485.25
-0.08
569.44
-2.72
8.18
-0.02
+3
Եղանակը Երևանում
Հայ
Էստոնացի փորձագետները բարձր են գնահատել ժամանակակից հայ գծանկարիչների աշխատանքները
16:37
16 Ապրիլի 2014

ԵՐԵՎԱՆ, 16 ապրիլի. /Նովոստի–Արմենիա/. Հայ ժամանակակից գծանկարիչներ Տիգրան Սահակյանի, Արման Վահանյանի և Տիգրան Կիրակոսյանի աշխատանքները, որոնք առաջին անգամ ներկայացվել են Տալլինում կայացած  ցուցահանդեսին, արժանացել են էստոնացի փորձագետների բարձր գնահատականին, «Նովոստի» միջազգային մամուլի կենտրոնում հայտարարեց նկարիչ Տիգրան Կիրակոսյանը։

Նկարիչները մարտի 15–ից ապրիլի 15–ը գտնվել են Տալլինում, որտեղ աշխատել են Էստոնիայի գծանկարիչների ասոցիացիայի երկու արվեստանոցներում` «Մշակույթների երկխոսություն» հիմնադրամի, Էստոնիայի մշակույթի նախարարության և այդ երկրի կառավարության մշակույթի հիմնադրամի նախաձեռնությամբ և հովանավորչական օժանդակության շնորհիվ, ինչպես նաև  Էստոնիայի ազգային գրադարանի և Էստոնացի գծանկարիչների ասոցիացիայի համագործակցությամբ։ «Քայլող հետքեր. Հայ նկարիչներ Տիգրան Սահակյանը, Արման Վահանյանը և Տիգրան Կիրակոսյանը Տալլինում» խորագրով ցուցահանդեսին  նկարիչները ներկայացրել են էստոնական մայրաքաղաքում գտնվելու ժամանակ ստեղծած իրենց աշխատանքները։ Ապրիլի 10–ին բացված ցուցահանդեսը կտևի մինչև մայիսի 3–ը։

«Մեր աշխատանքներն արժանացել են էստոնացի փորձառու նկարիչների դրական արձագանքներին, և դա մեզ համար մեծ ուրախություն է»,– ասաց Կիրակոսյանը` պատասխանելով «Նովոստի–Արմենիա» գործակալության հարցին։

«Շատ կարևոր էր, որ Էստոնիայում գտնվելու ժամանակ մենք ոչ միայն ծանոթացանք այդ երկրի մշակութային արժեքներին, այլ որոշ իմաստով նաև ինքներս մեզ ավելի լավ ճանաչեցինք։ Հետաքրքիր է, որ մենք մեզ համար շատ նոր բաներ բացահայտեցինք` ստեղծագործելով հայրենիքի սահմաններից դուրս»,– պարզաբանեց Կիրակոսյանը։

Նկարիչ Արման Վահանյանն իր հերթին նշեց, որ հայ ժամանակակից արվեստը լուրջ աջակցության կարիք ունի, մասնավորապես, պետական կառույցների կողմից։

«Ժամանակակից հայ նկարիչների ստեղծագործություններն անհրաժեշտ է ներկայացնել աշխարհին, և այդ հարցում պետկառույցները պետք է անմիջական ավանդ ունենան»,– կարծում է նկարիչը։
Ինչպես նշեց «Մշակույթների երկխոսություն» հիմնադրամի նախագահ Սոնա Հարությունյանը, նմանատիպ արտասահմանյան ցուցահանդեսները կարող են կարևոր նշանակություն ունենալ աշխարհում հայկական ժամանակակից արվեստը ներկայացնելու հարցում։

«Մեզ պետք է հարթակներ ստեղծել հասարակությանը մեր ժամանակակից նկարիչների աշխատանքները ներկայացնելու համար և, հնարավոր է` Տալլինում մեր վարպետների այս առաջին ցուցահանդեսն այդ ճանապարհին առաջին քայլը դառնա»,– ասաց Հարությունյանը։

Նկարիչների աշխատանքները կատարված են օֆսեթ լիտոգրաֆիայի, մոնոտիպիայի և օֆորտի տեխնիկայով։ Ժամանակակից գեղարվեստական գծանկարչությունն առավել վառ ներկայացված է Հայաստանում հենց այս նկարիչների ստեղծագործություններում։

2012 թվականին հիմնադրված «Մշակույթների երկխոսություն» հիմնադրամի նպատակը Հայաստանի և այլ երկրների միջև մշակույթի փոխանակման, հայ և օտարերկրացի արվեստի գործիչների միջև երկխոսության կայացման և ամրապնդմանն օժանդակելն է։ -0-

