483.99
+0.13
574.4
+1.51
8.28
-0.01
-3
Եղանակը Երևանում
Հայ
«Հայաստանի փոքրիկ երգիչները» հայկական մշակույթը պատվով ներկայացրին Շվեյցարիայում
18:04
09 Հունիսի 2014

ԵՐԵՎԱՆ, 9 հունիսի. /Նովոստի–Արմենիա/. «Հայաստանի փոքրիկ երգիչներ» երգչախումբը հայկական մշակույթն ըստ արժանվույն ներկայացրեց Շվեյցարիայի համերգային շրջագայության ժամանակ, հայտնեց երգչախմբի գեղարվեստական ղեկավար և գլխավոր դիրիժոր Տիգրան Հեքեքյանը։

«Հայաստանի փոքրիկ երգիչներ» երգչախումբը մասնակցել է մայիսի 17–ից հունիսի 1–ը Բազելում անցկացված Երիտասարդական երգչախմբերի եվրոպական փառատոնին` որպես հրավիրված հյուր։

«Հատկանշական է, որ սովորաբար երգչախմբերը չեն մասնակցում փառատոնին երկրորդ անգամ, սակայն հաշվի առնելով  մեր երգչախմբի բարձր մակարդակն ու վարպետությունը, 24 տարի անց երկրորդ անգամ երեխաները մասնակցեցին «Բազելին», և դա մեծ պատիվ է մեզ համար»,– երկուշաբթի մամուլի ասուլիսում ասաց Հեքեքյանը։

Եվրոպական երիտասարդական երգչախմբային փառատոնն անցկացվում է Բազելում` սկսած 1992 թվականից։

Հեքեքյանի խոսքով` տասն օրերի ընթացքում երգչախումբն ավելի քան տասը համերգ է տվել տարբեր հարթակներում աշխարհի հայտնի երգչախմբերի հետ։

«Մենք շատ ծավալուն ծրագիր ներկայացրինք` սկսած հոգևոր երաժշտությունից մինչև ջազային ստեղծագործություններ։ Մեր ելույթներն ուղեկցվում էին պարային վառ համարներով»,– ավելացրեց երգչախմբի ղեկավարը։

Հեքեքյանը նշեց, որ երգչախմբի բոլոր ելույթներն արտասահմանյան լսարանը դիմավորել է ոգևորությամբ և հիացմունքով։

«Մենք արժանացանք ինչպես ունկնդիրների, այնպես էլ մասնակիցների ամենաբարձր գնահատականներին։ Թեև փառատոնը մրցութային չէր, այնուամենայնիվ, աշխարհի ամենահայտնի երգչախմբերից մեկի` մանկական «Վիվա» շվեյցարական երգչախմբի ղեկավարների գովասանքին արժանանալը բարձրագույն պարգև էր մեզ համար»,– ավելացրեց Հեքեքյանը։

Նա հայտնեց, որ երգչախմբի ելույթներից հետո բազմաթիվ ունկնդիրներ պարզապես սիրահարվել են Հայաստանին և ցանկացել ավելի լավ ծանոթանալ երկրի բազմադարյան պատմությանն ու մշակույթին։

«Բացի այդ, մենք ելույթ ենք ունեցել «Փյունիկ» բարեգործական հիմնադրամի` Օսմանյան կայսրությունում հայոց ցեղասպանության 100–ամյակին նվիրված ծրագրի շրջանակում։ Ներկաներին բաժանել ենք մեր երգչախմբի գործունեության մասին գրքույկներ, որտեղ տեղեկություն էր զետեղված ցեղասպանության մասին։ Այդ կերպ մենք ցանկացանք մեր լուման ներդնել ցեղասպանության փաստի ճանաչման գործում»,– պարզաբանեց ղեկավարը։

Նա ավելացրեց նաև, որ, անկասկած, աշխարհում քիչ են այն մանկական երգչախմբերը, որոնք կկարողանային իրենց վարպետության մակարդակով համեմատվել «Հայաստանի փոքրիկ երգիչների» հետ։

