481.79
+0.02
538.93
-1.33
8.53
+0.03
+16
Եղանակը Երևանում
Հայ
Երևանում Երիտասարդ կոմպոզիտորների հայ–ռուսական փառատոն կանցկացվի
16:59
28 Ապրիլի 2014

ԵՐԵՎԱՆ, 28 ապրիլի. /Նովոստի–Արմենիա/.  Երևանում առաջին անգամ երիտասարդ կոմպոզիտորների հայ–ռուսական փառատոն կանցկացվի, երկուշաբթի լրագրողներին հայտնեց փառատոնի կազմակերպիչներից մեկը` Ռուսաստանի կոմպոզիտորների միության երիտասարդական բաժնի նախագահ Յարոսլավ Սուդզիլովսկին։

Ապրիլի 27–ին Կամերային երաժշտության տանը մեկնարկած երկօրյա փառատոնը կազմակերպել են Հայաստանի և Ռուսաստանի կոմպոզիտորների միությունները` Հայաստանի մշակույթի նախարարության օժանդակությամբ։

«Այդ փառատոնի անցկացումը չափազանց կարևոր է մեզ համար, քանի որ Խորհրդային Միության փլուզումից հետո մենք կորցրել ենք մեր կապերը հայ գործընկերների հետ և հույս ունենք, որ փառատոնի շնորհիվ մեզ կհաջողվի վերականգնել այդ կորած կապերը»,– ասել է Սուդզիլովսկին։

Նա հայտնեց, որ փառատոնին մասնակցում են երիտասարդ կոմպոզիտորներ Ռուսաստանից, Ուկրաինայից, Բելառուսից և Թուրքմենստանից, նրանց թվում են Էլմիր Նիմազովը, Սերգեյ Վիլկան, Իգոր Իվանովը, Ալեքսանդր Խուբեևը, Դանիիլ Եկիմովսկին, Աննա Պավլովան, Սելբի Նիազովան և Ալեքսեյ Պիլատովը։

Սուդզիլովսկին նշեց նաև, որ այս տարվա ընթացքում Հայաստանում ծրագրվում է անցկացնել նաև համատեղ սեմինար երիտասարդ հայ և օտարերկրացի կոմպոզիտորների մասնակցությամբ։

Ռուս կոմպոզիտոր Էլմար Նիազովն իր հերթին նշեց, որ ժամանակակից ռուսական կոմպոզիտորական դպրոցը, որը դաստիարակվել է, մասնավորապես, հայ դասականներ Արամ Խաչատրյանի, Առնո Բաբաջանյանի, Ավետ Տերտերյանի և Միքայել Թարիվերդիևի երաժշտության վրա, ծանոթ չէ ժամանակակից հայ կոմպոզիտորական արվեստին, և այս փառատոնը թույլ կտա ռուս երաժիշտներին լրացնել այդ բացը և սերտ համագործակցություն հաստատել հայ գործընկերների հետ։

Հայաստանի կոմպոզիտորների միության երիտասարդական ճյուղի նախագահ Աշոտ Ղազարյանը հայտնեց, որ այս  տարվա սեպտեմբերին անցկացվող փառատոնի շրջանակում ծրագրվում է երիտասարդ կոմպոզիտորների պատասխան այց կազմակերպել Ռուսաստան։

«Փառատոնը կանցկացվի ռուսական երկու քաղաքներում` Մոսկվայում և Սանկտ Պետերբուրգում, իսկ  դրա մասնակիցների ցուցակն արդեն հաստատվել է։ Այդ ցուցակում են` Արթուր Աքշելյանը, Աննա Հակոբջանյանը, Դավիթ Բալասանյանը, Անդրանիկ Ֆատալովը և երիտասարդ այլ կոմպոզիտորներ»,– ասաց նա «Նովոստի–Արմենիա» գործակալությանը։
 
Ռուս կոմպոզիտոր և թավջութակահար Յարոսլավ Սուդզիլովսկին ծնվել է 1980 թվականի հուլիսի 28–ին Մոսկվայում։ Նախնական կրթությունը ստացել է իր հոր` Ռուսաստանի ժողովրդական արտիստ Սերգեյ Սուդզիլովսկու գլխավորությամբ։ 2006 թվականին ավարտել է Չայկովսկու անվան ՄՊԿ–ի ԽՍՀՄ ժողովրդական արտիստ, պրֆոսեր Կ.Ս.Խաչատրյանի կոմպոզիցիայի դասարանը։ 2006 թվականին ընդունվել է Ռուսաստանի կոմպոզիտորների միություն։ Նրա հայտնի ստեղծագործություններից են «Գեթսեմանյան պարտեզը», «Երկրի շունչը» (2004), «Աստվածություն» (2006), «Ֆայտոնի համբույրները» (2007-2009) սիմֆոնիաները, «Տուն Կոլոմնայում», «Տամբովի գանձապետուհին» (2005), «Harmonia Сaelestis» («Հոգու երկնային ներդաշնակություն») (2008), «Անրի» (2009) и «Կոկորդիլոս» (2010) օպերաները, «Տիկնիկների պարերը» (2003-2004) և «Կատաղած Ֆալոսը» (2005) բալետները։

