481.77
-0.24
540.26
-0.7
8.5
-0.06
+13
Եղանակը Երևանում
Հայ
Ժամանակակից էստոնացի գծանկարիչների աշխատանքների ցուցահանդեսը Երևանում նախատեսված է աշնանը
17:05
16 Ապրիլի 2014

ԵՐԵՎԱՆ, 16 ապրիլի. /Նովոստի–Արմենիա/. Էստոնացի ժամանակակից գծանկարիչների աշխատանքների ցուցահանդեսը հնարավոր է` կայանա աշնանը Երևանում, «Նովոստի» միջազգային մամուլի կենտրոնում հայտարարեց «Մշակույթների երկխոսություն» հիմնադրամի նախագահ Սոնա Հարությունյանը

Նրա խոսքով` դա կլինի էստոնացի նկարիչների պատասխան այցը Երևան, քանի որ ապրիլի 10–ից մայիսի 3–ը Տալլինում անցկացվում է հայ երեք ժամանակակից նկարիչների «Քայլող հետքեր. Հայ նկարիչներ Տիգրան Սահակյանը, Արման Վահանյանը և Տիգրան Կիրակոսյանը Տալլինում» խորագրով ցուցահանդեսը։

Նկարիչների աշխատանքները կատարված են օֆսեթ լիտոգրաֆիայի, մոնոտիպիայի և օֆորտի տեխնիկայով։ Ժամանակակից գեղարվեստական գծանկարչությունն առավել վառ ներկայացված է Հայաստանում հենց այս նկարիչների ստեղծագործություններում։

«Առայժմ մենք միայն նախնական պայմանավորվածություն ունենք Երևանում կայանալիք ցուցահանդեսի վերաբերյալ, բայց հասարակությունն անպայման կիրազեկվի իրադարձությունների հետագա զարգացման մասին»,– ասաց Հարությունյանը։

Նա ավելացրեց նաև, որ էստոնացի վարպետները Հայաստան կբերեն արդեն պատրաստի աշխատանքներ` ի տարբերություն հայ գծանկարիչների, ովքեր Տալլինում ներկայացրեցին անմիջապես Էստոնիայում ստեղծած աշխատանքները։

«Ցավոք, մենք այսօր չունենք անհրաժեշտ տեխնոլոգիաներ, որ էստոնացի վարպետները ստեղծեն գծանկարներ անմիջապես այստեղ։ Հենց այդ պատճառով էլ նկարիչներն այստեղ արդեն պատրաստի աշխատանքներ կբերեն»,– ասաց հիմնադրամի ղեկավարը։

Նկարիչ Տիգրան Սահակյանն իր հերթին նշեց, որ Հայաստանում այսօր չկան գծանկարչական արվեստի զարգացման անհրաժեշտ պայմաններ և, առավել ևս, երիտասարդ սերնդին հմտությունների և գիտելիքների փոխանցման պայմաններ։

Այս առումով նկարիչ Տիգրան Կիրակոսյանը նշեց, որ Հայաստանում պատշաճ ուշադրություն չի դարձվում ժամանակակից արվեստի զարգացմանն ընդհանուր առմամբ։

«Տարբեր կառույցներ, մասնավորապես, պետականները, պետք է հասկանան, որ ուշադրություն դարձնելով ժամանակակից արվեստին և օժանդակություն ցուցաբերելով դրա` միջազգային ասպարեզ դուրս գալուն, մենք ներկայացնում ենք ոչ թե առանձին անձանց, այլ մեր ազգը և նրա ձեռքբերումները»,– ասաց նա։

Հայ նկարիչներ Տիգրան Սահակյանը, Արման Վահանյանը և Տիգրան Կիրակոսյանը  մարտի 15–ից ապրիլի 15–ը գտնվել են Տալլինում, որտեղ աշխատել են Էստոնիայի գծանկարիչների ասոցիացիայի երկու արվեստանոցներում` «Մշակույթների երկխոսություն» հիմնադրամի, Էստոնիայի մշակույթի նախարարության և այդ երկրի կառավարության մշակույթի հիմնադրամի նախաձեռնությամբ և հովանավորչական օժանդակության շնորհիվ, ինչպես նաև  Էստոնիայի ազգային գրադարանի և Էստոնացի գծանկարիչների ասոցիացիայի համագործակցությամբ։ «Քայլող հետքեր. Հայ նկարիչներ Տիգրան Սահակյանը, Արման Վահանյանը և Տիգրան Կիրակոսյանը Տալլինում» խորագրով ցուցահանդեսին  նկարիչները ներկայացրել են էստոնական մայրաքաղաքում գտնվելու ժամանակ ստեղծած իրենց աշխատանքները։

