478.73
-0.03
561.07
+4.18
8.06
+0.07
+27
Եղանակը Երևանում
Հայ
Շառլ Ազնավուրը ելույթ կունենա Կրեմլում Aznavour Toujours նոր ալբոմով
10:58
12 Դեկտեմբերի 2011

ԵՐԵՎԱՆ, 12 դեկտեմբերի. /Նովոստի-Արմենիա/. Աշխարհահռչակ շանսոնյե Շառլ Ազնավուրը երկուշաբթի ելույթ կունենա Մոսկվայի Կրեմլի պետական պալատի բեմում իր նոր՝ Aznavour Toujours («Ազնավուրն ընդմիշտ») ալբոմի ներկայացման նպատակով կազմակերպված համաշխարհային հյուրախաղերի շրջանակներում:

Ինչպես նշել է Ազնավուրը «ՌԻԱ Նովոստիին» տված հարցազրույցում, չնայած, որ ինքը Եվրոպայում ներկայացնում է իր նոր երգերը, Մոսկվայում կհնչեն նաև բոլորի կողմից սիրված հիթերը, քանի որ երգիչը հասկանում է, թե ինչ են ցանկանում ունկնդրել ռուս երկրպագուները, որոնց հետ նա չափազանց հազվադեպ է հանդիպում:

Ազնավուրը վերջին անգամ Կրեմլի բեմում ելույթ է ունեցել 2007 թ.-ին, այդ ժամանակ նա նշում էր, որ դա իր հրաժեշտի հյուրախաղերն են, սակայն այժմ 87-ամյա շանսոնյեն խոստովանել է, որ ամուր կանգնած է ոտքերի վրա:

«Ռուս հանդիսատեսը նման է ամերիկացի հանդիսատեսին, նա սիրում է բացահայտել նորը, ձգտում է անհայտին: Ֆրանսիացիներին շատ ժամանակ պահանջվեց չգովազդվող ներկայացումը դիտելու համար, այն դեպքում, երբ ռուս ժողովուրդը պատրաստ է ընդունել նրանց, ովքեր գալիս են այստեղ: Եվ զվարճալին այն էր, որ եթե նրանց դուր էր գալիս երգը, իսկ այն ժամանակ ձայնապնակ ձեռք բերելու հնարավորություն չկար, նրանք խնդրում էին ինձ ևս մեկ անգամ կատարել այն: Ես ներկայացնում էի 25 երգ, սակայն ամեն երեկո 50 երգ էի ներկայացնում, քանի որ որոշ երգեր երեք անգամ էի կատարում», - կիսել է հիշողությունները Ազնավուրը:

Նա նաև հիշել է հայտնի ռուս մաեստրո Մստիսլավ Ռոստրոպովիչի հետ ծանոթությունը, ով իր նման ХХ դարի առաջին կեսի հայրենական էստրադայի աստղ Ալեքսանդր Վերտինսկու երկրպագուն էր:

«Ւմ ծնողներն ունեին նրա ձայնապնակները: Մի օր երբ նստած էի Ռոստրոպովիչի հետ, ով ևս Վերտինսկու մեծ երկրպագուն էր, ես նրան նվիրեցի Վերտինսկու ալբոմը, նա շատ լավ ստեղծագործություններ ուներ», - նշում է շանսոնյեն:

Զրույցի վերջում Ազնավուրը նշեց, որ ժամանակակից հանդիսատեսը, տարածված կարծիքին ի հակառակ, չի փոխվել:

«Ոչ թե հանդիսատեսն է փոխվել, այլ փոխվել է այն, թե ինչպես են ԶԼՄ-ները ներկայացնում տեղի ունեցածը: Հաճախ մեզ ներկայացնում այնպիսի բաներ, որոնք չունեն ոչ նշանակություն, ոչ կարևորություն: Այսօր մենք հեռացել ենք երկրների մշակույթից և չափազանց շատ ենք կողմնորոշված դեպի ԱՄՆ-ն», - կարծում է շանսոնյեն:

Շառլ Ազնավուրը (իսկական անունն է Շահնուր Վաղինակ Ազնավուրյան (Shahnour Varenagh Aznavurjian)) ծնվել է 1924թ. մայիսի 22-ին՝ Փարիզում՝ Հայաստանից տեղափոխվածների ընտանիքում։

Ազնավուրն առաջին ֆրանսիացի կատարողն էր, որը Եվրոպայում պլատինե սկավառակ ստացավ:

1988թ. Սպիտակի ողբերգական երկրաշարժից հետո, որը հազարավոր կյանքեր խլեց, Շառլ Ազնավուրը հիմնեց «Ազնավուրը Հայաստանին» բարեգործական ասոցիացիան և տուժածներին օգնելու համար մի քանի ակցիաներ կազմակերպեց։

