483.06
+0.19
562.04
+0.46
8.3
-0.05
+11
Եղանակը Երևանում
Հայ
Պատրիսիա Կաասը տպավորված է հայ հանդիսատեսի ջերմ ընդունելությամբ և խոստանում է առաջիկայում վերադառնալ
22:58
10 Մարտի 2014

ԵՐԵՎԱՆ, 10 մարտի. /Նովոստի–Արմենիա/. Աշխարհահռչակ ֆրանսիացի երգչուհի Պատրիսիա Կաասը, ով նախօրեին Երևանում հանդես է եկել «Կաասը երգում է Պիաֆ» ծրագրով, երկուշաբթի լրագրողներին ասել է, որ տպավորված է հայ հանդիսատեսի ջերմ ընդունելությամբ, նա ցանկություն է հայտնել առաջիկայում կրկին վերադառնալ Հայաստան։

«Ես շատ վաղուց էի ցանկանում այցելել Հայաստան և երգել այստեղ։ Երջանիկ եմ, որ վերջապես դա տեղի ունեցավ, ուրախ եմ, որ ելույթ ունեցա հենց այս ծրագրով` ֆրանսիական շանսոնի լեգենդ Էդիտ Պիաֆի երգերով։ Երբ երկիր ես այցելում, երբեք չգիտես, թե ինչպես կընդունի քեզ հանդիսատեսը։ Սակայն այս մեծ դահլիճը ջերմ ընդունելություն ցուցաբերեց, իմ բոլոր սպասումներն արդարացան։ Հուսով եմ, որ կարճ ժամանակ անց կվերադառնամ», – ասել է Կաասը։

Պատրիցիա Կասի այցը և համերգը հնարավոր դարձան Երեւանյան հեռանկարներ փառատոնի, ՀՀ ԱԳ եւ մշակույթի նախարարությունների, ՀՀ-ում Ֆրանսիայի դեսպանատան, Երեւանի Կոնյակի գործարանի շնորհիվ:

Երգչուհին նշել է, որ «Կաասը երգում է Պիաֆ» համերգային շրջագայությունը տևում է արդեն մեկ տարի, սակայն միայն Հայաստանում է նա որոշել ծրագրում ներառել նաև սեփական երգացանկի երգերը։

«Այս ծրագիրը հարգանքի տուրք է լեգենդին։ Այն նվիրված էր Պիաֆի մահվան 50–ամյա տարելիցին» Այս ծրագիրն իմ անձնական վերաբերմունքն է այդ երգչուհու, նրա ստեղծագործության նկատմամբ։ Ես Պիաֆի երգացանկից ընտրել եմ հենց այն երգերը, որոնք լավագույն կերպով են ներկայացնում նրա կյանքի էմոցիոնալ կողմը», – ասել է նա։

Կաասն ընդգծել է, որ իր խնդիրը Պիաֆին կրկնօրինակելը չէր, նա միայն ցանկանում էր ներկայացնել մի կնոջ պատմությունը այլ կնոջ շուրթերի միջոցով։

«Ես չեմ կրկնօրինակել, ես զգացել եմ։ Երկար եմ պատրաստվել այս ծրագրին, դիտել եմ նրա բոլոր հարցազրույցները, որպեսզի հասկանամ նրան, կարողանամ Պիաֆի նման ուրախանալ և տխրել։ Ես երգել եմ սրտով, փորձել եմ զգալ նրա կյանքն ու պատկերացնել նրա ապրումները», – ասել է նա։

Երգչուհին նաև պատմել  է իր փորձի մասին որպես դրամատիկ դերասանուհի Կլոդ Լելուշի «Իսկ այժմ.....տիկնայք և պարոնայք» (And now... Ladies and Gentlemen, 2002), Տիերի Բենիստի «Սպանվածը» ֆիլմերում։

«Ես դերասանուհի չեմ, չեմ տիրապետում պրոֆեսիոնալ կինոդերասանների բոլոր նրբություններին, սակայն իմ աշխատանքները կինոյում մեծ մասամբ օգնեցին ինձ ավելի լավ զգալ Պիաֆի երգացանկը», – նշել է նա։

Խոսելով իր հետագա ծրագրեր մասին` նա խոստովանել է, որ երբեք չգիտի, թե ինչով է զբաղվելու հետագայում։

«Ես այսօրվա օրով ապրող մարդ եմ։ Ինչ կլինի հետագայում, կախված է նրանց, թե ինչ կզգամ այդ ժամանակ։ Մայիսին, երբ ավարտվի «Կաասը երգում է Պիաֆ» համերգային շրջագայությունը, ես արձակուրդ կվերցնեմ, իսկ հետո կորոշեմ` ինչ անել։ Ամենայն հավանականությամբ, կաշխատեմ Stromae–ի հետ (հայտնի բելգիացի ռեփեր, «Նովոստի–Արմենիա»), որով ես հիմա շատ հետաքրքրված եմ», – ասել է նա։

Երգչուհին նաև պատմել է լրագրողներին, որ սիրում է պարել և միշտ շատ է անհանգստանում բեմ դուրս գալուց առաջ։ «Թվում է, թե այսքան տարիներ անց ես արդեն չպետք է անհանգստանամ, սակայն ես շատ եմ անհանգստանում։ Դա պատասխանատվություն է», – նշել է նա։

Երևանում կայացած Պատրիսիա Կաասի համերգը նշանավորեց Հայաստանում Ֆրանկոֆոնիայի սեզոնի մեկնարկը, որը կտևի երկու ամիս, որոնց ընթացքում կանցկացվի շուրջ 400 մշակութային և կրթական միջոցառում։

