478.2
-0.31
559.83
-1.08
8.05
+0.02
+26
Եղանակը Երևանում
Հայ
Վարդան Պետրոսյանը կներկայացնի երիտասարդության խնդիրների մասին պատմող «Սեռասարսափ» կինոներկայացումը
19:27
27 Հուլիսի 2011

Հայտնի հայ դերասան, երգիծաբան և դրամատուրգ Վարդան Պետրոսյանն օգոստոսի 8-ին և 9-ին Երևանի Պարոնյանի անվան երաժշտական կոմեդիայի պետական թատրոնում կներկայացնի ժամանակակից երիտասարդության բարդույթների և խնդիրների մասին պատմող «Սեռասարսափ» կինոներկայացումը:

«Սցենարը երկար ճանապարհ է անցել: Այն զարգացել է համաշխարհային ցնցումներին և քաղաքական իրադարձություններին զուգահեռ, և միշտ փոխել է իր անվանումը՝ «Մի վախեցեք», «Հիսուսը մեզ հետ է», «Յո երթաս»: Այնուհետև նա հանկարծակի ստացել է «Սեռասարսափ» անվանումը, քանի որ դրանում միշտ քննարկվում են այն հարցերը, որոնց մասին մենք և խոսում, և լռում ենք, մենք դրանց պատասխան ենք փնտրում, բայց չգիտես ինչու չենք ցանկանում քննարկել»,- չորեքշաբթի լրագրողներին ասաց Պետրոսյանը:

Երգիծաբանը պատմեց, որ իր կինոներկայացման մեջ պատմվում է երկու դասընկերների՝ գործարարի և թեթևաբարո կնոջ անսպասելի հանդիպման պատմությունը: Ըստ սյուժեի՝ դպրոցական տարիներին միմյանց սիրող մարդկանց հուզիչ և դրամատիկ հանդիպումը վերածվում է իշխանություն-ժողովուրդ փոխհարաբերության:

Պետրոսյանն ընդգծեց, որ բեմում նաև էկրան կտեղադրվի, ինչը թույլ կտա ներկայացման աուդիո-վիզուալ արդյունք ստեղծել:

Դերասանը նշեց հետաքրքրաշարժ մանրուքը՝ ներկայացման մեջ իշխանությունների և ընդդիմության միջև փոխհարաբերությունների մասին «Շախմատային դիվանագիտություն» անվանումով սկետչ կա, որը նա գուշակել է ավելի վաղ, քան հայկական իշխանությունների և ընդդիմադիր Հայ Ազգային կոնգրեսի միջև երկխոսության բանակցություններ կսկսվեին:

Պետրոսյանը լրագրողներին ասաց, որ ներկայացման ընթացքում նաև կքննարկվեն երիտասարդության այնպիսի արդիական խնդիրները, ինչպիսին է կրթության պաշտամունքը, որը վեր է ածվել «օժիտի համար» դիպլոմ ստանալուն, սիրային հարաբերությունները, որոնք ցուցադրական բնույթ են կրում:
Միաժամանակ դրամատուրգն ընդգծեց, որ ստեղծագործության մեջ իր վերջնական նպատակը ոչ թե հասարակության դաստիարակումն է, այլ անձի ինքնաճանաչման հասնելը:

Ըստ նրա, ժամանակակից երիտասարդությունը միայնակ է և ավագ սերնդի օգնության կարիք ունի:
Երգիծաբանը նշեց, որ երիտասարդության հիմնական խնդիրն այն է, որ ժամանակակից կյանքի հովերն ընդունելով, վերջին հաշվով, ստիպված են հնազանդվել հին ավանդույթներին: -0-

