478.76
-0.07
556.89
-1.04
7.99
+0.01
+30
Եղանակը Երևանում
Հայ
«Կովկասի առաջնություն-2014» կատարողական վարպետության առաջին միջազգային փառատոնը կանցկացվի հունիսի 18-19–ը Երևանում
16:08
12 Հունիսի 2014

ԵՐԵՎԱՆ, 12 հունիսի. /Նովոստի–Արմենիա/. «Կովկասի առաջնություն-2014» կատարողական վարպետության առաջին միջազգային փառատոնը կանցկացվի հունիսի 18-19–ը Երևանում, հայտնեց փառատոնի կազմակերպիչներից մեկը` Միջազգային փառատոների կովկասյան ասոցիացիայի նախագահ Արման Ղուկասյանը։

«Թեև Հայաստանում պարբերաբար անցկացվում են երգի ու պարի մրցույթներ և փառատոներ, մեր միջոցառումը կդառնա առաջին միջազգային նախագիծը, որ կանցնի աննախադեպ լայն ընդգրկմամբ»,– ասաց նա չորեքշաբթի լրագրողներին։

Ըստ նրա` Հայաստանի մշակույթի նախարարության օժանդակությամբ կազմակերպվող մրցույթում ներկայացվել է աշխարհի տարբեր երկրներից մոտ 200 հայտ, որոնցից միջազգային պրոֆեսիոնալ ժյուրին ընտրել է 70 մասնակից (35–ական մասնակից երգի և պարի մրցույթներում)։

«Մրցույթին, որն անցկացվում է մի քանի տարիքային խմբերում, կարող են մասնակցել տարբեր տարիքի երգիչներ և պարողներ` սկսած 5-6 տարեկանից և բարձր»,– ասաց նա։

Մրցույթ–փառատոնի մասնակիցների թվում են Ռուսաստանի, Մակեդոնիայի, Սլովենիայի, Բուլղարիայի, Մոլդովայի և մի շարք այլ երկրների ներկայացուցիչներ, ինչպես նաև Հայաստանի գրեթե բոլոր ազգային փոքրամասնությունների ներկայացուցիչները, այդ թվում` ասորիներ, հույներ, ռուսներ, եզդիներ, ուկրաինացիներ, լեհեր, գերմանացիներ, վրացիներ և հրեաներ։

Կազմակերպիչը պատմեց, որ մրցույթ–փառատոնի բացումը կկայանա հունիսի 18–ի երեկոյան Գ.Սունդուկյանի անվան պետական ակադեմիական թատրոնում, իսկ մի քանի ժամ անց թատրոնին հարող հրապարակում կանցնի մրցույթի մասնակիցների հանդիսավոր երթ` ազգային կոստյումներով և սեփական երկրի դրոշներով։

Ղուկասյանը նշեց, որ մրցույթը կընդգրկի երգարվեստի տարբեր ժանրեր (էստրադա, ջազ, ազգագրական, դասական և այլն) և պարարվեստի տարբեր ժանրեր (դասական, մոդեռն, հիփ–հոփ, ազգային պարեր և այլն)։

Միջազգային փառատոների կովկասյան ասոցիացիայի նախագահի տեղակալ Կարեն Զոհրաբյանն իր հերթին նշեց, որ մրցույթ–փառատոնի հաղթողը գրան–պրի կստանա։ Առաջին, երկրորդ և երրորդ տեղերը զբաղեցրած մասնակիցների համար նախատեսված են մրցանակներ, իսկ մյուսներին կհանձնվեն պատվոգրեր։

«Հունիսի 19–ի երեկոյան Առնո Բաբաջանյանի անվան համերգասրահում կանցնի  գալա համերգ` մրցույթ–փառատոնի բոլոր հաղթողների մասնակցությամբ»,– ավելացրեց նա։

Կազմակերպիչները հայտնեցին նաև, որ նոյեմբերին Հայաստանի մայրաքաղաքում ծրագրվում է անցկացնել երգի ու պարի ևս մեկ միջազգային մրցույթ։

Միջազգային փառատոների կովկասյան ասոցիացիան ստեղծվել է 2013 թվականի հոկտեմբերին։ Դրանում ընդգրկված են Հայաստանի և Վրաստանի երաժշտական խմբեր և երգիչներ։ -0-

Loading...
Թեմատիկ նյութեր
Բաժնի այլ նյութեր
13:35
26 Հուլիսի 2017
Հայտնի է «Եվրատեսիլ 2018»–ի անցկացման վայրը
Հայտնի է, թե որ քաղաքում կանցկացվի «Եվրատեսիլ 2018» մրցույթը։
12:50
23 Հուլիսի 2017
‹‹Ծիրանի ծառ›› երգը՝ Արամ MP3-ի նորովի մեկնաբանությամբ (ՎԻԴԵՈ)
Համացանցում է հայտնվել Արամ MP3-ի նորովի մեկնաբանությամբ ‹‹Ծիրանի ծառ›› ժողովրդական երգը:
12:59
19 Հուլիսի 2017
Ռեժիսոր Անդրեյ Կոնչալովսկին «Օսկարը» համեմատել է McDonald's–ի հետ
Ռեժիսոր Անդրեյ Կոնչալովսկին «Օսկարը» համեմատել  է McDonald's–ի հետ և առաջարկել է դրա դեմ պատժամիջոցներ ներդնել ՌԴ–ի կողմից։
19:33
18 Հուլիսի 2017
«Մանկական Եվրատեսիլ-2017»-ին Հայաստանը կներկայացնի Միշան. (ՎԻԴԵՈ)
Միշան «Արցախի ձայներ» խմբի սան է, ով իր «Փոքրիկ Ղարաբաղցի» երգով հասցրել է գրավել մարդկանց սրտերը:
16:46
18 Հուլիսի 2017
15–րդ դարի Հրաշափառ Ավետարանը համալրել է Մատենադարանի հավաքածուն (ՖՈՏՈ)
Ձեռագրի հրաշագործ հատկությունների մասին գիտեին շրջանի բոլոր բնակիչները, այդ թվում` հարևան գյուղում ապրած իր նախնիները։
11:00
16 Հուլիսի 2017
Հայտնի են «Ոսկե ծիրան 2017» կինոփառատոնի հաղթողները (ՖՈՏՈ)
«Ոսկե» և «արծաթե» ծիրանների, ինչպես նաև «Ոսկե ծիրան» XIV միջազգային կինոփառատոնի այլ պատվավոր մրցանակների հանձնման հանդիսավոր արարողությունը տեղի է ունեցել շաբաթ օրը Երևանում։
11:25
15 Հուլիսի 2017
Հայաստանը ներկայացնող Էրիկը` միջազգային երաժշտական մրցույթի մրցանակակիր (ՎԻԴԵՈ)
Հայաստանցի 12-ամյա Էրիկ Մկրտչյանը մասնակցել է «Վիտեբսկ 2017» միջազգային մանկական երաժշտական մրցույթին:
11:19
14 Հուլիսի 2017
«Ոսկե ծիրանը»` բարձր ճաշակի և մարդասիրության գաղափարների կրող
Նախօրեին Հայաստանի նախագահը հանդիպել է «Ոսկե ծիրան» 14–րդ միջազգային կինոփառատոնի պատվավոր հյուրերի հետ։  
16:26
13 Հուլիսի 2017
Երևանի և նրա հանճարեղ երաժիշտների մասին բացառիկ ֆիլմի պրեմիերա` մայրաքաղաքում
Տատյանա Դանիլյանցի վավերագրական-երաժշտական ֆիլմի հայաստանյան պրեմիերան տեղի կունենա հուլիսի 14-ին:
18:58
11 Հուլիսի 2017
Հայաստանը միջազգային մակարդակի ռոք–փառատոն է կազմակերպում
Epic Air Rock Fest 2017–ը կդառնա ռոք–երաժշտության ամենամյա փառատոն, որին կմասնակցեն տարբեր երկրների հայտնի երաժիշտներ։
13:23
10 Հուլիսի 2017
Կինեմատոգրաֆի տոն. Երևանում մեկնարկեց «Ոսկե ծիրան» կինոփառատոնը (ՖՈՏՈ)
Երևանում կիրակի տեղի ունեցավ «Ոսկե ծիրան»  Երևանի 14-րդ միջազգային կինոփառատոնի բացման արարողությունը։
10:15
10 Հուլիսի 2017
Երևանում նոր աստղեր «վառվեցին» «Ոսկե ծիրանի» մեկնարկի շրջանակում
Հայկական կինոյի երեք հռչակավոր գործիչների աստղերը «վառվեցին» կիրակի Երևանում «Ոսկե ծիրան» միջազգային 14–րդ կինոփառատոնի բացման շրջանակում։