ՀՀ արտաքին գործերի նախարարության հովանու ներքո Հայաստանում Ֆրանսիայի դեսպանության, ARARAT կոնյակների աջակցությամբ «Երևանյան հեռանկարներ» միջազգային երաժշտական փառատոնի կողմից կազմակերպված հանրահայտ ֆրանսիացի երգչուհի Պատրիսիա Կաասի համերգը Ֆրանկոֆոնիայի երկամսյակի մեկնարկի գալա համերգն էր:

Հայաստանը 2009 թվականից ակտիվորեն մասնակցում է Ֆրանկոֆոնիայի միջազգային կազմակերպության կազմակերպած միջոցառումներին։ Կինշասում 2012 թվականին անցկացված գագաթնաժողովի ընթացքում Հայաստանը դարձել է Ֆրանկոֆոնիայի կազմակերպության լիիրավ անդամ։

2009-2012 թվականներին Հայաստանում Ֆրանկոֆոնիայի շրջանակում համերգներով հանդես են եկել Գարուն և Լարա Ֆաբիանը, անցկացվել են գրական և թատերական միջոցառումներ։ -0-

Loading...
Թեմատիկ նյութեր
Բաժնի այլ նյութեր
01:10
28 Հոկտեմբերի 2017
Դերասան Ալեքսանդր Խաչատրյանը ճանաչվել է լավագույնը Scandinavian International Film Festival–ում (ՖՈՏՈ)
Ալեքսանդր Խաչատրյանը, ով նկարահանվել է Ջիվան Ավետիսյանի «Վերջին բնակիչը» ֆիլմում, ճանաչվել է լավագույն դերասանը:
21:56
27 Հոկտեմբերի 2017
«Դեպի Եվրատեսիլ»-ի նոր եթերաշրջանը՝ Հանրայինի եթերում. հայտերի ընդունման մեկնարկը տրված է
Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը:
20:58
27 Հոկտեմբերի 2017
Հայոց ցեղասպանության մասին Ջո Բերլինգերի ֆիլմը հաղթել է Լոս Անջելեսի կինոփառատոնում (ՎԻԴԵՈ)
«Ոչնչացնելու մտադրություն» ֆիլմը պատմում է Օսմանյան կայսրությունում 102 տարի առաջ տեղի ունեցած դեպքերի մասին։
02:48
27 Հոկտեմբերի 2017
Գրեմմիի կրկնակի մրցանակակիրը հետաձգել է համերգային շրջագայությունը Yerevan Jazz Fest 2017–ի համար
Միլերը հետաձգել է իր համերգային շրջագայությունը, որպեսզի մասնակցի Yerevan Jazz Fest 2017 փառատոնին։
19:00
22 Հոկտեմբերի 2017
Դիանա Շալժիյանը ռուսական «Գոլոս» նախագծում գերել է Ագուտնին և անցել հաջորդ փուլ (ՎԻԴԵՈ)
Ռուսաստանի Առաջին ալիքով հեռարձակվող «Գոլոս» շոուի  6-րդ եթերաշրջանի «Մենամարտեր» փուլում Դիանա Շալժիյանը գերել է Լեոնիդ Ագուտինին, ով որոշել է թողնել Դիանային նախագծում։
23:49
20 Հոկտեմբերի 2017
Սերժ Թանկյանը ցնցված է հայ երաժիշտների կողմից նրա հեղինակած «Օրկա» սիմֆոնիայի կատարմամբ (ՖՈՏՈ, ՎԻԴԵՈ)
Չորս մասից բաղկացած մեծակտավ երաժշտական այս գործում Թանկյանը մտորում է մարդասիրության մասին։
18:37
20 Հոկտեմբերի 2017
Հայտնի ջազմեն Գարի Քյոսայանը հանդես կգա յուրօրինակ համերգով
Տեղի կունենա կոմպոզիտոր, ջազային դաշնակահար և երգեհոնահար Գարի Քյոսայանի հոբելյանական համերգը
05:00
18 Հոկտեմբերի 2017
Հայ արտիստները մրցանակների են արժանացել «Звезда Крыма» միջազգային մրցույթ-փառատոնում
Ղրիմում անցկացվել է «Звезда Крыма» միջազգային մրցույթ-փառատոնը, որին մեծ հաջողությամբ մասնակցել են նաև հայ արտիստները:
23:31
16 Հոկտեմբերի 2017
Հայկական ֆիլմը հավակնում է «Օսկարի»
Ֆիլմը ներառվել է «Լավագույն օտարալեզու ֆիլմ» անվանակարգում։
21:38
15 Հոկտեմբերի 2017
Տաղանդավոր Միշել Մստոյանը «Ձայն»-ի թիմերից մեկը (ՎԻԴԵՈ)
Հայազգի Միշել Մստոյանը ելույթ է ունեցել ռուսական առաջին ալիքով հեռարձակվող «Ձայն» վոկալի շոուի 6-րդ եթերաշրջանի կույր լսումներում:
18:30
14 Հոկտեմբերի 2017
Արամ MP3–ը պարային հիթ է ներկայացրել (ՎԻԴԵՈ)
Արամ MP3–ը ներկայացրել է «Սկսում ենք» պարային հիթը։
05:05
14 Հոկտեմբերի 2017
Հայ երգչի հիանալի ձայնը ստիպել է Գրադսկուն անմիջապես շրջվել «Ձայնը» շոուի ժամանակ (ՎՒԴԵՈ)
Հայ երգիչ Զաալի Սարգսյանի հիանալի ձայնը ստիպել է «Ձայնը» շոուի ժյուրիի անդամ Ալեքսանդր Գրադսկուն անմիջապես շրջվել «կույր» լսումների ժամանակ։