Loading...
Թեմատիկ նյութեր
Բաժնի այլ նյութեր
20:42
07 Դեկտեմբերի 2017
Տիգրան Համասյանն արխիվային բացառիկ տեսագրություն է հրապարակել (ՎԻԴԵՈ)
Աշխարհահռչակ հայ դաշնակահար, ջազմեն և կոմպոզիտոր Տիգրան Համասյանը ներկայացրել է An Ancient Observer վերջին ալբոմի «Leninagone» կոմպոզիցիայի նոր տեսահոլովակը։
00:41
05 Դեկտեմբերի 2017
Կոնսերվատորիայի Գյումրու մասնաճյուղը տոնեց 20-ամյա հոբելյանը (ՖՈՏՈ)
Դեկտեմբերի 2-ին լրացավ Երևանի Կոմիտասի անվան պետական կոնսերվատորիայի Գյումրու մասնաճյուղի հիմնադրման 20 տարին:
14:19
04 Դեկտեմբերի 2017
Հայ փոքրիկները հիացրել են «Կապույտ թռչուն» ռուսական մրցույթի ժյուրիի անդամներին ու հանդիսատեսին (ՎԻԴԵՈ)
Հայ փոքրիկները պարզապես հիացրել են «Կապույտ թռչուն»  համառուսական մրցույթի ժյուրիի անդամներին ու հանդիսատեսին։
14:43
03 Դեկտեմբերի 2017
Էմոցիաներ պարահրապարակում. Հայ պատանի զույգն անցել է «Ты супер! Танцы» շոուի կիսաեզրափակիչ (ՎԻԴԵՈ)
17-ամյա Դավիթ Այվազյանը և 15-ամյա Աստղիկ Մխիթարյանը հաջողությամբ ելույթ ունեցան «Ты супер! Танцы» շոուի քառորդ եզրափակչում:
19:08
29 Նոյեմբերի 2017
«Խոստումը» ֆիլմի սաունդթրեքը հավակնում է Grammy-2018–ին
«Խոստումը» (The Promise) ֆիլմի սաունդթրեքը հավակնում է Grammy-2018–ին:
17:42
29 Նոյեմբերի 2017
Աբրահամ Ռուսսոն խոսել է արցախյան բարբառով (ՎԻԴԵՈ)
Instagram սոցցանցի օգտատերը իր էջում տեսանյութ է հրապարակել, որում երգիչը փորձում է նրա հետևից բառեր արտահայտություններ ասել ղարաբաղյան բարբառով։
16:03
29 Նոյեմբերի 2017
Տիգրան Մանսուրյանի «Ռեքվիեմ»–ն առաջադրվել է «Grammy 2018»–ի միանգամից երկու անվանակարգերում
Grammy–ի է առաջադրված նաև Տիգրան Մանսուրյանի պրոդյուսեր Մանֆրեդ Այխերը՝ որպես «Տարվա պրոդյուսեր դասական ոճում»:
20:04
28 Նոյեմբերի 2017
Կոնստանտին Օրբելյանն ու Դմիտրի Խվորոստովսկին` «Grammy 2018»–ի հավակնորդներ
Կոնստանտին Օրբելյանն ու Դմիտրի Խվորոստովսկին առաջադրվել են Grammy–ի։
14:15
28 Նոյեմբերի 2017
Մալթայի ֆիլհարմոնիկ նվագախումբը հանդես կգա Սերգեյ Սմբատյանի ղեկավարությամբ
Համերգը կկայանա Մալթայի մայրաքաղաք Վալետայի Սուրբ Գևորգի հրապարակում։
21:59
26 Նոյեմբերի 2017
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում, հաղթեց Ռուսաստանը (ՎԻԴԵՈ)
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում։
12:59
25 Նոյեմբերի 2017
Միշել Մստոյանը հուզել է հանդիսատեսին էթնիկ երգի կատարմամբ (ՎԻԴԵՈ)
Միշել Մստոյանը «Ձայնը» շոուի «Նոկաուտներ» փուլում կատարել է «Լաց մի եղիր» եզդիական ժողովրդական երգերի երաժշտական միքս:
10:00
25 Նոյեմբերի 2017
Չարլի Չապլինի դուստրն ու թոռնուհին կայցելեն Հայաստան. «ՆՈՎՈՍՏԻ–ԱՐՄԵՆԻԱՅԻ» ԷՔՍԿԼՅՈՒԶԻՎ
Չարլի Չապլինի դուստրը` Վիկտորիա Թիերե–Չապլինն ու թոռնուհին` Աուրելիա Թիերեն, կայցելեն Հայաստան: