483.99
+0.93
563.46
+1.42
8.32
+0.02
+2
Եղանակը Երևանում
Հայ
«Ժաննան և ձայները» հայկական ֆիլմը 2012թ.-ի հունվարին կներկայացվի Գյոթեբորգյան կինոփառատոնին
00:46
10 Նոյեմբերի 2011

Ռեժիսոր Միքայել Վաթինյանի «Ժաննան և ձայները» ֆիլմի սկանդինավյան պրեմիերան տեղի կունենա 2012թ.-ի հունվարի վերջին՝ հեղինակային կինոյի ոլորտում աշխարհի ամենահեղինակավոր Գյոթեբորգյան կինոփառատոնի (Göteborgs filmfestival) շրջանակներում, չորեքշաբթի լրագրողներին հայտնեց ֆիլմի գլխավոր դերակատար, դերասանուհի Արմինե Անդան:

«Բացի այդ, մենք բազմաթիվ հրավերներ ենք ստացել տարբեր հեղինակավոր փառատոներից: Ինչ վերաբերում է կինոնկարի երևանյան պրեմիերային, մենք դեռ մի քիչ էլ կսպասենք, քանի որ ուզում ենք պատշաճ մակարդակով պատրաստվել դրան»,- «Նովոստի» միջազգային մամուլի կենտրոնում ասաց Անդան:
«Ժաննան և ձայները» ֆիլմի համաշխարհային պրեմիերան կայացել է այս տարվա հոկտեմբերին Պուսանում անցկացվող միջազգային կինոփառատոնի՝ Busan International Film Festival-ի շրջանակներում: Պուսանի միջազգային կինոփառատոնի մասնակցության համար ներկայացված բոլոր կինոնախագծերից ընտրվել է հատկապես հայ ռեժիսորի ֆիլմը:

Ըստ դերասանուհու, ֆիլմի պրեմիերան, ինչպես նաև Պուսանի փառատոնի շրջանակներում հաջորդ ցուցադրումները, մեծ հետաքրքրություն են առաջացրել ինչպես երիտասարդ կորեացի կինոսիրահարների, այնպես էլ այլ միջազգային փառատոների ներկայացուցիչների մոտ:
«Ֆիլմի նկարահանումները սկսվել են 2009թ.-ին և շուրջ երկու ամիս են տևել, սակայն կինոնկարի նախագծի վրա տարված աշխատանքը սկսվել է դրանից ավելի վաղ և տարիներ է տևել: Ֆիլմարտադրությունն իրականացվել է ՀՀ ազգային կինոկենտրոնի, «Ոսկե ծիրան» կինոյի զարգացման հիմնադրամի և Գյոթեբորգյան կինոփառատոնի աջակցությամբ»,-ավելացրեց նա:

Սցենարի հեղինակ և կինոնկարի ռեժիսոր Միքայել Վաթինյանն իր հերթին պատմեց, որ ի սկզբանե ֆիլմի ստեղծման համար ազդակ է ծառայել Ժաննա Դ’Արկի պատմությունը:

Ֆիլմի հերոսուհին՝ նույն Ժաննան, ձայներ է լսում, բայց ոչ թե հրեշտակների, այլ մարդկային ձայներ, որոնք իրեն կանչում և խնդրում են օգնել մի անձնավորության: Ժաննան առանց տատանվելու գնում է այդ մարդուն փնտրելու: Նա շրջում է երկրով և ճանապարհին շատ մարդկանց է հանդիպում: Պատմությունը երջանիկ ավարտ է ունենում՝ Ժանան գտնում է նրան, ում փնտրում էր և փրկում նրան:
.
«Մենք ուզում էին այնպիսի հերոսուհու ընտրել, ով բոլոր կապերը չի խզել արտաքին աշխարհի և այլ մարդկանց հետ, ով չի տառապում կլաուստրաֆոբիայով և բացահայտ հետևում է իր նպատակներին»,- ասաց Վաթինյանը:
Ինչպես ասաց «Ոսկե ծիրան» միջազգային կինոփառատոնի տնօրեն, կինոռեժիսոր Հարություն Խաչատրյանը, «Ժաննան և ձայները» ֆիլմը համատեղ կինոարտադրության լավագույն նմուշ է և պետք է երիտասարդ հայ կինոռեժիսորներին սովորեցնի, որ միջոցների և բավարար պայմանների պակասի դեպքում հնարավոր է աջակցություն ստանալ տարբեր կառույցներից և ավարտին հասցնել աշխատանքը:

«Շատ դժվար է սեփական ֆիլմը ներառել ինչ-որ միջազգային կինոփառատոնի ծրագրում: Շատ հայ ռեժիսորներ, Ռուսաստանի կինոփառատոներում ինչ-որ պարգևներ ստանալով, կարծում են, որ մեծ բարձրունքների են հասել, բայց նրանց պարգևները վերջին հաշվով ոչինչ չարժեն: Այն փաստը, որ Վաթինյանի կինոնկարը հրավիրվել էր այդքան կարևոր փառատոնի, արդեն մեծ հաղթանակ է»,- ասաց Խաչատրյանը:

Ըստ Խաչատրյանի, ֆիլմը պատմում է մարդկային մենակության մասին, այն մասին, թե ինչպես են մարդիկ կարողանում զգալ կամ չզգալ միմյանց, այն մարդկանց մասին, ովքեր ինչ-որ բան փնտրելու համար հետպատերազմյան ժամանակաշրջանում (ղարաբաղյան ազատագրման պատերազմից հետո. «Նովոստի-Արմենիա) թափառում են երկրով և չգիտեն պատերազմը վերջացել է, թե ոչ, իրենք ողջ են, թե ոչ:
«Իմ ընկերները, հայտնի կինոքննադատները, աշխարհի տարբեր երկրների ռեժիսորներ հիացած էին կինոնկարով, և հաշվի առեք՝ դրանք այն մարդիկ են, որոնց շատ դժվար է զարմացնել ինչ-որ բանով»,- ավելացրեց նա:

Ֆիլմում գլխավոր դերերը կատարում են Միքայել Վաթինյանը և Արմինե Անդան: Կինոնկարի բեմադրող օպերատորն է  Թամամ Խամզանը (Սիրիա), բեմադրող նկարիչն է Իվան Կրչադինացը (Սերբիա), կոմոպզիտորն է Արթուր Մանուկյանը:

Ֆիլմը նաև հրավիրված է 2012թ.-ի Երևանի «Ոսկե ծիրան» միջազգային կինոփառատոնին:
Պուսանում անցկացվող միջազգային կինոփառատոնը (Busan International Film Festival) Ասիայի խոշորագույն կինոփառատոներից է, որն ամեն տարի՝ 1996թ.-ից սկսած,  անցկացվում է հարավկորեական Պուսան քաղաքում: Ներկայացնում է սկսնակ ռեժիսորների նոր ֆիլմերն ու աշխատանքները:
Գյոթեբորգյան կինոփառատոնն ամեն տարի՝ 1979թ.-ից սկսած,  անցկացվում է Գյոթեբորգում (Շվեդիա): Գյոթեբորգյան կինոփառատոնը նույնպես կարևոր նշանակություն ունի՝ կինոարդյունաբերության բնագավառում կնքված պայմանագրերի տեսանկյունից: -0-Ա.Բ.