Loading...
Թեմատիկ նյութեր
Բաժնի այլ նյութեր
19:55
13 Օգոստոսի 2017
Ռոքերները «պայթեցրել» են Ծաղկաձորը (ՖՈՏՈ)
Ծաղկաձորում օգոստոսի 12-13-ին անցկացվում է EPIC Rock Fest 2017 բացօթյա առաջին մեծածավալ հայկական ռոք-փառատոնը:
14:37
07 Օգոստոսի 2017
Ջիվան Ավետիսյանի «Վերջին բնակիչը» կցուցադրվի նաև Վենետիկի կինոփառատոնում (ՎԻԴԵՈ)
Վենետիկի կինոփառատոնի շրջանակներում ֆիլմի ներկայացումն ու ցուցադրությունները նախատեսվում են սեպտեմբերին։
13:32
06 Օգոստոսի 2017
Դասականից մինչև ժամանակակից. հրապարակի երգող շատրվանները նոր երգացանկ ունեն
Հանրապետության հրապարակում տեղի է ունեցել երգող շատրվանների նոր երաժշտացանկի շնորհանդեսը:
20:26
03 Օգոստոսի 2017
Անդրեն ներկայացրել է «Ես կդառնամ» երգը (ԱՈՒԴԻՈ)
Հայաստանի վաստակավոր արտիստ Անդրեն հինգշաբթի ներկայացրել է «Ես կդառնամ» երգը։
19:45
03 Օգոստոսի 2017
Կոնստանտին Օրբելյանը` Օպերայի ակադեմիական թատրոնի տնօրեն
Կոնստանտին Օրբելյանը նշանակվել է Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրեն։
20:03
31 Հուլիսի 2017
«Ֆրեսկո» փառատոն. բացօթյա կինոդիտումներ, համերգներ, կինոճամբարներ Երևանում և մարզերում
«Ֆրեսկո» արդի արվեստի և հոգևոր ֆիլմերի չորրորդ միջազգային փառատոնը կմեկնարկի Հայաստանում օգոստոսի 25–ից։
15:37
31 Հուլիսի 2017
Սուրբ Աստվածածին եկեղեցու եզակի որմնանկարներն անհետացման վտանգի տակ են. փորձագետ
Որմնանկարները թվագրվում են 17 -րդ դարի վերջին և 18-րդ  դարի սկզբին, իսկ Աստվածածին եկեղեցին կառուցվել է 17-րդ դարի վերջին:
20:00
28 Հուլիսի 2017
Ռոբեր Գեդիկյանի ֆիլմը ներառվել է Վենետիկի 74-րդ կինոփառատոնի մրցութային ծրագրում
Ֆրանսահայ ռեժիսոր Ռոբեր Գեդիկյանի «Վիլլա» ֆիլմը ներառվել է Վենետիկի 74-րդ կինոփառատոնի մրցութային ծրագրում:
11:31
27 Հուլիսի 2017
Բոլիվուդի կինեմատոգրաֆիստներն առաջին անգամ ֆիլմ են նկարահանում Հայաստանում
Հնդկաստանից ժամանած մի խումբ կինեմատոգրաֆիստներ Հայաստանում նկարահանում են լիամետրաժ ֆիլմ:
13:35
26 Հուլիսի 2017
Հայտնի է «Եվրատեսիլ 2018»–ի անցկացման վայրը
Հայտնի է, թե որ քաղաքում կանցկացվի «Եվրատեսիլ 2018» մրցույթը։
12:50
23 Հուլիսի 2017
‹‹Ծիրանի ծառ›› երգը՝ Արամ MP3-ի նորովի մեկնաբանությամբ (ՎԻԴԵՈ)
Համացանցում է հայտնվել Արամ MP3-ի նորովի մեկնաբանությամբ ‹‹Ծիրանի ծառ›› ժողովրդական երգը:
12:59
19 Հուլիսի 2017
Ռեժիսոր Անդրեյ Կոնչալովսկին «Օսկարը» համեմատել է McDonald's–ի հետ
Ռեժիսոր Անդրեյ Կոնչալովսկին «Օսկարը» համեմատել  է McDonald's–ի հետ և առաջարկել է դրա դեմ պատժամիջոցներ ներդնել ՌԴ–ի կողմից։