478.04
+0.15
564.85
-3.12
8.3
-0.03
+23
Եղանակը Երևանում
Հայ
Հայաստանում առաջիկա տարիներին կարող է Սյուրռեալիզմի թանգարան բացվել
17:44
23 Մայիսի 2014

ԵՐԵՎԱՆ, 23 մայիսի. /Նովոստի–Արմենիա/.  Հայաստանում առաջիկա տարիներին կարող է Սյուրռեալիզմի թանգարան բացվել, «Նովոստի–Արմենիա» գործակալությանը տեղեկացրել է ֆրանսահայ գեղանկարիչ և փորագրող Ժան Կազանչյանը։

«Ուզում եմ, որ իմ պատմական հայրենիքում` Հայաստանում, ավելի շատ բան իմանան սյուրռեալիզմի մասին և որ այդ ժանրն այստեղ զարգանա։ Տիկնոջս հետ դեռ երկու տարի առաջ մենք թանգարան ստեղծելու առաջարկով դիմել ենք ՀՀ մշակույթի նախարարությանը, սակայն այն ժամանակ կոնկրետ պատասխան չենք ստացել։ Այժմ քանի դեռ Հայաստանում եմ, մենք մտադիր ենք կրկին բարձրացնել այս հարցը և միջոցներ կփնտրենք մեր գաղափարն իրագործելու համար», – ասել է նկարիչը։

Նրա խոսքերով` լուրջ խնդիր է նաև ապագա թանգարանի ստեղծման համար անհրաժեշտ տարածքի հարցը, քանի որ ցուցադրությունը բավականին ներկայացուցչական է լինելու։
«Իմ տիկինը` Քրիստին Արժիլեն, Լոս Անջելեսի «Արժիլե» պատկերասրահի տնօրենն է և հայտնի ֆրանսիացի կոլեկցիոներ Պիեռ Արժիլեի դուստրն է, ում հավաքածուում շատ են սյուրռեալիստ նկարիչների վրձնին պատկանող նկարները։ Կցանկանայի, որպեսզի այդ աշխատանքները փոխանցվեին հենց Հայաստանին» – ասել է Կազանչյանը։

Նկարիչն ընդգծել է, որ Երևանում թանգարանի բացման դեպքում նախատեսում է նվիրել ինչպես, հայ, այնպես էլ արտասահմանցի սյուրռեալիստ նկարիչների ամենաքիչը 130 կտավ։
«Այժմ Հայաստանի ազգային պատկերասրահում անցկացվում է իմ առաջին անհատական ցուցահանդեսը, և ես հույս ունեմ, որ կառավարությունը հետաքրքրություն կդրսևորի մեր գաղափարի նկատմամբ, և մենք աջակցություն կստանանք Սյուրռեալիզմի թանգարան ստեղծելու հարցում», – ավելացրել է Կազանչյանը։

Մայիսի 18–ին նշվող Թանգարանների միջազգային օրը նկարչի կինը` Քրիստին Արժիլեն, Հայաստանի ազգային պատկերասրահին է փոխանցել աշխարհի մեծանուն նկարիչների` Սալվադոր Դալիի, Վասիլի Կանդինսկու և Հանս Բելմերի 15 գրաֆիկական աշխատանքները։ Նույն օրը տեղի է ունեցել Ժան Կազանչյանի աշխատանքների կատալոգի շնորհանդեսը, որին մասնակցել է նկարիչը։

Ժան Կազանչյանը ծնվել է 1938 թ.–ին Բեյրութում, որտեղ ապրել է երիտասարդ տարիներին։ Ապագա նկարչի վրա մեծ ազդեցություն է ունեցել Միջերկրածովյան մշակույթը։ Կազանչյանը սկսել է նկարել մանուկ հասակից։ 1962 թ.–ին  նա հաղթել է ցուցահանդես-մրցույթում, որը կազմակերպվել էր Բեյրութի թանգարաններից մեկում, ինչից հետո նկարիչը որոշել է շարունակել ուսումը Փարիզում։ 1970 թ.–ին տեղի է ունեցել նրա առաջին անհատական ցուցահանդեսը Բեյրութում, իսկ չորս տարի անց` Փարիզում։ Նախորդ դարի կեսերին նկարիչներն իր աշխատանքների անհատական ցուցահանդեսներ է կազմակերպել Եվրոպայի և Ամերիկայի մի շարք քաղաքներում։