Երգչախմբի տնօրեն Տաթևիկ Հարությունյանն իր հերթին նշեց, որ փառատոնային ծրագրից դուրս համերգներ են անցկացվել նաև Շվեյցարիայի ութ քաղաքում։
 
«Հայաստանի փոքրիկ երգիչներ» մանկապատանեկան երգչախումբը հիմնադրվել է 1992 թվականին։ Միջազգային մրցույթների դափնեկիր է, «Եվրոպայի Մշակույթի Դեսպան» տիտղոսակիր։ Երգչախումբն ակտիվ գործունեություն է ծավալում Հայաստանում և արտերկրում։ Մասնակցում է միջազգային փառատոների, մեծ նշանակություն ունեցող պետական ծրագրերի և բարեգործական համերգների։ Երգչախմբային Արվեստի Համաշխարհային ֆեդերացիայի կողմից ճանաչվել է աշխարհի լավագույն երգչախմբերից մեկը։

Երգչախումբը բազմիցս մասնակցում է միջազգային ամենատարբեր փառատոների, համաշխարհային գիտաժողովների, ցուցահանդեսների, այդ թվում՝ «Բազելի» (Շվեյցարիա, 1995թ), Հոնկոնգի և Պեկինի (Չինաստան,1999), EXPO 2000 (Հանովեր, Գերմանիա), «Ոսկե մակույկ» (Սոչի, Ռուսաստան, 2001), «Դիմիտրիա» (Սալոնիկ, Հունաստան, 2002թ.), երգչախմբային Արվեստի VI Համաշխարհային գիտաժողով (Մինեապոլիս, ԱՄՆ, 2002), «Երգ միասնության» հայ-ամերիկյան երգչախմբային ամենամյա փառատոն (Հայաստան, «Թող ապագան երգի» (Ստոկհոլմ,Շվեդիա, 2012)։

«Հայաստանի Փոքրիկ Երգիչներ» երգչախումբը հանդես է գալիս համերգներով՝ հանրահայտ դիրիժորների ղեկավարությամբ, մասնակցում մեծ նշանակություն ունեցող պետական ծրագրերի և բարեգործական համերգների, այդ թվում Ռուսաստանում Հայաստանի մշակույթի օրերի հանդիսություններին և Ռուսաստանում Հայաստանի տարի հռչակման առթիվ հանդիսավոր համերգին Մոսկվայի Սյունազարդ, Չայկովսկու անվան դահլիճներում և Կրեմլի պալատում (2001 և 2006), Հայաստանում Ֆրանսիայի օրերի կապակցությամբ «Ազնավուրը և իր բարեկամները» խորագիրը կրող համերգին Հանրապետության հրապարակում (2004), Ֆրանսիայում Հայաստանի տարվա շրջանակներում «Հայաստան իմ Բարեկամ» խորագրով հանդիսավոր համերգին Գարնիե օպերայում (2007)։ 2012 թվականին երգչախումբը ճապոնական «Մին-Օն» մշակութային կազմակերպության հրավերով մեկնեց 40-օրյա շրջագայության դեպի Ճապոնիա։ Երգչախումբը համերգային շրջագայություններ է ունեցել աշխարհի տարբեր երկրներում Ռուսաստանում, Հունաստանում, Կիպրոսում, Գերմանիայում, Ֆրանսիայում, Շվեյցարիայում, Մեծ Բրիտանիայում, Եգիպտոսում, Հարավային Աֆրիկայում, Չինաստանում, Լեհաստանում, Բելգիայում, Կանադայում, ԱՄՆ-ի 20 նահանգներում, Լատվիայում, Վրաստանում, Շվեդիայում, Ճապոնիայում։-0-

Loading...
Թեմատիկ նյութեր
Բաժնի այլ նյութեր
13:24
23 Նոյեմբերի 2017
Հայտնի հայազգի դերասանը կխաղա Շարլիզ Թերոնի հետ նույն ֆիլմում
Հայտնի հայազգի դերասան Էնդի Սերքիսը կնկարահանվի Flursky կատակերգությունում։
17:16
20 Նոյեմբերի 2017
Հայ ռեժիսորի ֆիլմը լավագույնն է ճանաչվել Տորոնտոյի կինոփառատոնում (ՎԻԴԵՈ)
Ֆիլմն արդեն ներկայացվել է աշխարհի տարբեր փառատոներում։
11:42
16 Նոյեմբերի 2017
Մարկ Բուշկով. բելգիացի ջութակահարը Խաչատրյանի միջազգային 5-րդ փառատոնի բեմում
Հերթական համերգային երեկոյի ընթացքում՝ նոյեմբերի 16-ին նախատեսված է բելգիացի ջութակահար Մարկ Բուշկովի ելույթը:
14:46
13 Նոյեմբերի 2017
«Մանկական Եվրատեսիլ-2017»-ին Հայաստանը կկարողանա քվեարկել Միշայի օգտին
«Մանկական Եվրատեսիլ-2017» երգի միջազգային մրցույթի քվեարկության կարգում կարևոր փոփոխություններ են իրականացվել:
11:00
12 Նոյեմբերի 2017
«Մանկական Եվրատեսիլում» Հայաստանը ներկայացնող Միշան «Բումերանգ» բաց կթողնի Երևանում «Ռիո» առևտրի կենտրոնի բացման ժամանակ (ՎԻԴԵՈ)
Միշան կներկայացնի իր եվրատեսիլյան «Բումերանգ» երգը «Ռիո» առևտրի կենտրոնի բացման արարողության ժամանակ, որը տեղի կունենա նոյեմբերի 13–ին:
19:57
08 Նոյեմբերի 2017
Կոմիտաս և ջազ, «Հովեր» կամ Հայաստանի մշակութային օրեր Ռուսաստանում
Սանկտ Պետերբուրգում կկայանան հայ երաժշտական կոլեկտիվների համերգներ:
15:16
08 Նոյեմբերի 2017
Լույս է տեսել Նարինե Աբգարյանի «Մանյունյա» գրքի հայերեն թարգմանությունը
«Մանյույան» հասցեագրված է չափահաս մանուկներին և պատմում է այն հերոսական մարդկանց մասին, որոնք ինչ-որ կերպ հաջողացրել են մեծանալ առանց Wi-Fi–ի ու համակարգչային խաղերի։
13:37
03 Նոյեմբերի 2017
Արամ MP3-ը և Սևակ Խանաղյանը` մեկ բեմում
Երևանում տեղի կունենա Արամ MP3-ի  և Սևակ Խանաղյանի համերգը։
17:10
27 Հոկտեմբերի 2017
Դերասան Ալեքսանդր Խաչատրյանը ճանաչվել է լավագույնը Scandinavian International Film Festival–ում (ՖՈՏՈ)
Ալեքսանդր Խաչատրյանը, ով նկարահանվել է Ջիվան Ավետիսյանի «Վերջին բնակիչը» ֆիլմում, ճանաչվել է լավագույն դերասանը:
13:56
27 Հոկտեմբերի 2017
«Դեպի Եվրատեսիլ»-ի նոր եթերաշրջանը՝ Հանրայինի եթերում. հայտերի ընդունման մեկնարկը տրված է
Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը:
12:58
27 Հոկտեմբերի 2017
Հայոց ցեղասպանության մասին Ջո Բերլինգերի ֆիլմը հաղթել է Լոս Անջելեսի կինոփառատոնում (ՎԻԴԵՈ)
«Ոչնչացնելու մտադրություն» ֆիլմը պատմում է Օսմանյան կայսրությունում 102 տարի առաջ տեղի ունեցած դեպքերի մասին։
18:48
26 Հոկտեմբերի 2017
Գրեմմիի կրկնակի մրցանակակիրը հետաձգել է համերգային շրջագայությունը Yerevan Jazz Fest 2017–ի համար
Միլերը հետաձգել է իր համերգային շրջագայությունը, որպեսզի մասնակցի Yerevan Jazz Fest 2017 փառատոնին։