483.99
+0.93
563.46
+1.42
8.32
+0.02
+8
Եղանակը Երևանում
Հայ
Մարդկային հոգու վերածնման մասին պատմող կինոժապավենը կբացի Ճապոնական ֆիլմերի փառատոնը Հայաստանում
00:26
08 Նոյեմբերի 2011

ԵՐԵՎԱՆ, 7 նոյեմբերի. /Նովոստի-Արմենիա/. Դայսկէ Տենգանա ռեժիսորի՝ հնագույն այկի-ձյու-ձյուցու մարտարվեստի (ժամանակակից այկիդոյի նախակարապետը) միջոցով  մարդկային հոգու վերածնման մասին պատմող «Այկի» ֆիլմը կբացի Հայաստանում ճապոնական ֆիլմերի փառատոնը, երկուշաբթի հայտնեց «Hikari» հայ-ճապոնական գիտակրթական կենտրոնի նախագահ Կարիեն Փիլիպոսյանը «Նովոստի» միջազգային մամուլի կենտրոնում:

Փառատոնը կանցկացվի Երևանում նոյեմբերի 8-10-ը և Գյումրիում՝ նոյեմբերի 11-12-ը:
«Այկի» կինոժապավենի սյուժեի հիմքում ընկած է այկիդոյի դանիացի հանրահայտ վարպետ Օլե Յենսենի հետ պատահած իրական պատմությունը, ով 16 տարեկանից գամված է եղել հաշմանդամի սայլակին: Երիտասարդ հաջողակ բռնցքամարտիկ Թայտի ասիվարան պատրաստվում է հերթական առաջնությանը, երբ սարսափելի ավտովթարը զրկում է նրան քայլելու ունակությունից: Նրա երազանքները փշրվում են, նա դառնում է գործազուրկ և կորցնում է բոլոր նպատակները: Բայց սենսեյը նրան կարևոր գաղափար է սովորեցնում՝ «քո սայլակը քո մի մասն է», և աստիճանաբար Թայտին դառնում է անհաղթահարելի՝ լինելով հաշմանդամ:

«Վերջին մի քանի տարիների ընթացքում նկատվում է հայ-ճապոնական կապերի զգալի աշխուժացում, մասնավորապես, մշակութային կապերի, և փառատոնն այդ աշխուժացման բնական արդյունքն է»,- ընդգծեց Փիլիպոսյանը:

Նրա խոսքով, այսօրինակ միջոցառման անցկացումը, բացի հայկական մայրաքաղաքից, Գյումրիում նույնպես աննախադեպ է Հայաստանի փառատոների պատմության մեջ: «Հույս ունենք, որ մյուս փառատոների կազմակերպիչները մեզանից օրինակ կվերցնեն և չեն սահմանափակվի միայն Երևանով»,- ավելացրեց նա:

Կինոգետ Րաֆֆի Մովսիսյանն իր հերթին նշեց, որ փառատոնի անցկացումը պայմանավորված է վերջին տարիներին աշխարհում ճապոնական կինեմատոգրաֆի նկատմամբ աճող հետաքրքրությամբ: «Փառատոնը հայ հանդիսատեսի համար ճապոնական կինեմատոգրաֆին հաղորդակից լինելու բացառիկ հնարավորություն կդառնա՝ արտաքուստ հասարակ, բայց շատ խորը»,- ավելացրեց նա:
Փառատոնում կներկայացվեն ճապոնական կինեմատոգրաֆի տարբեր դարաշրջաններ՝ «ոսկեդար» (50-60-ական թթ.), ճապոնական կինոյի ճգնաժամի ժամանակաշրջան (80-ական թվականներ) և ճապոնական ժամանակակից կինո, ներկայացնող հինգ ժապավեններ:
Երևանի «Մոսկվա» կինոթատրոնում կայանալիք բացման արարողությանը ծրագրված է Հայաստանի այկիդոյի ֆեդերացիայի նախագահ Արմեն Ավետիսյանի և նրա սաների ցուցադրական ելույթը:

Նախատեսվում է նաև Կոնա Իտակավայի «Կրակ» ֆիլմի (1958) ցուցադրությունը Յուկիո Միսիմայի «Ոսկե տաճար» հայտնի վեպի մոտիվներով:
Հայ հանդիսատեսը կկարողանա դիտել նաև Տեցոու Սինոխարայի «Առաջին սեր» (1999), Մասատո Կատոյի «Ինչ է բերում ձյունը» (2005) ֆիլմերը  և Կաձույուկի Իձուցուի «Պատիգի. գլխով հարված» (2005) մարտական մելոդրաման:

