487.29
-0.01
568.08
+2.76
8.23
+0.01
+12
Եղանակը Երևանում
Հայ
Հայաստանում անցկացվող բրիտանական ֆիլմերի 12–րդ փառատոնը նվիրված կլինի հաշմանդամների սոցիալական ինտեգրման խնդրին
15:10
20 Փետրվարի 2014

ԵՐԵՎԱՆ, 20 փետրվարի. /Նովոստի–Արմենիա/. Հայաստանում փետրվարի 22–ից մարտի 16–ն անցկացվող բրիտանական ֆիլմերի 12–րդ փառատոնը նվիրված կլինի սահմանափակ ֆիզիկական հնարավորություններ ունեցող մարդկանց ակտուալ ներառական և հաղորդակցության խնդիրներին, տեղեկացրեց Հայաստանի Բրիտանական խորհրդի գրասենյակի տնօրեն Արևիկ Սարիբեկյանը։

Փառատոնի շրջանակում, որը կազմակերպվել է Հայաստանում Բրիտանական խորհրդի կողմից Մեծ Բրիտանիայի դեսպանատան, ՅՈՒՆԻՍԵՖ—ի  և «ԱրմենՏել» ՓԲԸ–ի (ապրանքանիշը` Beeline) աջակցությամբ, նախատեսվում է ցուցադրել վերջին տարիներին բրիտանացի կինեմատոգրաֆիստների ստեղծած ինը ֆիլմ։

Փառատոնը կմեկնարկի փետրվարի 22–ին «Մոսկվա» կինոթատրոնում «Ամառը փետրվարին» ֆիլմի ցուցադրությամբ, որը ստեղծվել է Ջոնաթան Սմիթի վեպի հիման վրա։ Ֆիլմերը կցուցադրվեն անգլերեն տարբերակով և հայերեն ենթագրերով Երևանի «Մոսկվա» և «Նաիրի» կինոթատրոններում։ Միայն մեկ օր` փետրվարի 28–ին, «Սինեմա Սթար» կինոթատրոնում կցուցադրվի մեկ ֆիլմ։ Բոլոր ցուցադրությունների մուտքն ազատ է։

«Բրիտանական ֆիլմերի փառատոնը լավ հնարավորություն է ներկայացնել հայ հանդիսատեսին լավագույն բրիտանական կինոպրեմիերաներն ու կապ հաստատել հայ և բրիտանացի կինոարտադրողների միջև։ Բացի այդ, փառատոնի թեման այս տարի թույլ է տալիս բարձրացնել հասարակությանը հուզող որոշ հարցեր», – հինգշաբթի ասուլիսի ընթացքում ասաց Սարիբեկյանը։

Բրիտանական խորհրդի հայկական գրասենյակի տնօրենը նշեց, որ սահմանափակ հնարավորություններով մարդկանց սոցիալական ինտեգրման խնդիրը միշտ նրանց ուշադրության կենտրոնում է։

Նա նաև տեղեկացրեց, որ Հայաստանում փառատոնի նկատմամբ մեծ հետաքրքրության կապակցությամբ բրիտանական ֆիլմերը կցուցադրվեն նաև մարզերում։ Գավառում, Գորիսում և Գյումրիում ֆիլմերը կցուցադրվեն մարտի 7–16–ը։

«ԱրմենՏել» ՓԲԸ–ի գլխավոր տնօրեն Անդրեյ Պյատախինն իր հերթին ընդգծեց, որ սահմանափակ ֆիզիկական հնարավորություններով մարդկանց ինտեգրման խնդիրը ընկերության սոցիալական քաղաքականության բաղկացուցիչ մասն է։

«Այս տարի աջակցելով բրիտանական ֆիլմերի փառատոնին` մենք փորձում ենք ուշադրություն գրավել հատուկ պահանջներ ունեցող մարդկանց ինտեգրման հարցին, մասնավորապես` շփման ժամանակ դժվարություններին։ Ավելին, առաջիկա փառատոնն ակտուալ է ոչ միայն իր սոցիալական բաղկացուցիչով, այն նաև հնարավորություն է ընձեռում բացահայտել տաղանդավոր երիտասարդների, ովքեր ազդակ կհաղորդեն հայկական կինոարվեստին», – ասաց «ԱրմենՏել» ՓԲԸ–ի գլխավոր տնօրենը։

Փառատոնի շրջանակում լավագույն գրախոսության ավանդական մրցույթ կանցկացվի, որի հաղթողին կհանձնվի iPad Air պլանշետ։ Կինոդիտումների ժամանակացույցին և ֆիլմացանկին կարելի է ծանոթանալ հետևյալ հղումով։ –0–

Loading...
Թեմատիկ նյութեր
Բաժնի այլ նյութեր
19:57
08 Նոյեմբերի 2017
Կոմիտաս և ջազ, «Հովեր» կամ Հայաստանի մշակութային օրեր Ռուսաստանում
Սանկտ Պետերբուրգում կկայանան հայ երաժշտական կոլեկտիվների համերգներ:
15:16
08 Նոյեմբերի 2017
Լույս է տեսել Նարինե Աբգարյանի «Մանյունյա» գրքի հայերեն թարգմանությունը
«Մանյույան» հասցեագրված է չափահաս մանուկներին և պատմում է այն հերոսական մարդկանց մասին, որոնք ինչ-որ կերպ հաջողացրել են մեծանալ առանց Wi-Fi–ի ու համակարգչային խաղերի։
13:37
03 Նոյեմբերի 2017
Արամ MP3-ը և Սևակ Խանաղյանը` մեկ բեմում
Երևանում տեղի կունենա Արամ MP3-ի  և Սևակ Խանաղյանի համերգը։
17:10
27 Հոկտեմբերի 2017
Դերասան Ալեքսանդր Խաչատրյանը ճանաչվել է լավագույնը Scandinavian International Film Festival–ում (ՖՈՏՈ)
Ալեքսանդր Խաչատրյանը, ով նկարահանվել է Ջիվան Ավետիսյանի «Վերջին բնակիչը» ֆիլմում, ճանաչվել է լավագույն դերասանը:
13:56
27 Հոկտեմբերի 2017
«Դեպի Եվրատեսիլ»-ի նոր եթերաշրջանը՝ Հանրայինի եթերում. հայտերի ընդունման մեկնարկը տրված է
Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը:
12:58
27 Հոկտեմբերի 2017
Հայոց ցեղասպանության մասին Ջո Բերլինգերի ֆիլմը հաղթել է Լոս Անջելեսի կինոփառատոնում (ՎԻԴԵՈ)
«Ոչնչացնելու մտադրություն» ֆիլմը պատմում է Օսմանյան կայսրությունում 102 տարի առաջ տեղի ունեցած դեպքերի մասին։
18:48
26 Հոկտեմբերի 2017
Գրեմմիի կրկնակի մրցանակակիրը հետաձգել է համերգային շրջագայությունը Yerevan Jazz Fest 2017–ի համար
Միլերը հետաձգել է իր համերգային շրջագայությունը, որպեսզի մասնակցի Yerevan Jazz Fest 2017 փառատոնին։
11:00
22 Հոկտեմբերի 2017
Դիանա Շալժիյանը ռուսական «Գոլոս» նախագծում գերել է Ագուտնին և անցել հաջորդ փուլ (ՎԻԴԵՈ)
Ռուսաստանի Առաջին ալիքով հեռարձակվող «Գոլոս» շոուի  6-րդ եթերաշրջանի «Մենամարտեր» փուլում Դիանա Շալժիյանը գերել է Լեոնիդ Ագուտինին, ով որոշել է թողնել Դիանային նախագծում։
15:49
20 Հոկտեմբերի 2017
Սերժ Թանկյանը ցնցված է հայ երաժիշտների կողմից նրա հեղինակած «Օրկա» սիմֆոնիայի կատարմամբ (ՖՈՏՈ, ՎԻԴԵՈ)
Չորս մասից բաղկացած մեծակտավ երաժշտական այս գործում Թանկյանը մտորում է մարդասիրության մասին։
10:37
20 Հոկտեմբերի 2017
Հայտնի ջազմեն Գարի Քյոսայանը հանդես կգա յուրօրինակ համերգով
Տեղի կունենա կոմպոզիտոր, ջազային դաշնակահար և երգեհոնահար Գարի Քյոսայանի հոբելյանական համերգը
21:00
17 Հոկտեմբերի 2017
Հայ արտիստները մրցանակների են արժանացել «Звезда Крыма» միջազգային մրցույթ-փառատոնում
Ղրիմում անցկացվել է «Звезда Крыма» միջազգային մրցույթ-փառատոնը, որին մեծ հաջողությամբ մասնակցել են նաև հայ արտիստները:
15:31
16 Հոկտեմբերի 2017
Հայկական ֆիլմը հավակնում է «Օսկարի»
Ֆիլմը ներառվել է «Լավագույն օտարալեզու ֆիլմ» անվանակարգում։