486.22
+0.48
563.77
+1.96
8.2
-0.07
+11
Եղանակը Երևանում
Հայ
Դուդակահար Ջիվան Գասպարյան կրտսերը ներկայացրեց իր «Արմատներ» ձայնասկավառակը
19:13
10 Փետրվարի 2014

ԵՐԵՎԱՆ, 10 փետրվարի. /Նովոստի–Արմենիա/. Հանրահռչակ դուդուկահար Ջիվան Գասպարյանի թոռը` դուդուկահար Ջիվան Գասպարյան կրտսերը շաբաթ օրը երևանյան ակումբներից մեկում ներկայացրեց իր «Արմատներ» ձայնասկավառակը։

«Ալբոմի ձայնագրման ընթացքում, բացի դուդուկից, որևէ այլ գործիք չի օգտագործվել, դա է առանձնահատկությունը»,– ասաց երաժիշտը «Նովոստի–Արմենիա» գործակալությանը։

Միաժամանակ նա նշեց, որ ալբոմում հնչում են դուդուկի քառաձայն, հնգաձայն կատարումներ։ «Իսկ ստեղծագործություններից մեկը մենք ձայնագրել ենք միանգամից տասը դուդուկով։ Դա դուդուկների ինքնատիպ նվագախումբ էր, և շատ հզոր ստեղծագործություն ստացվեց»,– ասաց նա։

«Արմատներ» անվանումը պատահական չէ ընտրվել, քանի որ Գասպարյանն այստեղ դիմել է հայկական մշակույթի արմատներին` ազգային երաժշտությանը, Կոմիտասի ու Սայաթ Նովայի ստեղծագործություններին։

«Իմպրովիզացիաներ էլ կան, որոնք թույլ են տալիս երևան բերել դուդուկի քնարականությունն ու տեխնիկան, գործիքի բոլոր հնարավորությունները»,– ասաց նա` ավելացնելով, որ գործիքավորման աշխատանքին մասնակցել է նաև պապը` Ջիվան Գասպարյանը։

Երաժիշտը նշեց, որ ալբոմը ստեղծվել է մոտ մեկ տարում, քանի որ ձայնագրությունների արանքում մեկնել է հյուրախաղերի, որոնցից ամենավերջինը եղել է Ռուսաստանի քաղաքներում ունեցած շրջագայությունը։ Ալբոմը նվիրված է երաժշտի հորը։

Ջիվան Գասպարյան կրտսերը ծնվել է 1982թ.–ի հոկտեմբերի 23-ին Երևանում: Դուդուկահար Ջիվան Գասպարյանի թոռն է: Մանուկ հասակից հաճախել է դաշնամուրի և վոկալի դպրոց: Միևնույն ժամանակ դուդուկ է սովորել պապի մոտ: Փոքր հասակում տեղափոխվել է Լոս Անջելես: Ավելի ուշ միացել է «Վիզա» բենդին: 2001թ.–ին հյուրախաղերով եղել են ԱՄՆ-ում, Եվրոպայում, Կանադայում: Մի քանի տարի անց հանդես է եկել պապի հետ մի շարք երկրներում: 2009թ.–ին Աբու Դաբիում  մասնակցել է «Womad» փառատոնին: Կատարել է դուետներ «Գլադիատոր» ֆիլմում ավագ Գասպարյանի հետ: 2008թ.–ին Լոնդոնում մասնակցել է Նելսոն Մանդելայի 90-ամյակի տոնակատարությանը: 2009թ. Լոնդոնի ֆիլհարմոնիկ նվագախմբի հետ հանդես է եկել համերգով, որտեղ արժանացել է արքայազն Չարլզի ուշադրությանը:

2008թ.–ին մասնակցել է պապիկի 80-ամյակին նվիրված տոնակատարությանը, կատարել է դուդուկի տրիո: Կատարումներ է ունեցել Զուկերոյի, Անդրեաս Վոլենվայդերի, Բորիս Գրեբենշիկովի, Ալան Փերսոնս Փրոջեքթի, Պլանետ Իքսի, Միշել Բրուքի և այլ հայտնի երաժիշտների հետ: 2011թ. մասնակցել է միջազգային փառատոնի, որին մասնակցում էին ավելի քան 300 մասնակիցներ 51 տարբեր երկրներից, նրա կատարումը արժանացել է ՅՈՒՆԵՍԿՕ-ի մրցանակին: 2011թ.–ին կայացած դուդուկի փառատոնում արժանացել է 1-ին մրցանակի և ոսկե մեդալի:-0-

Loading...
Թեմատիկ նյութեր
Բաժնի այլ նյութեր
19:57
08 Նոյեմբերի 2017
Կոմիտաս և ջազ, «Հովեր» կամ Հայաստանի մշակութային օրեր Ռուսաստանում
Սանկտ Պետերբուրգում կկայանան հայ երաժշտական կոլեկտիվների համերգներ:
15:16
08 Նոյեմբերի 2017
Լույս է տեսել Նարինե Աբգարյանի «Մանյունյա» գրքի հայերեն թարգմանությունը
«Մանյույան» հասցեագրված է չափահաս մանուկներին և պատմում է այն հերոսական մարդկանց մասին, որոնք ինչ-որ կերպ հաջողացրել են մեծանալ առանց Wi-Fi–ի ու համակարգչային խաղերի։
13:37
03 Նոյեմբերի 2017
Արամ MP3-ը և Սևակ Խանաղյանը` մեկ բեմում
Երևանում տեղի կունենա Արամ MP3-ի  և Սևակ Խանաղյանի համերգը։
17:10
27 Հոկտեմբերի 2017
Դերասան Ալեքսանդր Խաչատրյանը ճանաչվել է լավագույնը Scandinavian International Film Festival–ում (ՖՈՏՈ)
Ալեքսանդր Խաչատրյանը, ով նկարահանվել է Ջիվան Ավետիսյանի «Վերջին բնակիչը» ֆիլմում, ճանաչվել է լավագույն դերասանը:
13:56
27 Հոկտեմբերի 2017
«Դեպի Եվրատեսիլ»-ի նոր եթերաշրջանը՝ Հանրայինի եթերում. հայտերի ընդունման մեկնարկը տրված է
Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը:
12:58
27 Հոկտեմբերի 2017
Հայոց ցեղասպանության մասին Ջո Բերլինգերի ֆիլմը հաղթել է Լոս Անջելեսի կինոփառատոնում (ՎԻԴԵՈ)
«Ոչնչացնելու մտադրություն» ֆիլմը պատմում է Օսմանյան կայսրությունում 102 տարի առաջ տեղի ունեցած դեպքերի մասին։
18:48
26 Հոկտեմբերի 2017
Գրեմմիի կրկնակի մրցանակակիրը հետաձգել է համերգային շրջագայությունը Yerevan Jazz Fest 2017–ի համար
Միլերը հետաձգել է իր համերգային շրջագայությունը, որպեսզի մասնակցի Yerevan Jazz Fest 2017 փառատոնին։
11:00
22 Հոկտեմբերի 2017
Դիանա Շալժիյանը ռուսական «Գոլոս» նախագծում գերել է Ագուտնին և անցել հաջորդ փուլ (ՎԻԴԵՈ)
Ռուսաստանի Առաջին ալիքով հեռարձակվող «Գոլոս» շոուի  6-րդ եթերաշրջանի «Մենամարտեր» փուլում Դիանա Շալժիյանը գերել է Լեոնիդ Ագուտինին, ով որոշել է թողնել Դիանային նախագծում։
15:49
20 Հոկտեմբերի 2017
Սերժ Թանկյանը ցնցված է հայ երաժիշտների կողմից նրա հեղինակած «Օրկա» սիմֆոնիայի կատարմամբ (ՖՈՏՈ, ՎԻԴԵՈ)
Չորս մասից բաղկացած մեծակտավ երաժշտական այս գործում Թանկյանը մտորում է մարդասիրության մասին։
10:37
20 Հոկտեմբերի 2017
Հայտնի ջազմեն Գարի Քյոսայանը հանդես կգա յուրօրինակ համերգով
Տեղի կունենա կոմպոզիտոր, ջազային դաշնակահար և երգեհոնահար Գարի Քյոսայանի հոբելյանական համերգը
21:00
17 Հոկտեմբերի 2017
Հայ արտիստները մրցանակների են արժանացել «Звезда Крыма» միջազգային մրցույթ-փառատոնում
Ղրիմում անցկացվել է «Звезда Крыма» միջազգային մրցույթ-փառատոնը, որին մեծ հաջողությամբ մասնակցել են նաև հայ արտիստները:
15:31
16 Հոկտեմբերի 2017
Հայկական ֆիլմը հավակնում է «Օսկարի»
Ֆիլմը ներառվել է «Լավագույն օտարալեզու ֆիլմ» անվանակարգում։