Loading...
Թեմատիկ նյութեր
Բաժնի այլ նյութեր
01:10
28 Հոկտեմբերի 2017
Դերասան Ալեքսանդր Խաչատրյանը ճանաչվել է լավագույնը Scandinavian International Film Festival–ում (ՖՈՏՈ)
Ալեքսանդր Խաչատրյանը, ով նկարահանվել է Ջիվան Ավետիսյանի «Վերջին բնակիչը» ֆիլմում, ճանաչվել է լավագույն դերասանը:
21:56
27 Հոկտեմբերի 2017
«Դեպի Եվրատեսիլ»-ի նոր եթերաշրջանը՝ Հանրայինի եթերում. հայտերի ընդունման մեկնարկը տրված է
Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը:
20:58
27 Հոկտեմբերի 2017
Հայոց ցեղասպանության մասին Ջո Բերլինգերի ֆիլմը հաղթել է Լոս Անջելեսի կինոփառատոնում (ՎԻԴԵՈ)
«Ոչնչացնելու մտադրություն» ֆիլմը պատմում է Օսմանյան կայսրությունում 102 տարի առաջ տեղի ունեցած դեպքերի մասին։
02:48
27 Հոկտեմբերի 2017
Գրեմմիի կրկնակի մրցանակակիրը հետաձգել է համերգային շրջագայությունը Yerevan Jazz Fest 2017–ի համար
Միլերը հետաձգել է իր համերգային շրջագայությունը, որպեսզի մասնակցի Yerevan Jazz Fest 2017 փառատոնին։
19:00
22 Հոկտեմբերի 2017
Դիանա Շալժիյանը ռուսական «Գոլոս» նախագծում գերել է Ագուտնին և անցել հաջորդ փուլ (ՎԻԴԵՈ)
Ռուսաստանի Առաջին ալիքով հեռարձակվող «Գոլոս» շոուի  6-րդ եթերաշրջանի «Մենամարտեր» փուլում Դիանա Շալժիյանը գերել է Լեոնիդ Ագուտինին, ով որոշել է թողնել Դիանային նախագծում։
23:49
20 Հոկտեմբերի 2017
Սերժ Թանկյանը ցնցված է հայ երաժիշտների կողմից նրա հեղինակած «Օրկա» սիմֆոնիայի կատարմամբ (ՖՈՏՈ, ՎԻԴԵՈ)
Չորս մասից բաղկացած մեծակտավ երաժշտական այս գործում Թանկյանը մտորում է մարդասիրության մասին։
18:37
20 Հոկտեմբերի 2017
Հայտնի ջազմեն Գարի Քյոսայանը հանդես կգա յուրօրինակ համերգով
Տեղի կունենա կոմպոզիտոր, ջազային դաշնակահար և երգեհոնահար Գարի Քյոսայանի հոբելյանական համերգը
05:00
18 Հոկտեմբերի 2017
Հայ արտիստները մրցանակների են արժանացել «Звезда Крыма» միջազգային մրցույթ-փառատոնում
Ղրիմում անցկացվել է «Звезда Крыма» միջազգային մրցույթ-փառատոնը, որին մեծ հաջողությամբ մասնակցել են նաև հայ արտիստները:
23:31
16 Հոկտեմբերի 2017
Հայկական ֆիլմը հավակնում է «Օսկարի»
Ֆիլմը ներառվել է «Լավագույն օտարալեզու ֆիլմ» անվանակարգում։
21:38
15 Հոկտեմբերի 2017
Տաղանդավոր Միշել Մստոյանը «Ձայն»-ի թիմերից մեկը (ՎԻԴԵՈ)
Հայազգի Միշել Մստոյանը ելույթ է ունեցել ռուսական առաջին ալիքով հեռարձակվող «Ձայն» վոկալի շոուի 6-րդ եթերաշրջանի կույր լսումներում:
18:30
14 Հոկտեմբերի 2017
Արամ MP3–ը պարային հիթ է ներկայացրել (ՎԻԴԵՈ)
Արամ MP3–ը ներկայացրել է «Սկսում ենք» պարային հիթը։
05:05
14 Հոկտեմբերի 2017
Հայ երգչի հիանալի ձայնը ստիպել է Գրադսկուն անմիջապես շրջվել «Ձայնը» շոուի ժամանակ (ՎՒԴԵՈ)
Հայ երգիչ Զաալի Սարգսյանի հիանալի ձայնը ստիպել է «Ձայնը» շոուի ժյուրիի անդամ Ալեքսանդր Գրադսկուն անմիջապես շրջվել «կույր» լսումների ժամանակ։