1995թ.-ից Ազնավուրը Հայաստանի դեսպանն է ՅՈՒՆԵՍԿՕ-ում,  իսկ 2009թ. մայիսի 6-ին նա նշանակվել է Շվեյցարիայում Հայաստանի արտակարգ և լիազոր դեսպան, ինչպես նաև ՄԱԿ-ում և միջազգային այլ կազմակերպություններում Հայաստանի մշտական ներկայացուցիչ:--0--

Loading...
Թեմատիկ նյութեր
Բաժնի այլ նյութեր
11:31
27 Հուլիսի 2017
Բոլիվուդի կինեմատոգրաֆիստներն առաջին անգամ ֆիլմ են նկարահանում Հայաստանում
Հնդկաստանից ժամանած մի խումբ կինեմատոգրաֆիստներ Հայաստանում նկարահանում են լիամետրաժ ֆիլմ:
13:35
26 Հուլիսի 2017
Հայտնի է «Եվրատեսիլ 2018»–ի անցկացման վայրը
Հայտնի է, թե որ քաղաքում կանցկացվի «Եվրատեսիլ 2018» մրցույթը։
12:50
23 Հուլիսի 2017
‹‹Ծիրանի ծառ›› երգը՝ Արամ MP3-ի նորովի մեկնաբանությամբ (ՎԻԴԵՈ)
Համացանցում է հայտնվել Արամ MP3-ի նորովի մեկնաբանությամբ ‹‹Ծիրանի ծառ›› ժողովրդական երգը:
12:59
19 Հուլիսի 2017
Ռեժիսոր Անդրեյ Կոնչալովսկին «Օսկարը» համեմատել է McDonald's–ի հետ
Ռեժիսոր Անդրեյ Կոնչալովսկին «Օսկարը» համեմատել  է McDonald's–ի հետ և առաջարկել է դրա դեմ պատժամիջոցներ ներդնել ՌԴ–ի կողմից։
19:33
18 Հուլիսի 2017
«Մանկական Եվրատեսիլ-2017»-ին Հայաստանը կներկայացնի Միշան. (ՎԻԴԵՈ)
Միշան «Արցախի ձայներ» խմբի սան է, ով իր «Փոքրիկ Ղարաբաղցի» երգով հասցրել է գրավել մարդկանց սրտերը:
16:46
18 Հուլիսի 2017
15–րդ դարի Հրաշափառ Ավետարանը համալրել է Մատենադարանի հավաքածուն (ՖՈՏՈ)
Ձեռագրի հրաշագործ հատկությունների մասին գիտեին շրջանի բոլոր բնակիչները, այդ թվում` հարևան գյուղում ապրած իր նախնիները։
11:00
16 Հուլիսի 2017
Հայտնի են «Ոսկե ծիրան 2017» կինոփառատոնի հաղթողները (ՖՈՏՈ)
«Ոսկե» և «արծաթե» ծիրանների, ինչպես նաև «Ոսկե ծիրան» XIV միջազգային կինոփառատոնի այլ պատվավոր մրցանակների հանձնման հանդիսավոր արարողությունը տեղի է ունեցել շաբաթ օրը Երևանում։
11:25
15 Հուլիսի 2017
Հայաստանը ներկայացնող Էրիկը` միջազգային երաժշտական մրցույթի մրցանակակիր (ՎԻԴԵՈ)
Հայաստանցի 12-ամյա Էրիկ Մկրտչյանը մասնակցել է «Վիտեբսկ 2017» միջազգային մանկական երաժշտական մրցույթին:
11:19
14 Հուլիսի 2017
«Ոսկե ծիրանը»` բարձր ճաշակի և մարդասիրության գաղափարների կրող
Նախօրեին Հայաստանի նախագահը հանդիպել է «Ոսկե ծիրան» 14–րդ միջազգային կինոփառատոնի պատվավոր հյուրերի հետ։  
16:26
13 Հուլիսի 2017
Երևանի և նրա հանճարեղ երաժիշտների մասին բացառիկ ֆիլմի պրեմիերա` մայրաքաղաքում
Տատյանա Դանիլյանցի վավերագրական-երաժշտական ֆիլմի հայաստանյան պրեմիերան տեղի կունենա հուլիսի 14-ին:
18:58
11 Հուլիսի 2017
Հայաստանը միջազգային մակարդակի ռոք–փառատոն է կազմակերպում
Epic Air Rock Fest 2017–ը կդառնա ռոք–երաժշտության ամենամյա փառատոն, որին կմասնակցեն տարբեր երկրների հայտնի երաժիշտներ։
13:23
10 Հուլիսի 2017
Կինեմատոգրաֆի տոն. Երևանում մեկնարկեց «Ոսկե ծիրան» կինոփառատոնը (ՖՈՏՈ)
Երևանում կիրակի տեղի ունեցավ «Ոսկե ծիրան»  Երևանի 14-րդ միջազգային կինոփառատոնի բացման արարողությունը։