promise) ֆիլմի սաունդթրեքը հավակնում է Grammy-2018–ին:
17:42
29 Նոյեմբերի 2017
Աբրահամ Ռուսսոն խոսել է արցախյան բարբառով (ՎԻԴԵՈ)
Instagram սոցցանցի օգտատերը իր էջում տեսանյութ է հրապարակել, որում երգիչը փորձում է նրա հետևից բառեր արտահայտություններ ասել ղարաբաղյան բարբառով։
16:03
29 Նոյեմբերի 2017
Տիգրան Մանսուրյանի «Ռեքվիեմ»–ն առաջադրվել է «Grammy 2018»–ի միանգամից երկու անվանակարգերում
Grammy–ի է առաջադրված նաև Տիգրան Մանսուրյանի պրոդյուսեր Մանֆրեդ Այխերը՝ որպես «Տարվա պրոդյուսեր դասական ոճում»:
20:04
28 Նոյեմբերի 2017
Կոնստանտին Օրբելյանն ու Դմիտրի Խվորոստովսկին` «Grammy 2018»–ի հավակնորդներ
Կոնստանտին Օրբելյանն ու Դմիտրի Խվորոստովսկին առաջադրվել են Grammy–ի։
14:15
28 Նոյեմբերի 2017
Մալթայի ֆիլհարմոնիկ նվագախումբը հանդես կգա Սերգեյ Սմբատյանի ղեկավարությամբ
Համերգը կկայանա Մալթայի մայրաքաղաք Վալետայի Սուրբ Գևորգի հրապարակում։
21:59
26 Նոյեմբերի 2017
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում, հաղթեց Ռուսաստանը (ՎԻԴԵՈ)
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում։
12:59
25 Նոյեմբերի 2017
Միշել Մստոյանը հուզել է հանդիսատեսին էթնիկ երգի կատարմամբ (ՎԻԴԵՈ)
Միշել Մստոյանը «Ձայնը» շոուի «Նոկաուտներ» փուլում կատարել է «Լաց մի եղիր» եզդիական ժողովրդական երգերի երաժշտական միքս:
10:00
25 Նոյեմբերի 2017
Չարլի Չապլինի դուստրն ու թոռնուհին կայցելեն Հայաստան. «ՆՈՎՈՍՏԻ–ԱՐՄԵՆԻԱՅԻ» ԷՔՍԿԼՅՈՒԶԻՎ
Չարլի Չապլինի դուստրը` Վիկտորիա Թիերե–Չապլինն ու թոռնուհին` Աուրելիա Թիերեն, կայցելեն Հայաստան: