480.74
+0.03
511.65
+0.46
7.48
-0.03
+1
Եղանակը Երևանում
Հայ
Կոմպոզիտոր Աննա Սեգալը «Կոլաժ Սերգեյ Փարաջանովին» իր ստեղծագործության համաշխարհային պրեմիերան կնվիրի Հայոց ցեղասպանության զոհերի հիշատակին
19:51
23 Ապրիլի 2014

ԵՐԵՎԱՆ, 23 ապրիլի. /Նովոստի–Արմենիա/. Իսրայելցի կոմպոզիտոր Աննա Սեգալն իր «Կոլաժ Սերգեյ Փարաջանովին» երաժշտական ստեղծագործության համաշխարհային պրեմիերան, որը կհնչի ապրիլի 24–ին Երևանում, կնվիրի Օսմանյան կայսրությունում Հայոց ցեղասպանության զոհերի հիշատակին։

«Նախորդ տարի Երևան կատարած իմ այցից հետո հետաքրքիր շատ նյութեր ունեցա, մասնավորապես, Փարաջանովի թանգարանում, և սկսեցի աշխատել։ Սկզբում, երբ ես սկսեցի ստեղծել սիմֆոնիկ ստեղծագործությունը, չգիտեի, թե ինչպես անվանեմ այն։ Սակայն երբ ինձ հրավիրեցին մասնակցելու երևանյան համերգին ապրիլի 24–ին, ես որոշեցի թատերականության տարր ներմուծել ստեղծագործության մեջ և այն «կոլաժ» անվանել, քանի որ Փարաջանովը միշտ սիրել է կոլաժներ անել»,– ասաց Սեգալը «Նովոստի–Արմենիա» գործակալությանը։

Ըստ նրա` «Կոլաժ Սերգեյ Փարաջանովին»-ը կդառնա երաժշտության, Փարաջանովի օրագրերից վերցրած հատվածների և իսրայելցի ռեժիսոր Էդուարդ Մարտիրոսյանի հոդվածների հատվածների յուրօրինակ միահյուսում։ Համերգը կուղեկցվի Արամ Հովհաննիսյանի ասմունքով։

«Իմ ստեղծագործությունը յուրօրինակ շնորհակալություն է վարպետին։ Բացի այդ, ես մոտ եմ 1915 թվականի ողբերգությանը, քանի որ ապրում եմ Իսրայելում, և այս թեման մոտ է ինձ։ Ես զգում եմ այն ցավը, որ վերապրեց հայ ժողովուրդը։ Երեկ Փարաջանովի թանգարանում ես նաև զգացի, թե ինչպես է նա տարել այդ ցավը` որպես արվեստագետ։ Հուսով եմ, որ վաղվա պրեմիերան կուրախացնի նրա ստեղծագործության բոլոր սիրահարներին»,– ասաց Սեգալը։ Կոմպոզիտորն ավելացրեց, որ ստեղծագործությունը նվիրվում է ողջ հայ ժողովրդին։

Խոսելով Հայաստանի հետ կապված իր հետագա ստեղծագործական ծրագրերի մասին` Սեգալը հայտնեց, որ ծրագրում է ներկայացնել ստեղծագործությունը նաև այլ երկրներում։
 
«Հույս ունեմ, որ մենք կկարողանանք ներկայացնել այս նախագիծը նաև այլ երկրներում, մասնավորապես, Վրաստանում և Եվրոպայում։ Արդեն այսօր որոշ բանակցություններ եմ վարում, և ջանքեր կգործադրեմ այդ մտադրություններն իրականացնելու համար։ Բացի այդ, Իսրայելում ծրագրում եմ կրկնել «Հոգու երգեր» երաժշտական շարքի համերգը հայ ականավոր բանաստեղծ և երաժիշտ Սայաթ Նովայի բանաստեղծությունների մոտիվներով»,– ավելացրեց կոմպոզիտորը։

Սեգալը նշեց, որ չի բացառում հետագայում էլ Հայաստանի հետ կապված նախագծերի ստեղծման հավանականությունը։

Ստեղծագործությունը, որի հեղինակն Աննա Սեգալն է, կկատարի Հայաստանի պետական ֆիլհարմոնիկ նվագախումբը` հայտնի դիրիժոր Լիոր Շամբադալի գլխավորությամբ Ա. Խաչատրյանի անվան համերգասրահում։ Բացի Աննա Սեգալի ստեղծագործությունից, նվագախումբը կկատարի նաև Մոցարտի «Ռեքվիեմը»։

Ամբողջ հասույթը կփոխանցվի քեսաբահայերի աջակցության հիմնադրամին։

«Նովոստի–Արմենիա» գործակալությունը համերգի տեղեկատվական հովանավորն է։

Աննա Սեգալը ծնվել է Դնեպրոպետրովսկում։ 2003 թ.–ից նա ընդգրկված է Իսրայելի կոմպոզիտորների ասոցիացիայում։ Սեգալը ջութակի, թավջութակի, երգչախմբի համար նախատեսված ստեղծագործությունների, սիմֆոնիկ երաժշտության, թատրոնի համար նախատեսված ստեղծագործությունների հեղինակ է։ Աննա Սեգալի ստեղծագործությունները կատարում են Իսրայելի, Կորեայի, ԱՄՆ–ի, Ուկրաինայի հայտնի երաժիշտներն ու համույթները։

Հայոց մեծ եղեռնը 20-րդ դարի առաջին ցեղասպանությունն է, որը կազմակերպվել և ծրագրավորված իրագործվել է երիտթուրքական կառավարության կողմից, ինչի հետևանքով Օսմանյան կայսրության կազմի մեջ մտնող Արևմտյան Հայաստանում, սրի է քաշվել ավելի քան 1,5 մլն. հայ։