Ժան Կազանչյանն առաջին անգամ այցելել է Հայաստան 2008 թ.–ին։ Պատմական հայրենիք կատարած երկրորդ այցի ընթացքում` 2014 թ.–ի մայիսին, Հայաստանի ազգային պատկերասրահում բացվել է նկարչի նկարների և փորագրությունների առաջին անհատական ցուցահանդեսը։–0–

Loading...
Թեմատիկ նյութեր
Բաժնի այլ նյութեր
12:00
26 Սեպտեմբերի 2017
Իվետա Մուկուչյանը յուրացնում է «նոր իրականությունը» (ՎԻԴԵՈ)
Կայացել է Իվետա Մուկուչյանի «Դեպի նոր իրականություն» երգի և տեսահոլովակի պրեմիերան։
17:39
25 Սեպտեմբերի 2017
Երևանում Այվազովսկու ցուցահանդեսն այցելությունների ռեկորդ է սահմանել
Հայազգի աշխարհահռչակ ծովանկարիչ Հովհաննես (Իվան) Այվազովսկու ծննդյան 200–ամյակին նվիրված ցուցահանդեսն այցելությունների թվով ռեկորդային է դարձել։
16:27
25 Սեպտեմբերի 2017
Սկանդալ «Ձայնը» շոուի ժամանակ. Գրադսկին անցել է անպարկեշտ բառապաշարի
Ռուսաստանի Առաջին ալիքով հեռարձակվող հայտնի «Ձայնը» վոկալի շոուի ժյուրիի անդամ Ալեքսանդր Գրադսկին հայհոյել է ռուսական Առաջին ալիքի եթերում։
19:46
24 Սեպտեմբերի 2017
Կինոռեժիսոր Մարտին Սկորսեզեն առաջին անգամ կինեմատոգրաֆի առցանց դասընթացներ կվարի
Ռեժիսորը մտադիր է առցանց դասախոսությունները սկսել արդեն հաջորդ տարվա սկզբին:
14:22
24 Սեպտեմբերի 2017
Comedy club-ի Գարիկները Երևանի մասին երգ են կատարել (ՎԻԴԵՈ)
Հայտնի շոումեններ Գարիկ Մարտիրոսյանը ու Գարիկ «Բուլդոգ» Խառլամովը կատարել են «Դեպք Երևանում» երգը:
15:48
23 Սեպտեմբերի 2017
Հղի Անահիտ Պողոսյանը և «Ձայնը» շոուի զարմացած ժյուրին (ՎԻԴԵՈ )
26-ամյա Անահիտ Պողոսյանը զարմացրել է «Ձայնը» շոուի ժյուրիին «Կույր լսումներում»:
20:11
22 Սեպտեմբերի 2017
Իոսիֆ Կոբզոն. Հայաստանում ինձ հյուր չեմ զգում
Համերգի ժամանակ Կոբզոնը կկատարի 20–րդ դարի հայ կոմպոզիտորների ստեղծագործությունները։
17:11
20 Սեպտեմբերի 2017
Օռնելա Մուտին Երևանում է. ես ինձ Հայաստանի մասնիկ եմ զգում (ՎԻԴԵՈ)
Իտալացի հայտնի դերասանուհի Օռնելա Մուտին և ֆրանսիահայ կոմպոզիտոր, դաշնակահար, գործիքավորող, դիրիժոր և երգիչ Միշել Լեգրանը Երևանում են։
13:52
20 Սեպտեմբերի 2017
Աշխարհահռչակ օպերային երգչուհին առաջին անգամ մենահամերգ կտա Երևանում (ՖՈՏՈ)
Համերգը տեղի կունենա Օպերայի և բալետի ազգային ակադեմիական թատրոնում։
20:51
16 Սեպտեմբերի 2017
Շերը երգել է ռեփեր Future–ի հետ Gap–ի գովազդում (ՎԻԴԵՈ)
Շերը երգել է հայտնի ռեփեր Future–ի հետ Gap հայտնի ամերիկյան ապրանքանիշի նոր գովազդային հոլովակում։
19:59
15 Սեպտեմբերի 2017
«Պատերազմի հետքերը». Արցախի մասին պատմող գերմանացի ռեժիսորի ֆիլմը կցուցադրվի Երևանում
Ֆիլմը նկարահանվել է մոտ տասը տարի առաջ այն վայրերում, ուր դեռ թարմ էին պատերազմի հետքերը:
16:28
15 Սեպտեմբերի 2017
Հաղթանակս նվիրում եմ Արցախին. Էռնա Միր (ՖՈՏՈ)
«Նոր ալիք» միջազգային մրցույթի  հաղթող Էրնա Միրը լուսանկար է հրապարակել և նշել, որ հաղթանակը նվիրում է իր երկրին։