478.51
-0.06
560.91
-1.27
8.03
+0.05
+19
Եղանակը Երևանում
Հայ
«Դովլաթովի օրեր» միջազգային գրական փառատոն կբացվի Տալլինում
14:49
25 Օգոստոսի 2011

ԵՐԵՎԱՆ, 25 օգոստոսի. /Նովոստի-Արմենիա/. Գրող Սերգեյ Դովլաթովի 70-ամյակին նվիրված «Դովլաթովի օրեր» միջազգային գրական փառատոնը կսկսվի Էստոնիայի մայրաքաղաք Տալլինում, որտեղ մի քանի տարի ապրել և աշխատել է գրողը, հայտնում են փառատոնի կազմակերպիչները։  

Էստոնիայի Ազգային գրադարանում կկայանա փառատոնի հանդիսավոր բացումը։ Այնուհետև հանդիսատեսին և հյուրերին կներկայացվեն գրողի կյանքի և գործունեության մասին պատմող մի քանի վավերագրական ֆիլմեր, հաղորդում է «ՌԻԱ Նովոստին»։

Հաջորդ օրը Էստոնիայի Գրողների միությունում կանցկացվի գրական համաժողով, որում ելույթ կունենան գիտնականներ, ռուս գրականության ուսումնասիրությամբ զբաղվող և Դովլաթովին ճանաչած մարդիկ։ Ուրբաթ երեկոյան Էստոնիայի դրամատիկական թատրոնում հանդիսատեսը կդիտի «Կարդում ենք Դովլաթով» գրական ներկայացումը՝ բեմադրված գրողի նամակների, արձակի և չափածոյի հիման վրա։

Փառատոնը կավարտվի շաբաթ օրը՝ Էստոնիայի դրամատիկական թատրոնում «Ընկերաբար՝ Դովլաթովի մասին» հուշ երեկոյով, որին կմասնակցեն նրա պետերբուրգցի և տալինցի ընկերները և ծանոթները, ինչպես նաև Էստոնիայի ռուսական թատրոնի արտիստներ, ովքեր կկարդան Դովլաթովի սիրած բանաստեղծությունները։

«Դովլաթովը գրում էր, որ իր կյանքում երեք քաղաք է եղել՝ Լենինգրադ, Տալլին և Նյու Յորք։ Տալլինն առաջինն է երեք քաղաքներից հուշատախտակ տեղադրել Դովլաթովի տան վրա։ Առաջինն է երեք քաղաքներից Դովլաթովի օրեր կազմակերպել։ Հույս ունեմ, որ մենք առաջինը կբացենք Դովլաթովի հուշարձանը»,- փառատոնի կայքում հայտնել է բանաստեղծ, արձակագիր և դրամատուրգ Ելենա Սկուլսկայան։

Դովլաթովը ծնվել է 1941 թվականի սեպտեմբերի 3-ին՝ Ուֆայում։ 1944 թվականից  մինչև 1978 թվականը Դովլաթովն ապրել է առավելապես Լենինգրադում` բանակում ծառայության (1962-1965) և Տալլինում լրագրողական աշխատանքի (1972-1975) ընդմիջումով։ 

1972 թվականի սեպտեմբերից մինչև 1975 թվականի մարտը Դովլաթովն ապրել է Էստոնիայում։ Տալլինի գրանցում ստանալու համար մոտ երկու ամիս հնոցապան է աշխատել կաթսայատանը՝ միաժամանակ հանդես գալով որպես «Խորհրդային Էստոնիա» թերթի արտահաստիքային թղթակից։ Ավելի ուշ «Էստոնիայի նավաստի» թերթում զբաղեցրել է պատասխանատու քարտուղարի պաշտոնը։ Եղել է «Երեկոյան Տալլին» թերթի արտահաստիքային աշխատակից։ 1972 թվականի ամռանն ընդունվել է աշխատանքի «Խորհրդային Էստոնիա» թերթի տեղեկատվության բաժնում։

1978 թվականին իշխանությունների հետապնդումների պատճառով Դովլաթովը հեռացել է ԽՍՀՄ-ից և տեղափոխվել Նյու Յորք, որտեղ դարձել է «Նոր ամերիկացի» շաբաթաթերթի գլխավոր խմբագիրը։ Դովլաթովը մահացել է 1990 թվականի օգոստոսի 24-ին Նյու Յորքում՝ սրտային անբավարարությունից։ -0-