Հայոց ցեղասպանության փաստը ճանաչել են բազմաթիվ երկրներ։ Առաջինը 1965 թ.-ին ճանաչել է Ուրուգվայը, որի օրինակին են հետևել Ռուսաստանը, Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, ԱՄՆ-ի 42 նահանգները։ Հայոց ցեղասպանությունը ճանաչել են նաև Վատիկանը, Եվրախորհրդարանը, Եկեղեցիների համաշխարհային խորհուրդը։-0-

Loading...
Թեմատիկ նյութեր
Բաժնի այլ նյութեր
12:29
30 Նոյեմբերի 2016
Իոսիֆ Կոբզոնը Երևանում կներկայացնի «Հայ մեծ կոմպոզիտորների սիրված երգերը»
ԽՍՀՄ ժողովրդական արտիստ Իոսիֆ Կոբզոնը ելույթ կունենա Երևանում «Հայ մեծ կոմպոզիտորների սիրված երգեր» բարեգործական մենահամերգով:
12:00
29 Նոյեմբերի 2016
Սիրիահայ ռեժիսորի ֆիլմը լավագույնն է ճանաչվել Թուրինի կինոփառատոնում
Սիրիահայ ռեժիսորի ֆիլմն Իտալիայի Թուրինի 34-րդ կինոփառատոնի «Լավագույն միջազգային փաստագրական ֆիլմ» անվանակարգում ճանաչվել է երկու լավագույններից մեկը։
14:34
28 Նոյեմբերի 2016
Լեգենդար գեղասահորդ Եվգենի Պլյուշչենկոն «երկրաշարժ» է առաջացրել Երևանում (ԼՈՒՍԱՆԿԱՐ)
Ռուս լեգենդար գեղասահորդ, օլիմպիական կրկնակի չեմպիոն Եվգենի Պլյուշչենկոն «Սառույցի թագավորները» Երևանի հանդիսատեսին զգայական համար է ներկայացրել:
12:24
28 Նոյեմբերի 2016
Երևանում տեղի կունենա «Maria de Buenos Aires» հայտնի օպերա տանգոյի պրեմիերան
Սպենդիարյանի անվան օպերայի և բալետի ազգային ակադեմիական թատրոնում կբեմադրվի Աստոր Պիացոլային «Maria de Buenos Aires» օպերա տանգոն:
19:10
25 Նոյեմբերի 2016
Ադելը հեռանում է բեմից
Մեր օրերի ամենաբարձր վարձատրվող երգչուհիներից մեկը` Ադելը, որոշել է ժամանակավոր հեռանալ բեմից։
19:24
24 Նոյեմբերի 2016
Հայտնի երգչուհի Մարիամ Մերաբովան հնչյունավորել է Disney կինոստուդիայի նոր մուլտֆիլմի հերոսուհիներից մեկին
Հայտնի ջազ երգչուհի Մարիամ Մերաբովան հնչյունավորել է Disney կինոստուդիայի «Մոանա» նոր անիմացիոն ֆիլմի հերոսուհիներից մեկին։
13:24
23 Նոյեմբերի 2016
«Վերջին բնակիչը» հայկական ֆիլմը կարող է առաջադրվել «Ոսկե գլոբուսի»
Ռեժիսոր Ջիվան Ավետիսյանի «Վերջին բնակիչը» ֆիլմը կարող է պայքարել «Ոսկե Գլոբուսի» համար:
20:43
21 Նոյեմբերի 2016
Սելենա Գոմեսի երգի` հայ ռեժիսորի տեսահոլովակն ավելի քան 180 մլն դիտում է հավաքել (ՏԵՍԱՆՅՈՒԹ)
Ամերիկահայ հայտնի ռեժիսոր Ալեք Քեշիշյանի` Սելենա Գոմեսի երգի տեսահոլովակն ավելի քան 180 մլն դիտում է հավաքել Համացանցում։
22:21
20 Նոյեմբերի 2016
Հայկական դուետը «Մանկական Եվրատեսիլում» զբաղեցրեց երկրորդ տեղը՝ մի քանի միավորով զիջելով Վրաստանի ներկայացուցչին
Մերի Վարդանյանը և Անահիտ Ադամյանը Մալթայում տեղի ունեցած «Մանկական Եվրատեսիլ 2016»-ի արդյունքներով զբաղեցրեցին երկրորդ հորիզոնականը:
20:27
20 Նոյեմբերի 2016
«Մանկական Եվրատեսիլ 2016» մրցույթում հայկական դուետի ելույթի տեսանյութը
Համացանում հայտնվել է «Մանկական Եվրատեսիլ 2016» երգի միջազգային մրցույթում հայկական դուետի ելույթի տեսանյութը:
19:34
20 Նոյեմբերի 2016
Հայկական դուետը հիանալի ելույթ ունեցավ «Մանկական Եվրատեսիլ 2016»-ին Մալթայում
Հայ պատանի երգչուհիներ Մերի Վարդանյանը և Անահիտ Ադամյանը ելույթ ունեցան «Մանկական Եվրատեսիլ 2016»-ի մրցութային ծրագրի առաջին մասում:
17:51
20 Նոյեմբերի 2016
Լեպսի՝ համերգի ժամանակ վայր ընկնելու տեսագրությունը հայտնվել է Համացանցում
YouTube-ում հայտնվել է ռուսական էստրադային էրգիչ Գրիգորի Լեպսի համերգի տեսագրությունը: