478.73
-0.03
561.07
+4.18
8.06
+0.07
+25
Եղանակը Երևանում
Հայ
Երևանում Շեքսպիրյան միջազգային թատերական փառատոնը կբացվի «Լիր արքա» հայ–վրացական նախագծի պրեմիերայով
16:18
19 Մարտի 2014

ԵՐԵՎԱՆ, 19 մարտի. /Նովոստի–Արմենիա/.  Հայաստանում անցկացվող Շեքսպիրյան միջազգային թատերական տասներորդ փառատոնը կբացվի չորեքշաբթի Երևանում Հակոբ Ղազանչյանի բեմադրած «Լիր արքա» հայ–վրացական համատեղ նախագծի պրեմիերայով, որը կկայանա Պատանի հանդիսատեսի թատրոնում։

«Փառատոնի բացման արարողությունը հանդիսավոր չի լինի, քանի որ մենք որոշել ենք բացել այն «Լիր արքայի» պրեմիերայից անմիջապես առաջ»,– չորեքշաբթի ասաց փառատոնի տնօրեն, Հայաստանի թատերական գործիչների միության (ՀԹԳՄ) ղեկավար Հակոբ Ղազանչյանը։

Ըստ նրա, փառատոնը կտևի մարտի 19-22–ը և նվիրված կլինի Շեքսպիրի 450–ամյակին։

«Այս տարի մենք որոշել ենք փառատոնը բաժանել երկու մասի։ Այն, ինչ կանցնի այժմ, ավելի նման է Շեքսպիրյան օրերի, և միջոցառմանը կմասնակցեն միայն հայկական թատերախմբեր։ Փառատոնի երկրորդ, միջազգային մասը, մենք մտադիր ենք անցկացնել աշնանը»,– ասաց Ղազանչյանը։

Փառատոնի տնօրենը նշեց, որ միջոցառման շրջանակում Հայաստան կժամանեն Շեքսպիրյան փառատոների եվրոպական ցանցի տասնմեկ տնօրեններ, ովքեր ներկա կլինեն հայ թատերախմբերի բեմադրություններին։

Հայաստանի մշակույթի փոխնախարար Ներսես Տեր–Վարդանյանն իր հերթին նշեց, որ հանրապետությունում Շեքսպիրյան փառատոնի անցկացումը երկրի մշակութային կյանքի լուրջ իրադարձություն է։
 
«Այդ միջոցառումը նոր գաղափարների և ստեղծագործական ծրագրերի հարթակ է, և պատահական չի կրում մեծ Շեքսպիրի անունը»,– նշեց փոխնախարարը։

Նա ավելացրեց նաև, որ նախորդ տարի Հայաստանում վերահրատարակվել է շեքսպիրյան «Համլետը» հայերեն լեզվով։ «Բացի այդ, մենք ծրագրում ենք հրատարակել շեքսպիրյան ստեղծագործությունների ժողովածու հայերեն լեզվով»,– ասաց Տեր–Վարդանյանը։

Փառատոնի շրջանակում կներկայացվեն մի շարք բեմադրություններ։ Մասնավորապես, մարտի 20–ին Ղափլանյանի անվան Երևանի դրամատիկական թատրոնի բեմում կցուցադրվի «Հուլիոս Կեսարը», մարտի 21–ին Գ.Սունդուկյանի անվան Ազգային ակադեմիական թատրոնում կբեմադրվի «Ջոն արքան», իսկ մարտի 22–ին  Հ. Աբելյանի անվան Վանաձորի դրամատիկական թատրոնում կկայանա «Լիր արքան»` Վահե Շահվերդյանի բեմադրությամբ։

Բացի այդ, մարտի 20–ին Ե.Չարենցի անվան գրականության և արվեստի թանգարանում կանցնի միջազգային համաժողով Շեքսպիրյան փառատոների եվրոպական ցանցի տնօրենների մասնակցությամբ, և կբացվի «Շեքսպիրը հայկական թատրոնում» ցուցահանդես։

2013 թվականին անցկացված Վ.Փափազյանի անվան Շեքսպիրյան իններորդ միջազգային թատերական փառատոնը նվիրված էր աշխարհահռչակ շեքսպիրագետ, Անջեյ Ժուրովսկի փառատոնի համահիմնադրի հիշատակին։ Փառատոնն անցկացվում է Հայաստանի մշակույթի նախարարության, Երևանի քաղաքապետարանի և Հայաստանի թատերական գործիչների օժանդակությամբ։

Շեքսպիրյան միջազգային թատերական փառատոնն անցնում է Հայաստանում 2003 թվականից։ -0

Loading...
Թեմատիկ նյութեր
Բաժնի այլ նյութեր
11:31
27 Հուլիսի 2017
Բոլիվուդի կինեմատոգրաֆիստներն առաջին անգամ ֆիլմ են նկարահանում Հայաստանում
Հնդկաստանից ժամանած մի խումբ կինեմատոգրաֆիստներ Հայաստանում նկարահանում են լիամետրաժ ֆիլմ:
13:35
26 Հուլիսի 2017
Հայտնի է «Եվրատեսիլ 2018»–ի անցկացման վայրը
Հայտնի է, թե որ քաղաքում կանցկացվի «Եվրատեսիլ 2018» մրցույթը։
12:50
23 Հուլիսի 2017
‹‹Ծիրանի ծառ›› երգը՝ Արամ MP3-ի նորովի մեկնաբանությամբ (ՎԻԴԵՈ)
Համացանցում է հայտնվել Արամ MP3-ի նորովի մեկնաբանությամբ ‹‹Ծիրանի ծառ›› ժողովրդական երգը:
12:59
19 Հուլիսի 2017
Ռեժիսոր Անդրեյ Կոնչալովսկին «Օսկարը» համեմատել է McDonald's–ի հետ
Ռեժիսոր Անդրեյ Կոնչալովսկին «Օսկարը» համեմատել  է McDonald's–ի հետ և առաջարկել է դրա դեմ պատժամիջոցներ ներդնել ՌԴ–ի կողմից։
19:33
18 Հուլիսի 2017
«Մանկական Եվրատեսիլ-2017»-ին Հայաստանը կներկայացնի Միշան. (ՎԻԴԵՈ)
Միշան «Արցախի ձայներ» խմբի սան է, ով իր «Փոքրիկ Ղարաբաղցի» երգով հասցրել է գրավել մարդկանց սրտերը:
16:46
18 Հուլիսի 2017
15–րդ դարի Հրաշափառ Ավետարանը համալրել է Մատենադարանի հավաքածուն (ՖՈՏՈ)
Ձեռագրի հրաշագործ հատկությունների մասին գիտեին շրջանի բոլոր բնակիչները, այդ թվում` հարևան գյուղում ապրած իր նախնիները։
11:00
16 Հուլիսի 2017
Հայտնի են «Ոսկե ծիրան 2017» կինոփառատոնի հաղթողները (ՖՈՏՈ)
«Ոսկե» և «արծաթե» ծիրանների, ինչպես նաև «Ոսկե ծիրան» XIV միջազգային կինոփառատոնի այլ պատվավոր մրցանակների հանձնման հանդիսավոր արարողությունը տեղի է ունեցել շաբաթ օրը Երևանում։
11:25
15 Հուլիսի 2017
Հայաստանը ներկայացնող Էրիկը` միջազգային երաժշտական մրցույթի մրցանակակիր (ՎԻԴԵՈ)
Հայաստանցի 12-ամյա Էրիկ Մկրտչյանը մասնակցել է «Վիտեբսկ 2017» միջազգային մանկական երաժշտական մրցույթին:
11:19
14 Հուլիսի 2017
«Ոսկե ծիրանը»` բարձր ճաշակի և մարդասիրության գաղափարների կրող
Նախօրեին Հայաստանի նախագահը հանդիպել է «Ոսկե ծիրան» 14–րդ միջազգային կինոփառատոնի պատվավոր հյուրերի հետ։  
16:26
13 Հուլիսի 2017
Երևանի և նրա հանճարեղ երաժիշտների մասին բացառիկ ֆիլմի պրեմիերա` մայրաքաղաքում
Տատյանա Դանիլյանցի վավերագրական-երաժշտական ֆիլմի հայաստանյան պրեմիերան տեղի կունենա հուլիսի 14-ին:
18:58
11 Հուլիսի 2017
Հայաստանը միջազգային մակարդակի ռոք–փառատոն է կազմակերպում
Epic Air Rock Fest 2017–ը կդառնա ռոք–երաժշտության ամենամյա փառատոն, որին կմասնակցեն տարբեր երկրների հայտնի երաժիշտներ։
13:23
10 Հուլիսի 2017
Կինեմատոգրաֆի տոն. Երևանում մեկնարկեց «Ոսկե ծիրան» կինոփառատոնը (ՖՈՏՈ)
Երևանում կիրակի տեղի ունեցավ «Ոսկե ծիրան»  Երևանի 14-րդ միջազգային կինոփառատոնի բացման արարողությունը։