2012 թվականին հիմնադրված «Մշակույթների երկխոսություն» հիմնադրամի նպատակը Հայաստանի և այլ երկրների միջև մշակույթի փոխանակման, հայ և օտարերկրացի արվեստի գործիչների միջև երկխոսության կայացման և ամրապնդմանն օժանդակելն է։ -0-

Loading...
Թեմատիկ նյութեր
Բաժնի այլ նյութեր
16:09
26 Մայիսի 2017
Ազնավուրի երաժշտությամբ հայկական բալետը հանդիսատեսին կտեղափոխի Փարիզ
«La Boheme» բալետի պրեմիերան, որ նվիրված է հանճարեղ ֆրանսահայ շանսոնյե Շառլ Ազնավուրի արվեստին, կկայանա մայիսի 29-ին Երևանում:
15:16
25 Մայիսի 2017
Հայտնի է, թե երբ և ինչու է Շառլ Ազնավուրն այցելելու Հայաստան
Ազնավուրը շուրջ 1000 երգերի հեղինակ է, խաղացել է 60 ֆիլմերում և վաճառել է ավելի քան 100 մլն ձայնասկավառակ:
16:38
22 Մայիսի 2017
Ավիշայ Քոենը համերգով ելույթ կունենա Հայաստանում
Իսրայելցի կոնտրաբասահար,  կոմպոզիտոր, երգիչ և գործիքավորող Ավիշայ Քոենն իր տրիոյով առաջին անգամ համերգով ելույթ կունենա Երևանում։
14:50
22 Մայիսի 2017
Այսօր մաեստրո Շառլ Ազնավուրի ծննդյան օրն է
Այսօր աշխարհահռչակ ֆրանսահայ շանսոնյե Շառլ Ազնավուրի ծննդյան օրն է։
11:45
22 Մայիսի 2017
Շերն արժանացել է Billboard Music Awards–ի «Icon» մրցանակին և երգել է իր լեգենդար հիթը (ԼՈւՍԱՆԿԱՐ, ՏԵՍԱՆՅՈւԹ)
Ամերիկահայ երգչուհի Շերը մրցանակի է արժանացել Billboard Music Awards–ի «Icon» անվանակարգում։
13:45
20 Մայիսի 2017
Իգոր Կրուտոյի սանը կներկայացնի Հայաստանը «Մանկական Նոր ալիք–2017»–ում
Իգոր Կրուտոյի սան Անահիտ Ադամյանը կներկայացնի Հայաստանը «Մանկական Նոր ալիք–2017» մրցույթում։
20:42
19 Մայիսի 2017
Օսկարակիր ռեժիսորը Հայոց ցեղասպանության մասին ֆիլմ կնկարահանի
Ֆիլմը պատմում է 1915–1917 թթ–ի իրադարձությունների մասին, երբ թուրքերը սպանում էին հայերին։
20:40
19 Մայիսի 2017
Trio Mandili հայտնի վրացական խումբը հայերեն է սովորում երևանյան համերգից առաջ (ՏԵՍԱՆՅՈՒԹ)
Trio Mandili հայտնի վրացական ֆոլկ–խումբը հայերեն է սովորում հունիսի 11–ին կայանալիք երևանյան առաջին համերգից առաջ։
20:09
18 Մայիսի 2017
Լևոն Արոնյանի կինը հայերեն բանաստեղծություն է ընթերցել (ՏԵՍԱՆՅՈՒԹ)
Հայ գրոսմայստեր Լևոն Արոնյանի կինը` երևանյան «Ճանապարհորդ» թերթի գլխավոր խմբագիր Արիանա Կաոիլին, հայերեն լեզվով բանաստեղծություն է ընթերցել։
16:19
18 Մայիսի 2017
Հայ երիտասարդ գրողները ժամանակակից պատմությունը կներկայացնեն Պուշկինի սյուժեների հիման վրա
Հայաստանում մեկնարկեց «Մեր Պուշկինը» գրական մրցույթը, որին մասնակցում են Հայաստանի, Արցախի և Սփյուռքի երիտասարդ գրողները:
20:21
17 Մայիսի 2017
Ռուս հայտնի դերասան Կոնստանտին Խաբենսկին դասախոսություն կկարդա Երևանում
Ռուսաստանի ժողովրդական արտիստ, թատրոնի և կինոյի դերասան Կոնստանտին Խաբենսկին բաց դասախոսություն կկարդա:
15:07
17 Մայիսի 2017
Արեգ Բալայանը` «Ավրորա» լուսանկարչական մրցույթի հաղթող (ԼՈՒՍԱՆԿԱՐ)
«Մարդասիրության աչքերով» խորագրով լուսանկարչական ֆոտոցուցահանդեսն է բացվել  «Դալան» ցուցասրահում մայիսի 16-ին։