Ֆիլմերի ցուցադրությունը կանցկացվի Երևանի «Մոսկվա» և Գյումրու «Հոկտեմբեր» կինոթատրոններում, մուտքն ազատ է:
Փառատոնի կազմակերպիչներն են՝ Հայաստանում Ճապոնիայի դեսպանությունը և «Hikari» հայ-ճապոնական գիտակրթական կենտրոնը՝ ՀՀ մշակույթի նախարարության աջակցությամբ: -0-

Loading...
Թեմատիկ նյութեր
Բաժնի այլ նյութեր
01:10
28 Հոկտեմբերի 2017
Դերասան Ալեքսանդր Խաչատրյանը ճանաչվել է լավագույնը Scandinavian International Film Festival–ում (ՖՈՏՈ)
Ալեքսանդր Խաչատրյանը, ով նկարահանվել է Ջիվան Ավետիսյանի «Վերջին բնակիչը» ֆիլմում, ճանաչվել է լավագույն դերասանը:
21:56
27 Հոկտեմբերի 2017
«Դեպի Եվրատեսիլ»-ի նոր եթերաշրջանը՝ Հանրայինի եթերում. հայտերի ընդունման մեկնարկը տրված է
Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը:
20:58
27 Հոկտեմբերի 2017
Հայոց ցեղասպանության մասին Ջո Բերլինգերի ֆիլմը հաղթել է Լոս Անջելեսի կինոփառատոնում (ՎԻԴԵՈ)
«Ոչնչացնելու մտադրություն» ֆիլմը պատմում է Օսմանյան կայսրությունում 102 տարի առաջ տեղի ունեցած դեպքերի մասին։
02:48
27 Հոկտեմբերի 2017
Գրեմմիի կրկնակի մրցանակակիրը հետաձգել է համերգային շրջագայությունը Yerevan Jazz Fest 2017–ի համար
Միլերը հետաձգել է իր համերգային շրջագայությունը, որպեսզի մասնակցի Yerevan Jazz Fest 2017 փառատոնին։
19:00
22 Հոկտեմբերի 2017
Դիանա Շալժիյանը ռուսական «Գոլոս» նախագծում գերել է Ագուտնին և անցել հաջորդ փուլ (ՎԻԴԵՈ)
Ռուսաստանի Առաջին ալիքով հեռարձակվող «Գոլոս» շոուի  6-րդ եթերաշրջանի «Մենամարտեր» փուլում Դիանա Շալժիյանը գերել է Լեոնիդ Ագուտինին, ով որոշել է թողնել Դիանային նախագծում։
23:49
20 Հոկտեմբերի 2017
Սերժ Թանկյանը ցնցված է հայ երաժիշտների կողմից նրա հեղինակած «Օրկա» սիմֆոնիայի կատարմամբ (ՖՈՏՈ, ՎԻԴԵՈ)
Չորս մասից բաղկացած մեծակտավ երաժշտական այս գործում Թանկյանը մտորում է մարդասիրության մասին։
18:37
20 Հոկտեմբերի 2017
Հայտնի ջազմեն Գարի Քյոսայանը հանդես կգա յուրօրինակ համերգով
Տեղի կունենա կոմպոզիտոր, ջազային դաշնակահար և երգեհոնահար Գարի Քյոսայանի հոբելյանական համերգը
05:00
18 Հոկտեմբերի 2017
Հայ արտիստները մրցանակների են արժանացել «Звезда Крыма» միջազգային մրցույթ-փառատոնում
Ղրիմում անցկացվել է «Звезда Крыма» միջազգային մրցույթ-փառատոնը, որին մեծ հաջողությամբ մասնակցել են նաև հայ արտիստները:
23:31
16 Հոկտեմբերի 2017
Հայկական ֆիլմը հավակնում է «Օսկարի»
Ֆիլմը ներառվել է «Լավագույն օտարալեզու ֆիլմ» անվանակարգում։
21:38
15 Հոկտեմբերի 2017
Տաղանդավոր Միշել Մստոյանը «Ձայն»-ի թիմերից մեկը (ՎԻԴԵՈ)
Հայազգի Միշել Մստոյանը ելույթ է ունեցել ռուսական առաջին ալիքով հեռարձակվող «Ձայն» վոկալի շոուի 6-րդ եթերաշրջանի կույր լսումներում:
18:30
14 Հոկտեմբերի 2017
Արամ MP3–ը պարային հիթ է ներկայացրել (ՎԻԴԵՈ)
Արամ MP3–ը ներկայացրել է «Սկսում ենք» պարային հիթը։
05:05
14 Հոկտեմբերի 2017
Հայ երգչի հիանալի ձայնը ստիպել է Գրադսկուն անմիջապես շրջվել «Ձայնը» շոուի ժամանակ (ՎՒԴԵՈ)
Հայ երգիչ Զաալի Սարգսյանի հիանալի ձայնը ստիպել է «Ձայնը» շոուի ժյուրիի անդամ Ալեքսանդր Գրադսկուն անմիջապես շրջվել «կույր» լսումների ժամանակ։