Ռուսաստանի կոմպոզիտորների միության անդամ Էլմիր Նիզամովը ծնվել է 1986 թվականի դեկտեմբերի 24–ին Ուլյանովսկում։ Կոմպոզիտորի ստեղծագործությունները բազմիցս հնչել են Ռուսաստանի, Ուկրաինայի, Ավստրիայի, Գերմանիայի և Ֆրանսիայի  բազմաթիվ քաղաքներում այնպիսի համույթների կատարմամբ, ինչպես Ensemble of the Arnold Schoеnberg Akademie (Վիեննա), «Նոր երաժշտության ստուդիա» (Մոսկվա), «eNsemble» (Սանկտ–Պետերբուրգ), «Nostri Temporis» (Կիև), «Cantando» (Նիժնի Նովգորոդ), «Քարտ բլանշ» (Մոսկվա), ինչպես նաև Մոսկվայի և Կազանի սիմֆոնիկ նվագախմբերը։

Նիզամովը երգեհոնի համար լավագույն ստեղծագործության մրցույթի դափնեկիր է (Մոսկվա, 2008 թվական), «Connecting music» (Կիև, 2009 թվականի) առաջին կոմպոզիտորական միջազգային մրցումների հաղթող, «Քայլ դեպի ձախ» կոմպոզիտորների միջազգային մրցույթի եզրափակչի մասնակից, (Սանկտ Պետերբուրգ, 2011), «21–րդ դարի կոմպոզիտոր» կոմպոզիտորների միջազգային մրցույթի դափնեկիր (Մոսկվա, 2013)։ -0-

Loading...
Թեմատիկ նյութեր
Բաժնի այլ նյութեր
14:34
29 Մայիսի 2017
Աշխարհահռչակ ռուս դաշնակահար Արկադի Վոլոդոսը հանդես կգա Երևանում
«Երևանյան հեռանկարներ»  8-րդ երաժշտական փառատոնի շրջանակում Երևանում համերգով հանդես կգա աշխարհահռչակ ռուս դաշնակահար Արկադի Վոլոդոսը:
14:27
29 Մայիսի 2017
Էստլունդի «Քառակուսի» ֆիլմն արժանացել է Կաննի կինոփառատոնի գլխավոր մրցանակին (ԼՈՒՍԱՆԿԱՐՆԵՐ)
Պեդրո Ալմադովարն ու նրա ժյուրին կայացրեցին իրենց դատավճիռը։
12:50
27 Մայիսի 2017
Տիմատին պահել է խոստումը և հայտնել երևանյան համերգի օրը
Ռուսաստանցի ռեփեր Տիմատին հայտնել է, թե երբ և որտեղ կկայանա նրա երևանյան համերգը:
16:09
26 Մայիսի 2017
Ազնավուրի երաժշտությամբ հայկական բալետը հանդիսատեսին կտեղափոխի Փարիզ
«La Boheme» բալետի պրեմիերան, որ նվիրված է հանճարեղ ֆրանսահայ շանսոնյե Շառլ Ազնավուրի արվեստին, կկայանա մայիսի 29-ին Երևանում:
15:16
25 Մայիսի 2017
Հայտնի է, թե երբ և ինչու է Շառլ Ազնավուրն այցելելու Հայաստան
Ազնավուրը շուրջ 1000 երգերի հեղինակ է, խաղացել է 60 ֆիլմերում և վաճառել է ավելի քան 100 մլն ձայնասկավառակ:
16:38
22 Մայիսի 2017
Ավիշայ Քոենը համերգով ելույթ կունենա Հայաստանում
Իսրայելցի կոնտրաբասահար,  կոմպոզիտոր, երգիչ և գործիքավորող Ավիշայ Քոենն իր տրիոյով առաջին անգամ համերգով ելույթ կունենա Երևանում։
14:50
22 Մայիսի 2017
Այսօր մաեստրո Շառլ Ազնավուրի ծննդյան օրն է
Այսօր աշխարհահռչակ ֆրանսահայ շանսոնյե Շառլ Ազնավուրի ծննդյան օրն է։
11:45
22 Մայիսի 2017
Շերն արժանացել է Billboard Music Awards–ի «Icon» մրցանակին և երգել է իր լեգենդար հիթը (ԼՈւՍԱՆԿԱՐ, ՏԵՍԱՆՅՈւԹ)
Ամերիկահայ երգչուհի Շերը մրցանակի է արժանացել Billboard Music Awards–ի «Icon» անվանակարգում։
13:45
20 Մայիսի 2017
Իգոր Կրուտոյի սանը կներկայացնի Հայաստանը «Մանկական Նոր ալիք–2017»–ում
Իգոր Կրուտոյի սան Անահիտ Ադամյանը կներկայացնի Հայաստանը «Մանկական Նոր ալիք–2017» մրցույթում։
20:42
19 Մայիսի 2017
Օսկարակիր ռեժիսորը Հայոց ցեղասպանության մասին ֆիլմ կնկարահանի
Ֆիլմը պատմում է 1915–1917 թթ–ի իրադարձությունների մասին, երբ թուրքերը սպանում էին հայերին։
20:40
19 Մայիսի 2017
Trio Mandili հայտնի վրացական խումբը հայերեն է սովորում երևանյան համերգից առաջ (ՏԵՍԱՆՅՈՒԹ)
Trio Mandili հայտնի վրացական ֆոլկ–խումբը հայերեն է սովորում հունիսի 11–ին կայանալիք երևանյան առաջին համերգից առաջ։
20:09
18 Մայիսի 2017
Լևոն Արոնյանի կինը հայերեն բանաստեղծություն է ընթերցել (ՏԵՍԱՆՅՈՒԹ)
Հայ գրոսմայստեր Լևոն Արոնյանի կինը` երևանյան «Ճանապարհորդ» թերթի գլխավոր խմբագիր Արիանա Կաոիլին, հայերեն լեզվով բանաստեղծություն է ընթերցել։