Loading...
Թեմատիկ նյութեր
Բաժնի այլ նյութեր
19:55
13 Օգոստոսի 2017
Ռոքերները «պայթեցրել» են Ծաղկաձորը (ՖՈՏՈ)
Ծաղկաձորում օգոստոսի 12-13-ին անցկացվում է EPIC Rock Fest 2017 բացօթյա առաջին մեծածավալ հայկական ռոք-փառատոնը:
14:37
07 Օգոստոսի 2017
Ջիվան Ավետիսյանի «Վերջին բնակիչը» կցուցադրվի նաև Վենետիկի կինոփառատոնում (ՎԻԴԵՈ)
Վենետիկի կինոփառատոնի շրջանակներում ֆիլմի ներկայացումն ու ցուցադրությունները նախատեսվում են սեպտեմբերին։
13:32
06 Օգոստոսի 2017
Դասականից մինչև ժամանակակից. հրապարակի երգող շատրվանները նոր երգացանկ ունեն
Հանրապետության հրապարակում տեղի է ունեցել երգող շատրվանների նոր երաժշտացանկի շնորհանդեսը:
20:26
03 Օգոստոսի 2017
Անդրեն ներկայացրել է «Ես կդառնամ» երգը (ԱՈՒԴԻՈ)
Հայաստանի վաստակավոր արտիստ Անդրեն հինգշաբթի ներկայացրել է «Ես կդառնամ» երգը։
19:45
03 Օգոստոսի 2017
Կոնստանտին Օրբելյանը` Օպերայի ակադեմիական թատրոնի տնօրեն
Կոնստանտին Օրբելյանը նշանակվել է Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրեն։
20:03
31 Հուլիսի 2017
«Ֆրեսկո» փառատոն. բացօթյա կինոդիտումներ, համերգներ, կինոճամբարներ Երևանում և մարզերում
«Ֆրեսկո» արդի արվեստի և հոգևոր ֆիլմերի չորրորդ միջազգային փառատոնը կմեկնարկի Հայաստանում օգոստոսի 25–ից։
15:37
31 Հուլիսի 2017
Սուրբ Աստվածածին եկեղեցու եզակի որմնանկարներն անհետացման վտանգի տակ են. փորձագետ
Որմնանկարները թվագրվում են 17 -րդ դարի վերջին և 18-րդ  դարի սկզբին, իսկ Աստվածածին եկեղեցին կառուցվել է 17-րդ դարի վերջին:
20:00
28 Հուլիսի 2017
Ռոբեր Գեդիկյանի ֆիլմը ներառվել է Վենետիկի 74-րդ կինոփառատոնի մրցութային ծրագրում
Ֆրանսահայ ռեժիսոր Ռոբեր Գեդիկյանի «Վիլլա» ֆիլմը ներառվել է Վենետիկի 74-րդ կինոփառատոնի մրցութային ծրագրում:
11:31
27 Հուլիսի 2017
Բոլիվուդի կինեմատոգրաֆիստներն առաջին անգամ ֆիլմ են նկարահանում Հայաստանում
Հնդկաստանից ժամանած մի խումբ կինեմատոգրաֆիստներ Հայաստանում նկարահանում են լիամետրաժ ֆիլմ:
13:35
26 Հուլիսի 2017
Հայտնի է «Եվրատեսիլ 2018»–ի անցկացման վայրը
Հայտնի է, թե որ քաղաքում կանցկացվի «Եվրատեսիլ 2018» մրցույթը։
12:50
23 Հուլիսի 2017
‹‹Ծիրանի ծառ›› երգը՝ Արամ MP3-ի նորովի մեկնաբանությամբ (ՎԻԴԵՈ)
Համացանցում է հայտնվել Արամ MP3-ի նորովի մեկնաբանությամբ ‹‹Ծիրանի ծառ›› ժողովրդական երգը:
12:59
19 Հուլիսի 2017
Ռեժիսոր Անդրեյ Կոնչալովսկին «Օսկարը» համեմատել է McDonald's–ի հետ
Ռեժիսոր Անդրեյ Կոնչալովսկին «Օսկարը» համեմատել  է McDonald's–ի հետ և առաջարկել է դրա դեմ պատժամիջոցներ ներդնել ՌԴ–ի կողմից։